Wasɨn̰a 3:7 - Gabri Maja

⁷ Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Piladelpi. «Ban gɨ woy dan̰ cɨndi bɨ, ban gɨ na ungo gɨ hɨnde bɨ, ban gɨ ƴom lakɨle ga da kɨlma Dabid kobi bɨ. Ban gɨ na hanga kɨbɨ-ƴaa na, ungo pɨna wo̰ kalɨn̰ ma kɨya ɓale lɨge naŋ bɨ, ban gɨ na lɨgɨ kɨbɨ-ƴaa na, ungo pɨna wo̰ kalɨn̰ ma kɨya ɓale hange naŋ bɨ le, ye hɨn̰:

Wasɨn̰a 3:7 ပူးပေါင်းရင်းမြစ်များ

Matɨyo 16:19

Ɨŋ-bandi ɨŋ bɨn̰ lakɨlen̰əŋ ga ni kɨbɨ-ƴaa dɔɔ-ƴaa di a gɨɗɨgɨ-Kumu dɨŋ. Hɨnga ga ji kɨya saɗe a cay gɨsəŋ gaŋ na, kan kɨya saɗege a daa nii bɨ, hɨnga ga ji kɨya pɨndɨre a cay gɨsəŋ gaŋ kɛ na, kan kɨya pɨndɨrege a gɨɗɨgɨ-Kumu gɨŋ bɨ.»

Matɨyo 24:35

Gɨɗɨgɨ-Kumu dan̰ cay gɨsəŋ kɨya pɨdege, ama kɔl hɨnge na, kɨya pɨde naŋ bɨrɨŋ.

Marg 1:24

«Jesu gɨ Najarɛt, ji gey na wa gusɨni ga? Ji ɨrga na kɨya mondɨni ga? Ɨŋ solɨn̰ kuɗa wo̰: Ji woy dan̰ cɨndɨn̰, na Kumu ba gɨygɨn̰.»

Kɔl-gɨ-Ɗari gɨ Lug wal 1:32

Ban kɨya bɨləŋ ungo gɨ gumu bɨ, kan kɨya togi na Kurɨn̰-Kumu gɨ ɗɨn̰ cay hɨnga nɔm bɨ. Ba-gulɔŋ Kumu kɨya lɔɔ gɨ ban kɨya sɔmɛ a cay kali-tɨrɨmbala dɨŋ, ban̰di mon̰di Dabid.

Kɔl-gɨ-Ɗari gɨ Lug wal 4:34

Haya ga! Jesu gɨ Najarɛt, ji gey na wa gusɨnɨ ga? Ji ɨrga na kɨya mondɨni ga? Ɨŋ solɨn̰ kuɗa wo̰: «Ji woy dan̰ cɨndɨn̰ na Kumu ba gɨygɨn̰.»

Kɔl-gɨ-Ɗari gɨ Ja̰ wal 14:6

Jesu dɨbi cay nee yeyi hɨn̰: «Ɨŋ-bandi, ɨŋ na gɨyəŋ bɨ, kɔl gɨ cɨndi bɨ, sɔmɛ-bɨra gɨ dan̰ cɨndi nee bɨ. Ungo gɨ ani ani gɨ na ɨre dan̰ gɨyəŋ gɨ gusɨnɨ naŋ na, ban kɨya ɓale andaŋ gusi Banɨ naŋ.»

Gɨye-lɔɔ 3:14

Kɨŋ-gandi kɨŋ kan̰ ungo gɨ woy dan̰ cɨndi bɨ, gɨ dan̰ durɔ ɗɨngar bɨ, ama kɨŋ ɨngɨrɨn̰ Piladɨ na ɗaa ba-dɨɗe kalaŋ daa bɨgɨŋ.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

Wasɨn̰a 1:11

Noy ungo le ye hɨn̰: «Hɨnga ga ji ba naa sɨlga dan̰ cɨndɨn̰ le, wala dugo duroy magtubu dɨŋ gɨyɨn̰ bɨn̰ Ka-Daye ga kɨɗɨn̰ jurgum ga a cay gɨsəŋ ga Aji gaŋ: A Epɛs bɨ, Simirnɨ bɨ, Pɛrgam bɨ, Tɨyatir bɨ, Sardɨ bɨ, Piladelpi bɨ, Lawdise bɨ.»

Wasɨn̰a 1:18

Ɨŋ-bandi le, ɨŋ na ba-sɔmɛ-bɨra. Tumɔ ɨŋ ma, ama haw kɛ na ɨŋ som-bɨra, ɨŋ kɨya mare naŋ bɨrɨŋ ɨni. Ɨŋ orɨn̰ dan̰ dɔnɔ a cay tɨma dɨŋ bɨ, a cay dɔɔ-ƴaado dɨŋ bɨ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 15:3

Kan kɨbɨge kɨra hɨn̰ gɨ da Moyis, marɨna ba-gɨye gɨ da Kumu tumɔ ba kɨbɨn̰ wo̰. A duroy kɨra koge gɨŋ le, kan hɨramge Kumu kɨya gɨ na Kurɨn̰-dɨmangɨ le na ba poɗɨge yen̰ge hɨn̰: «Ji Ba-gulɔŋ gɨ dɔnɔdɨn̰ ɗɨn̰ dɔnɔ nɔm, Ji som a cay dɔnɔ nɔm, Gɨye-lɔɔdɨn̰ nɔm gɨmdəŋ tɔgɨ bɨ Dor turnoyi kɨɗɨn̰ bɨ. Ji dii-ƴaa a cay te kalaŋ nɔm, Ga a cay gɨsəŋ gaŋ bɨ, Ji lee hɨnga dan̰ cɨndi bɨ durɔ ɗɨngar bɨ.

