Wasɨn̰a 17:1 - Gabri Maja

¹ Kɨɗɨn̰di ga nee gaŋ le na, ba-ƴɔbɛ gɨ daa nii pɨna duroy ga jurgum ga ƴomge dan̰ kobo jurgum kobɨge le ɨrga gusɨnɨ yəŋ hɨn̰: «Ɨre aŋ yen̰ kɔl gɨ kan ba kɨya bɔyɛ a cay tama ɗe-lɔɔ ajɨba tɔgɨ di kan sɔlɔɔ gɨ hɨndi som na a duroy kuray nɔm ga dan̰ kondiige le.

Wasɨn̰a 17:1 ပူးပေါင်းရင်းမြစ်များ

Kɔl-gɨ-Ɗari gɨ Lug wal 24:32

Bɨ kan sayge ye kɔl duroyge yege hɨn̰: «Jə! Kɨɗɨn̰ ga ban ba ɨre ye kɔl danana a te gɨyəŋ gɨŋ bɨ, dorna te kɔl gɨ duroy Magtubu dɨŋ bɨ le kɛ, ban dɨba bandɨ kuduroyna, bɨrɨŋ gɨ kuduroyna laa gusi-mɔwa naŋ ga?»

Kɔl-gɨ-Ɗari gɨ Lug wal 9:30

Bɨ ga ma, ban̰aŋ won̰ sɔɔ andaŋge ɨre arge kɔl dan̰ Jesu. Kan na Moyis dan̰ Eli ka-yɔɔ-kɔl-gɨ-Kumu-ba-yɔɔ ga jɨne,

Wasɨn̰a 1:1

Magtubu di kɛ le, na hɨnga ga woy kɨɗɨn̰ wɔsɛdɨge gaŋ ga Jesu-Kɨris wasɨn̰ cayge. Na Kumu ba bii ɗe na gɨlɨn̰ marɨne ka-gɨye kayi, ɗe na solɨn̰ge hɨnga ga ba kɨya ɨrga mɨnde. Na toy di hɨn̰ wo̰ ma, Jesu gɨy ba-ƴɔbɛ koyi gɨ daa nii ɗe na or wasɨn̰e cayge bɨn̰ marɨna ba-gɨye koyi Ja̰ ɗe na sol.

Wasɨn̰a 15:1

Kardi nee, ɨŋ sol hɨnga ga ni gɨle ga ɗaŋ gumu bɨ dor turnoy kɨɗɨn̰ bɨ, a gɨɗɨgɨ-Kumu gɨŋ. Ka-ƴɔbɛ ga daa nii jurgum ƴomge hɨnga ga ɨsɨni ga ka-mɔndɛ kɨɗɨn̰ jurgum kobɨge. Na hɨnga ga ɨsɨni ga ka-mɔndɛ kɨɗɨn̰ ga karu. Kɨya wa na dan̰ gɨyəŋ gɨ da hɨnga nɔm ga nee le ma, Kumu kɨya dɨɗɨn̰ kɨbɨ kuduroy-hɔmɛ toyi.

Wasɨn̰a 16:19

Cay ƴaa-di-gumu le cudurdoŋ dugo kɨɗɨn̰ sɨbɨ bɨ, cay ƴaan̰əŋ ga gɨmdəŋ ga da te wɔɔ gɨ da kalaŋ ga cay gɨsəŋ gaŋ laydaŋ dugo nɔm bɨ. Kɨɗɨn̰di ga nee gaŋ le, Kumu hɨn a cay Babilɔn di na cay ƴaa-di-gumu le. Ban boo cɛrɛ di suru di a boy kobo gɨ da kuduroy-hɔmɛ koyi gɨ dɨmbɨre ɗe sii.

Wasɨn̰a 18:1

Kardi nee na, ɨŋ sol ba-ƴɔbɛ gɨ daa nii gɨ ɗaŋ sayga gɨɗɨgɨ-Kumu gɨŋ gɨsɨngɨ dugo. Togii kondɨ bɨ asɨn̰adi lee gɨ kɨɗɨn̰ asɨn̰ a cay gɨsəŋ gaŋ bɨ.

Wasɨn̰a 19:2

Kɨya wa bɔyɛ kɔl koyi na cɨndi bɨ, Na dan̰ gɨyəŋdi bɨ. Ban boy kɔl a cay tama ajɨba, Di gumu di mondɨ cay gɨsəŋ, Dan̰ gɨyəŋ gɨ da ajɨba tɔɔ di hɨndi lee le bɨ. Ban gojɨ baa kol bɔgɛ gɨ hɨndi bee, Kɨbardi ka-lɔɔ gɨye kayi dugo le bɨ.»

Wasɨn̰a 19:9

Ɨni na, ba-ƴɔbɛ gɨ daa nii gɨ pɨna wo̰ yəŋ hɨn̰: «Wala dugo: Tumoy wolwa woy a cay kalaŋ ga molgege a kɨɗɨn̰ gɔrɛ gɨ da Kurɨn̰-dɨmangɨ gɨŋ le.» Ban jɨga yəŋ ɗaŋ hɨn̰: «Ho’o, kɔl nɔm gɨ ba kɛ le, na kɔl gɨ da Kumu leen̰ cɨndi hage.»

Wasɨn̰a 21:15

Ba-ƴɔbɛ gɨ daa nii gɨ ɨre ye kɔl danaŋ le, orɨn̰ dan̰ kɨlɛŋ gɨ leege na dan̰ lɔr a kobi. Na kɨlɛŋ gɨ ni gɨsɨn̰ cay ƴaa-di-gumu dan̰ kɨbɨ-ƴaadon̰əŋ bɨ, bɨrɨmdon̰əŋ bɨ.

Wasɨn̰a 21:9

Kardi nee, ba-ƴɔbɛ gɨ daa nii pɨna, gɨ a duroy kan ga jurgum ga tumɔ ƴomge kobo ga jurgum ga hɨnga ga ɨsɨni ga ka-mɔndɛ kɨɗɨn̰ ga ni kagadɨge le, ɨrga gusɨnɨ yəŋ ye hɨn̰: «Ɨre aŋ gɨlɨn̰ ɗe kujɔ di kɨya bɨle tam Kurɨn̰-dɨmangɨ le.»

Wasɨn̰a 4:1

Kardi hɨnga ga nee le na, ɨŋ sol hɨnga ga ɗaŋ coŋ. Ɨŋ sol kɨbɨ-ƴaa di gɨɗɨgɨ-Kumu dɨŋ hangaŋ. Ɨŋ je noy ungo gɨ naa tumɔ ba ye kɔl danaŋ le ye hɨn̰ burun̰ji wo̰. Ungo gɨ nee le, ye hɨn̰: «Naya jɨn̰ gusɨnɨ kɛ aŋ gɨlɨn̰ hɨnga ga naa wa wa kalɨn̰ ma kɨya caga kardi nee le.»