Wasɨn̰a 2:7 - Gabri Maja

⁷ «Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ Turnɔ di da Kumu ba yen̰ Ka-Daye le. «Ungo gɨ na bɨya kɨmbɨl na, ɨŋ kɨya bii wɔɔdi hɨya gɨ ungo na da na kɨya sɔmɛ-bɨra. Hɨya gɨ nee le woy na a Paradɨs di da Kumu dɨŋ.»

Wasɨn̰a 2:7 ပူးပေါင်းရင်းမြစ်များ

Matɨyo 11:15

Ungo gɨ sɨmayi na wɨya nee na, kuɗa gɨ ban ɨrɨm cay kɔl gɨ ban ba je le.»

Matɨyo 13:43

Ama kalaŋ ga dan̰ durɔ ɗɨngar na, gusɨge kɨya ƴɔɔdɔ tɨwa jə̰ jə̰ hɨn̰ tɨwa di daa wo̰ boy dɔɔ-ƴaa di da Bayge dɨŋ. Ungo gɨ sɨmayi na wɨya nee na, kuɗa gɨ ban ɨrɨm cay kɔl gɨ ban ba je le.

Matɨyo 13:9

Kardi nee na, Jesu yege hɨn̰: «Ungo gɨ sɨmayi na wɨya nee na, kuɗa gɨ ban ɨrɨm cay kɔl gɨ ban ba je le.»

Marg 4:9

Kardi nee na Jesu yege hɨn̰: «Ungo gɨ sɨmayi na wɨya nee na, kuɗa gɨ ban ɨrɨm a cay kɔl gɨ ban ba je le.»

Marg 7:15

Hɨnga wo̰ ga ungo dobɨ kɨbi ma kɨya bɨlii leen̰ ungo gɨ mɨdagi le unɔ. Ama na hɨnga ga sayga kuduroy ungo andaŋ doŋ ba lɔɔ gɨ ban bɨlɨn̰ ungo gɨ mɨdagi tumoy Kumu.

Marg 7:16

[Ungo gɨ sɨmay na wɨya nee na, kuɗa gɨ ban ɨrɨm cay kɔl gɨ ban je le.»]

Kɔl-gɨ-Ɗari gɨ Lug wal 23:43

Jesu dɨbi nee yeyi hɨn̰: «Aŋ yen̰ daa waŋ na cɨndi: Labɨde ji kɨya sɔmɛ danaŋ a Paradɨs.»

Kɔl-gɨ-Ɗari gɨ Lug wal 8:8

Ama ga ɗaŋ bugoŋ na a cay gɨsəŋ ga ɗari gaŋ, andaŋ bɨ malgɨ bɨ dor cayge bɨ. Cayge pɨna na cɨndɨge won̰ aru nee.» Ɨni na, Jesu ye dan̰ tumoyi di daa hɨn̰: «Ungo gɨ sɨmayi na wɨya nee na kuɗa gɨ ban ɨrɨm cay kɔl gɨ ban ba je le.»

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

1 Korɛ̰t 2:10

Ama Kumu wasɨn̰ cay hɨnga ga woy kɨɗɨn̰ ɓurɔŋgɛdɨge gaŋ le bɨni dan̰ gɨyəŋ gɨ da Turnɔ toyi. Kɨya wa Turnɔ ɓal kɔbɛ te hɨnga pɨna pɨna nɔm. Ko naa hɨnga ga Kumu wosɨ a kɨɗɨn̰ ɓurɔŋgɛdɨge gaŋ ƴee kalɨn̰ ma, hɨndi ɓal kɔbɛ pɨna pɨna.

2 Korɛ̰t 12:4

Kumu ayi orɨn̰ danayi bɨrɨŋ andɨn̰ Paradɨs toy dɨŋ, lee gɨ ban je kɔl nɔm gɨ ɗɨn̰ yɔ. Na kɔl gɨ bɨn̰ge ungo gɨyəŋ gɨ ni jɔgɛ yɔ ɗaŋ naŋ.

1 Ja̰ 2:13

Ay, karɨn̰aŋ ban̰an̰ge, ɨŋ wal kɔl gɨ kɛ le bɨgɨŋ: «Kɨŋ sol ban gɨ som a toyi dɨŋ ɓɨrag. Ay, marɨne, ɨŋ wal kɔl gɨ kɛ le bɨgɨŋ: Kɨŋ boy-kɨmbɨl cay Haban̰ Ba-lɔɔ ɨsɨna.»

