Wasɨn̰a 5:9 - Gabri Maja

⁹ Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,

Wasɨn̰a 5:9 ပူးပေါင်းရင်းမြစ်များ

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Matɨyo 26:28

Kɨya gɨ hɨnga ga kɛ le na kɨbarnɨ, na kɨbar gɨ da saɗe kɨbɨ pɨna ɓɨse gusu gɨ bugoŋ dugo kol cay kondɨwa gɨ da kalaŋ, bɨ ɗe Kumu ɗen̰ kuduroy jal cay ɨsɨnan̰əŋ kage bɨ.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

1 Korɛ̰t 6:20

Kumu bee nare caygɨŋ bon̰ caygɨŋ ɨni. Na toy di hɨn̰ wo̰ ma, ɗa gɨ kɨŋ dɨbɨ gusoŋ-tɔgɛ a cay Kumu dan̰ kuyoŋdi-gusɨgɨŋ.

1 Korɛ̰t 7:23

Kɨŋ-gandi na, Kumu bee nare caygɨŋ bon̰ caygɨŋ ɨni, na toy di hɨn̰ wo̰ ma, bɨləŋ gɨŋ gɔyɔŋ ga da kalaŋ naŋ.

Epɛs 1:7

Kol cay bugoŋ gɨ na bugoŋ pɨna te Kɨris le, kɨbardi gɨ bugoŋ coŋ le, lee gɨ Kumu dornagɨŋ kɨbɨ ɨsɨna gɨŋ coŋ bɨ, ɗe kuduroy jal a cay hɨnga kana ga dan̰ gɨyəŋdɨge naŋ gaŋ bɨ. Na hɨn̰ wo̰ ma Kumu gɨlna ɗarwa toyi di gumu tɔgɨ di ban lee dananagɨŋ.

Epɛs 5:19

Dɨban̰gɨŋ gusɨgɨŋ bandɨ dan̰ kɨra gɨ ni hɨramɨn̰ Kumu bɨ, gɨ ni dɨbɨn̰ gusoŋ-tɔgɛ bɨ, dan̰ kɨra gɨ Turnɔ ɗe-kuduroy-bɛrɛ ba bɨgɨŋ bɨ. Ayagɨŋ kɨra hɨraman̰gɨŋ Ba-gulɔŋ dan̰ ɗugoygɨŋ di pɨna.

Kɔlɔs 1:14

Dan̰ te bugoŋ pɨna dan̰ Kurondi le, Kumu dornagɨŋ beenagɨŋ daa bɨ, ɗe kuduroyi jal cay ɨsɨna konagɨŋ gɨŋ bɨ.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Titɨ 2:14

Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Əbɨro 11:14

Na cɨndi, kalaŋ ga yege kɔl hɨn̰ wo̰ na, kan gɨl doŋ yarara gɨ ke na mal naa cay gɨsəŋ kage ga ni somɨn̰ nee.

2 Pɨyɛr 2:1

Naa tumɔ, ka-yɔɔ-kɔl-gɨ-Kumu-ba-yɔɔ ga cɨndi naŋ woyge duroy te kalaŋ ga da Kumu. Haw kɛ kalɨn̰ ma, ka-gɨlɨn̰ kalaŋ hɨnga ga cɨndi naŋ woyge duroygɨŋ nee. Kan kɨya andaŋ duroygɨŋ dan̰ n̰ale kɨya gɨlɨn̰ kalaŋ hɨnga ga dan̰ gɨyəŋdɨge naŋ bɨ, hɨnga ga ɨsɨn tɔgɨ bɨ. Ba gɨlge hɨnga gɨ ba bɔyɛ cayge le, kan orge bɨrɨŋ kan̰ii coŋ bɨ. Kan malgage mundoŋ ɨrgan̰ a cay gusɨge koge gɨŋ gaŋ, ama mundoŋ koge le kɨya caga cɛd.

1 Ja̰ 1:7

Ama hɨn̰ gɨ na na guragɨŋ a duroy asɨn̰a dɨŋ hɨn̰ gɨ ban kalɨn̰ ma na asɨn̰a wo̰ bɨ na, na sol leen̰ cɨndi gɨ na na bugoŋgɨŋ pɨna duroyna dan̰ gusɨnagɨŋ bɨ, kɨbardi Kurondi Jesu dornagɨŋ mɨra te ɨsɨna konagɨŋ gɨŋ nɔm bɨ.

1 Ja̰ 2:2

Na ban ba-aye gusi bɨn̰ tɨma leen̰ hɨnga ga ni bogɨn̰ kɨbar, ɗe Kumu na ɗen̰ kuduroyi jal a cay ɨsɨna konagɨŋ gɨŋ. Gusi gɨ ban ay bɨn̰ tɨma le, na kol ɨsɨna konagɨŋ ƴɔbɨ naŋ. Ama na kɨya cay ɨsɨna gɨ da kalaŋ nɔm ga a cay gɨsəŋ gaŋ.

Wasɨn̰a 10:11

Ɨni na, kan jɨga yəŋ ɗaŋ coŋ hɨn̰: «Naa wa wa kalɨn̰ ma, ji jɨga ya-kɔl-gɨ-Kumu-ba-yɔɔ gɨ ojɨ cay hɨnga ga kɨya lɔɔ te wɔɔ gɨ da kalaŋ pɨna pɨna bɨ, labar gɨ da kalaŋ pɨna pɨna bɨ, kɨbɨ wɔɔ gɨ da kalaŋ pɨna pɨna bɨ, kɛrɨmbɛlɛŋ dan̰ kondiige bɨ le.»

