Wasɨn̰a 1:9 - Gabri Maja

⁹ Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.

Wasɨn̰a 1:9 ပူးပေါင်းရင်းမြစ်များ

Matɨyo 20:23

Ɨni na, Jesu yege hɨn̰: «Kɨŋ kɨya sɔ hɨnga ga boy kobo gɨle-cɨn̰ hɨnge gɨŋ leen̰ cɨndi. Ama gɨ ni sɔmɛ cay kɔbɔŋ gɨ bara gɨŋ, naŋ le, cay kɔbɔŋ gɨ masa gɨŋ na, na ɨŋ-bandi ba kɨya bɨn̰ kalaŋ ga nee le naŋ. Ama woy na kɨya cay kalaŋ ga Banɨ ƴom cay tɨbayige kɨya bɨge le.»

Marg 10:39

Kan dɨbiige cay nee yeyige hɨn̰: «Ni ɓal.» Jesu yege hɨn̰: «Kɨŋ kɨya sɔɔ hɨnga ga a boy kobo gɨ ni gɨle-cɨn̰ gɨŋ ga ɨŋ kɨya sɔɔ le bɨ, kɨya loogɨŋge batɛm di kan kɨya looŋge le bɨ leen̰ cɨndi.

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Gɨye-lɔɔ 1:15

A boy wɔlɛdi gɨ nee gɨŋ le, ka-aye kudurɔ dayaŋge nee ɓal hɨn̰ kalaŋ aru dan̰ toyge sɔɔ wo̰, ɨni na, Pɨyɛr say ɨre duroyge bɨ, yege hɨn̰:

Gɨye-lɔɔ 14:22

A boy cay ƴaan̰əŋ ga pɨna pɨna ga nee le, kan dobɨge bandɨ kuduroy ka-aye-cay-tɨbay Jesu bɨ, ɨngɨrge gɨ kan na sɨma cay tɨbayge dɨŋ a cay aye kudurɔ gɨŋ. Bɨ kan say yege hɨn̰: «Naa wa wa kalɨn̰ ma hɨnga ga ni dɔsɛ-ɗugɔ kɨya looni tɔgɨ pa dɨm ma, mani kɨya andɨn̰ a boy dɔɔ-ƴaa di da Kumu dɨŋ ƴee.»

Magtubu di Pol wal bɨn̰ kalaŋ ga Rɔm 8:17

Hɨn̰ gɨ na naa karɨn̰ Kumu na, na-gandi kalɨn̰ ma na woy na hɨn̰ ka-ƴɔ hɨnga ga ni ban̰di-gulɔŋ wo̰ bɨ. Na na ka-ƴɔ hɨnga ga ni ban̰di-gulɔŋ ga da Kumu bɨ, ka-ƴɔ hɨnga ga ni ban̰di-gulɔŋ pɨna dan̰ Kɨris bɨ. Na hɨn̰ wo̰ ma, hɨn̰ gɨ na na gɨl-cɨn̰ pɨna dan̰ Kɨris na, na kɨya andaŋ danayi pɨna a boy gusoŋ-tɔgɛ koyi gɨŋ bɨ.

Magtubu di Pol wal bɨn̰ kalaŋ ga Rɔm 8:25

Ama hɨn̰ gɨ na na gama naa hɨnga ga baa hen̰ lam ƴee ga na ɓala wɔɔ naŋ kalɨn̰ ma, na gamge na dan̰ dɨbe-ɗugɔ.

2 Korɛ̰t 1:7

Ɨrɨmedɨni gɨ ni ba bee caygɨŋ le osu kəŋ kəŋ, kɨya wa ni sol gɨ kɨŋ kɨya bugoŋ pɨna danani duroy hɨnga ga ni jale ɗugɔ gaŋ hɨn̰ gɨ tumɔ kɨŋ ba bugoŋ pɨna danani duroy hɨnga ga ni gɨle-cɨn̰ gaŋ wo̰ bɨ.

Pilib 1:7

Na gɨyəŋdi gɨ ɨŋ na ɨrɨm kol caygɨŋ nɔm hɨn̰ wo̰ le kɔ, kɨya wa ɗugonɨ woy caygɨŋ dan̰ tɨwa nɔm. Ɨŋ geygɨŋ nɔm kɨya gɨ kɨŋ ɗe gusɨgɨŋ pɨna danaŋ duroy ɗarwa di Kumu lee danaŋ dɨŋ. Dan̰ tɨwa nɔm kɨŋ ɗe gusɨgɨŋ pɨna danaŋ kɨɗɨn̰ ga ɨŋ woy dangay dɨŋ bɨ, kɨɗɨn̰ ga ɨŋ worn̰ɨn̰ ƴen̰ cay Kɔl-gɨ-Ɗari bɨ, ɨŋ leen̰ gɨ ɗe Kɔl-gɨ-Ɗari dobɨ sarnay osu dugo gag bɨ.

