Wasɨn̰a 12:4 - Gabri Maja

⁴ Hɨn̰ gɨ kan na gusɨnage dɛsɨɗɛŋ ga gɨɗɨgɨ-Kumu gaŋ kɨɗɨn̰ sɨbɨ na, cɨɗɨn̰ kɨmana le sar kɨbɨge ga pɨna beege a cay gɨsəŋ gaŋ. Kɨmana le ɨrga som kɨbɨ tama di gey wɔɔ le, ɗe kɨɗɨn̰ ga hɨndi na wɔɔ ƴɔbɨ na ay na soyin̰ kɨye le.

Wasɨn̰a 12:4 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 8:44

Baygɨŋ na Haban̰ bɨ, kɨŋ gey lɔɔ na hɨnga ga kuduroy baygɨŋ gey le bɨ. Ayɨn̰ toy gɨ Kumu ɗen̰ cay gɨsəŋ le, Haban̰ na ba dɨɗe kɨɗɨn̰. Dɨlay dan̰ kɔl gɨ cɨndi naŋ. Kɨya wa kɔl gɨ cɨndi unɔ gusi. Kɨɗɨn̰ ga ban ye kɔl gɨ ni poyi na, ban ye na kɔl gɨ ojɨ cayi toyi. Kɨya wa ban na ba-poyi bɨ, poy baa bɨ.

1 Pɨyɛr 5:8

Ƴɨmagɨŋ gusɨgɨŋ usa cay hɨnga nɔm bɨ, sɨmagɨŋ dan̰ toygɨŋ daa bɨ! Kɨya wa Ba-Baadɨgɨŋ haban̰ gor nɨwɨrde caygɨŋ hɨn̰ gusgo gɨ dor noyi ɨlɨn̰ malɨn̰ gɨyəŋ gɨ ni dɨn̰ ungo wo̰.

Wasɨn̰a 12:7

Ɨni na, wɔrɨn̰ɛ baa a gɨɗɨgɨ-Kumu gɨŋ. Migayɛl dan̰ ka-ƴɔbɛ kayi worɨn̰ge dan̰ kɨmana gɨ teeyige dɨrago̰ le. Dɨrago̰ le kalɨn̰ ma say dan̰ ka-ƴɔbɛ kayi worɨn̰ɨn̰ danage bɨ.

Wasɨn̰a 12:9

Kɨmana gɨ gumu gɨ teeyige dɨrago̰ le nongɨliige dibiige dugo. Ban na kumbulo gɨ som jɨne hayi gɨ teeyige Haban̰ bɨ Sidan bɨ, gɨ na ba nare kalaŋ nɔm ga a cay gɨsəŋ gaŋ bɨ. Nongɨliige dibiige a cay gɨsəŋ gaŋ dan̰ ka-ƴɔbɛ kayi nɔm.

Wasɨn̰a 13:2

Kɨmana gɨ ɨŋ ba sol le woy gɨlɨn̰ hɨn̰ kɨjɨbar wo̰ bɨ, tɨbayi gɨmdəŋ hɨn̰ tɨbay kɨmana gɨ man̰i gɨ teeyige ursu wo̰ bɨ, kɨbi woy gɨlɨn̰ hɨn̰ kɨbɨ gusgo wo̰ bɨ. Kɨmana gɨ ni dɨrago̰ le bii dɔnɔ toyi bɨ, kali-tɨrɨmbala toyi bɨ dɔnɔ di gumu di ni diin̰ cay ƴaa bɨ.

Wasɨn̰a 13:4

Kalaŋ nɔm ayge te n̰ɨre kɨmana gɨ ni dɨrago̰ le, kɨya gɨ ban bɨn̰ kɨmana gɨ gɨlɨn̰ hɨn̰ kɨjɨbar wo̰ le dɔnɔ toyi. Lee gɨ kalaŋ n̰ɨrege kɨmana gɨ gɨlɨn̰ hɨn̰ kɨjɨbar wo̰ le, yen̰ge hɨn̰: «Kɛ na waŋ ma dɔnɔ toyi ɓalɨn̰ dan̰ da kɨmana le ga? Kɛ na waŋ ba kɨya ɓale wɔrɨn̰ɛ danayi ga?»

Wasɨn̰a 16:13

Kardi nee, ɨŋ sol turnɔn̰əŋ ga ɨsɨndəŋ ga gɨlɨn̰ge hɨn̰ gɨrna wo̰ won̰ge sɨbɨ andaŋge doŋ a kɨbɨ kɨmana gɨ teeyige dɨrago̰ le bɨ, a kɨbɨ kɨmana le bɨ, a kɨbɨ ba-yɔɔ-kɔl-gɨ-Kumu-ba-yɔɔ gɨ cɨndi naŋ le bɨ.

Wasɨn̰a 17:18

«Kagadi gɨŋ na, tama di ji ba sɨlgaa le, na cay ƴaa-di-gumu di dii-ƴaa cay kɛrɨmbɛlɛŋ ga a cay gɨsəŋ gaŋ.»

Wasɨn̰a 20:2

Ban ƴom dan̰ kɨmana gɨ teeyige dɨrago̰ gɨ na kumbulo gɨ jɨne bɨ, na Haban̰ bɨ, na Sidan bɨ le, saɗii dugo dan̰ mɔrɨyɔŋ gɨ ni ɨlge dubu.

