Wasɨn̰a 1:7 - Gabri Maja

⁷ Sɨlagɨŋ, ban tɨlga duroy gɨrɨmbale gaŋ nee, Kalaŋ nɔm kɨya soliige dan̰ cɨndɨge, Kan ga ka-jɨbege gasɨbii le kalɨn̰ ma, Kɨya soliige dan̰ cɨndɨge bɨ. Te wɨn̰je nɔm ga a cay gɨsəŋ gaŋ, Kɨya ɨlege gusɨge togɨn̰ kuduroyge kol cayi. Ho’o! Ɗa-ɗe-woy-hɨn̰-wo̰.

Wasɨn̰a 1:7 ပူးပေါင်းရင်းမြစ်များ

Matɨyo 16:27

Kɨya wa Kurɨn̰-ungo kɨya caga dan̰ ka-ƴɔbɛ kayi ga daa nii bɨ, dan̰ gusoŋ-tɔgɛ da Bayi bɨ. Kɨɗɨn̰di ga nee gaŋ le, ban kɨya bɨn̰ kalaŋ cay kobɨge pɨna pɨna nɔm gɨsɨn̰ cay gɨye-lɔɔdɨge lɔɔdɨge.

Matɨyo 16:28

Aŋ yəgɨŋ daa waŋ na cɨndi: Kalaŋ ga pɨna duroy kalaŋ ga ɨrege kɛ le, kɨya sɔlɛge Kurɨn̰-ungo kɨɗɨn̰ cagadi gɨŋ hɨn̰ kɨlma wo̰ pa dɨm ma kɨya marege ƴee.»

Matɨyo 24:30

Kɨɗɨn̰di ga nee gaŋ le na, hɨnga ga kɨya gɨle cay Kurɨn̰-ungo kɨya andɨgaŋ gɨɗɨgɨ-Kumu gɨŋ. Duroy wɔlɛdi gɨ nee gɨŋ le, te wɨn̰jen̰əŋ ga cay gɨsəŋ gaŋ nɔm kɨya ɨlege gusɨge togɨn̰ge ɗugoyge bɨ, kɨya sɔlɛge Kurɨn̰-ungo te ɨrgadi gɨŋ cay gɨrɨmbale gaŋ dan̰ dɔnɔ di gumu bɨ, dan̰ asɨn̰a gɨ gumu bɨ.

Matɨyo 25:31

«Kurɨn̰-ungo le kɨɗɨn̰ ga ban kɨya ɨrga duroy gusoŋ-tɔgɛ koyi gɨŋ dan̰ ka-ƴɔbɛ ga daa nɔm na, ban kɨya sɔmɛ cay kali-tɨrɨmbala toyi dɨŋ.

Matɨyo 26:64

Jesu dɨbii cay nee yeyi hɨn̰: «Ji-bandi ba yɔ dan̰ kɨbɨn̰ han̰. Ama aŋ yəgɨŋ kɔl gɨ ɗaŋ coŋ, ayɨn̰ toy haw kɛ na kɨŋ kɨya sɔlɛ Kurɨn̰-ungo le kɨya sɔmɛ a cay kali di ni tɨrɨmbala dɨŋ kɨway Kumu ba Dɔnɔ di gumu a cay kobi gɨ bara gɨŋ bɨ, kɨŋ kɨya solii te ɨrga cay gɨrɨmbale gaŋ bɨ.»

Marg 13:26

Ɨni na, kalaŋ ga cay gɨsəŋ gaŋ kɨya sɔlɛge Kurɨn̰-ungo le dan̰ tɨdɨge te ɨrga cay gɨrɨmbale gaŋ dan̰ dɔnɔ di gumu bɨ, dan̰ asɨn̰a di gumu bɨ.

Marg 14:62

Jesu dɨbii cay nee yeyi hɨn̰: «Əw, ɨŋ na ban, bɨ kɨŋ nɔm kɨŋ kɨya sɔlɛ Kurɨn̰-ungo sɔmɛ a cay kali di ni tɨrɨmbala dɨŋ kɨway Kumu ba dɔnɔ gɨ gumu a cay kobi gɨ bara gɨŋ bɨ, kɨŋ kɨya solii te ɨrga cay gɨrɨmbale gaŋ bɨ.»

Kɔl-gɨ-Ɗari gɨ Lug wal 21:27

Ɨni na, kalaŋ ga cay gɨsəŋ gaŋ kɨya sɔlɔŋge ɨŋ-bandi Kurɨn̰-ungo dan̰ tɨdɨge, ɨrga cay gɨrɨmbale gaŋ dan̰ dɔnɔ di gumu bɨ, dan̰ asɨn̰a gɨ gumu bɨ.

