Wasɨn̰a 5:5 - Gabri Maja

⁵ Ama ba muɗɔlɛ gɨ pɨna wo̰ a duroy kamdi yəŋ hɨn̰: «Ɨle naŋ. Sɨla! Gusugo gɨ a te wɨn̰je gɨ da Juda bɨ, te mon̰ gɨ da kɨlma Dabid bɨ le boy-kɨmbɨl. Ban ɓal gɨ ba pɨndɨre tambo di ɓagɨmɨn̰ge kɨbɨ magtubu kɨɗɨn̰ jurgum le bɨ hangɨn̰ magtubu le bɨ.»

Wasɨn̰a 5:5 ပူးပေါင်းရင်းမြစ်များ

Kɔl-gɨ-Ɗari gɨ Lug wal 23:28

Jesu bɨle cɨndi solge bɨ, yege hɨn̰: «Kandɨ ga Jerusalɛm, ɨlegɨŋ kol canɨ naŋ. Ama ɨlgɨŋ na kɨya cay gusɨgɨŋ kogɨŋ bɨ, karɨndɨgɨŋ bɨ.

Kɔl-gɨ-Ɗari gɨ Lug wal 7:13

Kɨɗɨn̰ ga Ba-gulɔŋ Jesu ba sol tama le na, cɨndo leeyi cɨn̰-n̰age bɨ, ban yoo hɨn̰: «Ɨle naŋ ɨni.»

Kɔl-gɨ-Ɗari gɨ Lug wal 8:52

Kalaŋ nɔm ga ba ɨrege nee le, ɨlege bɨ, teege kuduroyge kɨya cay turmɔ le. Ɨni na, Jesu yege hɨn̰: «Ɨlegɨŋ naŋ. Hɨndi mara naŋ, hɨndi woy na kuŋ.»

Kɔl-gɨ-Ɗari gɨ Ja̰ wal 20:13

Marɨne ga sɔɔ le, ɨngɨrɨn̰ge Mari kɔl yege hɨn̰: «Tama, kɛ na kɨya wa ma me ɨle ga?» Hɨndi dɨbɨge cay nee hɨn̰: «Ɨŋ ɨle na kɨya gɨ kan dorge Ba-gulonɨ boy umboŋ kamɨn̰aŋ gaŋ coŋ. Bɨ ɨŋ sɨla kɨɗɨn̰ ga kan orɨn̰ge danayi dɨbii nee naŋ.»

Magtubu di Pol wal bɨn̰ kalaŋ ga Rɔm 1:3

Kɔl-gɨ-Ɗari gɨ nee le kan walge ojɨn̰ na cay Ba-gulondɨna Jesu-Kɨris Kurɨn̰-Kumu. Kɨɗɨn̰ ga ban lee gusi leen̰ ungo gɨ ɨndi na, kan wooyge na a te wɨn̰je gɨ da kɨlma Dabid gɨŋ.

Magtubu di Pol wal bɨn̰ kalaŋ ga Rɔm 15:12

Ba-yɔɔ-kɔl-gɨ-Kumu-ba-yɔɔ Ijay ye ɗaŋ coŋ hɨn̰: «Kungay Jese pɨna kɨya andɨgaŋ, Na ban ba kɨya sɔ gɨ ni dɔɔ cayi te wɔɔ, Gɨ da kalaŋ pɨna pɨna le. Te wɔɔ gɨ da kalaŋ kɨya bɔgɛge ɨrɨmedɨge a cayi.»

Əbɨro 7:14

Kalaŋ nɔm solge gɨ Ba-gulondɨna na ungo gɨ wooyge na a te wɨn̰je gɨ da Juda gɨŋ. Bɨ kɨɗɨn̰ ga Moyis dor kɔl gɨ da ka-bɔgɛ kɨbar le, ban ya kɔl pɨna gɨ uja cay te wɨn̰je gɨ nee le naŋ.

