Wasɨn̰a 12:9 - Gabri Maja

⁹ Kɨmana gɨ gumu gɨ teeyige dɨrago̰ le nongɨliige dibiige dugo. Ban na kumbulo gɨ som jɨne hayi gɨ teeyige Haban̰ bɨ Sidan bɨ, gɨ na ba nare kalaŋ nɔm ga a cay gɨsəŋ gaŋ bɨ. Nongɨliige dibiige a cay gɨsəŋ gaŋ dan̰ ka-ƴɔbɛ kayi nɔm.

Wasɨn̰a 12:9 ပူးပေါင်းရင်းမြစ်များ

Matɨyo 13:39

Ba-baa gɨ ba-gɨse tɨngɨrɨn̰ le, na Haban̰. Wɔlɛ gɨ ni walɨn̰ cay gasa le, na kagadi wɔlɛ. Bɨ ka-wale cay gasa le, na ka-ƴɔbɛ ga daa nii bɨ.

Matɨyo 24:24

Kɨya gɨ kɨrisn̰əŋ ga hɨnde naŋ bɨ, ka-yɔɔ-kɔl-gɨ-Kumu-ba-yɔɔ ga hɨnde naŋ bɨ, kɨya andaŋge. Kan kɨya lɔɔge hɨnga ga ɗɨn̰ cɨn̰-kɨɗɨn̰ ga gɨmdəŋ tɔgɨ bɨ, hɨnga ga ni belin̰əŋ bɨ, age na kayɨn̰ kalaŋ. Hɨn̰ gɨ kan ni na ɓala na, kan ga Kumu torge kalɨn̰ ma, kan gey kaygege bɨ.

Matɨyo 25:41

«Kardi nee ɨni na, kɨlma yen̰ kan ga a cay kobi gɨ masa gɨŋ le, yege hɨn̰: “Kɨŋ ga Kumu ɓɨsɨgɨŋ le sagɨŋ gusɨnɨ coŋ. Ɨragɨŋ boy tɨwa di woy dan̰ cɨndo dɨŋ di ƴomge cay tɨbaa kɨya cay Haban̰ bɨ, ka-ƴɔbɛ kaa bɨ.

Matɨyo 4:1

Turnɔ di da Kumu golii orɨn̰ danayi duroy daldɨŋ, ɗe Haban̰ na gɨybii.

Matɨyo 4:10

Ɨni na, Jesu jɨga yoo hɨn̰: «Sa coŋ, Sidan! Kɨya wa magtubu gasɨn̰-kɔl gɨ da Kumu ye hɨn̰: “Na Ba-gulɔŋ Kumu pɨna hayi kəɗ kəɗ ma mɨn̰ kɨya n̰ɨrii bɨ, lɔɔ gɨye bii bɨ.”»

Matɨyo 4:5

Ɨni na, Haban̰ orɨn̰ danayi bɨrɨŋ a cay ƴaa-di-gumu di woy dan̰ cɨndo dɨŋ, orɨn̰ danayi ayi sii gɨɗɨgɨ ƴaa-di-da-Kumu dɨŋ,

Matɨyo 4:8

Haban̰ ayi orɨn̰ danayi cay garma gɨ pɨna wo̰, gɨ sɨngɨɗɨ daa kɨvbɨj ɗaŋ coŋ, gɨlii dɔɔ-ƴaa di cay gɨsəŋ gaŋ nɔm dan̰ hɨnga ga ni gusoŋ-tɔgɛ kage,

Kɔl-gɨ-Ɗari gɨ Lug wal 10:18

Jesu dɨbɨge cay nee hɨn̰: «Kɨɗɨn̰ ga ɨŋ sol kɨɗɨn̰ ɗɛ na, ɨŋ sol sidan sayga daa baa dugo hɨn̰ wɨlɨn̰e gɨ da Kumu wo̰.»

