Wasɨn̰a 13:3 - Gabri Maja

³ Caa di pɨna duroy caa da kɨmana le orɨn̰ dan̰ dɨraŋ hɨn̰ gɨ tumɔ kan na wal naa tumoyi ma ɨyado na jon̰ wo̰. Kalaŋ ga a cay gɨsəŋ gaŋ nɔm kɔl kayige, lee gɨ kan say kobɨ kardi kɨmana le.

Wasɨn̰a 13:3 ပူးပေါင်းရင်းမြစ်များ

Kɔl-gɨ-Ɗari gɨ Lug wal 2:1

Boy ɨlgedi gɨ nee le, Ogust Sejar kɨlma gɨ gumu gɨ dii cay gɨsəŋ ga Rɔm, ay noyi bɨn̰ kalaŋ nɔm ga somge a cay gɨsəŋ kayi gaŋ, ɗe kan na sii gusondɨge a duroy magtubu di ni ɗongɨsɨn̰ kalaŋ dɨŋ.

Kɔl-gɨ-Ɗari gɨ Ja̰ wal 12:19

Ɨni na, Parɨsɨn̰an̰əŋ yen̰ge gusɨge hɨn̰: «Sɨlagɨŋ, kɨŋ kɨya ɓale naŋ ɨni. Kɨya wa kalaŋ nɔm orge kardi.»

Gɨye-lɔɔ 8:13

Simo gusi kalɨn̰ ma ay kuduroyi bɨ, kan leeyige batɛm bɨ ɨni na, ban luyoŋ te Pilib. Hɨnga nɔm ga ɗɨn̰ cɨn̰-kɨɗɨn̰ tɔgɨ bɨ, hɨnga nɔm ga ni beli bɨ, ga Pilib ba lee le, ban sol dan̰ cɨndi bɨ, kɔl kayi sɛl sɛl bɨ.

Wasɨn̰a 13:12

Kɨmana gɨ de kɨɗɨn̰ andaŋ haw kɛ le, orɨn̰ dan̰ dɔnɔ di ni leen̰ gɨye nɔm tumoy kɨmana gɨ cay wase le. Ban lee gɨ cay gɨsəŋ dan̰ kalaŋ nɔm ga nee n̰ɨrege kɨmana gɨ cay wase gɨ kan bii ɨya di ni tɨma ma ɨyado jon̰ le.

Wasɨn̰a 13:14

Ban nar kalaŋ ga a cay gɨsəŋ gaŋ dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ ga tumɔ ban lee a cɨn̰ kɨmana le. Ban yen̰ kalaŋ na laage turnoy hɨnga gɨsɨn̰ cay kɨmana gɨ way ɨya di da pəlɨm ma jɨga som-bɨra le.

Wasɨn̰a 17:10

Bay duroyge mage ɨni bɨ, pɨna woy te dɔɔ-ƴaa nee bɨ, gɨ ɗaŋ baa aye te dɔɔ-ƴaa ƴee bɨ. Ama kɨɗɨn̰ ga ban gɨ nee le na cege na, ban kɨya dɔɔ-ƴaa na gɨ ni tɨwa lam wo̰ ƴɔbɨ.

Wasɨn̰a 17:11

Kɨmana gɨ a boy wɔlɛ gɨ tumɔ gɨŋ woy nee ma haw kɛ unɔ le, bugoŋ pɨna dan̰ kɛrɨmbɛlɛŋ ga jurgum le, ban kɨya dɔɔ-ƴaa hɨn̰ kɨlma gɨ cay margɨmdɨge wo̰. Ama Kumu ojɨ gɨ ban na gɨ ɔrɛ naa kɨɗɨn̰ ga ni mundoŋ gaŋ.

Wasɨn̰a 17:13

Kɛrɨmbɛlɛŋ ga mɔjɨ ga nee le, kɨya bɔgɛ ɨrɨmedɨge pɨna kɨya loon̰ gɨye bɨn̰ kɨmana le dan̰ dɔnɔdɨge bɨ, dobɨn̰ cayge a te dɔnɔ toyi dɨŋ bɨ.

Wasɨn̰a 17:17

Ho’o, na Kumu ba lɔɔ gɨ kɛrɨmbɛlɛŋ ga nee le, na ayage noyge gɨ ni loon̰ hɨnga ga ban ojɨ gɨ kan na laa. Kan kɨya bɔgɛ noyge pɨna loon̰ gɨye gɨ ni ɗon̰ tɨrɨmbala toge a kobɨ kɨmana, bɨrɨŋ gɨsɨn̰ gɨ kɔl gɨ Kumu ba ye le, na ɨra kɨɗɨn̰di gaŋ.

Wasɨn̰a 17:6

Ɨni na, ɨŋ sol tama le cɛrɛ di suru kɔyɔɔ, kɨya wa hɨndi sii na kɨbardi kalaŋ ga woyge dan̰ cɨndɨge gɨɗaŋ ga na kalaŋ ga ka-lɔɔ tɨmon̰ di da Jesu le. Kɨɗɨn̰ ga ɨŋ sɔlɔɔ na, kɔl kayaŋ yɔd.

Wasɨn̰a 17:8

Kɨmana gɨ ji ba sɨlgayi le, tumɔ ban woy nee. Ama haw kɛ ban unɔ. Ban kɨya sɔ a te umboŋ gɨ ɗɨgi mɨrɨg gɨ kagadi unɔ gɨŋ andɨgaŋ doŋ bɨ, ɔrɛ kɨɗɨn̰ mundoŋ gaŋ. Kalaŋ ga gusondɨge unɔ a duroy magtubu sɔmɛ-bɨra gɨŋ, ayɨn̰ toy gɨ ɗen̰ge cay gɨsəŋ le, kan kɨya sɔlɛ kɨmana le bɨ, kɔl kɨya kayge gɨɗaŋ kɨya wa a boy wɔlɛ gɨ tumɔ gɨŋ ban woy nee bɨ haw kɛ ban unɔ, ama ban kɨya jɨga.