Wasɨn̰a 1:1

Magtubu di kɛ le, na hɨnga ga woy kɨɗɨn̰ wɔsɛdɨge gaŋ ga Jesu-Kɨris wasɨn̰ cayge. Na Kumu ba bii ɗe na gɨlɨn̰ marɨne ka-gɨye kayi, ɗe na solɨn̰ge hɨnga ga ba kɨya ɨrga mɨnde. Na toy di hɨn̰ wo̰ ma, Jesu gɨy ba-ƴɔbɛ koyi gɨ daa nii ɗe na or wasɨn̰e cayge bɨn̰ marɨna ba-gɨye koyi Ja̰ ɗe na sol.

Wasɨn̰a 22:16

Ɨŋ-bandi Jesu, ɨŋ gɨy dan̰ ba-ƴɔbɛ hɨnge gɨ daa nii kol caygɨŋ kɨŋ-gandi Ka-Daye ɗe agɨŋ na jen̰ tɨmon̰ di da hɨnga nɔm ga woy a duroy magtubu di kɛ dɨŋ le. Ɨŋ na kungay Dabid bɨ kɨlma gɨ a te wɨn̰je koyi gɨŋ bɨ. Ɨŋ na turɨmbɔlɔ di asɨn̰ dan̰ tɔgɔɔ bɨ.

Wasɨn̰a 3:21

«Ungo gɨ na bɨya-kɨmbɨl na, ɨŋ kɨya aye nonɨ bii ɗe som danaŋ a cay kali-tɨrɨmbala tɨnge dɨŋ. Ho’o ban kɨya lɔɔ hɨnga hɨn̰ gɨ ɨŋ-bandi kalɨn̰ ma ɨŋ ba lee wo̰ bɨ. Ɨŋ-bandi ɨŋ boy-kɨmbɨl bɨ, ɨŋ or sɔmɛ dan̰ Banɨ Kumu a cay kali-tɨrɨmbala toyi dɨŋ.

Wasɨn̰a 4:10

ga muɗoldoŋ ga toyge-sɔɔ-cayge-poɗɨn̰ le poyge gɨbayge dugo tumoy ban gɨ som a cay kali-tɨrɨmbala dɨŋ bɨ, yen̰ge ba-sɔmɛ-bɨra ɨlge dan̰ ɨlge, been̰ge jagɨwa tɨrɨmbala kage dugo tumoy kali-tɨrɨmbala dɨŋ yen̰ge hɨn̰:

Wasɨn̰a 4:4

Ɨŋ sol kali toyge-sɔɔ cayge poɗɨn̰ nɨwɨre cay kali-tɨrɨmbala di nee le bɨ, kalaŋ ga muɗoldoŋ toyge-sɔɔ cayge poɗɨn̰ somge a cay nee, ga tobɨge badɨge ga bɛdɨrdɛŋ bɨ ga orɨn̰ge dan̰ jagɨwa-tɨrɨmbala ga leege dan̰ lɔr cayge bɨ.

Wasɨn̰a 5:4

Lee gɨ ɨŋ ɨle tɔgɨ kɨya gɨ waage ungo pɨna wo̰ gɨ ba ɓale haŋge kɨbɨ magtubu le dɨbɨn̰ tɨdi duroy nee naŋ bɨrɨŋ.

Wasɨn̰a 6:1

Kardi nee ɨŋ sol Kurɨn̰-dɨmangɨ ƴom tambo di ɓagɨmɨn̰ge kɨbɨ magtubu pɨna duroy ga jurgum le haŋgɨ ɨni na, ɨŋ je noy kandi-se ga gɨɗɨgɨ-Kumu gaŋ pɨna duroy ga poɗɨn̰ ye dan̰ te tumoyi di ye hɨn̰ ale gɨ da Kumu wo̰ ye hɨn̰: «Ɨre.»

Wasɨn̰a 7:13

Kardi nee ɨni na, ba-muɗɔlɛ gɨ pɨna duroy kamdi ay kɔl ɨngɨrəŋ ye hɨn̰: «Kɛ kalaŋ ga tobɨge badɨge ga sɨŋɗɨdəŋ ga bɛdɨrdɛŋ tɨrɨjɨ tɨrɨjɨ gusɨge le na ga ani ga? Bɨ kan saygage na ani ɨrgage ga?»