Wasɨn̰a 16:7

Ɨŋ je noy ungo sayga a cay kɨɗɨn̰ ga kan gaɗɨge kɨya bogɨn̰ kɨbar nee gaŋ ye hɨn̰: «Ho’o, Ba-gulɔŋ Kumu gɨ dɔnɔdɨn̰ ɗɨn̰ dɔnɔ nɔm, bɔyɛ kɔl kon̰ na bɔyɛ kɔl gɨ dan̰ cɨndi bɨ gɨ dan̰ durɔ ɗɨngar bɨ.»

Wasɨn̰a 19:11

Kardi nee, ɨŋ sol gɨɗɨgɨ-Kumu hangaŋ. Gaa ma, ɨŋ sol hɨnda gɨ bɛrɛ. Ungo gɨ ba nɔɔ cay hɨnda le gusondi na, ba-ɨre a cay tɨbayi dɨŋ bɨ ungo gɨ hɨnde bɨ. Ban boy kɔl bɨ lee kɨmbɨl bɨ na dan̰ durɔ ɗɨngar.

Wasɨn̰a 19:2

Kɨya wa bɔyɛ kɔl koyi na cɨndi bɨ, Na dan̰ gɨyəŋdi bɨ. Ban boy kɔl a cay tama ajɨba, Di gumu di mondɨ cay gɨsəŋ, Dan̰ gɨyəŋ gɨ da ajɨba tɔɔ di hɨndi lee le bɨ. Ban gojɨ baa kol bɔgɛ gɨ hɨndi bee, Kɨbardi ka-lɔɔ gɨye kayi dugo le bɨ.»

Wasɨn̰a 2:1

Ungo gɨ ɨŋ ba solii le, ye ɗaŋ coŋ ye hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Epɛs dɨŋ. «Ban gɨ ba ƴɔmɛ dɛsɨɗɛŋ ga jurgum a kobi gɨ bara gɨŋ bɨ, gɨ ba gɔrɛ duroy lamban̰əŋ ga jurgum ga leege dan̰ nare gɨ ni lɔr le, ye hɨn̰:

Wasɨn̰a 21:5

Ɨni na, Kumu ba-sɔmɛ a cay kali-tɨrɨmbala dɨŋ le ye hɨn̰: «Sɨla, ɨŋ bɨle hɨnga nɔm leen̰ ga hɨrɨwa.» Bɨ ban yəŋ ɗaŋ hɨn̰: «Wala dugo, kɨya wa kɔl hɨnge nɔm na hɨnde bɨ, ban kɨya lɔɔ gusi leen̰ cɨndi bɨ.»

Wasɨn̰a 3:14

Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Lawdise. «Ban gɨ na Amɛn bɨ, ban gɨ na tɨmon̰ gɨ ɨre a cay tɨbayidɨŋ bɨ, ban gɨ na ungo gɨ hɨnde bɨ, ban gɨ danayi le Kumu ɗen̰ hɨnga nɔm bɨ, ye hɨn̰:

Wasɨn̰a 4:8

Kandi-se ga gɨɗɨgɨ-Kumu gaŋ ga poɗɨn̰ ga nee le waŋ waŋ kalɨn̰ ma orɨn̰ dan̰ majɨbii won̰ jii jii bɨ, ti ƴee majɨbiige daa bɨ dugo bɨ ɗəndəŋ. Kan ɨre kɨbɨge kɨra son̰do dan̰ tɨwa di ɨni ɗan̰ge kɨbɨ kɨra daa naŋ bɨrɨŋ yen̰ge hɨn̰: «Ba-wɔyɛ dan̰ cɨndi, Ba-wɔyɛ dan̰ cɨndi, Ba-wɔyɛ dan̰ cɨndi, Na Ba-gulɔŋ Kumu gɨ dɔnɔdi ɗɨn̰ dɔnɔ nɔm, Ban som nee a boy wɔlɛ gɨ haw kɛ gɨŋ bɨ, A boy wɔlɛ gɨ tumɔ gɨŋ bɨ, A boy wɔlɛ gɨ kɨya tɨlga nee gɨŋ bɨ.»

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,

Wasɨn̰a 6:10

Kan wɨlalge dan̰ te tumoyge di daa pəŋ pəŋ ye hɨn̰: «Ba-gulɔŋ, ji na ungo gɨ leen̰ hɨnde gɨ doriige siige dan̰ cɨndi. Kalaŋ ga a cay gɨsəŋ gaŋ le, kɛ ji gɨ aye can̰ bɨrɨŋ andɨn̰ na wɔlɛ gɨ ani gɨŋ kɨya bon̰ kɔl cayge ga? Kɛ na wɔlɛ gɨ ani ma mɨn̰ kɨya gɔjɛ ba da kɨbar di ni gɨ bugoŋ dugo le ga?»