Pilib 4:14

Ama hɨnga ga kɨŋ ba lee bəŋ le kuɗa tɔgɨ: Kɨŋ bugoŋ danaŋ a duroy hɨnga ga ni dɔsɛ-ɗugɔ kange gaŋ.

2 Tesalonigɨ 3:5

Kuɗa gɨ Ba-gulɔŋ n̰ana kuduroygɨŋ ɨran̰ jɨn̰ geye gɨ da Kumu gɨŋ bɨ, jɨn̰ te haye-kudurɔ gɨ Kɨris ba-bee gɨŋ bɨ.

2 Timote 1:8

Ji ɗɔɔ ba dɔɔ dasi cay lɔɔ tɨmon̰ ojɨn̰ cay Ba-gulondɨna naŋ. Ɨŋ-bandi gɨ ɨŋ woy dangay kol cayi le, ji ɗɔɔ dasi don̰ kol canɨ naŋ bɨ. Ama laa tabɨ danaŋ kɨya cay tɔgɛ bɛrnɛ Kɔl-gɨ-Ɗari dan̰ gɨyəŋ gɨ da dɔnɔ di Kumu bee.

Əbɨro 10:36

Haw kɛ na, kuɗa gɨ kɨŋ ƴɨma kuduroygɨŋ usa ɗe agɨŋ leen̰ hɨnga ga Kumu gey bɨ, wan̰ hɨnga ga ban ye gɨ ɗi na kɨya bɨgɨŋ le.

1 Pɨyɛr 5:1

Haw kɛ na, ɨŋ gey yon̰ ka-muɗɔlɛ ga somge duroygɨŋ kɔl. Ɨŋ-bandi kalɨn̰ ma, ɨŋ na mɨgayge gɨ ba muɗɔlɛ gɨ da Ka-Daye bɨ. Ɨŋ na tɨmon̰ gɨ da cɨn̰-gɨle-cɨn̰ gɨ da Kɨris bɨ, wɔlɛ gɨ gusoŋ-tɔgɛ koyi kɨya gɨle gusi doŋ le, ɨŋ-bandi kalɨn̰ ma, ɨŋ kɨya wɔɔ hɨnge danayi bɨ. Hɨnga ga ɨŋ ɨngɨrgɨŋ kɨŋ-gandi ga muɗoldoŋ ba kɛ:

Wasɨn̰a 1:1

Magtubu di kɛ le, na hɨnga ga woy kɨɗɨn̰ wɔsɛdɨge gaŋ ga Jesu-Kɨris wasɨn̰ cayge. Na Kumu ba bii ɗe na gɨlɨn̰ marɨne ka-gɨye kayi, ɗe na solɨn̰ge hɨnga ga ba kɨya ɨrga mɨnde. Na toy di hɨn̰ wo̰ ma, Jesu gɨy ba-ƴɔbɛ koyi gɨ daa nii ɗe na or wasɨn̰e cayge bɨn̰ marɨna ba-gɨye koyi Ja̰ ɗe na sol.

Wasɨn̰a 1:2

Ja̰ lee tɨmon̰ di da hɨnga nɔm ga ban sol dan̰ cɨndi le naa Kɔl gɨ da Kumu bɨ, na tɨmon̰ di Jesu-Kɨris lee bɨ.

Wasɨn̰a 1:4

Sɨlagɨŋ ɨŋ-bandi Ja̰, ɨŋ wal magtubu gɨyɨn̰ dan̰ kɔl gɨ kɛ le bɨn̰ na Ka-Daye ga kɨɗɨn̰ jurgum ga somge a cay gɨsəŋ ga Aji gaŋ. Kuɗa gɨ Kumu bɨgɨŋ ɗarwa bɨ, gusi-dɔbɛ bɨ. Ban som nee a boy wɔlɛ gɨ haw kɛ gɨŋ bɨ, a boy wɔlɛ gɨ tumɔ gɨŋ bɨ, a boy wɔlɛ gɨ kɨya ɨrga gɨŋ bɨ. Kuɗa gɨ Turnɔ di da Kumu ga jurgum ga somge a tumoy kali-tɨrɨmbala da Kumu dɨŋ le, bɨgɨŋge ɗarwa bɨ, gusi-dɔbɛ bɨ.

Wasɨn̰a 1:6

Ban bɨlnagɨŋ leen̰ dɔɔ-ƴaa toyi bɨ, bɨlnagɨŋ leen̰ ka-bɔgɛ kɨbar kɨya loon̰ gɨye gɨ da Bayi Kumu bɨ. Kuɗa gɨ gusoŋ-tɔgɛ dan̰ dɔnɔ wɨya kol cayi ɨlge dan̰ ɨlge. Ɗa-ɗe-woy-hɨn̰-wo̰.

Wasɨn̰a 11:7

Ama kɨɗɨn̰ ga ka-lɔɔ tɨmon̰ ga sɔɔ le, na laage tɨmon̰ kage coŋ ɨni na, kɨmana gɨ sayga te umboŋ gɨ ɗɨgi mɨrɨg gɨ kagadi unɔ gɨŋ le, kɨya dɨbe kɨmbɨl danage bɨ, kɨya aye banga cayge bɨ, kɨya dɨɗɨge bɨ.

