Wasɨn̰a 4:9 - Gabri Maja

⁹ Kɨɗɨn̰ ga kandi-se ga gɨɗɨgɨ-Kumu gaŋ ga poɗɨn̰ ga nee le, kɨbɨge kɨra dɨbɨn̰ge gusoŋ-tɔgɛ bɨ, dɨbɨn̰ge hurɔmɔ bɨ, leen̰ge ho’o bɨ a cay ban gɨ som a cay kali-tɨrɨmbala dɨŋ bɨ, a cay ban gɨ som-bɨra ɨlge dan̰ ɨlge bɨ na,

Wasɨn̰a 4:9 ပူးပေါင်းရင်းမြစ်များ

Əbɨro 7:25

Na toy di hɨn̰ wo̰ ma, kan ga ba ɨrgage gusi Kumu dan̰ gɨyəŋ gɨ da Jesu le, ban ɓal gɨ ni poɗɨge cay pɨna ƴɔbɨ dan̰ tumoyge. Kɨya wa Jesu le som-bɨra dan̰ tumoyi. Ban ye kɔl bɨn̰ Kumu kol cayge.

Əbɨro 7:8

Hɨn̰ wo̰ na, kongɨn̰i Lebi ga ka-ƴɔɔ kɨbɨ hɨnga ga pɨna duroy hɨnga ga mɔjɨ le, kan na kalaŋ ga kɨya marege. Ama Mɛlgisedɛg gɨ ba-ƴɔɔ kɨbɨ hɨnga ga pɨna duroy hɨnga ga mɔjɨ le, som-bɨra hɨn̰ gɨ Magtubu di da Kumu ba ye le.

Wasɨn̰a 1:18

Ɨŋ-bandi le, ɨŋ na ba-sɔmɛ-bɨra. Tumɔ ɨŋ ma, ama haw kɛ na ɨŋ som-bɨra, ɨŋ kɨya mare naŋ bɨrɨŋ ɨni. Ɨŋ orɨn̰ dan̰ dɔnɔ a cay tɨma dɨŋ bɨ, a cay dɔɔ-ƴaado dɨŋ bɨ.

Wasɨn̰a 10:6

Bɨ ban ɓɨse gusi dan̰ guson̰ ban gɨ ba-sɔmɛ-bɨra ɨlge dan̰ ɨlge bɨ, dan̰ guson̰ ban gɨ ba ɗɔɔ gɨɗɨgɨ-Kumu dan̰ hɨnga nɔm ga a duroy nee bɨ, dan̰ guson̰ ba ɗɔɔ cay gɨsəŋ dan̰ hɨnga nɔm ga a duroy nee bɨ, dan̰ guson̰ ba ɗɔɔ kuray gɨ gumu taa taa dan̰ hɨnga nɔm ga a duroy nee bɨ. Ba-ƴɔbɛ gɨ daa nii le ye hɨn̰: «Tɨwa di ɗaŋ di ungo ɗe pɨde unɔ ɨni.

Wasɨn̰a 15:7

Duroy kandi-se ga a gɨɗɨgɨ-Kumu gaŋ ga poɗɨn̰ le, pɨna duroyge bɨn̰ ka-ƴɔbɛ ga daa nii ga jurgum le kobo gɨ leege dan̰ lɔr won̰ jurgum. Kobo gɨ ni lɔr le walɨn̰ na dan̰ kuduroy hɔmɛ di da Kumu gɨ ba-sɔmɛ ɨlge dan̰ ɨlge.

Wasɨn̰a 21:5

Ɨni na, Kumu ba-sɔmɛ a cay kali-tɨrɨmbala dɨŋ le ye hɨn̰: «Sɨla, ɨŋ bɨle hɨnga nɔm leen̰ ga hɨrɨwa.» Bɨ ban yəŋ ɗaŋ hɨn̰: «Wala dugo, kɨya wa kɔl hɨnge nɔm na hɨnde bɨ, ban kɨya lɔɔ gusi leen̰ cɨndi bɨ.»

Wasɨn̰a 4:2

Kɔl gɨ kɨbɨna kɛ bɨ Turnɔ di da Kumu gɨsɨn canɨ bɨ, ɨŋ sol dan̰ kali-tɨrɨmbala di gɨɗɨgɨ-Kumu dɨŋ. A cay kali di nee le, ungo som cay nee.

Wasɨn̰a 4:8

Kandi-se ga gɨɗɨgɨ-Kumu gaŋ ga poɗɨn̰ ga nee le waŋ waŋ kalɨn̰ ma orɨn̰ dan̰ majɨbii won̰ jii jii bɨ, ti ƴee majɨbiige daa bɨ dugo bɨ ɗəndəŋ. Kan ɨre kɨbɨge kɨra son̰do dan̰ tɨwa di ɨni ɗan̰ge kɨbɨ kɨra daa naŋ bɨrɨŋ yen̰ge hɨn̰: «Ba-wɔyɛ dan̰ cɨndi, Ba-wɔyɛ dan̰ cɨndi, Ba-wɔyɛ dan̰ cɨndi, Na Ba-gulɔŋ Kumu gɨ dɔnɔdi ɗɨn̰ dɔnɔ nɔm, Ban som nee a boy wɔlɛ gɨ haw kɛ gɨŋ bɨ, A boy wɔlɛ gɨ tumɔ gɨŋ bɨ, A boy wɔlɛ gɨ kɨya tɨlga nee gɨŋ bɨ.»

Wasɨn̰a 5:1

Ban gɨ som a cay kali-tɨrɨmbala dɨŋ le, ɨŋ sol magtubu di nongɨri di walge kɔl duroy nee bɨ kardi nee bɨ a kobi gɨ bara gɨŋ. Magtubu di nee le ɓagɨmge kubo dan̰ tambo kɨɗɨn̰ jurgum.

Wasɨn̰a 6:16

Kan yen̰ge garman̰əŋ bɨ, karɨn̰ orun̰əŋ bɨ: «Laydangɨŋ cayni wɨsanigɨŋ hen̰ cɨn̰ ba-sɔmɛ a cay kali-tɨrɨmbala dɨŋ bɨ, cɨn̰ kuduroy-hɔmɛ da Kurɨn̰-dɨmangɨ bɨ.

Wasɨn̰a 7:15

Na toy di hɨn̰ wo̰ ma, kan ɨrege a tumoyi kali-tɨrɨmbala da Kumu dɨŋ leen̰ge gɨye bii, duroy son̰do dan̰ tɨwa di ɨni bɨ, duroy ƴaa toyi dɨŋ bɨ. Ban gɨ som a cay kali-tɨrɨmbala toyi dɨŋ le kɨya ƴomge te dabaŋ koyi gɨŋ.