Wasɨn̰a 2:2 - Gabri Maja

² Ɨŋ sol hɨnga nɔm ga kɨŋ lee bɨ, ɨŋ sol leen̰ cɨndi gɨ kɨŋ gɨlal toy nee bɨ, kɨŋ ƴom kuduroygɨŋ osu bɨ. Ɨŋ sol kuɗa hɨn̰ gɨ kɨŋ kɨya ɓale bugoŋ a te ka-kuduroy-ɨndɨwa naŋ bɨ. Kɨŋ gɨwasɨ ka-lɔɔ poy ga yege gɨ ke naa ka-gɨre-gɨye bɨ, kɨŋ solge gɨ kan na ka-poy bɨ.

Wasɨn̰a 2:2 ပူးပေါင်းရင်းမြစ်များ

Matɨyo 7:23

Ɨni na, ɨŋ kɨya yoge daa waŋ hɨn̰: «“Ɨŋ sɨlagɨŋ naŋ bɨrɨŋ, ɨragɨŋ walaŋ sɛdɨ kɨbɨnɨ coŋ, kɨŋ ga ka-lɔɔ ɨsɨna!”

Kɔl-gɨ-Ɗari gɨ Ja̰ wal 6:6

Ban ye kɔl gɨ nee le na kɨya gɨwasii. Ama ban na, sol hɨnga ga ban kɨya lɔɔ.

Galad 1:7

Leen̰ cɨndi na, Kɔl-gɨ-Ɗari gɨ ɗaŋ unɔ, ama ɨŋ yəgɨŋ kɔl gɨ nee le hɨn̰ wo̰, na kɨya cay kalaŋ ga ka-tɔbɨdɛ kɔl duroygɨŋ. Kan geyge bɨle kɔl gɨ ɗari gɨ da Kɨris le ɗaŋ.

Epɛs 4:14

Hɨn̰ wo̰ na, na kɨya bɨləŋ wɔyɛ hɨn̰ karɨn̰aŋ ga ɨran̰ge dan̰ ƴɔmɛ kudurɔ osɨwa naŋ ɨni. Kan gɨlɨn̰ge na hɨn̰ togɨ ga n̰ən̰əŋ ga a cay kaŋ gaŋ. Kan ɨran̰ge dan̰ tɔgɨ a cay mɛw di orɨn̰ danage bɨ, nongɨldɨge jɨn̰ kɛ kɛ bɨ naŋ. Kɨradi-kɔl gɨ kɛ le, kal bɨ, mɛw bɨ le, kan na hɨnga ga ni gɨle ga dan̰ gɨyəŋdɨge naŋ, ga kalaŋ ga pɨna gɨlɨn̰ge kamdɨge bɨ, na cɨn̰-muɗɔlɛ di kan narɨn̰ge cɨn̰ kalaŋ bɨ kayɨn̰ge kalaŋ bɨ.

1 Tesalonigɨ 1:3

Dan̰ tɨwa di ani ani di ni som ol Kumu kol caygɨŋ tumoy Bayni Kumu na, ni ɨrɨm a cay aye kudurɔ kogɨŋ gɨ lee gɨye bɨ, dan̰ wandɨ togɨŋ di lee gɨye dan̰ kalaŋ bɨ, a cay ɨrɨmedɨgɨŋ gɨ kɨŋ bee a cay Ba-gulondɨni Jesu-Kɨris ɗe osu bɨ le.

1 Tesalonigɨ 5:21

ama kɨŋ kɨba te hɨnga nɔm dɨran̰gɨŋ cɨndɨge: Hɨnga ga kuɗa na kɨŋ ƴɨma usa.

2 Timote 2:19

Ama te ƴaa di Kumu ɗe som osɨ le, woy dan̰ gɨyəŋdo. Walge kɔl nɔm gɨ kɛ le boy nee yen̰ge hɨn̰: «Ba-gulɔŋ sol kalaŋ ga na kayi bɨ.» Ye ɗaŋ coŋ hɨn̰: «Waŋ waŋ gɨ na tɨga guson̰ Ba-gulɔŋ na, Ɗe hɨnga ga dan̰ gɨyəŋdɨge naŋ coŋ bɨ.»

