Wasɨn̰a 12:7 - Gabri Maja

⁷ Ɨni na, wɔrɨn̰ɛ baa a gɨɗɨgɨ-Kumu gɨŋ. Migayɛl dan̰ ka-ƴɔbɛ kayi worɨn̰ge dan̰ kɨmana gɨ teeyige dɨrago̰ le. Dɨrago̰ le kalɨn̰ ma say dan̰ ka-ƴɔbɛ kayi worɨn̰ɨn̰ danage bɨ.

Wasɨn̰a 12:7 ပူးပေါင်းရင်းမြစ်များ

Matɨyo 13:41

Kurɨn̰-ungo kɨya gɨye ka-ƴɔbɛ kayi ga daa nii, ɗe na torge hɨnga nɔm ga lee gɨ kalaŋ laydaŋge boy ɨsɨna gɨŋ bɨ, kɨya tɔrɛ ka-lɔɔ ɨsɨna nɔm boy dɔɔ-ƴaa toyi dɨŋ coŋ bɨ, kɨya

Matɨyo 16:27

Kɨya wa Kurɨn̰-ungo kɨya caga dan̰ ka-ƴɔbɛ kayi ga daa nii bɨ, dan̰ gusoŋ-tɔgɛ da Bayi bɨ. Kɨɗɨn̰di ga nee gaŋ le, ban kɨya bɨn̰ kalaŋ cay kobɨge pɨna pɨna nɔm gɨsɨn̰ cay gɨye-lɔɔdɨge lɔɔdɨge.

Matɨyo 24:31

Kɨɗɨn̰ ga noy burun̰ji di gumu kɨya yɔ na, ban kɨya gɨye ka-ƴɔbɛ kayi ga daa nii ɗe na orge dɔnɛge kan ga ban torge le, a tɨbɨn̰ gɨsəŋ ga poɗɨn̰ gaŋ. Kan kɨya aye toy kɨway kɨbɨ gɨsəŋ ga pɨna gaŋ bɨrɨŋ andɨn̰ kɨbɨ gɨsəŋ ga ɗaŋ gaŋ.

Matɨyo 25:41

«Kardi nee ɨni na, kɨlma yen̰ kan ga a cay kobi gɨ masa gɨŋ le, yege hɨn̰: “Kɨŋ ga Kumu ɓɨsɨgɨŋ le sagɨŋ gusɨnɨ coŋ. Ɨragɨŋ boy tɨwa di woy dan̰ cɨndo dɨŋ di ƴomge cay tɨbaa kɨya cay Haban̰ bɨ, ka-ƴɔbɛ kaa bɨ.

Matɨyo 26:53

Ji ɨrɨm gɨ ɨŋ na ɓala gɨ ni ɨngɨre Banɨ ɗe na gɨrəŋ daa naŋ ga? Hɨn̰ gɨ ɨŋ na ɨngɨrii na, kɔl gɨ kɨbɨna kɛ bɨ, ban kɨya gɨygɨn̰ dan̰ ka-ƴɔbɛ ga daa nii dubu-dubu dan̰ kondiige bɨ, toyge kɨya ɓale mɔjɨ-cayge-sɔɔ bɨ, kol canɨ.

2 Korɛ̰t 12:7

Na cɨndi, hɨnga ga nee ga Kumu wasɨn̰ cayge bəŋ le dor turnoy kɨɗɨn̰, Kumu gey gɨ ɨŋ na gɨ gɨle gusɨnɨ koldɨge naŋ. Na toy di hɨn̰ wo̰ ma Kumu bəŋ hɨnga ga pɨna wo̰ ga gɨləŋ-cɨn̰ hɨn̰ gɨsɨm wo̰ a kuyonɨ gɨŋ gɨlɨn̰ hɨn̰ ba-ƴɔbɛ gɨ daa nii gɨ da sidan gɨ ɨre təŋ wo̰. Kumu bəŋ gɨle-cɨn̰ di nee le, ɗe ɨŋ na gɨ gɨlɨn̰ gusɨnɨ naŋ.

Epɛs 6:12

Kɨya wa kalaŋ ga na ba kɨya wɔrɨn̰ɛ danage le, na kalaŋ ga ɨndəŋ ga ɨran̰ge dan̰ kuyoŋdi-gusɨge naŋ bɨ, kɨbar naŋ bɨ, ama na dɔnɔ ga ɨsɨndəŋ ga na ka-dɔɔ cay ƴaa bɨ, ka-gulɔŋ hɨnga nɔm bɨ, kɛrɨmbɛlɛŋ ga a duroy dɨlɨm dɨŋ bɨ, turnɔ ga ɨsɨn ga somge gɨɗɨgɨ-Kumu gaŋ bɨ le.

