Wasɨn̰a 11:3 - Gabri Maja

³ A duroy wɔlɛ gɨ nee le, ɨŋ kɨya bɨn̰ ka-lɔɔ tɨmon̰ kange ga sɔɔ dɔnɔ ɗe yege-kɔl-gɨ-Kumu-ba-yɔɔ ɓal wɔlɛ dubu-pɨna dan̰ wɔlɛ aru sɔɔ dan̰ toyi-jii. Kan tobɨge na badɨge ga ni n̰age gusɨge.»

Wasɨn̰a 11:3 ပူးပေါင်းရင်းမြစ်များ

Matɨyo 11:21

Bɨ yege hɨn̰: «Kɨŋ kalaŋ ga cay ƴaa-di-gumu di Korasḛ le, cɨn̰-n̰age kɨya bɔɔ caygɨŋ! Kɨŋ kalaŋ ga a cay ƴaa-di-gumu di Bɛtsayda le, cɨn̰-n̰age kɨya bɔɔ caygɨŋ! Kɨya gɨ beli di kan lee duroygɨŋ kɛ le, hɨn̰ gɨ naa kan ni na laage naa tumɔ, a cay ƴaa-di-gumu di da kalaŋ ga ɨsɨndəŋ, ga Tir dan̰ Sido̰ na, kalaŋ ga cay ƴaa di nee le, ni kɨya tɔbɛge badɨge ga ni n̰age bogɨn̰ge bundu cayge, gɨlɨn̰ gɨ kan na bɨle gɨye-lɔɔdɨge jɨne hage.

Matɨyo 18:16

Ama hɨn̰ gɨ ban na kan̰a jɔɔ kɔl kon̰ na, ɨragɨŋ dan̰ mɨgan̰ naŋ le, kamdɨn̰ sɔɔ wayaygɨŋ ɗaŋ coŋ, kɨya gɨ kan walge duroy magtubu gasɨn̰-kɔl gɨ da Moyis dɨŋ, yege hɨn̰: “Kɨŋ kɨya bɔyɛ kɔl nɔm na a cay kɔl gɨ da tɨmon̰ sɔɔ naŋ le, sɨbɨ.”

Kɔl-gɨ-Ɗari gɨ Lug wal 10:13

Kɨŋ kalaŋ ga cay ƴaa-di-gumu di Korasḛ le, cɨn̰-n̰age kɨya bɔɔ cay gɨŋ! Kɨŋ kalaŋ ga cay ƴaa-di-gumu di Bɛtsayda le, cɨn̰-n̰age kɨya bɔɔ cay gɨŋ! Kɨya beli di kan lee duroy gɨŋ kɛ le, hɨn̰ gɨ naa kan ni na laa tumɔ naa a cay ƴaa-di-gumu di da kalaŋ ga ɨsɨndəŋ ga Tir dan̰ Sido̰ na, kalaŋ ga cay ƴaa di nee le, ni kɨya tɔbɛge badɨge ga ni n̰age somɨn̰ duroy bundu dɨŋ, gɨle hɨn̰ gɨ kan na bɨle gɨye-lɔɔdɨge jɨne hage ɨni.

Kɔl-gɨ-Ɗari gɨ Lug wal 24:48

Kɨŋ na ka-sɔlɛ dan̰ cɨndɨgɨŋ bɨ, ka-yɔɔ kol hɨnga ga nee le nɔm bɨ.

Kɔl-gɨ-Ɗari gɨ Ja̰ wal 15:27

Kardi nee na, na kɨŋ-gandi ba kɨya lɔɔ tɨmon̰ tɨnge bɨn̰ kalaŋ ga ɗaŋ, kɨya wa kɨŋ ay te gɨye danaŋ bɨrɨŋ gɨsɨn̰ labɨde.»

Kɔl-gɨ-Ɗari gɨ Ja̰ wal 3:27

Ɨni na, Ja̰ jɨga dɨbɨge cay nee yege hɨn̰: «Hɨnga ga Kumu ay bɨn̰ ungo dɨm ma ban kɨya wɔɔ ƴee. Ama ungo kɨya ɓale wɔɔ dan̰ cay gusi naŋ.

Gɨye-lɔɔ 1:8

Ama kɨŋ kɨya wɔɔ dɔnɔ, kɨɗɨn̰ ga Turnɔ ɗe-kuduroy-bɛrɛ kɨya gɨsɨne caygɨŋ. Kɨɗɨn̰ ga nee le na, kɨŋ kɨya bɨle tɨmon̰n̰əŋ kange a cay ƴaa-di-gumu di Jerusalɛm dɨŋ bɨ, boy cay gɨsəŋ ga Jude gaŋ nɔm bɨ, boy cay gɨsəŋ ga Samari gaŋ nɔm bɨ, bɨrɨŋ gon̰ kɨɗɨn̰ nɔm ga a cay gɨsəŋ gaŋ bɨ.»

Gɨye-lɔɔ 13:31

Kalaŋ ga gorge dan̰ Jesu saygan̰ge danayi cay gɨsəŋ ga Galile gaŋ ɨrgan̰ge cay ƴaa-di-gumu di Jerusalɛm dɨŋ le, Jesu gɨl gusi bɨge wɔlɛ kondɨ. Haw kɛ na, kan na ka-lɔɔ tɨmon̰ toyi tumoy karɨn̰ Ɨsɨrayɛl.

Gɨye-lɔɔ 2:32

«Jesu ban gɨ nee le, Kumu boyi lɨbii bɨ, na-gandi nɔm na soliigɨŋ dan̰ cɨndɨnagɨŋ bɨ, nana tɨmon̰ kayi bɨ.

