Wasɨn̰a 3:1 - Gabri Maja

¹ Ungo gɨ ɨŋ ba solii le ye ɗaŋ coŋ ye hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Sardɨ. «Ban gɨ Turnɔ di da Kumu ga jurgum bɨ, dɛsɨɗɛŋ ga jurgum bɨ woyge kobi le ye hɨn̰: Ɨŋ sol gɨye-lɔɔdɨn̰. Gusoŋ gɨ ni sɔmɛ-bɨra ba yɔɔ can̰ kalɨn̰ wo̰, ama leen̰ cɨndi na ji woy gɨlɨn̰ na hɨn̰ ungo gɨ ma wo̰ ɨni.

Wasɨn̰a 3:1 ပူးပေါင်းရင်းမြစ်များ

Kɔl-gɨ-Ɗari gɨ Lug wal 15:24

Kɨya wa kuronɨ gɨ kɨŋ ba solii kɛ le, na ungo gɨ ma, ma ban boy lɨbɨ, ban na ungo gɨ kayaŋ coŋ ma maŋ wayi bɨ.” Bɨ kan ay te lɔɔ gusi-mɔwa.

Kɔl-gɨ-Ɗari gɨ Lug wal 15:32

Ama ojɨ gɨ na ləgɨŋ dɔɔ ten̰gɨŋ pɨre bɨ, leen̰gɨŋ gusi-mɔwa bɨ, kɨya wa kurdɨn̰ gɨ ba kɛ le, ban na ungo gɨ ma, ma ban boy lɨbɨ bɨ, ban na ungo gɨ kayaŋ, ma maŋ wayi bɨ.”»

Kɔl-gɨ-Ɗari gɨ Ja̰ wal 1:16

Hɨnga wɔɔdi ga ɗɨn̰ cɨn̰-kɨɗɨn̰ le, ni-gandi nɔm ni way kani ga ojɨ cayni, na kɨya cay ɗarwa toyi di say cay mɨga dɨŋ nee nee bɨ.

Kɔl-gɨ-Ɗari gɨ Ja̰ wal 1:33

Tumɔ ɨŋ sɨla hɨn̰ gɨ naa ban ma, maŋ naa na ye koldi naŋ, ama ban gɨ ba gɨyigəŋ loon̰ kalaŋ batɛm boy kaŋ gaŋ le, yəŋ hɨn̰: «“Ungo gɨ ji na sɨla Turnɔ di da Kumu na se daa ɨre gɨsɨn sɨma cayi na, na ban gɨ ba-leen̰ kalaŋ batɛm dan̰ Turnɔ ɗe-kuduroy-bɛrɛ dɨŋ le”.

Kɔl-gɨ-Ɗari gɨ Ja̰ wal 20:22

Kɨɗɨn̰ ga ban ye kɔl gɨ nee le hɨn̰ wo̰ ɨni na, ban pɨye habe cayge puu bɨ yege hɨn̰: «Ƴagɨŋ Turnɔ ɗe-kuduroy-bɛrɛ!

Kɔl-gɨ-Ɗari gɨ Ja̰ wal 3:34

Kɨya wa ungo gɨ Kumu gɨygii le, Kumu bii Turnɔ di kagado unɔ, lee gɨ ban ye na kɔl gɨ da Kumu.

Gɨye-lɔɔ 2:33

Kumu ayi si cay kobi gɨ bara gɨŋ. Haw kɛ Bayi bii dan̰ Turnɔ ɗe-kuduroy-bɛrɛ hɨn̰ gɨ ban ba ye gɨ ɗi na kɨya lɔɔ bii bɨ, ban bɨsɨn̰o caynagɨŋ le. Na toy di hɨn̰ wo̰ ma hɨnga ga kɨŋ ba sol bɨ, je kɛ bɨ le lee gusɨge.

Epɛs 2:1

Jɨne, kɨŋ woy na hɨn̰ kalaŋ ga madɨrdaŋ kɨya cay hɨnga ga dan̰ gɨyəŋdɨge naŋ ga kɨŋ lee bɨ, kɨya cay ɨsɨna gɨ kɨŋ lee le bɨ. Ama haw kɛ na Kumu bɨgɨŋ sɔmɛ-bɨra.

Epɛs 2:5

Na toy di hɨn̰ wo̰ na-gandi ga na woy hɨn̰ kalaŋ ga madɨrdaŋ coŋ kɨya cay hɨnga ga dan̰ gɨyəŋdɨge naŋ ga na lee le, ban bɨna sɔmɛ-bɨra gɨ hɨrɨwa te bugoŋ gɨ na bugoŋ pɨna dan̰ Kɨris. Ho’o, na dan̰ gɨyəŋ gɨ da ɗarwa di da Kumu ƴɔbɨ ma magɨŋ poɗɨn̰.