Kɔl-gɨ-Ɗari gɨ Lug wal 13:16

Tama di nee le kalɨn̰ ma na kungay Abɨraham bɨ, sɨla ɓal ɨlge mɔjɨ-cay-margɨm, gɨ sidan saɗoo dan̰ hɔmɨn̰ɛ gɨ nee le. Ma kɛ, na mɨna ma uja gɨ ɨŋ gɨ pɨndɨroo daa dan̰ wɔlɛ gɨ ni dorɨn̰ gɨlale gɨ da Jubɨn̰əŋ naŋ ga?»

Kɔl-gɨ-Ɗari gɨ Lug wal 22:3

Ɨni na, Sidan andaŋ kuduroy Judasɨ gɨ kan teeyige na Isikarɨyɔt, gɨ na ba-aye-cay-tɨbayi gɨ pɨna gɨ woy duroy kan ga mɔjɨ-cayge-sɔɔ le.

Kɔl-gɨ-Ɗari gɨ Lug wal 22:31

Bɨ Jesu yen̰ Pɨyɛr ye hɨn̰: «Simo, Simo, ja! Sidan ɨngɨr te tumɔ ana yɨbagɨ aye kudurɔ kon̰ hɨn̰ gasa ga kan yal cɨndɨge wo̰.

Kɔl-gɨ-Ɗari gɨ Lug wal 8:12

Gasi gɨse ga bugoŋ bongi gɨyəŋ le, gɨlɨn̰ na dan̰ kalaŋ ga je kɔl gɨ da Kumu dan̰ sɨmayge. Ama kɨɗɨn̰di ga nee gaŋ le bɨ haban̰ ɨrga dor kɔl gɨ da Kumu le cɔd kuduroyge coŋ, naŋ na kan na gɨ da bɔgɛ kuduroyge cay nee wan̰ pɔɗɛ.

Kɔl-gɨ-Ɗari gɨ Ja̰ wal 12:31

Haw kɛ na kɔl gɨ Kumu kɨya bɔyɛ a cay kalaŋ ga cay gɨsəŋ gaŋ le, tɨwa di ɓal ɨni. Haw kɛ na tɨwa di ban kɨya ƴomɨn̰ kɨlma gɨ ba-dɔɔ cay gɨsəŋ kɛ le, dɨbii doŋ ɓal ɨni.

Kɔl-gɨ-Ɗari gɨ Ja̰ wal 14:30

Ayɨn̰ toy haw kɛ na ɨŋ kɨya are-kɔl tɔgɨ danagɨŋ naŋ bɨrɨŋ ɨni. Kɨya wa kɨlma gɨ da kalaŋ ga a cay gɨsəŋ gaŋ kɛ, tɨlga nee. Ban ɨran̰ dan̰ dɔnɔ pɨna a canɨ naŋ.

Kɔl-gɨ-Ɗari gɨ Ja̰ wal 16:11

Ama gɨ ojɨ cay bɔyɛ kɔl na, na kɨya gɨ boyge kɔl cay kɨlma gɨ a cay gɨsəŋ gaŋ ɨni bɨ.

Kɔl-gɨ-Ɗari gɨ Ja̰ wal 8:44

Baygɨŋ na Haban̰ bɨ, kɨŋ gey lɔɔ na hɨnga ga kuduroy baygɨŋ gey le bɨ. Ayɨn̰ toy gɨ Kumu ɗen̰ cay gɨsəŋ le, Haban̰ na ba dɨɗe kɨɗɨn̰. Dɨlay dan̰ kɔl gɨ cɨndi naŋ. Kɨya wa kɔl gɨ cɨndi unɔ gusi. Kɨɗɨn̰ ga ban ye kɔl gɨ ni poyi na, ban ye na kɔl gɨ ojɨ cayi toyi. Kɨya wa ban na ba-poyi bɨ, poy baa bɨ.

Gɨye-lɔɔ 26:18

An̰ hangɨn̰ cɨndɨge ɗe gɨ kan na andan̰ duroy dɨlɨm dɨŋ coŋ bɨ, andɨn̰ boy kɨɗɨn̰ ga woli gaŋ bɨ, andan̰ kobɨ tɔgɨ di da Sidan dɨŋ coŋ bɨ, andɨn̰ boy dɔnɔ di da Kumu dɨŋ. Bɨ Kumu kɨya ɗɔɔ kuduroyi jalɨwa cay ɨsɨna koge bɨ, kan kɨya wan̰ hɨnga ga ni ban̰di-gulɔŋ duroy kalaŋ ga woyge dan̰ cɨndɨge kɨya kuduroyge ga kan ayge bəŋ.”»