2 Tesalonigɨ 1:7

Na ban ma, wɔlɛ gɨ Ba-gulɔŋ Jesu kɨya andɨgaŋ gɨɗɨgɨ-Kumu gɨŋ dan̰ ka-ƴɔbɛ kayi ga daa nii ga orɨn̰ge dan̰ dɔnɔ kɨya ɨrgage na, kɨŋ ga kan gɨlgɨŋge-cɨn̰ bɨ, ni-gandi bɨ na, ban kɨya bɨna dɔrɛ gɨlale.

Əbɨro 2:10

Leen̰ cɨndi, Kumu gɨ ba se hɨnga nɔm bɨ, gɨ hɨnga nɔm woy ojɨ cayi bɨ le, gey orɨn̰ dan̰ karɨn̰ Kumu dan̰ kondige boy gusoŋ-tɔgɛ koyi gɨŋ. Kɨya cay hɨnga ga nee le, ban̰ Kumu gɨ ban na laa ɗe ban gɨ ba haŋge gɨyəŋ gɨ da pɔɗɛ le, na duroŋ cɨrɛɗ jɨn̰ daa dan̰ gɨyəŋ gɨ da n̰age toyi.

2 Pɨyɛr 2:4

Na cɨndi ni sol gɨ ka-ƴɔbɛ ga daa nii ga tumɔ leege ɨsɨna le, Kumu sɨla cɨn̰-n̰age toge naŋ. Ama ban donge beege a kɨɗɨn̰ ga hɨnga ga ni tabɨ kɨya lɔɔge nee gaŋ. Saɗɨdɨgege dan̰ nare bɨ, amgege a boy umboŋ gɨ ɗɨgi gɨ ɨndi tɨlɨm gɨŋ, kɨya gamɨn̰ wɔlɛ gɨ ni bon̰ kɔl.

Magtubu di Jud wal 1:9

Kɨɗɨn̰ ga Migayɛl gɨ na gumu gɨ da ka-ƴɔbɛ ga daa nii kan̰ kɔl gɨ da Haban̰ coŋ na, kan man̰ge kɔl ojɨ cay gundi Moyis. Ban dan̰ gusi koyi kalɨn̰ ma bɨya kɔl yagɨdan̰ Haban̰ naŋ. Kɔl gɨ ban ba ye ba kɛ: «Kuɗa gɨ Ba-gulɔŋ gɨlne-cɨn̰ kɨya cay gɨye-lɔɔde gɨ ɨsɨni.»

Wasɨn̰a 12:8

Ama dɔnɔ di da dɨrago̰ le ɓala gɨ ni bon̰-kɨmbɨl naŋ. Lee gɨ waage kɨɗɨn̰ sɔmɛdɨge a gɨɗɨgɨ-Kumu gɨŋ naŋ.

Wasɨn̰a 12:9

Kɨmana gɨ gumu gɨ teeyige dɨrago̰ le nongɨliige dibiige dugo. Ban na kumbulo gɨ som jɨne hayi gɨ teeyige Haban̰ bɨ Sidan bɨ, gɨ na ba nare kalaŋ nɔm ga a cay gɨsəŋ gaŋ bɨ. Nongɨliige dibiige a cay gɨsəŋ gaŋ dan̰ ka-ƴɔbɛ kayi nɔm.

Wasɨn̰a 13:7

Kan biige gɨyəŋ ɗe na dɨbɨ kɨmbɨl dan̰ kalaŋ ga woyge dan̰ cɨndɨge bɨ, ɗe na boy-kɨmbɨl cayge bɨ. Kan biige dɔnɔ a cay te wɨn̰je nɔm bɨ, a cay labardi kalaŋ nɔm bɨ, a cay kɨbɨ wɔɔ nɔm bɨ, a cay te kalaŋ nɔm bɨ.

Wasɨn̰a 20:2

Ban ƴom dan̰ kɨmana gɨ teeyige dɨrago̰ gɨ na kumbulo gɨ jɨne bɨ, na Haban̰ bɨ, na Sidan bɨ le, saɗii dugo dan̰ mɔrɨyɔŋ gɨ ni ɨlge dubu.