Wasɨn̰a 2:10 - Gabri Maja

¹⁰ Kɨŋ kɨya wɔɔ cɨn̰-gɨle-cɨn̰, ama ɗɔɔ gɨ kɨŋ hundɔrɔ naŋ. Haban̰ kɨya bɔgɛ kalaŋ ga pɨna duroygɨŋ dangay dɨŋ kɨya gɨwasɨn̰ togɨygɨŋ. Kɨŋ kɨya wɔɔ cɨn̰-gɨle-cɨn̰ ɓale wɔlɛ mɔjɨ. Ɨrgɨŋ a cay tɨbayi dɨŋ bɨrɨŋ maran̰gɨŋ ɨni na, ɨŋ kɨya bɨgɨŋ jagɨwa ga ni somɨn̰-bɨra.

Wasɨn̰a 2:10 ပူးပေါင်းရင်းမြစ်များ

Matɨyo 10:22

Kalaŋ nɔm kɨya ƴomgɨŋge dan̰ kuduroyge kɨya cay gusoŋnɨ. Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Matɨyo 10:28

Kalaŋ ga ɓalge dɨɗege kuyoŋdi-gusɨgɨŋ, ama kɨya ɓalege dɨɗe turnoygɨŋ naŋ le, kɨŋ hundorge naŋ. Ungo gɨ ojɨ gɨ kɨŋ kɨya hɨndari le, na Kumu. Ban ba ɓale lɔɔ gɨ ɗe kuyoŋdi-gusu ungo bɨ, turnoyi bɨ, na mundoŋ ɗəndəŋ duroy tɨwa di ƴee dan̰ tumɔɔ di ni gehɛn dɨŋ.

Matɨyo 24:13

Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.

Marg 13:13

Kalaŋ nɔm kɨya ƴomgɨŋge dan̰ kuduroyge kɨya cay gusonɨ. Ama ungo gɨ na ƴɨma usa bɨrɨŋ dɨɗɨn̰ kɨbi na, kɨya wɔɔ pɔɗɛ.»

Marg 8:35

Waŋ waŋ gɨ na gey pɔɗɛ gusi na, ban kɨya mɔndɛ gusi coŋ. Ama waŋ waŋ gɨ na mɨnda gusi coŋ kɨya canɨ bɨ, kɨya cay Kɔl-gɨ-Ɗari bɨ na, kɨya pɔɗɛ gusi leen̰ cɨndi.

Kɔl-gɨ-Ɗari gɨ Lug wal 21:12

«Ama tumɔ pa dɨm ma ɗe hɨnga ga nee le na ɨrga na, kan kɨya ƴomgɨŋ bɨ, kan kɨya gɨlgɨŋ cɨn̰-n̰age bɨ, kan kɨya se kɔl cay gɨŋ a duroy ƴaa-daye-di-da-Jubɨn̰əŋ gaŋ bɨ, kan kɨya bogɨgɨŋ dangay bɨ, kan kɨya tolgɨŋge orɨn̰ge danagɨŋ tumoy kɛrɨmbɛlɛŋ gaŋ bɨ, tumoy ka-kɨbɨ kɛrɨmbɛlɛŋ ga gɨmdəŋ kɨya gusoŋnɨ.

Kɔl-gɨ-Ɗari gɨ Ja̰ wal 12:25

Waŋ waŋ gɨ na gey pɔɗɛ gusi na, kɨya mɔndɛ gusi coŋ. Ama waŋ waŋ gɨ na sɨla gusi laan̰ hɨnga naŋ a cay gɨsəŋ gaŋ kɛ na, kɨya game gusi somɨn̰-bɨra dan̰ cɨndi.

Kɔl-gɨ-Ɗari gɨ Ja̰ wal 13:2

Kɨɗɨn̰ ga kan somge diige dɔɔ gɨ ni kɨdɨrɛ Pakɨ na, Haban̰ gɨsɨ ɨrɨme gɨ ni aye cay Jesu bɨ dobii kobɨ kalaŋ a kuduroy Judasɨ Isikarɨyɔt kurɨn̰ Simo Isikarɨyɔt.