Kɔlɔs 2:13

Kɨŋ ga tumɔ kɨŋ madɨrdaŋ kol gɨye-lɔɔdɨgɨŋ gɨ ɨra dan̰ gɨyəŋdi naŋ bɨ, kol wale gɨ walagɨŋge ban̰a naŋ bɨ le, Kumu lee gɨ kɨŋ jɨga som-bɨra dan̰ Kɨris. Ban ɗe kuduroy jal a cay gɨye-lɔɔdɨgɨŋ gɨ ɨra dan̰ gɨyəŋdi naŋ nɔm.

1 Timote 5:6

Ama tama di kudurɔ ma di ɗe-gɨre kardi mɔwa le, naa gɨ hɨndi na sɨma naa bɨra ƴee kalɨn̰ ma, hɨndi na di mari.

Magtubu di Jag wal 2:26

Na ban ma hɨn̰ gɨ habe na unɔ gusi ungo na, ban na gun. Aye kudurɔ kalɨn̰ ma, gɨye-lɔɔdi na unɔ na, na hɨnga ga mari bɨ.

1 Pɨyɛr 1:11

Turnɔ di da Kɨris di woy kuduroyge le gɨlge gɨle-cɨn̰ da Kɨris tumɔ haa bɨ, gusoŋ-tɔgɛ gɨ ban ba kɨya wɔɔ kardi gɨle-cɨn̰ di nee dɨŋ le bɨ. Kan malge toyi gɨɗaŋ kɨya solɨn̰ge gɨ hɨnga nɔm ga nee le na kɨya ɨrga naa dan̰ wɔlɛ gɨ ani gɨŋ bɨ, dan̰ gɨyəŋ gɨ mɨna bɨ ga?

Magtubu di Jud wal 1:12

Kɨɗɨn̰ ga kɨŋ day caygɨŋ kɨya dɔɔ gɨ da ka-karme na, kalaŋ ga nee le diidege bɨ, siidege bɨ, dɨle doon̰ dasi. Kan gɨlɨn̰ na hɨn̰ gundo gɨ ba dɔgɛ tɨbay ungo nayi wo̰ bɨ. Kan gɨlɨn̰ na hɨn̰ gɨrɨmbale ga kal gɨ gumu dorge narge ɔngɛ wo̰ bɨ. Kan gɨlɨn̰ na hɨn̰ hayaŋ ga wɔɔdɨge unɔ cayge bɨrɨŋ wo̰ bɨ, ga turoŋ dan̰ toyge daa bɨ, mage yɔd coŋ bɨ.

Wasɨn̰a 1:11

Noy ungo le ye hɨn̰: «Hɨnga ga ji ba naa sɨlga dan̰ cɨndɨn̰ le, wala dugo duroy magtubu dɨŋ gɨyɨn̰ bɨn̰ Ka-Daye ga kɨɗɨn̰ jurgum ga a cay gɨsəŋ ga Aji gaŋ: A Epɛs bɨ, Simirnɨ bɨ, Pɛrgam bɨ, Tɨyatir bɨ, Sardɨ bɨ, Piladelpi bɨ, Lawdise bɨ.»

Wasɨn̰a 1:16

Ungo gɨ nee le ƴom dɛsɨɗɛŋ won̰ jurgum a kobi gɨ bara gɨŋ bɨ, pəlɨm di haɗɨge gasɨndo sɔɗɨmɔŋ andaŋ kɨbi bɨ. Cɨndi jɨran̰de hɨn̰ tɨwa di jɨbɨ dan̰ tɔgɔ nɔm wo̰.

Wasɨn̰a 1:20

Hɨnga ga ba woy a kɨɗɨn̰ wɔsɛdɨge gaŋ ojɨn̰ cay dɛsɨɗɛŋ ga jurgum bɨ, lamban̰əŋ ga jurgum ga leegege dan̰ lɔr ga ji ba solge a kobi gɨ bara gɨŋ le, duroyge ba kɛ: Dɛsɨɗɛŋ ga jurgum le, na Ka-ƴɔbɛ ga daa nii ga da Ka-Daye ga kɨɗɨn̰ jurgum. Lamban̰əŋ ga jurgum le, na Ka-Daye ga kɨɗɨn̰ jurgum bɨ.»

Wasɨn̰a 1:4

Sɨlagɨŋ ɨŋ-bandi Ja̰, ɨŋ wal magtubu gɨyɨn̰ dan̰ kɔl gɨ kɛ le bɨn̰ na Ka-Daye ga kɨɗɨn̰ jurgum ga somge a cay gɨsəŋ ga Aji gaŋ. Kuɗa gɨ Kumu bɨgɨŋ ɗarwa bɨ, gusi-dɔbɛ bɨ. Ban som nee a boy wɔlɛ gɨ haw kɛ gɨŋ bɨ, a boy wɔlɛ gɨ tumɔ gɨŋ bɨ, a boy wɔlɛ gɨ kɨya ɨrga gɨŋ bɨ. Kuɗa gɨ Turnɔ di da Kumu ga jurgum ga somge a tumoy kali-tɨrɨmbala da Kumu dɨŋ le, bɨgɨŋge ɗarwa bɨ, gusi-dɔbɛ bɨ.

