Wasɨn̰a 17:9 - Gabri Maja

⁹ «Tɨwa di kɛ le, na tɨwa di da cɨn̰-muɗɔlɛ bɨ, na tɨwa di ungo cayi na wɨyan̰ bɨra bɨ: Ca ga jurgum le na garma ga jurgum ga tama le som cay nee. Kan na kɛrɨmbɛlɛŋ ga jurgum nee coŋ.

Wasɨn̰a 17:9 ပူးပေါင်းရင်းမြစ်များ

Matɨyo 13:11

Ban dɨbɨge cay nee yege hɨn̰: «Kɨŋ-gandi na, Kumu bɨgɨŋ gɨyəŋ gɨ ni solɨn̰ hɨnga ga woy kɨɗɨn̰ wɔsɛdɨge gaŋ ga woy ojɨ cay dɔɔ-ƴaa di daa nii, ama kan ga kɛ le ban bɨge gɨyəŋ naŋ ƴee.

Matɨyo 24:15

«Na toy di hɨn̰ wo̰ ma kɨɗɨn̰ ga kɨŋ na sɨla hɨnga ga ɨsɨni ga kɨya ɨrgan̰ dan̰ mundoŋ, ga Danɨyɛl ba-yɔɔ-kɔl-gɨ-Kumu-ba-yɔɔ naa ba ye koldɨge tumɔ le, na ɨre sɨma boy kɨɗɨn̰ ga woy dan̰ cɨndɨge gaŋ na. (Ɗe ungo gɨ ɗongɨsɨ kɔl gɨ nee le, sɨla duroy kuɗa.)

Wasɨn̰a 13:1

Kardi nee, ɨŋ sol kɨmana gɨ kɨben̰di won̰ mɔjɨ bɨ cayi won̰ jurgum bɨ, andɨgaŋ a duroy kuray gɨ gumu taa taa gɨŋ doŋ. Jagɨwa-tɨrɨmbala ga dḛ dḛ woy a cay kɨben̰ gaŋ le pɨna pɨna. Ɨni na, walge gusoŋn̰əŋ ga yagɨde Kumu a cay caa gaŋ le.

Wasɨn̰a 13:18

Na tɨwa di da cɨn̰-muɗɔlɛ. Ungo gɨ cayi na wɨya bɨra na kɨya ɓale sɔlɛ duroy nombɨro gɨ ojɨ cay kɨmana le, kɨya wa na nombɨro gɨ gɨl ungo. Nombɨro gɨ nee le na: Aru-jii-dan̰-toyi-jii-cay-jii.

Wasɨn̰a 17:18

«Kagadi gɨŋ na, tama di ji ba sɨlgaa le, na cay ƴaa-di-gumu di dii-ƴaa cay kɛrɨmbɛlɛŋ ga a cay gɨsəŋ gaŋ.»

Wasɨn̰a 17:3

Kɨɗɨn̰ ga Turnɔ di da Kumu lee gɨye kuduronɨ na, ba-ƴɔbɛ gɨ daa nii ayaŋ orɨn̰ danaŋ duroy dal dɨŋ. Ɨni na, a nee le na ɨŋ sol tama di pɨna wo̰ di nay a cay kɨmana gɨ ɨsɨni gɨ gusi yɨle pən̰ bɨ, orɨn̰ dan̰ gusoŋn̰əŋ ga walge a gusi bɨ, gusoŋn̰əŋ ga nee le nɔm na gusoŋ ga yagɨde Kumu bɨ. Kɨmana le, orɨn̰ dan̰ cayi won̰ jurgum bɨ, kɨben̰di won̰ mɔjɨ bɨ.

Wasɨn̰a 17:7

Ɨni na, ba-ƴɔbɛ gɨ daa nii le yəŋ hɨn̰: «Kɛ na kɨya wa ma kɔl kayɨn̰ ga? Ɨŋ kɨya dorɨn̰ te hɨnga ga woy kɨɗɨn̰ wɔsɛdɨge gaŋ ojɨn̰ cay tama le bɨ, ojɨn̰ cay kɨmana gɨ cayi won̰ jurgum bɨ, kɨben̰di mɔjɨ bɨ, gɨ hɨndi nay cay nee le.