Wasɨn̰a 13:9

Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ kɛ le:

Wasɨn̰a 14:13

Ɨŋ je noy ungo andɨgaŋ gɨɗɨgɨ-Kumu gɨŋ ye hɨn̰: «Wala kɔl gɨ ba kɛ: “Tumoy wolwa woy haw kɛ a cay kalaŋ ga mage a te gɨyəŋ gɨ da Ba-gulɔŋ gɨŋ, ayɨn̰ toy haw kɛ bɨrɨŋ andɨn̰ tumɔ.” Turnɔ di da Kumu dɨbii cay nee ye hɨn̰: “Ho’o, kan kɨya dɔrɛ gɨlale kɨbɨ gɨye koge gɨŋ ɨni bɨ hɨnga ga ni cay kobɨge kobɨ kardɨge bɨ.”»

Wasɨn̰a 15:2

Kardi nee, ɨŋ sol kɨɗɨn̰ ga woli ga gɨlɨn̰ hɨn̰ kuray gɨ gumu taa taa gɨ kaŋdi ɨre arɨn̰ yarara bɨrɨŋ gɨ te kaŋ kalɨn̰ ma ungo ɓal sɔlɛ, polɨn̰ dan̰ tɨwa. Ɨni na, a cay kuray gɨŋ le kalaŋ nɔm ga boyge kɨmbɨl a cay kɨmana bɨ, a cay turnoyi bɨ, a cay nombɨro gɨ gɨl gusondi bɨ le, ƴomdege jange ga da Kumu pɨna pɨna kobɨge.

Wasɨn̰a 2:11

«Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ Turnɔ di da Kumu yen̰ Ka-Daye le. «Ungo gɨ na bɨya kɨmbɨl na tɨma di cay sɔɔ kɨya tɔgɛ gusondi naŋ bɨrɨŋ ɨni.»

Wasɨn̰a 2:17

«Waŋ waŋ gɨ sɨmayi na wɨya nee na, kuɗa gɨ ban dɨra sɨmayi jan̰ kɔl gɨ Turnɔ di da Kumu yen̰ Ka-Daye le. «Ungo gɨ na bɨya kɨmbɨl na, ɨŋ kɨya bii man gɨ na hɨnga ga ni dɔɔ ga woy a kɨɗɨn̰ wɔsɛdɨge gaŋ bɨ. Ɨŋ kɨya bii oru gɨ bɛrɛ gɨ walge gusoŋ gɨ hɨrɨwa nee bɨ. Na ungo gɨ ba-ƴɔɔ oru gɨ nee le ƴɔbɨ ba kɨya sɔlɛ gusoŋ le. Ama ungo gɨ ɗaŋ kɨya ɓale sɔlɛ naŋ.»

Wasɨn̰a 21:7

Waŋ waŋ gɨ na aya banga na, tɔrɛ-kɨbɨ gɨ nee le nɔm na hɨnga kayi ga ni ban̰di-gulɔŋ. Ɨŋ kɨya bɨle Kumu koyi bɨ, ban kɨya bɨle kuronɨ bɨ.

Wasɨn̰a 22:14

Tumoy wolwa kɨya wɔyɛ kol cay kalaŋ ga pɨlge badɨge kage ga sɨngɨɗɨdəŋ. Kɨya wa badɨge kage na arɨn̰a na, kan kɨya wɔɔ gɨyəŋ gɨ ni andɨn̰ duroy cay ƴaa-di-gumu dɨŋ bɨ, dɨn̰ge wɔɔdi hɨya gɨ ungo na daa na kɨya somɨn̰-bɨra bɨ.

Wasɨn̰a 22:17

Turnɔ di da Kumu bɨ, ɗe kujɔ bɨ, yege hɨn̰: «Ɨre!» Kuɗa gɨ waŋ waŋ gɨ na ja kɔl gɨ kɛ le ya hɨn̰: «Ɨre!» Waŋ waŋ gɨ gamase na daayi na, kuɗa gɨ ban ɨre. Waŋ waŋ gɨ na gey sɔɔ kaŋ ga ni sɔmɛ-bɨra na, kuɗa gɨ ban ɨre ƴa kalɨn̰.

Wasɨn̰a 22:2

Kuray le gɨre na a gɨyəŋ gɨ a duroy cay ƴaa-di-gumu dɨŋ le bɔb. Ɗaŋ coŋ, hɨya gɨ ungo na daa wɔɔdi na kɨya sɔmɛ-bɨra woy a kɨbɨ kuray gɨ nee gɨŋ le. Na hɨya gɨ wɔɔ tɨba mɔjɨ-caa-sɔɔ duroy ɨlge pɨna bɨ. Dan̰ kɨdɨrɛ kɨdɨrɛ ban wɔɔ bɨ, kabɨn̰di kalɨn̰ ma na gasɨɗe ga bɨn̰ te wɔɔ gɨ da kalaŋ pɔɗɛ bɨ.