Wasɨn̰a 12:11

Ama karmiinagɨŋ, Ga ban̰aŋ dan̰ ga kandɨ le, Boyge kɨmbɨl na dan̰ gɨyəŋ, Gɨ da kɨbardi kurɨn̰-dɨmangɨ bɨ Na dan̰ gɨyəŋ gɨ da kɔl, Gɨ kan leen̰ge tɨmon̰ bɨ. Kan geyge Ba-gulondɨge tɔgɨ, Ɗɨn̰ kuyoŋdi-gusɨge Lee gɨ hɨndaran̰ge tɨma naŋ bɨrɨŋ.

Wasɨn̰a 12:17

A kɨɗɨn̰di ga nee gaŋ le, kɨmana gɨ ni dɨrago̰ le lee kuduroy-hɔmɛ gɨɗaŋ a cay tama le, lee gɨ say or wɔrɨn̰ɛ dan̰ te wɨn̰je kaa ga baage le. Kan na ka-game te tumɔ da Kumu bɨ, ka-game kɔl gɨ da Jesu bɨ.

Wasɨn̰a 13:10

Ungo gɨ kan na uja dangay kol cayi na, kɨya ɔrɛ dangay dɨŋ leen̰ cɨndi. Ungo gɨ kan na uja gɨ na kɨya mare tɨmay pəlɨm na, naa wa wa kalɨn̰ ma kɨya mare tɨman̰ pəlɨm. Na toy di hɨn̰ wo̰ ma, kuɗa gɨ kalaŋ ga woyge dan̰ cɨndɨge le dɨbɨge-ɗugoyge bɨ, wɨyage ka-aye kudurɔ bɨ.

Wasɨn̰a 14:12

Kalaŋ ga woyge dan̰ cɨndɨge ga ka-ame te tumɔ di da Kumu bɨ, ka-aye kuduroyge bɨn̰ Jesu bɨ le, tɨwa di haw kɛ le, na tɨwa di kan kɨya ƴomɨn̰ kuduroyge osɨwa.

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»

Wasɨn̰a 20:4

Kardi nee, ɨŋ sol kali-tɨrɨmbalan̰əŋ. Kalaŋ ga somge cay nee le, kan bɨgege gɨyəŋ gɨ kan na bɨyan̰ kɔl. Ɨni na, ɨŋ sol turnoy kalaŋ ga sɨdɨrdege cayge coŋ dan̰ tuguyu kol tɨmon̰ di kan lee kɨya cay Jesu bɨ, kol bɛrnɛ di da kɔl gɨ da Kumu bɨ. Kalaŋ ga nee le na kalaŋ ga n̰ɨrge kɨmana le naŋ bɨ, turnoyi naŋ bɨ, tɨnda hɨnga wɨya a jɨndɨge naŋ bɨ, kobɨge naŋ bɨ. Kan jɨgage som-bɨra bɨ, diige cay ƴaa pɨna dan̰ Kɨris ɓal ɨlge dubu-pɨna.

Wasɨn̰a 3:10

Kɨŋ gam kɔl hɨnge ƴomɨn̰ kuduroygɨŋ. Na toy di hɨn̰ wo̰ ma ɨŋ-bandi kalɨn̰ ma ɨŋ kɨya gamgɨŋ a tɨwa di hɨnga ga ni kuduroy-hɔmɛ kɨya andaŋ a cay kalaŋ ga cay gɨsəŋ gaŋ nɔm. Hɨnga ga ni kuduroy-hɔmɛ le, kɨya gɨwase kalaŋ ga somge cay gɨsəŋ gaŋ kɛ.

Wasɨn̰a 6:9

Kɨɗɨn̰ ga Kurɨn̰-dɨmangɨ le haŋgɨ tambo di ni baydo na, a te kɨɗɨn̰ ga kan gaɗɨge kɨya bogɨn̰ kɨbar nee le ɨŋ sol turnoy kalaŋ ga kan wadɨlde tumoyge kol cay Kɔl gɨ da Kumu bɨ kol cay tɨmon̰ di kan lee a cay Kumu bɨ.

Wasɨn̰a 7:14

Ɨni na, ɨŋ dɨbi cay nee yey hɨn̰: «Ba-gulonɨ, ji ba sɔlɛ.» Kɨɗɨn̰di ga nee gaŋ le, ban yəŋ hɨn̰: «Na kalaŋ ga andaŋge a duroy hɨnga ga ni dɔsɛ-ɗugɔ ga gumu gaŋ. Kan pɨlge badɨge kage ga sɨngɨɗɨdəŋ bɨ dorge ɗege bɛrɛ tɨrɨjɨ tɨrɨjɨ a duroy kɨbardi Kurɨn̰-dɨmangɨ gɨŋ le.