Gɨye-lɔɔ 5:3

Ɨni na, Pɨyɛr ɨngri yeyi hɨn̰: «Ananɨyas, na kɨya wa ma mɨn̰ lee hɨnga ga Sidan yen̰ le ga? Kɨya wa ma mɨn̰ yen̰ Turnɔ ɗe-kuduroy-bɛrɛ poy bɨ, mɨn̰ dor kɨbɨ gursu da kɨɗɨn̰ le wosɨ kɨwa dugo ga?

Magtubu di Pol wal bɨn̰ kalaŋ ga Rɔm 16:18

Na cɨndi, kalaŋ ga nee le, laage gɨye bɨn̰ na Ba-gulondɨna Kɨris naŋ, ama leege gɨye bɨn̰ na kuduroyge ƴɔbɨ. Kalaŋ ga hɨnga-sɔlɛ kage baa gɨyəŋ le, kan nadɨrdɨge dan̰ kɔl ga mɔɔ bɨ, ga ni narɨn̰ cɨn̰-kɨɗɨn̰ bɨ.

Magtubu di Pol wal bɨn̰ kalaŋ ga Rɔm 16:20

Baa mɨnde gɨ Kumu gɨ ba-bee gusi-dɔbɛ kɨya rade cay Sidan a te tɨbayigɨŋ dɨŋ dugo. Kuɗa gɨ ɗarwa di da Ba-gulondɨna Jesu baa danagɨŋ.

2 Korɛ̰t 11:14

Gɨ nee le, na kɔl gɨ kɨya kaye ungo sɛl sɛl naŋ, kɨya wa Sidan guso kɔɔ kalɨn̰ ma lee guso gɨlɨn̰ hɨn̰ ba-ƴɔbɛ gɨ daa nii gɨ asɨn̰ wo̰.

2 Korɛ̰t 11:3

Ama ni sol gɨ kumbulo nar Ɛbə na dan̰ gɨyəŋ gɨ da jɨba toy bɨ haw kɛ na, hundɔrɔ ləŋ kol caygɨŋ. Gajanaŋ ungo da mɔndɛ ɨrɨmedɨgɨŋ bɨ, kɨŋ da curoŋ a te gɨyəŋ gɨ ni kɔbɛ Kɨris dan̰ geye gɨ cɨndi bɨ, gɨ duroŋ mɨra bɨ.

2 Korɛ̰t 12:7

Na cɨndi, hɨnga ga nee ga Kumu wasɨn̰ cayge bəŋ le dor turnoy kɨɗɨn̰, Kumu gey gɨ ɨŋ na gɨ gɨle gusɨnɨ koldɨge naŋ. Na toy di hɨn̰ wo̰ ma Kumu bəŋ hɨnga ga pɨna wo̰ ga gɨləŋ-cɨn̰ hɨn̰ gɨsɨm wo̰ a kuyonɨ gɨŋ gɨlɨn̰ hɨn̰ ba-ƴɔbɛ gɨ daa nii gɨ da sidan gɨ ɨre təŋ wo̰. Kumu bəŋ gɨle-cɨn̰ di nee le, ɗe ɨŋ na gɨ gɨlɨn̰ gusɨnɨ naŋ.

2 Korɛ̰t 2:11

Ɨŋ ɗe kuduronɨ jal cayi ɗe Sidan na wayɨn̰ gɨyəŋ gɨ ni narɨn̰ cɨndɨni naŋ. Na cɨndi Sidan le, na sol ɨrɨmedo nɔm.