Kɔl-gɨ-Ɗari gɨ Ja̰ wal 13:27

Kɨɗɨn̰ ga Judasɨ ƴee kɨway mapa le na, Sidan andaŋ kuduroyi. Ɨni na, Jesu yeyi hɨn̰: «Bɨya gusɨn̰ cɛd laa hɨnga ga ji ojɨ lɔɔ le, laa haw!»

Gɨye-lɔɔ 20:24

Ama ɨŋ sɨla sɔmɛ-bɨra hɨnge laan̰ hɨnga cɨnɨ naŋ. Hɨnga ga ɨŋ ba mal na, na gɨ ɨŋ na ɨr usa cay tɨbanɨ dɨŋ bɨ, dɨɗɨn̰ kɨbɨ gɨye gɨ Ba-gulɔŋ Jesu ba bəŋ le dan̰ ɗarway bɨ. Ban ma na lɔɔ tɨmon̰ tɨnge di ojɨ cay Kɔl-gɨ-Ɗari gɨ ojɨ cay ɗarwa di da Kumu le.

Gɨye-lɔɔ 21:13

Ama ban dɨbni cay nee yeni hɨn̰: «Kɨŋ ɨle bɨ, kɨŋ mal ɗe gɨ kuduronɨ na mundoŋ bɨ, na kɨya wa ga? Ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya gɨ kan na gɨ saɗɨdaŋ ƴɔbɨ naŋ, ama kɨya cay guson̰ Ba-gulɔŋ Jesu na, ɨŋ-bandi ɨŋ som pɛɗɛɗɛ a cay tɨbanɨ dɨŋ na kɨya marɨn̰ a Jerusalɛm.»

1 Korɛ̰t 9:25

Ka-bɔgɛ sɨwa ga ani ani kalɨn̰ ma kɨɗɨn̰ ga kan ɨre pol gusɨge ƴee le, dan̰ gusɨge koge dobɨge cayge te gasaŋ ga osɨdəŋ osɨdəŋ. Kan leege hɨnga ga nee le na kɨya wan̰ gɔyɛ di kɨya mundoŋ haw wo̰ coŋ. Ama na-gandi na, na bee sɨwa na kɨya wan̰ jagɨwa-tɨrɨmbala di kɨya mundoŋ naŋ bɨrɨŋ.

Epɛs 2:2

Jɨne le, kɨŋ kobɨ na gɨyəŋ gɨ da kumu gɨ cay gɨsəŋ gaŋ kɛ bɨ, kardi kɨlma gɨ ba ɨre daa duroy gɨɗɨgɨ-Kumu dan̰ cay gɨsəŋ gɨ na turnɔ di lee gɨye haw kɛ kuduroy kalaŋ ga na ka-baa ga da Kumu.

Epɛs 6:12

Kɨya wa kalaŋ ga na ba kɨya wɔrɨn̰ɛ danage le, na kalaŋ ga ɨndəŋ ga ɨran̰ge dan̰ kuyoŋdi-gusɨge naŋ bɨ, kɨbar naŋ bɨ, ama na dɔnɔ ga ɨsɨndəŋ ga na ka-dɔɔ cay ƴaa bɨ, ka-gulɔŋ hɨnga nɔm bɨ, kɛrɨmbɛlɛŋ ga a duroy dɨlɨm dɨŋ bɨ, turnɔ ga ɨsɨn ga somge gɨɗɨgɨ-Kumu gaŋ bɨ le.

Magtubu di Jag wal 1:12

Tumoy wolwa woy cay ungo gɨ ƴom kuduroy osu duroy hɨnga ga ni gɨwase gaŋ. Kɨya wa kɨɗɨn̰ ga hɨnga ga ni gɨwase le na gɨwasagɨŋ ɨni na, kɨŋ kɨya wɔɔ na jagɨwa ga ni ayɨn̰ banga. Jagɨwa ga nee le, na sɔmɛ-bɨra gɨ Kumu ye gɨ ɗi na kɨya lɔɔ bɨn̰ naa kalaŋ ga ɗi na geyge.

