Wasɨn̰a 4:4 - Gabri Maja

⁴ Ɨŋ sol kali toyge-sɔɔ cayge poɗɨn̰ nɨwɨre cay kali-tɨrɨmbala di nee le bɨ, kalaŋ ga muɗoldoŋ toyge-sɔɔ cayge poɗɨn̰ somge a cay nee, ga tobɨge badɨge ga bɛdɨrdɛŋ bɨ ga orɨn̰ge dan̰ jagɨwa-tɨrɨmbala ga leege dan̰ lɔr cayge bɨ.

Wasɨn̰a 4:4 ပူးပေါင်းရင်းမြစ်များ

Matɨyo 19:28

Jesu dɨbɨge cay nee yege hɨn̰: «Aŋ yəgɨŋ daa waŋ na cɨndi: Kɨɗɨn̰ ga hɨnga nɔm kɨya bɨləŋ ga hɨrɨwa na, Kurɨn̰-ungo kɨya sɔmɛ cay kali-tɨrɨmbala toyi di ni gusoŋ-tɔgɛ dɨŋ ɨni na, kɨŋ ga kɨŋ kobɨ karɨnɨ le, kɨŋ kɨya sɔmɛ a cay kali-tɨrɨmbala ga mɔjɨ-cayge-sɔɔ gaŋ, kɨya bon̰ kɔl a cay te wɨn̰je ga mɔjɨ-cayge-sɔɔ gɨ da karɨn̰ Ɨsɨrayɛl.

Kɔl-gɨ-Ɗari gɨ Lug wal 22:30

Na toy di hɨn̰ wo̰ ma, kɨŋ kɨya dɔɔ bɨ, sɔɔ bɨ a kɨbɨ hɨnga ga ni dɔɔ gɨŋ a boy dɔɔ-ƴaa tɨnge dɨŋ. Bɨ kɨŋ kɨya somɨn̰ a cay kali-tɨrɨmbala dɨŋ bon̰ kɔl a cay te wɨn̰je ga mɔjɨ-cayge-sɔɔ ga Ɨsɨrayɛl.»

2 Timote 4:8

Haw kɛ na, hɨnga ga ni cay kɔbɔ ga da ka-aye banga woy gamaŋ: Hɨnga ga nee le, na jagɨwa ga ni an̰ banga gɨ da gɨye-lɔɔ gɨ or dan̰ durɔ ɗɨngar, gɨ Ba-gulɔŋ, ba-bɔyɛ kɔl gɨ dan̰ durɔ, kɨya bəŋ wɔlɛ gɨ ni bon̰ kɔl gɨŋ le. Ban kɨya bəŋ na ɨŋ-bandi ƴɔbɨ naŋ, ama kɨya bɨn̰ kalaŋ nɔm ga kol caga koyi mooge tɔgɨ, ma somge kɨya gamiige le bɨ.

Wasɨn̰a 11:16

Ɨni na, ka-muɗɔlɛ ga toyge-sɔɔ-cayge poɗɨn̰ ga somge a cay kali-tɨrɨmbala dɨŋ tumoy Kumu le, bugoŋge dugo ɨmdɨn̰ge cɨndɨge dugo bɨ n̰ɨrɨn̰ge Kumu,

Wasɨn̰a 14:3

Kalaŋ ga ɨrege dan̰ kurɨn̰-dɨmangɨ le, kɨbɨge kɨra gɨ hɨrɨwa tumoy kali-tɨrɨmbala bɨ, tumoy kandi-se ga a gɨɗɨgɨ-Kumu gaŋ ga poɗɨn̰ bɨ tumoy ga muɗoldoŋ bɨ. Ungo pɨna wo̰ gɨ ba ɓale tɨrabe kɨra gɨ nee le unɔ, na kalaŋ ga dubu kɨɗɨn̰ aru dan̰ toyge poɗɨn̰ cayge poɗɨn̰ ga kurɨn̰-dɨmangɨ boy cayge duroy kalaŋ ga cay gɨsəŋ gaŋ ƴɔbɨ ba ɓalege.

Wasɨn̰a 19:14

Asɨgarn̰əŋ ga a gɨɗɨgɨ-Kumu gɨŋ kobɨge kardi. Kan nayge a cay hɨndɛrɛŋ ga bɛdɨrdɛŋ gaŋ bɨ tobɨge na badɨge ga kɨledɨge osu ga bɛdɨrdɛŋ tɨrɨjɨ tɨrɨjɨ bɨ, arɨn̰daŋ cərərə cərərə bɨ.

