Wasɨn̰a 3:8 - Gabri Maja

⁸ “Ɨŋ sol gɨye-lɔɔdɨgɨŋ nɔm. Sɨlagɨŋ, ɨŋ haŋgɨ kɨbɨ-ƴaa ɗe hangɨwa a tumoygɨŋ”. Ungo pɨna wo̰ kalɨn̰ ma kɨya ɓale lɨge naŋ. Ɨŋ sol gɨ togɨygɨŋ na dḛ wo̰ haa, ama na hɨn̰ wo̰ kalɨn̰ ma, kɨŋ gam dan̰ kɔl hɨnge bɨ kɨŋ man̰a kɨbɨgɨŋ kol canɨ naŋ bɨ.

Wasɨn̰a 3:8 ပူးပေါင်းရင်းမြစ်များ

Kɔl-gɨ-Ɗari gɨ Lug wal 12:9

Ama waŋ waŋ gɨ na ya naji tumoy kalaŋ gɨ ɗi na sɨlaŋ naŋ na, ɨŋ-bandi kurɨn̰ ungo kalɨn̰ ma, maŋ kɨya yɔ tumoy ka-ƴɔbɛ ga da Kumu gɨ ɨŋ na sɨlayi naŋ bɨ.

Kɔl-gɨ-Ɗari gɨ Ja̰ wal 15:20

Kɨŋ hɨn a cay kɔl gɨ ɨŋ ba yəgɨŋ ye hɨn̰: Marɨna ba-gɨye gumu ɗɨn̰ ba-gulɔŋ di naŋ le. Hɨn̰ gɨ kan na gɨləŋge cɨn̰-n̰age na, kan kɨya gɨlgɨŋge cɨn̰-n̰age bɨ. Hɨn̰ gɨ kan na aya kɔl hɨnge laan̰ gɨye na, kɨŋ kalɨn̰ ma, kan kɨya ayege kɔl kogɨŋ loon̰ gɨye bɨ.

Kɔl-gɨ-Ɗari gɨ Ja̰ wal 17:6

Kalaŋ ga ji ba torge duroy kalaŋ ga cay gɨsəŋ gaŋ bəŋ le, ɨŋ lee gɨ kan solge gusondɨn̰. Kan na kan̰ tumɔ ma man̰ bəŋ danage: Kɔl kon̰ le kan ayge leen̰ge gɨye.

Gɨye-lɔɔ 14:27

Kɨɗɨn̰ ga kan bugoŋ a Antɨyɔs ɨni na, kan teege ka-aye kudurɔ nɔm na dayage cayge bɨ, kan dorge te hɨnga nɔm ga Kumu ba lee dan̰ gɨyəŋ koge bɨ, gɨyəŋ gɨ hangaŋ bɨn̰ kalaŋ ga toyge na Jubɨ naŋ ayɨn̰ kuduroyge bɨ le.

1 Korɛ̰t 16:9

kɨya wa Kumu haŋgɨ kɨbɨ gɨyəŋ bəŋ bɨ ɨŋ orɨn̰ dan̰ gɨyəŋ gɨ ni loon̰ gɨye kuɗa tɔgɨ bɨ. Ama ka-baanɨ kondɨge tɔgɨ.

2 Korɛ̰t 2:12

Ɨŋ bugoŋ a cay ƴaa-di-gumu di Tɨrowas kɨya togɨn̰-bɛrnɛ di da Kɔl-gɨ-Ɗari gɨ da Kɨris. Kɨɗɨn̰ ga ɨŋ bugoŋ na, Ba-gulɔŋ haŋgɨ kɨbɨ gɨyəŋ dɨbɨ hangɨwa ɗe gɨ ɨŋ na tɨgan̰ bɛrnɛ.

Pilib 4:13

Ɨŋ ɓal lɔɔ hɨnga nɔm dan̰ gɨyəŋ gɨ da Kɨris gɨ ba bəŋ dɔnɔ.

Kɔlɔs 4:3

Ulayigɨŋ kol cayni bɨ. Ulagɨŋ Kumu ɗe haŋgɨ gɨyəŋ gɨ da tɔgɛ bɛrnɛ a tumoyni ɗe ani teen̰ bɛrnɛ gɨ da hɨnga ga woy a kɨɗɨn̰ wɔsɛdɨge gaŋ ojɨn̰ cay Kɨris, gɨ ɨŋ won̰ dangay dɨŋ koldi le bɨn̰ kalaŋ.