2 Korɛ̰t 4:4

Kan ayage kuduroyge naŋ, na kɨya gɨ kumu gɨ a cay gɨsəŋ gaŋ lɨgɨde cɨndɨge ɗe na somɨn̰ge duroy dɨlɨm dɨŋ. Lee gɨ kan ɓalage sɔlɛ asɨn̰a gɨ da Kɔl-gɨ-Ɗari gɨ gɨl gusoŋ-tɔgɛ gɨ da Kɨris gɨ na gɨln̰a da Kumu le naŋ.

Epɛs 4:14

Hɨn̰ wo̰ na, na kɨya bɨləŋ wɔyɛ hɨn̰ karɨn̰aŋ ga ɨran̰ge dan̰ ƴɔmɛ kudurɔ osɨwa naŋ ɨni. Kan gɨlɨn̰ge na hɨn̰ togɨ ga n̰ən̰əŋ ga a cay kaŋ gaŋ. Kan ɨran̰ge dan̰ tɔgɨ a cay mɛw di orɨn̰ danage bɨ, nongɨldɨge jɨn̰ kɛ kɛ bɨ naŋ. Kɨradi-kɔl gɨ kɛ le, kal bɨ, mɛw bɨ le, kan na hɨnga ga ni gɨle ga dan̰ gɨyəŋdɨge naŋ, ga kalaŋ ga pɨna gɨlɨn̰ge kamdɨge bɨ, na cɨn̰-muɗɔlɛ di kan narɨn̰ge cɨn̰ kalaŋ bɨ kayɨn̰ge kalaŋ bɨ.

2 Tesalonigɨ 2:3

Ɗɔɔ gɨ ungo dan̰ jɨba toy nare cɨndɨgɨŋ naŋ pa pa. Kɨya wa tumɔ pa dɨm ma ɗe wɔlɛ gɨ da Ba-gulɔŋ na bugoŋ na, naa wa wa kalɨn̰ ma, kalaŋ kɨya jɨbe kɔl gɨ da Kumu sɛdɨ coŋ pa dɨm ma kardi nee, Ba-Kuduroy-Ɨndɨwa gɨ ba kɨya mundoŋ yɔd coŋ le, kɨya gɨle gusi doŋ ƴee.

1 Timote 2:14

Bɨ, na Adam ma kumbulo naray naŋ, ama na tama ma kumbulo naaroo, ma hangɨɗɨn̰ cay gasɨn̰-kɔl.

2 Timote 3:13

Ama kalaŋ ga ɨsɨndəŋ bɨ, ka-nare kɨɗɨn̰ bɨ, kɨya lɔɔge hɨnga ga ɨsɨni dan̰ cɨndɨge tumɔ tumɔ bɨ, kan kɨya nare kamdɨge bɨ, kɨya nare gusɨge koge gaŋ bɨ.

Əbɨro 2:14

Hɨn̰ gɨ karɨn̰aŋ na ɨran̰ge dan̰ kuyoŋdi-gusɨge bɨ, dan̰ kɨbar bɨ na, Jesu kalɨn̰ ma bɨle woy na hɨn̰ kan wo̰ bɨ. Lee gɨ ban orɨn̰ dan̰ kuyoŋdi-gusi hɨn̰ koge wo̰ bɨ. Ban lee hɨn̰ wo̰ na ɗe gɨ ay na mondɨn̰ dɔnɔ di da Haban̰ dan̰ gɨyəŋ gɨ da tɨmaydi. Haban̰ le na hɨndi di orɨn̰ dan̰ dɔnɔ di da tɨma kɔbɔ le.

1 Pɨyɛr 5:8

Ƴɨmagɨŋ gusɨgɨŋ usa cay hɨnga nɔm bɨ, sɨmagɨŋ dan̰ toygɨŋ daa bɨ! Kɨya wa Ba-Baadɨgɨŋ haban̰ gor nɨwɨrde caygɨŋ hɨn̰ gusgo gɨ dor noyi ɨlɨn̰ malɨn̰ gɨyəŋ gɨ ni dɨn̰ ungo wo̰.

1 Ja̰ 5:19

Na solgɨŋ gɨ na na-gandi ƴɔbɨ ma na kalaŋ ga da Kumu. Ama kalaŋ ga a cay gɨsəŋ gaŋ nɔm le, woyge na te dɔnɔ di da Haban̰ Ba-lɔɔ ɨsɨna gɨŋ.

