Wasɨn̰a 1:4 - Gabri Maja4 Sɨlagɨŋ ɨŋ-bandi Ja̰, ɨŋ wal magtubu gɨyɨn̰ dan̰ kɔl gɨ kɛ le bɨn̰ na Ka-Daye ga kɨɗɨn̰ jurgum ga somge a cay gɨsəŋ ga Aji gaŋ. Kuɗa gɨ Kumu bɨgɨŋ ɗarwa bɨ, gusi-dɔbɛ bɨ. Ban som nee a boy wɔlɛ gɨ haw kɛ gɨŋ bɨ, a boy wɔlɛ gɨ tumɔ gɨŋ bɨ, a boy wɔlɛ gɨ kɨya ɨrga gɨŋ bɨ. Kuɗa gɨ Turnɔ di da Kumu ga jurgum ga somge a tumoy kali-tɨrɨmbala da Kumu dɨŋ le, bɨgɨŋge ɗarwa bɨ, gusi-dɔbɛ bɨ. အခန်းကိုကြည့်ပါ။ |
Wasɨn̰a 1:4
41 ပူးပေါင်းရင်းမြစ်များ
Hɨnga ga kuɗa tɔgɨ nɔm le, kan bɨnage na bee bɨ. Hɨnga ga ni bee kalɨn̰ ga kuɗa duroŋ dan̰ durɔ cɨrɛɗ nɔm le, na hɨnga ga sayigage na a daa nii bɨ, andɨgaŋge na gusi Bayna Kumu gɨ ba-lɔɔ kɨɗɨn̰ ga asɨn̰ bɨ. Kumu bɨl ɗaŋ naŋ bɨ, ban nɨwɨr gusi hɨn̰ gɨsəŋ ga ba nɨwɨre gusɨge cɨn̰ tɨwa dɨŋ, kɨya ɗenagɨŋ duroy dɨlɨm dɨŋ wo̰ naŋ bɨ.
Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.
Ungo gɨ ɨŋ ba solii le ye ɗaŋ coŋ ye hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Sardɨ. «Ban gɨ Turnɔ di da Kumu ga jurgum bɨ, dɛsɨɗɛŋ ga jurgum bɨ woyge kobi le ye hɨn̰: Ɨŋ sol gɨye-lɔɔdɨn̰. Gusoŋ gɨ ni sɔmɛ-bɨra ba yɔɔ can̰ kalɨn̰ wo̰, ama leen̰ cɨndi na ji woy gɨlɨn̰ na hɨn̰ ungo gɨ ma wo̰ ɨni.
Ungo gɨ ɨŋ ba solii le jogɨ yɔ ɗaŋ coŋ hɨn̰: «Wala magtubu gɨyɨn̰ bɨn̰ ba-ƴɔbɛ gɨ daa nii gɨ ba sɔlɛ kardi Ka-Daye ga a cay ƴaa-di-gumu di Piladelpi. «Ban gɨ woy dan̰ cɨndi bɨ, ban gɨ na ungo gɨ hɨnde bɨ, ban gɨ ƴom lakɨle ga da kɨlma Dabid kobi bɨ. Ban gɨ na hanga kɨbɨ-ƴaa na, ungo pɨna wo̰ kalɨn̰ ma kɨya ɓale lɨge naŋ bɨ, ban gɨ na lɨgɨ kɨbɨ-ƴaa na, ungo pɨna wo̰ kalɨn̰ ma kɨya ɓale hange naŋ bɨ le, ye hɨn̰:
Kandi-se ga gɨɗɨgɨ-Kumu gaŋ ga poɗɨn̰ ga nee le waŋ waŋ kalɨn̰ ma orɨn̰ dan̰ majɨbii won̰ jii jii bɨ, ti ƴee majɨbiige daa bɨ dugo bɨ ɗəndəŋ. Kan ɨre kɨbɨge kɨra son̰do dan̰ tɨwa di ɨni ɗan̰ge kɨbɨ kɨra daa naŋ bɨrɨŋ yen̰ge hɨn̰: «Ba-wɔyɛ dan̰ cɨndi, Ba-wɔyɛ dan̰ cɨndi, Ba-wɔyɛ dan̰ cɨndi, Na Ba-gulɔŋ Kumu gɨ dɔnɔdi ɗɨn̰ dɔnɔ nɔm, Ban som nee a boy wɔlɛ gɨ haw kɛ gɨŋ bɨ, A boy wɔlɛ gɨ tumɔ gɨŋ bɨ, A boy wɔlɛ gɨ kɨya tɨlga nee gɨŋ bɨ.»
Ɨni na, ɨŋ sol Kurɨn̰-dɨmangɨ a durdi kali-tɨrɨmbala a duroy kandi-se ga gɨɗɨgɨ-Kumu gaŋ bɔb duroy ka-muɗɔlɛ. Kurɨn̰-dɨmangɨ le gɨlɨn̰ hɨn̰ gɨ kan na walge tumoyi tumɔ wo̰. Kurɨn̰-dɨmangɨ le orɨn̰ dan̰ kɨben̰di jurgum bɨ tɨdi jurgum bɨ, kan na Turnɔ di da Kumu ga jurgum ga Kumu gɨyge a cay gɨsəŋ gaŋ nɔm.
ကြော်ငြာတွေ