Wasɨn̰a 19:4 - Gabri Maja

⁴ Ɨni na, ka-muɗɔlɛ ga toyge-sɔɔ-cayge-poɗɨn̰ bɨ, kandi-se ga gɨɗɨgɨ-Kumu gaŋ ga poɗɨn̰ bɨ, poyge gɨbayige dugo bɨ n̰ɨrɨn̰ge Kumu gɨ som a cay kali-tɨrɨmbala dɨŋ le yen̰ge hɨn̰: «Ɗa-ɗe-woy-hɨn̰-wo̰! Aleluya!»

Wasɨn̰a 19:4 ပူးပေါင်းရင်းမြစ်များ

Matɨyo 28:20

Kɨŋ gɨlge hɨnga nɔm ga ɨŋ gɨlgɨŋ gɨ kɨŋ na laa le. Bɨ sɨlagɨŋ gɨ ɨŋ-bandi ɨŋ na baa danagɨŋ dan̰ wɔlɛ pɨna pɨna bɨrɨŋ gɨsɨn̰ gɨ cay gɨsəŋ toyge kɨya ayaŋ.»

Matɨyo 6:13

Ji ɗɔɔ ba ɗoni ɔrɛ kɨbɨ hɨnga ga ni gɨybe gaŋ naŋ, Ama dɨrani kɨbɨ hɨnga ga ɨsɨni ga sayga gusi Haban̰. [Kɨya wa dɔɔ-ƴaa bɨ, dɔnɔ bɨ, gusoŋ-tɔgɛ bɨ, na hɨnga kan̰ ɨlge dan̰ ɨlge. Ɗa-ɗe-woy-hɨn̰-wo̰!]

1 Korɛ̰t 14:16

Hɨn̰ gɨ ji na laan̰ Kumu ho’o naa dan̰ kɨbɨ gɨ toy kan̰di ƴɔbɨ na, ungo gɨ kalɨn̰ gɨ som duroy Ka-Daye ma sɨla duroy naŋ na kɨya dɨbɨn̰ cay nee yon̰ hɨn̰: «Ɗa-ɗe-woy-hɨn̰-wo̰» na mɨna ga?

Wasɨn̰a 15:7

Duroy kandi-se ga a gɨɗɨgɨ-Kumu gaŋ ga poɗɨn̰ le, pɨna duroyge bɨn̰ ka-ƴɔbɛ ga daa nii ga jurgum le kobo gɨ leege dan̰ lɔr won̰ jurgum. Kobo gɨ ni lɔr le walɨn̰ na dan̰ kuduroy hɔmɛ di da Kumu gɨ ba-sɔmɛ ɨlge dan̰ ɨlge.

Wasɨn̰a 19:1

Kardi nee, ɨŋ je noy ungo ye hɨn̰ noy dɨmdɨrdi kalaŋ ga dan̰ kondige wo̰ a gɨɗɨgɨ-Kumu gɨŋ ye hɨn̰: «Aleluya! Pɔɗɛ bɨ, gusoŋ-tɔgɛ bɨ, dɔnɔ bɨ na ga da Kumu konagɨŋ.

Wasɨn̰a 19:3

Ɨni na, te tumɔ di nee le jɨga ye ɗaŋ coŋ hɨn̰: «Aleluya! Gusadi tɨwa di a cay tama le, Andaŋ cul cul daa ɨlge dan̰ ɨlge.»

Wasɨn̰a 19:6

Ɨni na, ɨŋ je noy hɨnga ye hɨn̰ noy dɨmdɨrdi kalaŋ ga dan̰ kondige wo̰ bɨ, hɨn̰ noy kaŋdi kuray ga dan̰ kondige wo̰ bɨ, hɨn̰ noy ale gɨ da Kumu gɨ ye dan̰ togii wo̰ bɨ. Dɨmdɨrdi kalaŋ le yege hɨn̰: «Aleluya! Ba-gulɔŋ, Kumu konagɨŋ, Gɨ dɔnɔdi ɗɨn̰ dɔnɔ nɔm, Ƴee dɔɔ-ƴaa a kobi haw kɛ ɨni.

Wasɨn̰a 5:14

Kandi-se ga gɨɗɨgɨ-Kumu gaŋ ga poɗɨn̰ le, dɨbɨge cay nee yen̰ge hɨn̰: «Ɗa-ɗe-woy-hɨn̰-wo̰!» Kɨɗɨn̰di ga nee gaŋ le bɨ ka-muɗɔlɛ le poyge gɨbayge dugo n̰ɨriige.