Wasɨn̰a 19:4

Ɨni na, ka-muɗɔlɛ ga toyge-sɔɔ-cayge-poɗɨn̰ bɨ, kandi-se ga gɨɗɨgɨ-Kumu gaŋ ga poɗɨn̰ bɨ, poyge gɨbayige dugo bɨ n̰ɨrɨn̰ge Kumu gɨ som a cay kali-tɨrɨmbala dɨŋ le yen̰ge hɨn̰: «Ɗa-ɗe-woy-hɨn̰-wo̰! Aleluya!»

Wasɨn̰a 2:10

Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.

Wasɨn̰a 20:4

Kardi nee, ɨŋ sol kali-tɨrɨmbalan̰əŋ. Kalaŋ ga somge cay nee le, kan bɨgege gɨyəŋ gɨ kan na bɨyan̰ kɔl. Ɨni na, ɨŋ sol turnoy kalaŋ ga sɨdɨrdege cayge coŋ dan̰ tuguyu kol tɨmon̰ di kan lee kɨya cay Jesu bɨ, kol bɛrnɛ di da kɔl gɨ da Kumu bɨ. Kalaŋ ga nee le na kalaŋ ga n̰ɨrge kɨmana le naŋ bɨ, turnoyi naŋ bɨ, tɨnda hɨnga wɨya a jɨndɨge naŋ bɨ, kobɨge naŋ bɨ. Kan jɨgage som-bɨra bɨ, diige cay ƴaa pɨna dan̰ Kɨris ɓal ɨlge dubu-pɨna.

Wasɨn̰a 3:18

Na toy di hɨn̰ wo̰ ma, ɨŋ gɨlgɨŋ kɔl gɨ kɨŋ ɨre kɨl lɔr di woy kɔbɔŋ di uyge tɨwa dɨŋ agɨŋ bɨlɨn̰ ka-wɔɔ hɨnga. Kɨlgɨŋ badɨge ga bɛrɛ tɨrɨjɨ kɔbɔŋ tɨlan̰gɨŋ gusɨgɨŋ gɨ woy kalɨn̰ ɗe dasi dɨgɨŋ naŋ bɨ. Kɨlgɨŋ gasɨɗe ga ni dɨbe tɨdɨgɨŋ a kɔbɔŋ ɗe tɨdɨgɨŋ solɨn̰ kɨɗɨn̰ arɨn̰ yarara bɨ.

Wasɨn̰a 4:10

ga muɗoldoŋ ga toyge-sɔɔ-cayge-poɗɨn̰ le poyge gɨbayge dugo tumoy ban gɨ som a cay kali-tɨrɨmbala dɨŋ bɨ, yen̰ge ba-sɔmɛ-bɨra ɨlge dan̰ ɨlge, been̰ge jagɨwa tɨrɨmbala kage dugo tumoy kali-tɨrɨmbala dɨŋ yen̰ge hɨn̰:

Wasɨn̰a 4:6

Ɗaŋ coŋ a tumoy kali-tɨrɨmbala le, ɨŋ sol kɨɗɨn̰ ga woli ga gɨlɨn̰ hɨn̰ kuray gɨ gumu taa taa gɨ kaŋdi ɨre arɨn̰ yarara bɨrɨŋ gɨ toyge dugo kalɨn̰ ma ungo ɓal sɔlɛ. Ɨŋ sol kandi-se ga gɨɗɨgɨ-Kumu gaŋ won̰ poɗɨn̰ ga gusɨge wandɨn̰ dan̰ ti, jɨn̰ tumɔ bɨ karu bɨ a duroy kali-tɨrɨmbala dɨŋ bɨ, a kardi nee nɨwɨre caa daa bɨ.

Wasɨn̰a 5:11

Ɗaŋ coŋ ɨŋ sol kɨɗɨn̰ ɗɛr na, ɨŋ je noy ka-ƴɔbɛ ga daa nii dan̰ kondɨwayge nɨwɨrege cay kali-tɨrɨmbala daa cɨɗɨgɨ. Ɨŋ je noy kandi-se ga gɨɗɨgɨ-Kumu gaŋ bɨ, ɨŋ je noy ka-muɗɔlɛ bɨ. Kondɨwayge na dubu-kɨɗɨn̰-mɔjɨ dan̰ kardɨge bɨ mɨlɨn̰o̰ dan̰ kardɨge jɨn̰ daa bɨ.