Kɔl-gɨ-Ɗari gɨ Ja̰ wal 19:34

Ama asɨgar gɨ pɨna wo̰ jɨb gasɨbi dan̰ dagɨɗɨ, ɨni na, kɔl gɨ kɨbɨna kɛ bɨ, kɨbar dan̰ kaŋ bɨ, andɨgaŋ.

Kɔl-gɨ-Ɗari gɨ Ja̰ wal 19:37

Kɔl gɨ kan walge duroy Magtubu di ɗaŋ dɨŋ kalɨn̰ ma ye nee coŋ hɨn̰: «Kan kɨya aye cɨndɨge solɨn̰ ban gɨ kan jɨbiige dan̰ dagɨɗɨ le.»

1 Tesalonigɨ 1:10

bɨ amɨn̰ Kurondi gɨ kɨya sɔ gɨɗɨgɨ-Kumu gɨŋ ɨrga le bɨ. Kurondi le na Jesu gɨ ban boyi lɨbɨ le. Kuduroy-hɔmɛ di ba kɨya caga le Kurondi gɨ nee le boɗɨni kɨbɨ nee coŋ.

1 Tesalonigɨ 4:17

Kardi nee ɨni na, na-gandi ga na baa dan̰ cɨndɨna a cay gɨsəŋ gaŋ ƴee le, Kumu kɨya orɨn̰ danana pɨna danage nɔm duroy gɨrɨmbale gaŋ, ɗe ana na yalɨn̰ cɨn̰ Ba-gulɔŋ duroy gɨɗɨgɨ-Kumu gɨŋ bɨ, ɗe ana na somɨn̰ dan̰ Ba-gulɔŋ dan̰ tumoyna bɨ.

Əbɨro 10:29

Kɛ kɨya osɨwa cɨla coŋ kɨya ungo gɨ ba hagɨre Kurɨn̰-Kumu naŋ ga? Kɨya wa kɨbardi Jesu gɨ Kumu leen̰ saɗe kɨbɨ pɨna ɓɨse gusu gɨ hɨrɨwa le, ungo le sol leen̰ hɨnga ga kalɨn̰ wo̰ dugo. Na kɨbar gɨ nee le ba lɔɔ gɨ ungo gɨ nee le, bɨlɨn̰ ungo gɨ woy dan̰ cɨndi. Bɨ ban say yagɨde Turnɔ di da Kumu di lee gɨ ban sol ɗarwa toyi le. Na cɨndi, ojɨ gɨ ungo gɨ nee le, na waa cɨn̰-gɨle-cɨn̰ gɨɗaŋ cɨla coŋ.

Əbɨro 6:6

Ma hɨn̰ wo̰ kalɨn̰ ma, hɨn̰ gɨ kalaŋ ga nee le na ɗage aye kudurɔ coŋ na, gɨyəŋ gɨ kan kɨya jɨgan̰ danage ɗe na bɨlɨn̰ge gɨye-lɔɔdɨge unɔ ɨni. Kɨya wa kalaŋ ga nee le, woy hɨn̰ gɨ kan gusɨge gaŋ na jɨgage gagɨl Kurɨn̰-Kumu a cay sɨya-gɨ-dagɨli gɨŋ ɗaŋ bɨ, wariige cɨn̰ kalaŋ ɗe na dɨbɨge dasi di gumu cayi a cɨn̰ kalaŋ wo̰ bɨ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

Magtubu di Jud wal 1:14

Inɔg gɨ na te mon̰dɨna gɨ pɨna pɨna kɨɗɨn̰ jurgum ayɨn̰ toy a cay Adam le. Ban ye-kɔl-gɨ-Kumu-ba-yɔɔ ye hɨn̰: «Sɨlagɨŋ, Ba-gulɔŋ ɨrga dan̰ ka-gɨre-gɨye kayi ga woyge dan̰ cɨndɨge ga kondɨwayge ɗɨn̰ ɗɔngɨsɛ,

Wasɨn̰a 22:20

Jesu ba lɔɔ tɨmon̰ di da kɔl nɔm gɨ da hɨnga ga kɛ le ye hɨn̰: «Ho’o, ɨŋ tɨlga mɨnde nee.» Ɗa-ɗe-woy-hɨn̰-wo̰! Marana ta, Ba-gulɔŋ Jesu, ɨre.

Wasɨn̰a 22:4

Kan kɨya sɔlɛ cɨndi bɨ kɨya ɗɔge gusondi a jɨndɨge bɨ.