Wasɨn̰a 11:8 - Gabri Maja

⁸ Gundɨge kɨya wɔyɛ a te gɨyəŋ gɨ woli gɨ da cay ƴaa-di-gumu di kan gagɨlɨn̰ge Ba-gulondɨge a cay sɨya-gɨ-dagɨli gɨŋ nee. Cay ƴaa-di-gumu di nee le, tooge dan̰ kɨradi na Sɔdɔm bɨ Ejɨpt bɨ.

Wasɨn̰a 11:8 ပူးပေါင်းရင်းမြစ်များ

Matɨyo 10:15

Aŋ yəgɨŋ daa waŋ na cɨndi: Wɔlɛ bɔyɛ kɔl gɨŋ le, kɔl gɨ kɨya ƴɔmɛ cay ƴaa-di-gumu di nee le, kɨya osɨwa tɔgɨ ɗɨn̰ kɔl gɨ kɨya ƴɔmɛ cay gɨsəŋ ga Sɔdɔm bɨ, Gɔmɔr bɨ.

Gɨye-lɔɔ 9:4

Ban duroŋ baa cay gɨsəŋ gaŋ bɨ, ban je noy ungo ye hɨn̰: «Sol, Sol, na kɨya wa ma mɨn̰ ɨre gɨləŋ-cɨn̰ wo̰ ga?»

Əbɨro 13:12

Na toy di hɨn̰ wo̰ ma, Jesu kalɨn̰ ma way cɨn̰-gɨle-cɨn̰, a kardi cay ƴaa-di-gumu dɨŋ doŋ, kɨya dorɨn̰ te kalaŋ sige dan̰ cɨndɨge dan̰ kɨbardi gɨ bugoŋ dugo le.

Əbɨro 6:6

Ma hɨn̰ wo̰ kalɨn̰ ma, hɨn̰ gɨ kalaŋ ga nee le na ɗage aye kudurɔ coŋ na, gɨyəŋ gɨ kan kɨya jɨgan̰ danage ɗe na bɨlɨn̰ge gɨye-lɔɔdɨge unɔ ɨni. Kɨya wa kalaŋ ga nee le, woy hɨn̰ gɨ kan gusɨge gaŋ na jɨgage gagɨl Kurɨn̰-Kumu a cay sɨya-gɨ-dagɨli gɨŋ ɗaŋ bɨ, wariige cɨn̰ kalaŋ ɗe na dɨbɨge dasi di gumu cayi a cɨn̰ kalaŋ wo̰ bɨ.

2 Pɨyɛr 2:6

Kumu boy kɔl a cay ƴaa-di-gumu di Sɔdɔm dan̰ Gɔmɔr bɨ, ulge dan̰ tɨwa muɗɔgɨ muɗɔgɨ coŋ. Bɨ ayge leen̰ hɨnga ga ni gɨle gɨ da kuduroy-hɔmɛ gɨ woy gam kalaŋ ga ka lɔɔ terɨn̰.

Magtubu di Jud wal 1:7

Kuɗa gɨ kuduroygɨŋ hɨn a cay gɨsəŋ ga Sɔdɔm bɨ Gɔmɔr bɨ, cay ƴaan̰əŋ ga gɨmdəŋ ga bongi nee bɨ. Kalaŋ ga boy nee leege hɨnga ga ɨsɨni hɨn̰ ga da ka-ƴɔbɛ ga daa nii ga nee le bɨ. Kan dɨbɨge gusɨge coŋ boy ajɨba dɨŋ, lee gɨ ban̰aŋ won̰ge dan̰ kamdɨge ban̰aŋ kɨya cay gusi-mɔwa toge. Kan wayge hɨnga ga ni gɨle-cɨn̰ kɨya cay ɨsɨna koge. Hɨnga ga ni gɨle-cɨn̰ kage le, na tɨwa di ba kɨya ƴɔɔ dan̰ tumɔɔ bɨ, hɨnga ga leege le bɨləŋ na sɨman̰ kɔl kɨya cay kalaŋ nɔm bɨ.

Wasɨn̰a 11:13

Tɨwadi di nee dɨŋ bɨ, cay gɨsəŋ ay te yɨbagde dan̰ togɨyge yɨbag yɨbag. Hɨn̰ gɨ kan na gusɨnage cay ƴaa-di-gumu kɨɗɨn̰ mɔjɨ na, kɨbɨge ga pɨna laydaŋ dugo lee gɨ kalaŋ dubu-jurgum mage duroy nee. Kalaŋ ga andaŋge kɨbɨ nee le, hundɔrɔ boyge dɨɗɨge, lee gɨ dɨbɨge gusoŋ-tɔgɛ a cay Kumu ba-sɔmɛ gɨɗɨgɨ-Kumu gɨŋ.

Wasɨn̰a 11:9

Kalaŋ ga a te kɨbɨ wɔɔ gɨ toyi kan̰di kan̰di kɨya sɔge a duroy te labar nɔm bɨ, duroy te wɨn̰je nɔm bɨ, duroy te kalaŋ nɔm bɨ, ɨrgage sɔlɛ gundɨge ɓale wɔlɛ sɨbɨ dan̰ kɨway bɨ, kan kɨya narɨn̰ kalaŋ ɨmgɨge.