Wasɨn̰a 2:13

Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.

Wasɨn̰a 2:19

Ɨŋ sol gɨye-lɔɔdɨgɨŋ bɨ, geye kogɨŋ bɨ, aye kudurɔ kogɨŋ bɨ, gɨye kogɨŋ gɨ kɨŋ lee bɨn̰ kalaŋ bɨ, haye-kudurɔ kogɨŋ bɨ. Ɨŋ sol gɨ gɨye-lɔɔdɨgɨŋ gɨ karu kɛ kuɗa ɗɨn̰ gɨye-lɔɔdɨgɨŋ gɨ cay wase bɨ.

Wasɨn̰a 2:2

Ɨŋ sol hɨnga nɔm ga kɨŋ lee bɨ, ɨŋ sol leen̰ cɨndi gɨ kɨŋ gɨlal toy nee bɨ, kɨŋ ƴom kuduroygɨŋ osu bɨ. Ɨŋ sol kuɗa hɨn̰ gɨ kɨŋ kɨya ɓale bugoŋ a te ka-kuduroy-ɨndɨwa naŋ bɨ. Kɨŋ gɨwasɨ ka-lɔɔ poy ga yege gɨ ke naa ka-gɨre-gɨye bɨ, kɨŋ solge gɨ kan na ka-poy bɨ.

Wasɨn̰a 2:9

Ɨŋ sol hɨnga ga ni dɔsɛ-ɗugɔ ga leegɨŋ bɨ, ɨŋ sol gɨ kɨŋ ɨran̰ dan̰ kandi-wɔɔ naŋ bɨ. Ama naa hɨn̰ wo̰ kalɨn̰ ma kɨŋ na ka-kandi-wɔɔ. Ɨŋ sol kɔl gɨ ni yagɨde gɨ kan ga yege gɨ ke naa Jubɨn̰əŋ yedege kol caygɨŋ le. Kan olge Kumu duroy ƴaa-daye-di-da-Jubɨn̰əŋ hage, ama leen̰ cɨndi na, kan na ƴaa-daye di da Sidan.

Wasɨn̰a 3:15

Ɨŋ sol gɨye-lɔɔdɨgɨŋ. Ɨŋ sol gɨ kɨŋ ɨl naŋ bɨ jala naŋ bɨ. Kuɗadi na kɨŋ jala naŋ le, kɨŋ ɨl.

Wasɨn̰a 3:2

Sɨmagɨŋ-bɨra, lun̰doŋgɨŋ usa te aye kudurɔ kogɨŋ gɨŋ gɨ dḛ gɨ gey mare le. Kɨya wa gɨye-lɔɔdɨgɨŋ gɨ kɨŋ lee le duroŋ dan̰ durɔ cɨrɛɗ a cɨn̰ Kumu hɨnge naŋ.

Wasɨn̰a 3:8

“Ɨŋ sol gɨye-lɔɔdɨgɨŋ nɔm. Sɨlagɨŋ, ɨŋ haŋgɨ kɨbɨ-ƴaa ɗe hangɨwa a tumoygɨŋ”. Ungo pɨna wo̰ kalɨn̰ ma kɨya ɓale lɨge naŋ. Ɨŋ sol gɨ togɨygɨŋ na dḛ wo̰ haa, ama na hɨn̰ wo̰ kalɨn̰ ma, kɨŋ gam dan̰ kɔl hɨnge bɨ kɨŋ man̰a kɨbɨgɨŋ kol canɨ naŋ bɨ.

Wasɨn̰a 4:5

Ɨŋ sol wɨlɨn̰e andaŋ a kali-tɨrɨmbala dɨŋ le bɨ, ɨŋ je noy kalaŋ ye boy nee bɨ, ale gɨ da Kumu nee bɨ. A tumoy kali-tɨrɨmbala le ɨŋ sol dɨngɛ jurgum ga ƴeede tɨwa man̰, kan na Turnɔ di da Kumu ga jurgum.

Wasɨn̰a 5:6

Ɨni na, ɨŋ sol Kurɨn̰-dɨmangɨ a durdi kali-tɨrɨmbala a duroy kandi-se ga gɨɗɨgɨ-Kumu gaŋ bɔb duroy ka-muɗɔlɛ. Kurɨn̰-dɨmangɨ le gɨlɨn̰ hɨn̰ gɨ kan na walge tumoyi tumɔ wo̰. Kurɨn̰-dɨmangɨ le orɨn̰ dan̰ kɨben̰di jurgum bɨ tɨdi jurgum bɨ, kan na Turnɔ di da Kumu ga jurgum ga Kumu gɨyge a cay gɨsəŋ gaŋ nɔm.