Wasɨn̰a 10:1 - Gabri Maja

¹ Kardi nee na, ɨŋ sɨlga ba-ƴɔbɛ gɨ daa nii gɨ ɗaŋ gɨ ba-dɔnɔ sayga gɨɗɨgɨ-Kumu gɨŋ gɨsɨngɨ jɨn̰ dugo. Ban dobɨ gɨrɨmbale gusi hɨn̰ badɨge wo̰ bɨ, orɨn̰ dan̰ dɛmbɨlɛ a cayi bɨ, cɨndi woy gɨlɨn̰ hɨn̰ tɨwa di daa wo̰ bɨ, gondi woy gɨlɨn̰ hɨn̰ tɨwa di ɨre dan̰ sɨngɨɗɨwado tululu daa wo̰.

Wasɨn̰a 10:1 ပူးပေါင်းရင်းမြစ်များ

Matɨyo 17:2

Ɨni na, cɨndi bɨle ɗaŋ tumoyge: Cɨndi ƴee tɨwa hɨn̰ tɨwa di daa wo̰ bɨ, badɨgedi bɛdɨrdɛŋ tɨrɨjɨ tɨrɨjɨ hɨn̰ kɨɗɨn̰ ga woli wo̰ bɨ.

Kɔl-gɨ-Ɗari gɨ Lug wal 21:27

Ɨni na, kalaŋ ga cay gɨsəŋ gaŋ kɨya sɔlɔŋge ɨŋ-bandi Kurɨn̰-ungo dan̰ tɨdɨge, ɨrga cay gɨrɨmbale gaŋ dan̰ dɔnɔ di gumu bɨ, dan̰ asɨn̰a gɨ gumu bɨ.

Gɨye-lɔɔ 26:13

Kɨlma Agɨripa, kɨɗɨn̰ ga ɨŋ baa te gɨyəŋ gɨŋ ƴee dan̰ tɨwa di ɨni ɗɨrɨj bɨ na, ɨŋ sol kɨɗɨn̰ asɨn̰ pɨraŋ ɗɨn̰ tɨwa di ɨni coŋ, andɨgaŋ gɨɗɨgɨ-Kumu gɨŋ asɨn̰ nɨwɨre canɨ cɨɗɨgɨ bɨ, cay kan ga ka-ɔrɛ tɨrga danaŋ bɨ.

Wasɨn̰a 1:7

Sɨlagɨŋ, ban tɨlga duroy gɨrɨmbale gaŋ nee, Kalaŋ nɔm kɨya soliige dan̰ cɨndɨge, Kan ga ka-jɨbege gasɨbii le kalɨn̰ ma, Kɨya soliige dan̰ cɨndɨge bɨ. Te wɨn̰je nɔm ga a cay gɨsəŋ gaŋ, Kɨya ɨlege gusɨge togɨn̰ kuduroyge kol cayi. Ho’o! Ɗa-ɗe-woy-hɨn̰-wo̰.

Wasɨn̰a 18:1

Kardi nee na, ɨŋ sol ba-ƴɔbɛ gɨ daa nii gɨ ɗaŋ sayga gɨɗɨgɨ-Kumu gɨŋ gɨsɨngɨ dugo. Togii kondɨ bɨ asɨn̰adi lee gɨ kɨɗɨn̰ asɨn̰ a cay gɨsəŋ gaŋ bɨ.

Wasɨn̰a 18:21

Ɨni na, ba-ƴɔbɛ gɨ daa nii gɨ pɨna gɨ ba dɔnɔ ay garma gɨ woy gɨlɨn̰ hɨn̰ garma gɨ ni hɨrɗɨn̰ gasa gɨ gumu wo̰ dɨbɨ ɗurɔm a duroy kuray gɨ gumu taa taa gɨŋ yen̰ hɨn̰: «Kɨya ayege Babilɔn di na cay ƴaa-di-gumu le, Dubooge pɨrɨŋ coŋ gɨlɨn̰a na hɨn̰ wo̰ le kɔ bɨ. Kɨya jɨgage wayooge ɗaŋ naŋ bɨrɨŋ.

Wasɨn̰a 20:1

Kardi nee, ɨŋ sol ba-ƴɔbɛ gɨ daa nii gɨ pɨna wo̰ sayga gɨɗɨgɨ-Kumu gɨŋ gɨsɨngɨ dugo. Ban orɨn̰ dan̰ lakɨle ga ni lɨgɨn̰ kɨbɨ umboŋ gɨ ɗɨgi mɨrɨg gɨ kagadi unɔ bɨ, mɔrɨyɔŋ ga nɨn̰e tɔgɨ woy kobi bɨ.

Wasɨn̰a 4:3

Ungo gɨ som a cay kali-tɨrɨmbala di nee dɨŋ le jɨran̰de hɨn̰ oru gɨ teeyige naa jasɨpɨ wo̰ bɨ, hɨn̰ oru gɨ teeyige naa sardɨwan wo̰ bɨ. Dɛmbɨlɛ di jɨran̰de hɨn̰ oru gɨ teeyige naa emerodɨ wo̰ nɨwɨre cay kali-tɨrɨmbala le bɨ.

Wasɨn̰a 5:2

Kardi nee na, ɨŋ sol ba-ƴɔbɛ gɨ daa nii gɨ ba dɔnɔ gɨ pɨna wo̰, ye dan̰ te tumoyi di daa pəŋ ye hɨn̰: «Kɛ na waŋ ba kɨya ɓale haŋge tambo di ɓagɨmɨn̰ge kɨbɨ magtubu le bɨ hangɨn̰ magtubu le bɨ ga?»

Wasɨn̰a 8:13

Ɨni na, ɨŋ sol kɨde pɨna gɨ lar gɨɗɨgɨ-Kumu gɨŋ mɨrɨg. Kɨde gɨ nee le ye dan̰ te tumoyi di daa pəŋ ye hɨn̰: «Cɨn̰-n̰age! Cɨn̰-n̰age! Cɨn̰-n̰age na da kalaŋ ga a cay gɨsəŋ gaŋ, kɨɗɨn̰ ga te ka-ƴɔbɛ ga daa nii ga sɨbɨ ga baage le kɨya lɨmege burun̰ji kage le.»