1 Timote 5:8

Hɨn̰ gɨ ungo na sɨla kardi ka-wandɨ kayi naŋ ɗɨn̰ kɨɗɨn̰ coŋ le bɨ, sɨla kardi kalaŋ ga duroy ƴaadi gɨŋ naŋ bɨ na, ungo gɨ nee le na ungo gɨ nongɨ aye kudurɔ koyi ɗe coŋ bɨ, na ungo gɨ ɨsɨni ɗɨn̰ ungo gɨ aya kuduroy naŋ bɨ.

2 Timote 4:7

Ɨŋ worɨn̰ wɔrɨn̰ɛ gɨ kuɗa bɨ, ɨŋ dɨɗɨ kɨbɨ gɨre hɨnge bɨ, ɨŋ gam aye kudurɔ hɨnge bɨ.

Magtubu di Jud wal 1:4

Kɨya wa kalaŋ ga pɨna andaŋge duroygɨŋ dan̰ wɔsɛ. Kalaŋ ga nee le, kɔl ƴom cayge ɨni kol gɨye-lɔɔdɨge. Tumɔ ka-yɔɔ-kɔl-gɨ-Kumu-ba-yɔɔ walge kɔl gɨ ojɨ cayge. Kan na ka-baa ga da Kumu. Kɔl gɨ ojɨ cay ɗarwa di da Kumu konagɨŋ le, kan bɨliige dɨbiige masa age na yoyɨn̰ gorɨn̰ daa. Kan kan̰ge kɔbɛ Jesu-Kɨris ba-cay nagɨŋ bɨ, Ba-gulondɨna bɨ, gɨ pɨna hayi kəɗ kəɗ le.

Wasɨn̰a 2:13

Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.

Wasɨn̰a 2:2

Ɨŋ sol hɨnga nɔm ga kɨŋ lee bɨ, ɨŋ sol leen̰ cɨndi gɨ kɨŋ gɨlal toy nee bɨ, kɨŋ ƴom kuduroygɨŋ osu bɨ. Ɨŋ sol kuɗa hɨn̰ gɨ kɨŋ kɨya ɓale bugoŋ a te ka-kuduroy-ɨndɨwa naŋ bɨ. Kɨŋ gɨwasɨ ka-lɔɔ poy ga yege gɨ ke naa ka-gɨre-gɨye bɨ, kɨŋ solge gɨ kan na ka-poy bɨ.

Wasɨn̰a 22:7

Jesu ye hɨn̰: «Sɨlagɨŋ, ɨŋ tɨlga mɨnde nee. Tumoy wolwa woy kol cay ungo gɨ ba game kɔl gɨ Kumu ba-yɔɔ gɨ woy a duroy magtubu di kɛ dɨŋ le.»

Wasɨn̰a 3:1

Ungo gɨ ɨŋ ba solii le ye ɗaŋ coŋ ye hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Sardɨ. «Ban gɨ Turnɔ di da Kumu ga jurgum bɨ, dɛsɨɗɛŋ ga jurgum bɨ woyge kobi le ye hɨn̰: Ɨŋ sol gɨye-lɔɔdɨn̰. Gusoŋ gɨ ni sɔmɛ-bɨra ba yɔɔ can̰ kalɨn̰ wo̰, ama leen̰ cɨndi na ji woy gɨlɨn̰ na hɨn̰ ungo gɨ ma wo̰ ɨni.

Wasɨn̰a 3:10

Kɨŋ gam kɔl hɨnge ƴomɨn̰ kuduroygɨŋ. Na toy di hɨn̰ wo̰ ma ɨŋ-bandi kalɨn̰ ma ɨŋ kɨya gamgɨŋ a tɨwa di hɨnga ga ni kuduroy-hɔmɛ kɨya andaŋ a cay kalaŋ ga cay gɨsəŋ gaŋ nɔm. Hɨnga ga ni kuduroy-hɔmɛ le, kɨya gɨwase kalaŋ ga somge cay gɨsəŋ gaŋ kɛ.

Wasɨn̰a 3:15

Ɨŋ sol gɨye-lɔɔdɨgɨŋ. Ɨŋ sol gɨ kɨŋ ɨl naŋ bɨ jala naŋ bɨ. Kuɗadi na kɨŋ jala naŋ le, kɨŋ ɨl.

Wasɨn̰a 3:7

Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Piladelpi. «Ban gɨ woy dan̰ cɨndi bɨ, ban gɨ na ungo gɨ hɨnde bɨ, ban gɨ ƴom lakɨle ga da kɨlma Dabid kobi bɨ. Ban gɨ na hanga kɨbɨ-ƴaa na, ungo pɨna wo̰ kalɨn̰ ma kɨya ɓale lɨge naŋ bɨ, ban gɨ na lɨgɨ kɨbɨ-ƴaa na, ungo pɨna wo̰ kalɨn̰ ma kɨya ɓale hange naŋ bɨ le, ye hɨn̰: