Wasɨn̰a 2:9 - Gabri Maja

⁹ Ɨŋ sol hɨnga ga ni dɔsɛ-ɗugɔ ga leegɨŋ bɨ, ɨŋ sol gɨ kɨŋ ɨran̰ dan̰ kandi-wɔɔ naŋ bɨ. Ama naa hɨn̰ wo̰ kalɨn̰ ma kɨŋ na ka-kandi-wɔɔ. Ɨŋ sol kɔl gɨ ni yagɨde gɨ kan ga yege gɨ ke naa Jubɨn̰əŋ yedege kol caygɨŋ le. Kan olge Kumu duroy ƴaa-daye-di-da-Jubɨn̰əŋ hage, ama leen̰ cɨndi na, kan na ƴaa-daye di da Sidan.

Wasɨn̰a 2:9 ပူးပေါင်းရင်းမြစ်များ

Matɨyo 4:10

Ɨni na, Jesu jɨga yoo hɨn̰: «Sa coŋ, Sidan! Kɨya wa magtubu gasɨn̰-kɔl gɨ da Kumu ye hɨn̰: “Na Ba-gulɔŋ Kumu pɨna hayi kəɗ kəɗ ma mɨn̰ kɨya n̰ɨrii bɨ, lɔɔ gɨye bii bɨ.”»

Kɔl-gɨ-Ɗari gɨ Lug wal 12:21

Ɨni na, Jesu jɨga yege ɗaŋ coŋ hɨn̰: «Kɨya wɔyɛ na hɨn̰ wo̰ kɨya cay ungo gɨ dayde hɨnga wɔɔdi kɨya gusi koyi ƴɔbɨ, ama ɨran̰ dan̰ wɔɔ a boy hɨnga ga ƴa cɨn̰ Kumu gaŋ naŋ.»

Kɔl-gɨ-Ɗari gɨ Lug wal 22:65

Bɨ kan say yagɨdiige dan̰ kɔl ga ni terɨn̰ ga ɗaŋ dan̰ kondige nee coŋ.

Kɔl-gɨ-Ɗari gɨ Lug wal 4:18

«Turnɔ di da Ba-gulɔŋ baa danaŋ, Ban dɔrɔŋ ɗe aŋ na tee bɛrnɛ Kɔl-gɨ-Ɗari bɨn̰ ka-n̰age bɨ, Ban gɨyəŋ ɗe aŋ na tee bɛrnɛ bɨn̰ kan ga woyge a dangay dɨŋ gɨ kan na kɨya ɗoge daa bɨ, Ɗe aŋ na yen̰ ka-bɨbe, gɨ kan na kɨya sɔlɛ kɨɗɨn̰ bɨ, Ban gɨygəŋ ɗe aŋ na yen̰ kan ga kan ba gɨlge cɨn̰-n̰age gɨ Kumu na kɨya dorge kɨbɨ cɨn̰-n̰age dɨŋ bɨ.

Kɔl-gɨ-Ɗari gɨ Lug wal 6:20

Jesu ay cɨndi daa solɨn̰ ka-aye-cay-tɨbayi bɨ yege hɨn̰: «Tumoy wolwa woy kol caygɨŋ, kɨŋ ga kandi wɔɔdɨgɨŋ unɔ. Kɨya wa dɔɔ-ƴaa di da Kumu na togɨŋ!

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Gɨye-lɔɔ 26:11

Ɨŋ kobɨ kardi ƴaa-daye-di-da-Jubɨn̰əŋ pɨna pɨna, gɨlɨn̰ ka-bɔgɛ kuduroyge cay Kɨris cɨn̰-gɨle-cɨn̰ bɨ, ɨŋ si tɔgɨ cayge ɗe kan na yagɨdan̰ ban gɨ kan bee kuduroyge cayi le bɨ. Kuduroy-ɨlwa tɨnge di ba ləŋ cayge le, lee gɨ ɨŋ mal cay tɨbayge bɨrɨŋ andɨn̰ a cay ƴaa ga gɨmdəŋ ga ɗaŋ gaŋ.

Magtubu di Pol wal bɨn̰ kalaŋ ga Rɔm 12:12

Kuɗa gɨ kɨŋ laa gusi-mɔwa a cay ɨrɨmedɨgɨŋ gɨ kɨŋ bee a cay Kumu bɨ, dɨbɨgɨŋ ɗugoygɨŋ duroy hɨnga ga ni cɨn̰-kula gaŋ bɨ, ulagɨŋ Kumu daa daa dɨle gusi-mare bɨ.

Magtubu di Pol wal bɨn̰ kalaŋ ga Rɔm 2:17

Ama ja, ji gɨ gusoŋ gɨ ni Jubɨ ye can̰ le, ji ɗe togɨn̰ na a cay gasɨn̰-kɔl gɨŋ bɨ, ji de jorgɨn̰ na a cay Kumu bɨ.

Magtubu di Pol wal bɨn̰ kalaŋ ga Rɔm 5:3

Ɗɨn̰ gɨ nee le na, na lee gusi-mɔwa kɨya cay hɨnga ga ni dɔsɛ-ɗugɔ ga andaŋ cayna. Kɨya wa na sol gɨ hɨnga ga ni dɔsɛ-ɗugɔ ga nee le, kɨya bɨna na dɨbe-ɗugɔ.

Magtubu di Pol wal bɨn̰ kalaŋ ga Rɔm 8:35

Kɛ geye gɨ Jesu-Kɨris ba geyna le, na wa ba kɨya poyina dugo danayi ga? Kɛ na hɨnga ga ni dɔsɛ-ɗugɔ wala, hɨnga ga osɨdəŋ osɨdəŋ wala, gɨle gɨ gɨlnage-cɨn̰ wala, kurɔŋ wala, ɔrɛ toyina kalɨn̰ wala, hɨnga ga dɨmbɨrdəŋ wala, pəlɨm ba kɨya poyina dugo danayi ga? Hɨnga pɨna wo̰ ga ba kɨya poyina dugo danayi unɔ.

Magtubu di Pol wal bɨn̰ kalaŋ ga Rɔm 9:6

Kɨŋ ɗɔɔ ba se a ɨrɨmedɨgɨŋ gɨŋ gɨ hɨnga ga Kumu ba ye gɨ ɗi na kɨya lɔɔ bɨn̰ Ɨsɨrayɛl le, na bɨle naa hɨnga ga kalɨn̰ wo̰ dugo. Kɨya wa leen̰ cɨndi na, kalaŋ ga a te wɨn̰je gɨ da Ɨsɨrayɛl nɔm ma na Ɨsɨrayɛl ga leen̰ cɨndi naŋ.

2 Korɛ̰t 6:10

Leenige leen̰ kalaŋ ka-n̰age, ama gusɨni moni dan̰ wɔlɛ pɨna pɨna. Leenige leen̰ kalaŋ ga wɔɔdɨge unɔ, ama ni lee gɨ kalaŋ kondɨ wayge kandi-wɔɔ. Leenige leen̰ kalaŋ ga ɨran̰ dan̰ hɨnga naŋ, ama ni orɨn̰ dan̰ hɨnga nɔm.

2 Korɛ̰t 8:2

Hɨnga ga ni dɔsɛ-ɗugɔ ga toyge kan̰dɨge kan̰dɨge gɨwasɨ ka-aye kudurɔ. Ama gusɨge mooge tɔgɨ duroy hɨnga ga ni dɔsɛ-ɗugɔ ga nee le. Hɨnga wɔɔdɨge unɔ na unɔ yɔd ama kan leege wandɨ cɨla.

2 Korɛ̰t 8:9

Na cɨndi, kɨŋ sol ɗarwa di Ba-gulondɨna Jesu-Kɨris ƴom danana: Ban gɨ ba wɔɔ hɨnga le bɨləŋ ba-n̰age kol caygɨŋ, ɗe agɨŋ na bɨlɨn̰ ka-wɔɔ hɨnga dan̰ gɨyəŋ gɨ da n̰age di leeyi le.

1 Tesalonigɨ 3:4

Lee gɨ kɨɗɨn̰ ga ni ba ban̰ duroygɨŋ ƴee le, ni ni yəgɨŋ tumɔ gɨ hɨnga ga ni gɨle-cɨn̰ na kɨya loogɨŋ. Na hɨnga ga nee le ba lɔɔ gusɨge, lee gɨ kɨŋ sol kuɗa.

1 Timote 1:13

Ɨŋ-bandi gɨ tumɔ ɨŋ na ba yagɨde Kumu bɨ, ba gɨlɨn̰ kalaŋ kayi cɨn̰ bɨ, gɨ kɨbɨnɨ mɔɔ tɔgɨ kol cayge bɨ le, Kumu sol cɨn̰-n̰age tɨnge. Kɨya wa boy wɔlɛdi gɨ nee le, ɨŋ aya kuduronɨ bɨn̰ Jesu-Kɨris naŋ ƴee. Kɨya wa ɨŋ lee hɨnga na boy sɔlɛdɨge gɨŋ naŋ.

1 Timote 6:18

Yage ɗe kan lee kuɗa dan̰ kalaŋ bɨ, ɗe kan lee gɨye gɨ kuɗa tɔgɨ bɨ, ɗe kan bɨn̰ kalaŋ hɨnga tɔgɨ bɨ, ɗe kan gosɨn hɨnga kage bɨn̰ kamdɨge bɨ.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.

Wasɨn̰a 2:13

Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.

Wasɨn̰a 2:2

Ɨŋ sol hɨnga nɔm ga kɨŋ lee bɨ, ɨŋ sol leen̰ cɨndi gɨ kɨŋ gɨlal toy nee bɨ, kɨŋ ƴom kuduroygɨŋ osu bɨ. Ɨŋ sol kuɗa hɨn̰ gɨ kɨŋ kɨya ɓale bugoŋ a te ka-kuduroy-ɨndɨwa naŋ bɨ. Kɨŋ gɨwasɨ ka-lɔɔ poy ga yege gɨ ke naa ka-gɨre-gɨye bɨ, kɨŋ solge gɨ kan na ka-poy bɨ.

Wasɨn̰a 2:24

«Ama kɨŋ te kalaŋ ga Tɨyatir ga kɨŋ ƴa hɨnga ga ni gɨle ga nee le naŋ bɨ, kɨŋ mala gɨ ni kɔbɛ te hɨnga-sɔlɛ ga kan teegege ɗugoy hɨnga ga da Sidan naŋ bɨ le, aŋ yəgɨŋ daa waŋ, ɨŋ kɨya ɗɔɔ hɨnga ga nin̰i ɗaŋ caygɨŋ naŋ.

Wasɨn̰a 3:9

Sɨlagɨŋ, kan ga yege gɨ ke naa Jubɨn̰əŋ ama kan na Jubɨn̰əŋ naŋ le, kan olge Kumu duroy ƴaa-daye-di-da-Jubɨn̰əŋ hage ama leen̰ cɨndi na, kan na ka-poy, kan na ƴaa-daye di da Sidan. Kan ga nee le na, ɨŋ kɨya lɔɔ gɨ kan kɨya ɨrga gusɨgɨŋ bɨ, pɔyɛ gɨbayge dugo tumoygɨŋ bɨ ɗe kan solɨn̰ge hɨn̰ gɨ ɨŋ na geygɨŋ wo̰ bɨ.

Wasɨn̰a 7:14

Ɨni na, ɨŋ dɨbi cay nee yey hɨn̰: «Ba-gulonɨ, ji ba sɔlɛ.» Kɨɗɨn̰di ga nee gaŋ le, ban yəŋ hɨn̰: «Na kalaŋ ga andaŋge a duroy hɨnga ga ni dɔsɛ-ɗugɔ ga gumu gaŋ. Kan pɨlge badɨge kage ga sɨngɨɗɨdəŋ bɨ dorge ɗege bɛrɛ tɨrɨjɨ tɨrɨjɨ a duroy kɨbardi Kurɨn̰-dɨmangɨ gɨŋ le.