Wasɨn̰a 12:3 - Gabri Maja

³ Ɨni na, hɨnga ga ni gɨle ga pɨna wo̰ ga ɗaŋ andɨgaŋ a gɨɗɨgɨ-Kumu gɨŋ: Na kɨmana gɨ pɨna wo̰ gɨ gumu gɨ teeyige dɨrago̰, yɨle pen̰ hɨn̰ tɨwa wo̰. Ban orɨn̰ dan̰ cayi won̰ jurgum bɨ kɨben̰di won̰ mɔjɨ bɨ. Cayi ga jurgum le, orɨn̰ dan̰ jagɨwa-tɨrɨmbala ga dḛ dḛ nee pɨna pɨna.

Wasɨn̰a 12:3 ပူးပေါင်းရင်းမြစ်များ

Wasɨn̰a 12:1

Kardi nee na, hɨnga ga ɗɨn̰ cɨn̰-kɨɗɨn̰ ga gumu ga pɨna wo̰ andɨgaŋ a gɨɗɨgɨ-Kumu gɨŋ: Na tama di pɨna wo̰ di dobɨ tɨwa di daa guso hɨn̰ badɨge wo̰ bɨ, kɨdɨrɛ woy a te tɨbaa dɨŋ dugo bɨ, jagɨwa-tɨrɨmbala di caa na dɛsɨɗɛŋn̰əŋ mɔjɨ-cayge-sɔɔ bɨ.

Wasɨn̰a 12:13

Kɨɗɨn̰ ga kɨmana gɨ teeyige dɨrago̰ le sol gɨ kan nongɨliige dɨbiige dugo ɨni na, ban codɨ kardi tama di wɔɔ kɨye gɨ bara le ay na ƴɔmɔɔ.

Wasɨn̰a 12:17

A kɨɗɨn̰di ga nee gaŋ le, kɨmana gɨ ni dɨrago̰ le lee kuduroy-hɔmɛ gɨɗaŋ a cay tama le, lee gɨ say or wɔrɨn̰ɛ dan̰ te wɨn̰je kaa ga baage le. Kan na ka-game te tumɔ da Kumu bɨ, ka-game kɔl gɨ da Jesu bɨ.

Wasɨn̰a 12:4

Hɨn̰ gɨ kan na gusɨnage dɛsɨɗɛŋ ga gɨɗɨgɨ-Kumu gaŋ kɨɗɨn̰ sɨbɨ na, cɨɗɨn̰ kɨmana le sar kɨbɨge ga pɨna beege a cay gɨsəŋ gaŋ. Kɨmana le ɨrga som kɨbɨ tama di gey wɔɔ le, ɗe kɨɗɨn̰ ga hɨndi na wɔɔ ƴɔbɨ na ay na soyin̰ kɨye le.

Wasɨn̰a 12:7

Ɨni na, wɔrɨn̰ɛ baa a gɨɗɨgɨ-Kumu gɨŋ. Migayɛl dan̰ ka-ƴɔbɛ kayi worɨn̰ge dan̰ kɨmana gɨ teeyige dɨrago̰ le. Dɨrago̰ le kalɨn̰ ma say dan̰ ka-ƴɔbɛ kayi worɨn̰ɨn̰ danage bɨ.

Wasɨn̰a 12:9

Kɨmana gɨ gumu gɨ teeyige dɨrago̰ le nongɨliige dibiige dugo. Ban na kumbulo gɨ som jɨne hayi gɨ teeyige Haban̰ bɨ Sidan bɨ, gɨ na ba nare kalaŋ nɔm ga a cay gɨsəŋ gaŋ bɨ. Nongɨliige dibiige a cay gɨsəŋ gaŋ dan̰ ka-ƴɔbɛ kayi nɔm.

Wasɨn̰a 13:1

Kardi nee, ɨŋ sol kɨmana gɨ kɨben̰di won̰ mɔjɨ bɨ cayi won̰ jurgum bɨ, andɨgaŋ a duroy kuray gɨ gumu taa taa gɨŋ doŋ. Jagɨwa-tɨrɨmbala ga dḛ dḛ woy a cay kɨben̰ gaŋ le pɨna pɨna. Ɨni na, walge gusoŋn̰əŋ ga yagɨde Kumu a cay caa gaŋ le.

Wasɨn̰a 13:2

Kɨmana gɨ ɨŋ ba sol le woy gɨlɨn̰ hɨn̰ kɨjɨbar wo̰ bɨ, tɨbayi gɨmdəŋ hɨn̰ tɨbay kɨmana gɨ man̰i gɨ teeyige ursu wo̰ bɨ, kɨbi woy gɨlɨn̰ hɨn̰ kɨbɨ gusgo wo̰ bɨ. Kɨmana gɨ ni dɨrago̰ le bii dɔnɔ toyi bɨ, kali-tɨrɨmbala toyi bɨ dɔnɔ di gumu di ni diin̰ cay ƴaa bɨ.