Wasɨn̰a 5:14

Kandi-se ga gɨɗɨgɨ-Kumu gaŋ ga poɗɨn̰ le, dɨbɨge cay nee yen̰ge hɨn̰: «Ɗa-ɗe-woy-hɨn̰-wo̰!» Kɨɗɨn̰di ga nee gaŋ le bɨ ka-muɗɔlɛ le poyge gɨbayge dugo n̰ɨriige.

Wasɨn̰a 5:6

Ɨni na, ɨŋ sol Kurɨn̰-dɨmangɨ a durdi kali-tɨrɨmbala a duroy kandi-se ga gɨɗɨgɨ-Kumu gaŋ bɔb duroy ka-muɗɔlɛ. Kurɨn̰-dɨmangɨ le gɨlɨn̰ hɨn̰ gɨ kan na walge tumoyi tumɔ wo̰. Kurɨn̰-dɨmangɨ le orɨn̰ dan̰ kɨben̰di jurgum bɨ tɨdi jurgum bɨ, kan na Turnɔ di da Kumu ga jurgum ga Kumu gɨyge a cay gɨsəŋ gaŋ nɔm.

Wasɨn̰a 5:8

Kɨɗɨn̰ ga Kurɨn̰-dɨmangɨ ƴee magtubu le na, kandi-se ga gɨɗɨgɨ-Kumu gaŋ ga poɗɨn̰ bɨ, ka-muɗɔlɛ ga toyge-sɔɔ cayge poɗɨn̰ bɨ le, poyge gɨbayge dugo tumoy Kurɨn̰-dɨmangɨ le. Waŋ waŋ kalɨn̰ ma orɨn̰ dan̰ jange bɨ, ungo di leege dan̰ lɔr di kɨrbaŋdi hɨnga ga ɗo̰ tɨna wanɨn̰ nee. Kɨrbaŋdi hɨnga ga ɗo̰ tɨna le, na ɔlɛ gɨ da kalaŋ ga woyge dan̰ cɨndɨge.

Wasɨn̰a 6:11

Kalaŋ pɨna pɨna nɔm ga kan naa dɨɗɨgege le, bɨgege badɨge ga bɛrɛ ga sɨngɨɗɨdəŋ. Ɗaŋ coŋ kan yegege gɨ kan na dɨbɨ ɗugoyge lam nee ƴee coŋ, bɨrɨŋ gɨsɨn̰ gɨ kamdɨge ka-lɔɔ gɨye bɨ karmɨge bɨ, gɨ kan kɨya dɨɗɨge hɨn̰ kan wo̰ bɨ le kondɨwayge na ɓala dɨm.

Wasɨn̰a 7:11

Ɨni na, ka-ƴɔbɛ ga daa nii nɔm ga ɨrege daa nɨwrɨn̰ge cay kali-tɨrɨmbala bɨ, cay ka-muɗɔlɛ bɨ, cay kandi-se ga a gɨɗɨgɨ-Kumu gaŋ ga poɗɨn̰ bɨ le, laydaŋge hɨmdɨn̰ge cɨndɨge dugo tumoy kali-tɨrɨmbala bɨ n̰ɨrɨn̰ge Kumu,

Wasɨn̰a 7:9

Kardi hɨnga nɔm ga nee le, ɨŋ sol dɨmdɨrdi kalaŋ dan̰ kondige ga ungo ɓala ɗɔngɨsɛ naŋ. Kan na kalaŋ ga a te kalaŋ ga ani ani bɨ, te wɨn̰je gɨ ani ani bɨ, te labar gɨ ani ani bɨ, te kɨbɨ wɔɔ gɨ ani ani bɨ. Kan ɨrege dan̰ tɨbayge daa tumoy kali-tɨrɨmbala bɨ, tumoy Kurɨn̰-dɨmangɨ bɨ. Kan tobɨge badɨge ga sɨngɨɗɨdəŋ ga bɛrɛ gusɨge bɨ ƴomge kabɨn̰ mɨlɨn̰ kobɨge bɨ.

Wasɨn̰a 9:7

Kuun̰əŋ le woyge gɨlɨn̰ hɨn̰ hɨndɛrɛŋ ga tobɨge hɨnga ga ni loon̰ kɨmbɨl gusɨge ga ɨre cay tɨbayge dɨŋ gɨ ni kɨmbɨl wo̰. Hɨnga gɨlɨn̰ hɨn̰ jagɨwa-tɨrɨmbala di leege dan̰ lɔr wo̰ a cayge bɨ, cɨndɨge gɨlɨn̰dɨn̰ hɨn̰ ga da kalaŋ ga ɨndəŋ wo̰ bɨ.