Wasɨn̰a 10:6 - Gabri Maja

⁶ Bɨ ban ɓɨse gusi dan̰ guson̰ ban gɨ ba-sɔmɛ-bɨra ɨlge dan̰ ɨlge bɨ, dan̰ guson̰ ban gɨ ba ɗɔɔ gɨɗɨgɨ-Kumu dan̰ hɨnga nɔm ga a duroy nee bɨ, dan̰ guson̰ ba ɗɔɔ cay gɨsəŋ dan̰ hɨnga nɔm ga a duroy nee bɨ, dan̰ guson̰ ba ɗɔɔ kuray gɨ gumu taa taa dan̰ hɨnga nɔm ga a duroy nee bɨ. Ba-ƴɔbɛ gɨ daa nii le ye hɨn̰: «Tɨwa di ɗaŋ di ungo ɗe pɨde unɔ ɨni.

Wasɨn̰a 10:6 ပူးပေါင်းရင်းမြစ်များ

Wasɨn̰a 1:18

Ɨŋ-bandi le, ɨŋ na ba-sɔmɛ-bɨra. Tumɔ ɨŋ ma, ama haw kɛ na ɨŋ som-bɨra, ɨŋ kɨya mare naŋ bɨrɨŋ ɨni. Ɨŋ orɨn̰ dan̰ dɔnɔ a cay tɨma dɨŋ bɨ, a cay dɔɔ-ƴaado dɨŋ bɨ.

Wasɨn̰a 12:12

Na toy di hɨn̰ wo̰ ma, Gɨɗɨgɨ-Kumu ji laa gusi-mɔwa bɨ, Kɨŋ kalaŋ ga kɨŋ som boy nee, Kalɨn̰ ma kɨŋ laa gusi-mɔwa bɨ. Ama kɨŋ kalaŋ ga a cay gɨsəŋ gaŋ bɨ, Hɨnga nɔm ga duroy kuray, Gɨ gumu taa taa gɨŋ bɨ le, Cɨn̰-n̰age woy gamgɨŋ. Kɨya wa haban̰ gɨsɨn jɨn̰ gusɨgɨŋ. Kudurɔɔ hɔmɔɔ tɔgɨ, Kɨya gɨ hɨndi sol gɨ tɨwa tɔɔ ba lam wo̰ ƴɔbɨ.»

Wasɨn̰a 16:17

Ba-ƴɔbɛ gɨ daa nii gɨ cay jurgumdɨge ɓɨgɨ kobo koyi cɨn̰ kal gɨŋ. Ɨni na, noy ungo ye daa pəŋ a duroy ƴaa-di-da-Kumu dɨŋ bɨ, noy ungo le sayga na a cay kali-tɨrɨmbala dɨŋ ye hɨn̰: «Te kɔl ayaŋ ɨni.»

Wasɨn̰a 21:6

Bɨ ban jɨga yəŋ ɗaŋ hɨn̰: «Te kɔl ayaŋ ɨni. Ɨŋ na Alpa bɨ Omega bɨ, ɨŋ na ba se te hɨnga bɨ, ba-dɨɗe kɨbɨge bɨ. Waŋ waŋ gɨ gɨmase na daayi na, ɨŋ kɨya bii kaŋ ga ni sɔɔ kalɨn̰ a cɨn̰-kaŋ ga ni sɔmɛ-bɨra gaŋ.

Wasɨn̰a 4:10

ga muɗoldoŋ ga toyge-sɔɔ-cayge-poɗɨn̰ le poyge gɨbayge dugo tumoy ban gɨ som a cay kali-tɨrɨmbala dɨŋ bɨ, yen̰ge ba-sɔmɛ-bɨra ɨlge dan̰ ɨlge, been̰ge jagɨwa tɨrɨmbala kage dugo tumoy kali-tɨrɨmbala dɨŋ yen̰ge hɨn̰:

Wasɨn̰a 4:11

«Ay Ba-gulɔŋ Kumu koni, Ji ɓal gɨ kan kɨya dɨbɨn̰ gusoŋ-tɔgɛ can̰ bɨ, Dɨbɨn̰ hurɔmɔ can̰ bɨ, ɓal wɔɔ dɔnɔ bɨ, Kɨya wa na ji-bandi ba se hɨnga nɔm. Na dan̰ kuduroy geye kon̰ ƴɔbɨ ma Hɨnga nɔm lee gusɨge bɨ woy bɨ.»

Wasɨn̰a 4:9

Kɨɗɨn̰ ga kandi-se ga gɨɗɨgɨ-Kumu gaŋ ga poɗɨn̰ ga nee le, kɨbɨge kɨra dɨbɨn̰ge gusoŋ-tɔgɛ bɨ, dɨbɨn̰ge hurɔmɔ bɨ, leen̰ge ho’o bɨ a cay ban gɨ som a cay kali-tɨrɨmbala dɨŋ bɨ, a cay ban gɨ som-bɨra ɨlge dan̰ ɨlge bɨ na,

Wasɨn̰a 6:11

Kalaŋ pɨna pɨna nɔm ga kan naa dɨɗɨgege le, bɨgege badɨge ga bɛrɛ ga sɨngɨɗɨdəŋ. Ɗaŋ coŋ kan yegege gɨ kan na dɨbɨ ɗugoyge lam nee ƴee coŋ, bɨrɨŋ gɨsɨn̰ gɨ kamdɨge ka-lɔɔ gɨye bɨ karmɨge bɨ, gɨ kan kɨya dɨɗɨge hɨn̰ kan wo̰ bɨ le kondɨwayge na ɓala dɨm.