Wasɨn̰a 11:9

Kalaŋ ga a te kɨbɨ wɔɔ gɨ toyi kan̰di kan̰di kɨya sɔge a duroy te labar nɔm bɨ, duroy te wɨn̰je nɔm bɨ, duroy te kalaŋ nɔm bɨ, ɨrgage sɔlɛ gundɨge ɓale wɔlɛ sɨbɨ dan̰ kɨway bɨ, kan kɨya narɨn̰ kalaŋ ɨmgɨge.

Wasɨn̰a 13:7

Kan biige gɨyəŋ ɗe na dɨbɨ kɨmbɨl dan̰ kalaŋ ga woyge dan̰ cɨndɨge bɨ, ɗe na boy-kɨmbɨl cayge bɨ. Kan biige dɔnɔ a cay te wɨn̰je nɔm bɨ, a cay labardi kalaŋ nɔm bɨ, a cay kɨbɨ wɔɔ nɔm bɨ, a cay te kalaŋ nɔm bɨ.

Wasɨn̰a 13:8

Kalaŋ nɔm ga a cay gɨsəŋ ga n̰ɨrege kɨmana le, kan ga n̰ɨrege kɨmana le, na kalaŋ ga tumɔ ɓɨrag a te ɗɔɔ gɨ da cay gɨsəŋ gaŋ kalɨn̰ ma, kan wala gusondɨge a duroy magtubu sɔmɛ-bɨra da kurɨn̰-dɨmangɨ gɨ kan walge tumoyi le naŋ.

Wasɨn̰a 14:6

Kardi nee, ɨŋ sol ba-ƴɔbɛ gɨ daa nii gɨ ɗaŋ say dan̰ majɨbii or duroy gɨɗɨgɨ-Kumu gɨŋ bɔb. Ban orɨn̰ dan̰ Kɔl-gɨ-Ɗari gɨ woy dan̰ tumoyi kɨya tɔgɛ bɛrnɛdi bɨn̰ kalaŋ ga somge a cay gɨsəŋ gaŋ. Bɨn̰ na te kalaŋ nɔm bɨ, te wɨn̰je nɔm bɨ, kalaŋ ga a te kɨbɨ wɔɔ nɔm bɨ, labardi kalaŋ nɔm bɨ.

Wasɨn̰a 15:3

Kan kɨbɨge kɨra hɨn̰ gɨ da Moyis, marɨna ba-gɨye gɨ da Kumu tumɔ ba kɨbɨn̰ wo̰. A duroy kɨra koge gɨŋ le, kan hɨramge Kumu kɨya gɨ na Kurɨn̰-dɨmangɨ le na ba poɗɨge yen̰ge hɨn̰: «Ji Ba-gulɔŋ gɨ dɔnɔdɨn̰ ɗɨn̰ dɔnɔ nɔm, Ji som a cay dɔnɔ nɔm, Gɨye-lɔɔdɨn̰ nɔm gɨmdəŋ tɔgɨ bɨ Dor turnoyi kɨɗɨn̰ bɨ. Ji dii-ƴaa a cay te kalaŋ nɔm, Ga a cay gɨsəŋ gaŋ bɨ, Ji lee hɨnga dan̰ cɨndi bɨ durɔ ɗɨngar bɨ.

Wasɨn̰a 17:15

Kardi nee ɨni na, ba-ƴɔbɛ gɨ daa nii le jɨga yəŋ ɗaŋ coŋ hɨn̰: «Kuray nɔm ga ji ba solge ga tama di ni ajɨba ba som nee le, gɨl na labardi kalaŋ bɨ, dɨmdɨrdi kalaŋ bɨ, te kalaŋ bɨ, kalaŋ ga a te kɨbɨ wɔɔ nɔm bɨ.

Wasɨn̰a 4:11

«Ay Ba-gulɔŋ Kumu koni, Ji ɓal gɨ kan kɨya dɨbɨn̰ gusoŋ-tɔgɛ can̰ bɨ, Dɨbɨn̰ hurɔmɔ can̰ bɨ, ɓal wɔɔ dɔnɔ bɨ, Kɨya wa na ji-bandi ba se hɨnga nɔm. Na dan̰ kuduroy geye kon̰ ƴɔbɨ ma Hɨnga nɔm lee gusɨge bɨ woy bɨ.»

Wasɨn̰a 5:12

Kan ayge te tumoyge daa pəŋ yen̰ge hɨn̰: «Kurɨn̰-dɨmangɨ gɨ walge tumoyi le, Ɓal wɔɔ dɔnɔ bɨ, Kandi-wɔɔ bɨ, cɨn̰-muɗɔlɛ bɨ, tɔgɨ bɨ, Hurɔmɔ bɨ, gusoŋ-tɔgɛ bɨ, hɨrame bɨ!»

Wasɨn̰a 5:6

Ɨni na, ɨŋ sol Kurɨn̰-dɨmangɨ a durdi kali-tɨrɨmbala a duroy kandi-se ga gɨɗɨgɨ-Kumu gaŋ bɔb duroy ka-muɗɔlɛ. Kurɨn̰-dɨmangɨ le gɨlɨn̰ hɨn̰ gɨ kan na walge tumoyi tumɔ wo̰. Kurɨn̰-dɨmangɨ le orɨn̰ dan̰ kɨben̰di jurgum bɨ tɨdi jurgum bɨ, kan na Turnɔ di da Kumu ga jurgum ga Kumu gɨyge a cay gɨsəŋ gaŋ nɔm.