Əbɨro 6:10

Na cɨndi, Kumu na ba lɔɔ hɨnga dan̰ durɔ ɗɨngar dan̰ cɨndi. Kuduroyi kɨya hale gɨybəŋ a cay gɨye kogɨŋ gɨ kɨŋ lee kol cayi le naŋ bɨ, cay geye gɨ kɨŋ orɨn̰ kol cayi le naŋ bɨ. Kɨya wa kɨŋ gɨlii dan̰ hɨnga ga ni jɨbɨn̰ te karmɨgɨŋ ga woyge dan̰ cɨndɨge le bɨ. Bɨrɨŋ gɨsɨn̰ haw kɛ kalɨn̰ ma, kɨŋ woy te jɨbe toyge.

1 Ja̰ 4:1

Ay, kɨŋ ga ɨŋ lee-toygɨŋ, bɔgɛgɨŋ kuduroygɨŋ a cay turnɔn̰əŋ nɔm naŋ, ama ojɨ gɨ kɨŋ gɨwasa turnɔn̰əŋ sɨlan̰ kɛ kan sayga na gusi Kumu ga? Kɨya wa ka-yɔɔ-kɔl-gɨ-Kumu-ba-yɔɔ ga cɨndi naŋ kondɨge andaŋge a cay gɨsəŋ gaŋ kɛ ɨni.

Wasɨn̰a 2:5

Haw kɛ na, sɨlagɨŋ leen̰ cɨndi gɨ kɨŋ cangɨ daa ɗe gɨyəŋ hen̰ coŋ. Bɨlgɨŋ haldɨgɨŋ bɨ, jɨgegɨŋ a cay tɨbaygɨŋ di cay wase dɨŋ. Hɨn̰ gɨ kɨŋ na bɨl haldɨgɨŋ naŋ na, ɨŋ kɨya ɔrɛ dɔrɛ lamba togɨŋ cɔd coŋ a kɨɗɨn̰ ga kɨŋ soo nee gaŋ.

Wasɨn̰a 2:6

Ama hɨnga ga ɨŋ sol kuɗa a gusɨgɨŋ na, na kan̰e gɨ kɨŋ kan̰ gɨye-lɔɔ gɨ da Nigolayidn̰əŋ, hɨn̰ gɨ ɨŋ-bandi kalɨn̰ ma ɨŋ ba kan̰ɨn̰ gɨye-lɔɔdɨge ga nee le coŋ wo̰ bɨ.

Wasɨn̰a 2:9

Ɨŋ sol hɨnga ga ni dɔsɛ-ɗugɔ ga leegɨŋ bɨ, ɨŋ sol gɨ kɨŋ ɨran̰ dan̰ kandi-wɔɔ naŋ bɨ. Ama naa hɨn̰ wo̰ kalɨn̰ ma kɨŋ na ka-kandi-wɔɔ. Ɨŋ sol kɔl gɨ ni yagɨde gɨ kan ga yege gɨ ke naa Jubɨn̰əŋ yedege kol caygɨŋ le. Kan olge Kumu duroy ƴaa-daye-di-da-Jubɨn̰əŋ hage, ama leen̰ cɨndi na, kan na ƴaa-daye di da Sidan.

Wasɨn̰a 3:1

Ungo gɨ ɨŋ ba solii le ye ɗaŋ coŋ ye hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Sardɨ. «Ban gɨ Turnɔ di da Kumu ga jurgum bɨ, dɛsɨɗɛŋ ga jurgum bɨ woyge kobi le ye hɨn̰: Ɨŋ sol gɨye-lɔɔdɨn̰. Gusoŋ gɨ ni sɔmɛ-bɨra ba yɔɔ can̰ kalɨn̰ wo̰, ama leen̰ cɨndi na ji woy gɨlɨn̰ na hɨn̰ ungo gɨ ma wo̰ ɨni.

Wasɨn̰a 3:15

Ɨŋ sol gɨye-lɔɔdɨgɨŋ. Ɨŋ sol gɨ kɨŋ ɨl naŋ bɨ jala naŋ bɨ. Kuɗadi na kɨŋ jala naŋ le, kɨŋ ɨl.

Wasɨn̰a 3:8

“Ɨŋ sol gɨye-lɔɔdɨgɨŋ nɔm. Sɨlagɨŋ, ɨŋ haŋgɨ kɨbɨ-ƴaa ɗe hangɨwa a tumoygɨŋ”. Ungo pɨna wo̰ kalɨn̰ ma kɨya ɓale lɨge naŋ. Ɨŋ sol gɨ togɨygɨŋ na dḛ wo̰ haa, ama na hɨn̰ wo̰ kalɨn̰ ma, kɨŋ gam dan̰ kɔl hɨnge bɨ kɨŋ man̰a kɨbɨgɨŋ kol canɨ naŋ bɨ.