Magtubu di Jud wal 1:9

Kɨɗɨn̰ ga Migayɛl gɨ na gumu gɨ da ka-ƴɔbɛ ga daa nii kan̰ kɔl gɨ da Haban̰ coŋ na, kan man̰ge kɔl ojɨ cay gundi Moyis. Ban dan̰ gusi koyi kalɨn̰ ma bɨya kɔl yagɨdan̰ Haban̰ naŋ. Kɔl gɨ ban ba ye ba kɛ: «Kuɗa gɨ Ba-gulɔŋ gɨlne-cɨn̰ kɨya cay gɨye-lɔɔde gɨ ɨsɨni.»

Wasɨn̰a 12:12

Na toy di hɨn̰ wo̰ ma, Gɨɗɨgɨ-Kumu ji laa gusi-mɔwa bɨ, Kɨŋ kalaŋ ga kɨŋ som boy nee, Kalɨn̰ ma kɨŋ laa gusi-mɔwa bɨ. Ama kɨŋ kalaŋ ga a cay gɨsəŋ gaŋ bɨ, Hɨnga nɔm ga duroy kuray, Gɨ gumu taa taa gɨŋ bɨ le, Cɨn̰-n̰age woy gamgɨŋ. Kɨya wa haban̰ gɨsɨn jɨn̰ gusɨgɨŋ. Kudurɔɔ hɔmɔɔ tɔgɨ, Kɨya gɨ hɨndi sol gɨ tɨwa tɔɔ ba lam wo̰ ƴɔbɨ.»

Wasɨn̰a 12:3

Ɨni na, hɨnga ga ni gɨle ga pɨna wo̰ ga ɗaŋ andɨgaŋ a gɨɗɨgɨ-Kumu gɨŋ: Na kɨmana gɨ pɨna wo̰ gɨ gumu gɨ teeyige dɨrago̰, yɨle pen̰ hɨn̰ tɨwa wo̰. Ban orɨn̰ dan̰ cayi won̰ jurgum bɨ kɨben̰di won̰ mɔjɨ bɨ. Cayi ga jurgum le, orɨn̰ dan̰ jagɨwa-tɨrɨmbala ga dḛ dḛ nee pɨna pɨna.

Wasɨn̰a 12:7

Ɨni na, wɔrɨn̰ɛ baa a gɨɗɨgɨ-Kumu gɨŋ. Migayɛl dan̰ ka-ƴɔbɛ kayi worɨn̰ge dan̰ kɨmana gɨ teeyige dɨrago̰ le. Dɨrago̰ le kalɨn̰ ma say dan̰ ka-ƴɔbɛ kayi worɨn̰ɨn̰ danage bɨ.

Wasɨn̰a 12:8

Ama dɔnɔ di da dɨrago̰ le ɓala gɨ ni bon̰-kɨmbɨl naŋ. Lee gɨ waage kɨɗɨn̰ sɔmɛdɨge a gɨɗɨgɨ-Kumu gɨŋ naŋ.

Wasɨn̰a 13:14

Ban nar kalaŋ ga a cay gɨsəŋ gaŋ dan̰ gɨyəŋ gɨ da hɨnga nɔm ga ɗɨn̰ cɨn̰-kɨɗɨn̰ ga tumɔ ban lee a cɨn̰ kɨmana le. Ban yen̰ kalaŋ na laage turnoy hɨnga gɨsɨn̰ cay kɨmana gɨ way ɨya di da pəlɨm ma jɨga som-bɨra le.

Wasɨn̰a 16:14

Kan na turnɔn̰əŋ ga ɨsɨndəŋ ga ka-lɔɔ hɨnga nɔm ga ɗɨn̰ cɨn̰-kɨɗɨn̰. Ɨni na, kan orge gusi kɛrɨmbɛlɛŋ ga a cay gɨsəŋ gaŋ nɔm, kɨya dayɨn̰ cayge amɨn̰ wɔlɛ gɨ ni kɨmbɨl gɨ gumu gɨ da Ba-gulɔŋ Kumu gɨ dɔnɔdi ɗɨn̰ dɔnɔ nɔm.