1 Pɨyɛr 5:4

Hɨn̰ gɨ kɨŋ na laa hɨn̰ wo̰ na, kɨɗɨn̰ ga Kɨris gɨ na kɨlma gɨ gumu gɨ ba sɔlɛ kardi gamge nɔm na jɨge na, kɨŋ kɨya wɔɔ jagɨwa-tɨrɨmbala gusoŋ-tɔgɛ ga jɨran̰edɨge ga toyge kɨya ayaŋ naŋ bɨrɨŋ le.

1 Pɨyɛr 5:8

Ƴɨmagɨŋ gusɨgɨŋ usa cay hɨnga nɔm bɨ, sɨmagɨŋ dan̰ toygɨŋ daa bɨ! Kɨya wa Ba-Baadɨgɨŋ haban̰ gor nɨwɨrde caygɨŋ hɨn̰ gusgo gɨ dor noyi ɨlɨn̰ malɨn̰ gɨyəŋ gɨ ni dɨn̰ ungo wo̰.

Wasɨn̰a 13:14

Ban nar kalaŋ ga a cay gɨsəŋ gaŋ dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ ga tumɔ ban lee a cɨn̰ kɨmana le. Ban yen̰ kalaŋ na laage turnoy hɨnga gɨsɨn̰ cay kɨmana gɨ way ɨya di da pəlɨm ma jɨga som-bɨra le.

Wasɨn̰a 13:2

Kɨmana gɨ ɨŋ ba sol le woy gɨlɨn̰ hɨn̰ kɨjɨbar wo̰ bɨ, tɨbayi gɨmdəŋ hɨn̰ tɨbay kɨmana gɨ man̰i gɨ teeyige ursu wo̰ bɨ, kɨbi woy gɨlɨn̰ hɨn̰ kɨbɨ gusgo wo̰ bɨ. Kɨmana gɨ ni dɨrago̰ le bii dɔnɔ toyi bɨ, kali-tɨrɨmbala toyi bɨ dɔnɔ di gumu di ni diin̰ cay ƴaa bɨ.

Wasɨn̰a 13:7

Kan biige gɨyəŋ ɗe na dɨbɨ kɨmbɨl dan̰ kalaŋ ga woyge dan̰ cɨndɨge bɨ, ɗe na boy-kɨmbɨl cayge bɨ. Kan biige dɔnɔ a cay te wɨn̰je nɔm bɨ, a cay labardi kalaŋ nɔm bɨ, a cay kɨbɨ wɔɔ nɔm bɨ, a cay te kalaŋ nɔm bɨ.

Wasɨn̰a 17:14

Kan kɨya dɨbe kɨmbɨl dan̰ Kurɨn̰-dɨmangɨ le, ama Kurɨn̰-dɨmangɨ kɨya bɔyɛ kɨmbɨl cayge kɨya wa ban ƴɔbɨ ma na Ba-gulɔŋ gɨ a cay ba-gulɔŋn̰əŋ bɨ, kɨlma gɨ a cay kɛrɨmbɛlɛŋ bɨ. Kan ga ban teege bɨ, kan ga ban torge bɨ, kan ga ɨrege cay tɨbayge dɨŋ bɨ le, kɨya bɔyɛge-kɨmbɨl danayi bɨ.»

Wasɨn̰a 2:13

Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.

Wasɨn̰a 2:9

Ɨŋ sol hɨnga ga ni dɔsɛ-ɗugɔ ga leegɨŋ bɨ, ɨŋ sol gɨ kɨŋ ɨran̰ dan̰ kandi-wɔɔ naŋ bɨ. Ama naa hɨn̰ wo̰ kalɨn̰ ma kɨŋ na ka-kandi-wɔɔ. Ɨŋ sol kɔl gɨ ni yagɨde gɨ kan ga yege gɨ ke naa Jubɨn̰əŋ yedege kol caygɨŋ le. Kan olge Kumu duroy ƴaa-daye-di-da-Jubɨn̰əŋ hage, ama leen̰ cɨndi na, kan na ƴaa-daye di da Sidan.