Gɨye-lɔɔ 3:15

Kɨŋ dɨɗii ban gɨ ba ɗɔɔ te habe gɨ ni somɨn̰-bɨra, ama Kumu boyi lɨbii duroy kalaŋ ga madɨrdaŋ gaŋ lee gɨ ni na tɨmon̰ kayi.

1 Korɛ̰t 12:28

Kalaŋ ga cay wase ga Kumu sige a cay Ka-Daye kay gaŋ le na ka-gɨre-gɨye. Kan ga kobɨ kardɨge na ka-yɔɔ-kɔl-gɨ-Kumu-ba-yɔɔ. Kalaŋ ga ni sɨbɨdɨge na ka-gɨlɨn̰ kalaŋ hɨnga. Kardi nee na, na ka-lɔɔ hɨnga ga ni beli. Kardi nee ɗaŋ coŋ na, na ka-orɨn̰ dan̰ dɔnɔ gɨ ni poɗɨn̰ ka-hɔmɨn̰ɛ bɨ, ka-jɨbe te karmɨge bɨ, ka-dɔrɛ tumon̰ kamdɨge bɨ, ka-yɔ kɨbɨ gɨ ungo sɨla naŋ bɨ,

2 Korɛ̰t 13:1

Na tɨba sɨbɨdi gɨ ɨŋ kɨya ɔrɛ tagɨŋ. Gɨ nee le kɨya wɔyɛ gɨlɨn̰a hɨn̰ kɔl gɨ walge duroy Magtubu di da Kumu dɨŋ di ye hɨn̰: «Kɨŋ kɨya bɔyɛ kɔl nɔm na dan̰ gɨyəŋ gɨ da kɔl gɨ kalaŋ sɔɔ naŋ le sɨbɨ, ga leege tɨmon̰ koldi.»

Epɛs 4:11

Hɨnga ga ban bɨn̰ kalaŋ kalɨn̰ le, na ka-gɨre-gɨye bɨ, ka-yɔɔ-kɔl-gɨ-Kumu-ba-yɔɔ bɨ, ka-tɔgɛ bɛrnɛ Kɔl-gɨ-Ɗari bɨ, ka-sɔlɛ kardi kalaŋ ga da Kumu dan̰ ka-gɨlɨn̰ kalaŋ hɨnga bɨ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 11:2

Ama duroy gulɔŋ gɨ doŋ le gɨse naŋ. Ji ɗa ɗe woy kɨya gɨ Kumu dɔbɔɔ a kobɨ kalaŋ ga toyge na Jubɨ naŋ. Kalaŋ ga toyge na Jubɨ naŋ kɨya ɗɔdɨrdɛge cay ƴaa-di-gumu di woy dan̰ cɨndo dan̰ tɨbayge ɓale kɨdɨrɛ toy-poɗɨn̰-cay-sɔɔ.

Wasɨn̰a 11:6

Tɨmon̰n̰əŋ ga nee le orɨn̰ge dan̰ dɔnɔ di ni lɨge cɨn̰ Kumu ɗe Kumu na ongɨn̰ naŋ kɨɗɨn̰ ga kan ɨre ye-kɔl gɨ Kumu ba yɔɔ. Kan orɨn̰ge dan̰ dɔnɔ di ni bɨle kaŋ leen̰ kɨbar bɨ, orɨn̰ge dan̰ dɔnɔ di ni dɨbe hɨnga ga ɨsɨni ga ka-mɔndɛ kɨɗɨn̰ ga toyge kan̰dɨge kan̰dɨge a cay gɨsəŋ gaŋ hɨn̰ gɨ kuduroyge gey wo̰ bɨ.

Wasɨn̰a 12:6

Ɨni na, tama le gɨre or a duroy dal dɨŋ a kɨɗɨn̰ ga Kumu ƴom cay tɨbayge nee kol caa. A kɨɗɨn̰ ga nee gaŋ le, kan kɨya amooge dan̰ hɨnga ga ni dɔɔ ɓale wɔlɛ dubu-pɨna dan̰ aru sɔɔ dan̰ toy jii.

Wasɨn̰a 13:5

Bɨn̰ge kɨmana gɨ gɨlɨn̰ hɨn̰ kɨjɨbar wo̰ le, gɨyəŋ ɗe na haŋgɨ kɨbi yen̰ kɔl gɨ ni n̰ərə bɨ, yagɨdɨn̰ Kumu bɨ. Biige dɔnɔ ɗe na leen̰ gɨye ɓal kɨdɨrɛ toyi-poɗɨn̰-cay-sɔɔ.

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»

Wasɨn̰a 20:4

Kardi nee, ɨŋ sol kali-tɨrɨmbalan̰əŋ. Kalaŋ ga somge cay nee le, kan bɨgege gɨyəŋ gɨ kan na bɨyan̰ kɔl. Ɨni na, ɨŋ sol turnoy kalaŋ ga sɨdɨrdege cayge coŋ dan̰ tuguyu kol tɨmon̰ di kan lee kɨya cay Jesu bɨ, kol bɛrnɛ di da kɔl gɨ da Kumu bɨ. Kalaŋ ga nee le na kalaŋ ga n̰ɨrge kɨmana le naŋ bɨ, turnoyi naŋ bɨ, tɨnda hɨnga wɨya a jɨndɨge naŋ bɨ, kobɨge naŋ bɨ. Kan jɨgage som-bɨra bɨ, diige cay ƴaa pɨna dan̰ Kɨris ɓal ɨlge dubu-pɨna.