Wasɨn̰a 18:2

Ban wɨlal dan̰ te tumoyi di daa pəŋ ye hɨn̰: «Babilɔn cay ƴaa-di-gumu le ba ɨni, ba ɨni! Lee gɨ hɨndi bɨle na kɨɗɨn̰ sɔmɛ, Ga da turnɔ ga ɨsɨndəŋ bɨ, Kɨɗɨn̰ wɔsɛ ga da turnɔ ga lee kɨni nɔm bɨ, Ga da cɨɗəŋ ga lee kɨni nɔm bɨ, Ga da kɨmana ga lee kɨni nɔm, Ga kuɗage naŋ cɨn̰ kalaŋ bɨ.

Wasɨn̰a 18:23

Ungo kɨya sɔlɛ asɨn̰a di lamba a tɛɛ naŋ bɨrɨŋ bɨ, Ungo kɨya jɔɔ noy ka-gɔrɛ ƴaa ga hɨrɨwa a tɛɛ naŋ bɨrɨŋ bɨ. Kɨya wa ka-lɔɔ gɨyaw kɛɛ na kalaŋ, Ga gɨmdəŋ ga a cay gɨsəŋ gaŋ kɛ bɨ. Dan̰ gɨyəŋ gɨ da lɔɔ tɨmba tɛɛ le, Me kay te wɔɔ gɨ da kalaŋ nɔm coŋ.»

Wasɨn̰a 19:20

Ƴomge kɨmana le bɨ, ba-yɔɔ-kɔl-gɨ-Kumu-ba-yɔɔ gɨ cɨndi naŋ le bɨ. Tumɔ, ba-yɔɔ-kɔl-gɨ-Kumu-ba-yɔɔ gɨ cɨndi naŋ gɨ nee le, lee hɨnga ga ɗɨn̰ cɨn̰-kɨɗɨn̰ tumoy kɨmana le narɨn̰ cɨn̰ kalaŋ ga tɨnda woy gusɨge bɨ, kalaŋ ga ka-n̰ɨrege turnoy kɨmana le bɨ. Kɨmana le bɨ ba-yɔɔ-kɔl-gɨ-Kumu-ba-yɔɔ gɨ cɨndi naŋ bɨ le, ƴomgege beegege dan̰ cɨndɨge duroy kuray di tɨwa da kɨrbaŋdi hɨnga ga ƴee hɨn̰ tɨwa wo̰ bɨ.

Wasɨn̰a 2:13

Ɨŋ sol kɨɗɨn̰ ga kɨŋ ba somɨn̰ nee le, na kɨɗɨn̰ ga kali-tɨrɨmbala da Sidan woy a nee. Naa hɨn̰ wo̰ kalɨn̰ ma, bɨrɨŋ gɨsɨn̰ haw kɛ kɨŋ ƴom gusoŋnɨ osu nɨngan̰ aye kudurɔ kogɨŋ ɗa coŋ naŋ. Wɔlɛ gɨ dɨɗɨn̰ge Andipas a tagɨŋ kɨɗɨn̰ ga Sidan won̰ a nee kalɨn̰ ma, kɨŋ man̰a kɨbɨgɨŋ naŋ. Andipas le, na tɨmon̰ hɨnge gɨ ba ɨre a cay tɨbayi dɨŋ.

Wasɨn̰a 2:24

«Ama kɨŋ te kalaŋ ga Tɨyatir ga kɨŋ ƴa hɨnga ga ni gɨle ga nee le naŋ bɨ, kɨŋ mala gɨ ni kɔbɛ te hɨnga-sɔlɛ ga kan teegege ɗugoy hɨnga ga da Sidan naŋ bɨ le, aŋ yəgɨŋ daa waŋ, ɨŋ kɨya ɗɔɔ hɨnga ga nin̰i ɗaŋ caygɨŋ naŋ.