Wasɨn̰a 14:20

Wɔɔdi suru le kan ɗodɨrdege na a kardi cay ƴaa-di-gumu dɨŋ doŋ, bɨrɨŋ gɨsɨn̰ gɨ kaŋdo ga yɨle andaŋ. Kaŋdo le na kɨbar gɨ gɨre hɨn̰ kuray wo̰, sɨngɨɗɨ ɓal hɨn̰ kɨlomɛdɨr aru sɨbɨ wo̰ bɨ hɔgɨwayge hogɨ bɨrɨŋ ɨsɨbɨ kɨbɨ hɨnda.

Wasɨn̰a 14:8

Ɨni na, ba-ƴɔbɛ gɨ daa nii gɨ ɗaŋ gɨ cay sɔɔdɨge kɨbɨga kardi ye hɨn̰: «Babilɔn cay ƴaa-di-gumu cay ƴaa-di-gumu le, baa ɨni, baa ɨni. Hɨndi bosɨn̰ te wɔɔ gɨ da kalaŋ nɔm cɛrɛ di suru gɨ da kuduroy-hɔmɛ. Cɛrɛ di suru le, na ajɨba tɔɔ.»

Wasɨn̰a 16:19

Cay ƴaa-di-gumu le cudurdoŋ dugo kɨɗɨn̰ sɨbɨ bɨ, cay ƴaan̰əŋ ga gɨmdəŋ ga da te wɔɔ gɨ da kalaŋ ga cay gɨsəŋ gaŋ laydaŋ dugo nɔm bɨ. Kɨɗɨn̰di ga nee gaŋ le, Kumu hɨn a cay Babilɔn di na cay ƴaa-di-gumu le. Ban boo cɛrɛ di suru di a boy kobo gɨ da kuduroy-hɔmɛ koyi gɨ dɨmbɨre ɗe sii.

Wasɨn̰a 17:1

Kɨɗɨn̰di ga nee gaŋ le na, ba-ƴɔbɛ gɨ daa nii pɨna duroy ga jurgum ga ƴomge dan̰ kobo jurgum kobɨge le ɨrga gusɨnɨ yəŋ hɨn̰: «Ɨre aŋ yen̰ kɔl gɨ kan ba kɨya bɔyɛ a cay tama ɗe-lɔɔ ajɨba tɔgɨ di kan sɔlɔɔ gɨ hɨndi som na a duroy kuray nɔm ga dan̰ kondiige le.

Wasɨn̰a 17:18

«Kagadi gɨŋ na, tama di ji ba sɨlgaa le, na cay ƴaa-di-gumu di dii-ƴaa cay kɛrɨmbɛlɛŋ ga a cay gɨsəŋ gaŋ.»

Wasɨn̰a 17:5

Walge gusoŋ gɨ ungo sɨla duroyi naŋ a jɨndo. Gusoŋ gɨ ba woy a jɨndo le na: «Babilɔn cay ƴaa-di-gumu, na ƴoy ajɨban̰əŋ bɨ ƴoy bɨrane di a cay gɨsəŋ gaŋ kɛ bɨ.»

Wasɨn̰a 18:10

Hundɔrɔ kɨya bɔɔ toyge kɨya cay mɨrɨn̰tɨn̰i di andaŋ a caa bɨ, kan kɨya dɔrɛ toyge sɛdɨ danaa yɔɔge hɨn̰: «Cɨn̰-n̰age, cɨn̰-n̰age! Me-hɨndi Babilɔn, cay ƴaa-di-gumu di dɔnɔdo kondɨ le, Boyge kɔl cɛɛ na duroy tɨwa pɨna ƴɔbɨ.»

Wasɨn̰a 18:18

Ɨni na, kɨɗɨn̰ ga kan solge gusa gɨ say a cay tɨwa di uloo na, wɨlalge yege hɨn̰: «Kɛ na cay ƴaa-di-gumu di ani ba wɔyɛ gɨlɨn̰a hɨn̰ cay ƴaa-di-gumu di kɛ le ga?»

Wasɨn̰a 18:2

Ban wɨlal dan̰ te tumoyi di daa pəŋ ye hɨn̰: «Babilɔn cay ƴaa-di-gumu le ba ɨni, ba ɨni! Lee gɨ hɨndi bɨle na kɨɗɨn̰ sɔmɛ, Ga da turnɔ ga ɨsɨndəŋ bɨ, Kɨɗɨn̰ wɔsɛ ga da turnɔ ga lee kɨni nɔm bɨ, Ga da cɨɗəŋ ga lee kɨni nɔm bɨ, Ga da kɨmana ga lee kɨni nɔm, Ga kuɗage naŋ cɨn̰ kalaŋ bɨ.

Wasɨn̰a 18:21

Ɨni na, ba-ƴɔbɛ gɨ daa nii gɨ pɨna gɨ ba dɔnɔ ay garma gɨ woy gɨlɨn̰ hɨn̰ garma gɨ ni hɨrɗɨn̰ gasa gɨ gumu wo̰ dɨbɨ ɗurɔm a duroy kuray gɨ gumu taa taa gɨŋ yen̰ hɨn̰: «Kɨya ayege Babilɔn di na cay ƴaa-di-gumu le, Dubooge pɨrɨŋ coŋ gɨlɨn̰a na hɨn̰ wo̰ le kɔ bɨ. Kɨya jɨgage wayooge ɗaŋ naŋ bɨrɨŋ.

Wasɨn̰a 18:24

Ka-yɔɔ-kɔl-gɨ-Kumu-ba-yɔɔ bɨ, kalaŋ ga woyge dan̰ cɨndɨge bɨ, kalaŋ nɔm ga a cay gɨsəŋ gaŋ ga kan wadɨlde tumoyge bɨ le, kɨbardɨge gɨre dugo na a cay ƴaa di Babilɔn.