Wasɨn̰a 13:4

Kalaŋ nɔm ayge te n̰ɨre kɨmana gɨ ni dɨrago̰ le, kɨya gɨ ban bɨn̰ kɨmana gɨ gɨlɨn̰ hɨn̰ kɨjɨbar wo̰ le dɔnɔ toyi. Lee gɨ kalaŋ n̰ɨrege kɨmana gɨ gɨlɨn̰ hɨn̰ kɨjɨbar wo̰ le, yen̰ge hɨn̰: «Kɛ na waŋ ma dɔnɔ toyi ɓalɨn̰ dan̰ da kɨmana le ga? Kɛ na waŋ ba kɨya ɓale wɔrɨn̰ɛ danayi ga?»

Wasɨn̰a 15:1

Kardi nee, ɨŋ sol hɨnga ga ni gɨle ga ɗaŋ gumu bɨ dor turnoy kɨɗɨn̰ bɨ, a gɨɗɨgɨ-Kumu gɨŋ. Ka-ƴɔbɛ ga daa nii jurgum ƴomge hɨnga ga ɨsɨni ga ka-mɔndɛ kɨɗɨn̰ jurgum kobɨge. Na hɨnga ga ɨsɨni ga ka-mɔndɛ kɨɗɨn̰ ga karu. Kɨya wa na dan̰ gɨyəŋ gɨ da hɨnga nɔm ga nee le ma, Kumu kɨya dɨɗɨn̰ kɨbɨ kuduroy-hɔmɛ toyi.

Wasɨn̰a 16:13

Kardi nee, ɨŋ sol turnɔn̰əŋ ga ɨsɨndəŋ ga gɨlɨn̰ge hɨn̰ gɨrna wo̰ won̰ge sɨbɨ andaŋge doŋ a kɨbɨ kɨmana gɨ teeyige dɨrago̰ le bɨ, a kɨbɨ kɨmana le bɨ, a kɨbɨ ba-yɔɔ-kɔl-gɨ-Kumu-ba-yɔɔ gɨ cɨndi naŋ le bɨ.

Wasɨn̰a 17:12

«Kɨben̰ ga mɔjɨ ga ji ba solge le, kan na kɛrɨmbɛlɛŋ ga baage dɔɔ-ƴaa ƴee. Ama kardi nee na kan kɨya dɔɔ-ƴaa pɨna dan̰ kɨmana le gɨ ni tɨwa lam wo̰ ƴɔbɨ.

Wasɨn̰a 17:16

«Kɨben̰ kɨmana ga mɔjɨ ga ji ba solge bɨ kɨmana le bɨ, kɨya ƴɔmɛge tama di ni ajɨba le dan̰ kuduroyge. Kan kɨya tɔrɛge hɨnga kaa nɔm ɗooge guso kalɨn̰. Kan kɨya dɔɔ kuyoŋdi-guso bɨ, ulooge dan̰ tɨwa coŋ bɨ.

Wasɨn̰a 17:7

Ɨni na, ba-ƴɔbɛ gɨ daa nii le yəŋ hɨn̰: «Kɛ na kɨya wa ma kɔl kayɨn̰ ga? Ɨŋ kɨya dorɨn̰ te hɨnga ga woy kɨɗɨn̰ wɔsɛdɨge gaŋ ojɨn̰ cay tama le bɨ, ojɨn̰ cay kɨmana gɨ cayi won̰ jurgum bɨ, kɨben̰di mɔjɨ bɨ, gɨ hɨndi nay cay nee le.

Wasɨn̰a 19:12

Cɨndi ƴeede tɨwa na hɨn̰ kɨlɛn̰ tɨwa wo̰ bɨ, orɨn̰ dan̰ jagɨwa-tɨrɨmbala ga dḛ dḛ dan̰ kondige a cayi bɨ. Walge gusoŋ gɨ ungo pɨna wo̰ kalɨn̰ ma sɨla duroyi naŋ a cayi. Gusoŋ gɨ nee le, na ban kan̰di hayi ba sɔlɛ.

Wasɨn̰a 20:2

Ban ƴom dan̰ kɨmana gɨ teeyige dɨrago̰ gɨ na kumbulo gɨ jɨne bɨ, na Haban̰ bɨ, na Sidan bɨ le, saɗii dugo dan̰ mɔrɨyɔŋ gɨ ni ɨlge dubu.