Wasɨn̰a 8:10

Kardi nee ɨni na, ba-ƴɔbɛ gɨ daa nii gɨ cay sɨbɨdɨge le lɨm burun̰ji. Ɨni na, dɛsɨɗɛŋ di gumu di ƴee tɨwa hɨn̰ dɨngɛ wo̰ sayga gɨɗɨgɨ-Kumu gɨŋ ba dugo. Hɨn̰ gɨ kan na gusɨnage kurayn̰əŋ kɨɗɨn̰ sɨbɨ bɨ cɨn̰-kaŋ kɨɗɨn̰ sɨbɨ bɨ na hɨndi baa na kɨbɨge ga pɨna gaŋ.

Wasɨn̰a 8:11

Guson̰ dɛsɨɗɛŋ le na guson̰ hɛɗɨmɛ ga pɨna wo̰ ga ɗan̰ kəjəj ga teegege na «Abɨsḛd.» Hɨn̰ gɨ kan na gusɨnage kaŋ kɨɗɨn̰ sɨbɨ na, kɨbɨge ga pɨna bɨləŋ ɗan̰ kəjəj. Lee gɨ kondɨwadi kalaŋ ga sige kaŋ ga nee le mage kɨya cay bɨle gɨ bɨle ɗan̰ kəjəj le.

Wasɨn̰a 8:12

Ba-ƴɔbɛ gɨ daa nii gɨ cay poɗɨn̰dɨge le lɨm burun̰ji. Ɨni na, hɨn̰ gɨ kan na gusɨnage tɨwa bɨ kɨdɨrɛ bɨ dɛsɨɗɛŋn̰əŋ bɨ kɨɗɨn̰ sɨbɨ na, mundoŋ andaŋ cay kɨbɨge ga pɨna gaŋ lee gɨ dobɨ ɨndi. Hɨn̰ gɨ kan na gusɨnage asɨn̰a da kɨɗɨn̰ ga woli kɨɗɨn̰ sɨbɨ na, kɨbɨge ga pɨna dobɨ ɨndi tɨlɨm bɨ. Woy na hɨn̰ wo̰ kɨya cay son̰do bɨ.

Wasɨn̰a 8:7

Ba-ƴɔbɛ gɨ daa nii gɨ ba cay wase le lɨm burun̰ji. Kɨɗɨn̰di ga nee gaŋ le bɨ, gɨna gɨ da kaŋdi Kumu dan̰ tɨwa di polɨn̰i dan̰ kɨbar bugoŋge a cay gɨsəŋ gaŋ. Hɨn̰ gɨ kan na gusɨnage cay gɨsəŋ kɨɗɨn̰ sɨbɨ na, kɨbɨge ga pɨna uloŋ muɗɔgɨ muɗɔgɨ coŋ. Hɨn̰ gɨ kan na gusɨnage hayaŋ kɨɗɨn̰ sɨbɨ na, kɨbɨge ga pɨna uloŋ muɗɔgɨ muɗɔgɨ coŋ bɨ, ul hɛɗɨmɛ ga bɨra ɗəndəŋ coŋ bɨ.

Wasɨn̰a 8:8

Kardi nee ba-ƴɔbɛ gɨ daa nii gɨ cay sɔɔdɨge le lɨm burun̰ji. Ɨni na, ayge hɨnga ga pɨna wo̰ ga gɨlɨn̰ hɨn̰ garma gɨ gumu gɨ ƴee tɨwa wo̰ dɨbɨge ɗurɔm duroy kuray gɨ gumu taa taa gɨŋ. Hɨn̰ gɨ kan na gusɨnage kuray gɨ gumu kɨɗɨn̰ sɨbɨ na kɨbi gɨ pɨna bɨləŋ kɨbar.

Wasɨn̰a 8:9

Hɨn̰ gɨ kan na gusɨnage hɨnga se ga som-bɨra duroy kuray gɨ gumu taa taa gɨŋ bɨ koburon̰əŋ ga gɨmdəŋ taa taa hɨn̰ ƴaa wo̰ kɨɗɨn̰ sɨbɨ na, kɨbɨge ga pɨna mundoŋ muɗɔgɨ muɗɔgɨ coŋ bɨ.

Wasɨn̰a 9:10

Cɨɗɨn̰dɨge woy gɨlɨn̰ hɨn̰ cɨɗɨn̰ ɗɨsɨni wo̰ bɨ, mɨnayge woy a kɨbɨ nee bɨ. Dɔnɔdɨge dɨ ni loon̰ kalaŋ ɨsɨna kɨdɨrɛ bay le, woy na mɨnayge dɨŋ bɨ.

Wasɨn̰a 9:19

Dɔnɔ da hɨndɛrɛŋ le woy na a kɨbɨge bɨ, cɨɗɨn̰dɨge bɨ. Kɨya wa cɨɗɨn̰dɨge woy gɨlɨn̰ na hɨn̰ kumbulo wo̰, dan̰ cayge a kɨbɨ nee kɨya loon̰ kalaŋ ɨsɨna.