Wasɨn̰a 2:9

Ɨŋ sol hɨnga ga ni dɔsɛ-ɗugɔ ga leegɨŋ bɨ, ɨŋ sol gɨ kɨŋ ɨran̰ dan̰ kandi-wɔɔ naŋ bɨ. Ama naa hɨn̰ wo̰ kalɨn̰ ma kɨŋ na ka-kandi-wɔɔ. Ɨŋ sol kɔl gɨ ni yagɨde gɨ kan ga yege gɨ ke naa Jubɨn̰əŋ yedege kol caygɨŋ le. Kan olge Kumu duroy ƴaa-daye-di-da-Jubɨn̰əŋ hage, ama leen̰ cɨndi na, kan na ƴaa-daye di da Sidan.

Wasɨn̰a 20:10

Haban̰ di lee gɨ kan kayaŋge le, ƴɔmɔɔge dubooge duroy kuraydi tɨwa da kɨrbaŋdi hɨnga ga ƴee hɨn̰ tɨwa wo̰ dɨŋ. Na kɨɗɨn̰ ga nee le ma, tumɔ dɨbɨge kɨmana bɨ, ba-yɔɔ-kɔl-gɨ-Kumu-ba-yɔɔ gɨ cɨndi naŋ bɨ nee le. Hɨnga ga ni mɨrɨn̰tɨn̰i kɨya looge duroy son̰do dan̰ tɨwa di ɨni, ɨlge dan̰ ɨlge.

Wasɨn̰a 20:8

Te wɔɔ gɨ da kalaŋ ga somge a cay gɨsəŋ gaŋ ga teege dan̰ kɨradi Gɔg bɨ Magɔg bɨ le, hɨndi kɨya andaŋ ɔrɛ lɔɔ gɨ ɗe kan na kayaŋge. Hɨndi kɨya daye cayge amɨn̰ wɔlɛ gɨ ni kɨmbɨl bɨ, asɨgarn̰əŋ le kondɨwadɨge ɓalɨn̰ na hɨn̰ kɨlay gɨ a kɨbɨ kuray gɨ gumu taa taa gɨŋ wo̰ bɨ.

Wasɨn̰a 3:9

Sɨlagɨŋ, kan ga yege gɨ ke naa Jubɨn̰əŋ ama kan na Jubɨn̰əŋ naŋ le, kan olge Kumu duroy ƴaa-daye-di-da-Jubɨn̰əŋ hage ama leen̰ cɨndi na, kan na ka-poy, kan na ƴaa-daye di da Sidan. Kan ga nee le na, ɨŋ kɨya lɔɔ gɨ kan kɨya ɨrga gusɨgɨŋ bɨ, pɔyɛ gɨbayge dugo tumoygɨŋ bɨ ɗe kan solɨn̰ge hɨn̰ gɨ ɨŋ na geygɨŋ wo̰ bɨ.

Wasɨn̰a 9:1

Kardi nee ba-ƴɔbɛ gɨ daa nii gɨ cay baydɨge lɨm burun̰ji. Ɨni na, ɨŋ sol dɛsɨɗɛŋ sayga gɨɗɨgɨ-Kumu gɨŋ ba dugo. Bɨn̰ge dɛsɨɗɛŋ le lakɨle ga ni hangɨn̰ kɨbɨ umboŋ gɨ ɗɨgi mɨrɨg gɨ kagadi unɔ.

Wasɨn̰a 9:20

Te kalaŋ nɔm ga hɨnga ga ɨsɨni ga ka-mɔndɛ kɨɗɨn̰ dɨɗɨge naŋ le, bɨlge gɨye-lɔɔdɨge naŋ. Kan woyge te n̰ɨrege turnɔn̰əŋ ga ɨsɨndəŋ bɨ, kulan̰əŋ ga ɓalage sɔlɛ kɨɗɨn̰ naŋ bɨ, jɔɔ kɔl naŋ bɨ, ɔrɛ daa naŋ bɨ. Kulan̰əŋ ga nee le, na kalaŋ ba uyge dan̰ nare gɨ ni lɔr bɨ, dan̰ nare gɨ ni arja̰ bɨ, dan̰ nare gɨ yɨle naŋ le dan̰ garma wala sɨya bɨ.