Wasɨn̰a 13:1 - Gabri Maja

¹ Kardi nee, ɨŋ sol kɨmana gɨ kɨben̰di won̰ mɔjɨ bɨ cayi won̰ jurgum bɨ, andɨgaŋ a duroy kuray gɨ gumu taa taa gɨŋ doŋ. Jagɨwa-tɨrɨmbala ga dḛ dḛ woy a cay kɨben̰ gaŋ le pɨna pɨna. Ɨni na, walge gusoŋn̰əŋ ga yagɨde Kumu a cay caa gaŋ le.

Wasɨn̰a 13:1 ပူးပေါင်းရင်းမြစ်များ

Wasɨn̰a 11:7

Ama kɨɗɨn̰ ga ka-lɔɔ tɨmon̰ ga sɔɔ le, na laage tɨmon̰ kage coŋ ɨni na, kɨmana gɨ sayga te umboŋ gɨ ɗɨgi mɨrɨg gɨ kagadi unɔ gɨŋ le, kɨya dɨbe kɨmbɨl danage bɨ, kɨya aye banga cayge bɨ, kɨya dɨɗɨge bɨ.

Wasɨn̰a 12:3

Ɨni na, hɨnga ga ni gɨle ga pɨna wo̰ ga ɗaŋ andɨgaŋ a gɨɗɨgɨ-Kumu gɨŋ: Na kɨmana gɨ pɨna wo̰ gɨ gumu gɨ teeyige dɨrago̰, yɨle pen̰ hɨn̰ tɨwa wo̰. Ban orɨn̰ dan̰ cayi won̰ jurgum bɨ kɨben̰di won̰ mɔjɨ bɨ. Cayi ga jurgum le, orɨn̰ dan̰ jagɨwa-tɨrɨmbala ga dḛ dḛ nee pɨna pɨna.

Wasɨn̰a 13:11

Kardi nee, ɨŋ sol kɨmana gɨ ɗaŋ andɨgaŋ a te gɨsəŋ gaŋ doŋ. Kɨben̰di won̰ sɔɔ, ama gɨlɨn̰ na hɨn̰ da kurɨn̰-dɨmangɨ wo̰ bɨ, ye kɔl na hɨn̰ kɨmana gɨ ni dɨrago̰ wo̰ bɨ.

Wasɨn̰a 13:14

Ban nar kalaŋ ga a cay gɨsəŋ gaŋ dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ ga tumɔ ban lee a cɨn̰ kɨmana le. Ban yen̰ kalaŋ na laage turnoy hɨnga gɨsɨn̰ cay kɨmana gɨ way ɨya di da pəlɨm ma jɨga som-bɨra le.

Wasɨn̰a 13:15

Kɨmana gɨ cay sɔɔdɨge le, biige dan̰ dɔnɔ di ni dobɨn̰ habe a gusi turnoy hɨnga ga leege gɨsɨn̰ kɨmana le. Lee gɨ turnoy hɨnga le ye kɔl bɨ, dɨɗɨ kalaŋ ga n̰ɨrooge naŋ bɨ.

Wasɨn̰a 15:2

Kardi nee, ɨŋ sol kɨɗɨn̰ ga woli ga gɨlɨn̰ hɨn̰ kuray gɨ gumu taa taa gɨ kaŋdi ɨre arɨn̰ yarara bɨrɨŋ gɨ te kaŋ kalɨn̰ ma ungo ɓal sɔlɛ, polɨn̰ dan̰ tɨwa. Ɨni na, a cay kuray gɨŋ le kalaŋ nɔm ga boyge kɨmbɨl a cay kɨmana bɨ, a cay turnoyi bɨ, a cay nombɨro gɨ gɨl gusondi bɨ le, ƴomdege jange ga da Kumu pɨna pɨna kobɨge.

Wasɨn̰a 16:13

Kardi nee, ɨŋ sol turnɔn̰əŋ ga ɨsɨndəŋ ga gɨlɨn̰ge hɨn̰ gɨrna wo̰ won̰ge sɨbɨ andaŋge doŋ a kɨbɨ kɨmana gɨ teeyige dɨrago̰ le bɨ, a kɨbɨ kɨmana le bɨ, a kɨbɨ ba-yɔɔ-kɔl-gɨ-Kumu-ba-yɔɔ gɨ cɨndi naŋ le bɨ.

Wasɨn̰a 17:16

«Kɨben̰ kɨmana ga mɔjɨ ga ji ba solge bɨ kɨmana le bɨ, kɨya ƴɔmɛge tama di ni ajɨba le dan̰ kuduroyge. Kan kɨya tɔrɛge hɨnga kaa nɔm ɗooge guso kalɨn̰. Kan kɨya dɔɔ kuyoŋdi-guso bɨ, ulooge dan̰ tɨwa coŋ bɨ.

Wasɨn̰a 17:3

Kɨɗɨn̰ ga Turnɔ di da Kumu lee gɨye kuduronɨ na, ba-ƴɔbɛ gɨ daa nii ayaŋ orɨn̰ danaŋ duroy dal dɨŋ. Ɨni na, a nee le na ɨŋ sol tama di pɨna wo̰ di nay a cay kɨmana gɨ ɨsɨni gɨ gusi yɨle pən̰ bɨ, orɨn̰ dan̰ gusoŋn̰əŋ ga walge a gusi bɨ, gusoŋn̰əŋ ga nee le nɔm na gusoŋ ga yagɨde Kumu bɨ. Kɨmana le, orɨn̰ dan̰ cayi won̰ jurgum bɨ, kɨben̰di won̰ mɔjɨ bɨ.

Wasɨn̰a 17:5

Walge gusoŋ gɨ ungo sɨla duroyi naŋ a jɨndo. Gusoŋ gɨ ba woy a jɨndo le na: «Babilɔn cay ƴaa-di-gumu, na ƴoy ajɨban̰əŋ bɨ ƴoy bɨrane di a cay gɨsəŋ gaŋ kɛ bɨ.»

Wasɨn̰a 19:19

Kardi nee, ɨŋ sol kɨmana le bɨ, kɛrɨmbɛlɛŋ ga a cay gɨsəŋ gaŋ dan̰ asɨgarn̰əŋ kage, dayaŋge kɨya dɨbe kɨmbɨl dan̰ ban gɨ ba nɔɔ a cay hɨnda gɨ bɛrɛ gɨŋ dan̰ asɨgarn̰əŋ kayi bɨ.