Wasɨn̰a 1:3 - Gabri Maja

³ Kɔl gɨ walge duroy magtubu di kɛ dɨŋ le, sayga na gusi Kumu. Tumoy wolwa woy a cay ungo gɨ ba ɗɔngɨsɛ bɨ, Tumoy wolwa woy a cay kalaŋ ga ka-yɔɔ-kɔl-gɨ-Kumu-ba-yɔɔ bɨ, a cay ka-game kɔl nɔm gɨ woy a duroy nee bɨ. Na cɨndi tɨwadi baa mɨnde.

Wasɨn̰a 1:3 ပူးပေါင်းရင်းမြစ်များ

Matɨyo 24:15

«Na toy di hɨn̰ wo̰ ma kɨɗɨn̰ ga kɨŋ na sɨla hɨnga ga ɨsɨni ga kɨya ɨrgan̰ dan̰ mundoŋ, ga Danɨyɛl ba-yɔɔ-kɔl-gɨ-Kumu-ba-yɔɔ naa ba ye koldɨge tumɔ le, na ɨre sɨma boy kɨɗɨn̰ ga woy dan̰ cɨndɨge gaŋ na. (Ɗe ungo gɨ ɗongɨsɨ kɔl gɨ nee le, sɨla duroy kuɗa.)

Kɔl-gɨ-Ɗari gɨ Lug wal 11:28

Ama Jesu jɨga dɨboo cay nee yoo hɨn̰: «Ho’o, na kalaŋ ga ba jege kɔl gɨ da Kumu ayge leen̰ge gɨye dɨm ma, tumoy wolwa woy kol cayge ƴee.»

Magtubu di Pol wal bɨn̰ kalaŋ ga Rɔm 13:11

Kɨŋ sol tɨwa di na ba somɨn̰gɨŋ nee nɔm: Na tɨwa di kɨŋ kɨya son̰ te kuŋ gaŋ ɨni. Kɨya wa haw kɛ na, pɔɗɛ mɨnde danana ɗɨn̰ wɔlɛ gɨ na ba an̰ kuduroyna bɨn̰ Jesu.

Magtubu di Pol wal bɨn̰ kalaŋ ga Rɔm 13:12

Son̰do baa mɨnde gɨ kɨya ayaŋ lee gɨ kɨɗɨn̰ ga woli baa mɨnde. Hɨn̰ wo̰ na, tɨragɨŋ gɨye-lɔɔ gɨ da dɨlɨm gusɨgɨŋ coŋ bɨ tɨban̰gɨŋ hɨnga ga ni wɔrɨn̰ɛ ga da asɨn̰a gusɨgɨŋ.

1 Pɨyɛr 4:7

Wɔlɛ gɨ te hɨnga nɔm kɨya ayaŋ le woy mɨnde. Na toy di hɨn̰ wo̰ ma sɨmagɨŋ dan̰ cɨn̰-muɗɔlɛ bɨ, ƴɨmagɨŋ gusɨgɨŋ usa a cay hɨnga nɔm bɨ, ɗe gɨ agɨŋ ɓal olɨn̰ Kumu dan̰ tɨwa nɔm.

2 Pɨyɛr 3:8

Karmɨnɨ ga ɨŋ lee-toygɨŋ, hɨnga pɨna woy nee gɨ kuɗa gɨ kuduroygɨŋ gɨ hale gɨybəŋ cay nee naŋ. Hɨnga le ba kɛ: Gɨ ojɨ cay Ba-gulɔŋ na, wɔlɛ gɨ pɨna woy gɨlɨn̰ na hɨn̰ ɨlge gɨ dubu wo̰ bɨ, ɨlge gɨ dubu woy gɨlɨn̰ na hɨn̰ wɔlɛ pɨna wo̰ bɨ.

Wasɨn̰a 22:10

Kardi nee, ba-ƴɔbɛ gɨ daa nii le yəŋ ɗaŋ hɨn̰: «Kɔl gɨ Kumu ba yɔ gɨ woy a duroy magtubu di kɛ dɨŋ le, ji ɗɔɔ ba wɔsɛ. Kɨya wa tɨwa di da hɨnga nɔm ga nee le, cayge woy mɨnde.

Wasɨn̰a 22:12

Ɨni na, Jesu ye hɨn̰: «Sɨlagɨŋ, ɨŋ tɨlga mɨnde nee, kɨya bɨn̰ waŋ waŋ kalɨn̰ ma hɨnga ga ni cay-kɔbɔ ga ojɨ cay gɨye-lɔɔdi lɔɔdi.

Wasɨn̰a 22:20

Jesu ba lɔɔ tɨmon̰ di da kɔl nɔm gɨ da hɨnga ga kɛ le ye hɨn̰: «Ho’o, ɨŋ tɨlga mɨnde nee.» Ɗa-ɗe-woy-hɨn̰-wo̰! Marana ta, Ba-gulɔŋ Jesu, ɨre.

Wasɨn̰a 3:11

Ɨŋ tɨlga nee mɨnde. Ƴɨmagɨŋ aye kudurɔ kogɨŋ gɨ kɨŋ orɨn̰ le usa, ɗe ungo wo̰ bɔɗɛ jagɨwa bɔyɛ kɨmbɨl kogɨŋ naŋ.