Wasɨn̰a 18:3 - Gabri Maja

³ Ho’o, hɨnga ga nee le lee gusɨge, Kɨya gɨ te wɔɔ gɨ da kalaŋ nɔm Siige cɛrɛ di suru gɨ hɨndi bɨge, Cɛrɛ di suru le gɨl na tabɨlaŋ, Da yɔyɛ kɔɔ gɨ dan̰ gɨyəŋdi naŋ. Kɛrɨmbɛlɛŋ ga cay gɨsəŋ gaŋ, Yoyge yɔyɛ gɨ dan̰ gangɨ cayge danaa bɨ, Ka-lɔɔ gɨyaw ga cay gɨsəŋ gaŋ, Leege gɨyaw danaa, Ɗe age na wan̰ kandi-wɔɔ tɔgɨ, Kol kandi-wɔɔ kaa ga kondi tɔgɨ bɨ.»

Wasɨn̰a 18:3 ပူးပေါင်းရင်းမြစ်များ

Kɔl-gɨ-Ɗari gɨ Lug wal 7:25

Ɨni na, kɨŋ baga sɔlɛ na wa ga? Kɨŋ baga sɔlɛ na ungo gɨ tobɨ badɨge ga jɨran̰de ga? Ama sɨlagɨŋ, kalaŋ ga tobɨge badɨge ga jɨran̰de bɨ, somge a duroy ɗarwa dɨŋ bɨ le, woyge na duroy ƴaa tɨrɨmbala dɨŋ.

1 Timote 5:11

Ama kandɨ ga kodɨn̰ige ma ga baage kambɨle ƴee le, ji ɗɔɔ ba bɨndɨge. Kɨya wa kɨɗɨn̰ ga tabɨlaŋ di bara na laage na, kan kɨya ɗɔɔ gɨye gɨ da Kɨris coŋ bɨ, kɨya geyege na ƴɔɔ bara bɨ.

Wasɨn̰a 14:8

Ɨni na, ba-ƴɔbɛ gɨ daa nii gɨ ɗaŋ gɨ cay sɔɔdɨge kɨbɨga kardi ye hɨn̰: «Babilɔn cay ƴaa-di-gumu cay ƴaa-di-gumu le, baa ɨni, baa ɨni. Hɨndi bosɨn̰ te wɔɔ gɨ da kalaŋ nɔm cɛrɛ di suru gɨ da kuduroy-hɔmɛ. Cɛrɛ di suru le, na ajɨba tɔɔ.»

Wasɨn̰a 17:2

Hɨndi ma na tama ɗe-lɔɔ ajɨba di kɛrɨmbɛlɛŋ ga a cay gɨsəŋ gaŋ won̰ge danaa bɨ, kalaŋ ga a cay gɨsəŋ siige cɛrɛ di suru gɨ woy a boy kobo ajɨba kɔɔ gɨŋ bɨ koyge bɨ.»

Wasɨn̰a 18:19

Kan donge bundu bee cayge bɨ, kaydege gɔsɛ dan̰ ɨle bɨ, somge duroy n̰age dɨŋ bɨ, yege hɨn̰: «Cɨn̰-n̰age, cɨn̰-n̰age! Kɨya wa cay ƴaa-di-gumu, Di ka-gulɔŋ koburo ga gɨmdəŋ Ga cay kuray ga gɨmdəŋ nɔm, Wayige hɨnga kol caa le, Mundoŋ kurɔm kurɔm coŋ, Duroy tɨwa pɨna ƴɔbɨ.»

Wasɨn̰a 18:23

Ungo kɨya sɔlɛ asɨn̰a di lamba a tɛɛ naŋ bɨrɨŋ bɨ, Ungo kɨya jɔɔ noy ka-gɔrɛ ƴaa ga hɨrɨwa a tɛɛ naŋ bɨrɨŋ bɨ. Kɨya wa ka-lɔɔ gɨyaw kɛɛ na kalaŋ, Ga gɨmdəŋ ga a cay gɨsəŋ gaŋ kɛ bɨ. Dan̰ gɨyəŋ gɨ da lɔɔ tɨmba tɛɛ le, Me kay te wɔɔ gɨ da kalaŋ nɔm coŋ.»

Wasɨn̰a 18:7

Laagɨŋ hɨnga ga ni mɨrɨn̰tɨn̰i bɨ, Laagɨŋ ɗe hɨndi som duroy n̰age tɨma dɨŋ bɨ, Ɗe ɓalɨn̰ dan̰ gɨle gɨ hɨndi gɨl guso bɨ, Ɗe ɓalɨn̰ dan̰ se gɨ hɨndi si kandi-wɔɔ kaa, Ga kuɗudaŋ kɨbɨ gusɨge gaŋ doŋ bɨ. Kɨya wa hɨndi ye kudurɔ hɨn̰: “Ɨŋ som cay kali tɨrɨmbali dɨŋ bɨ, Kuduronɨ mara naŋ bɨ, Ɨŋ sɨma duroy n̰age tɨma dɨŋ naŋ bɨrɨŋ bɨ.”

Wasɨn̰a 18:9

Ɨni na, kɛrɨmbɛlɛŋ ga cay gɨsəŋ gaŋ ga won̰ge danaa kɨɗɨn̰ ajɨba dɨŋ bɨ, ɗege gusɨge a kobɨ kandi-wɔɔ kage ga kondi gaŋ bɨ le, kɨya sɔlɛge gusadi tɨwa di a caa na, kan kɨya ɨle bɨ, kɨya tɔgɛge kuduroyge rab rab kɨya caa bɨ.