Wasɨn̰a 1:2 - Gabri Maja

² Ja̰ lee tɨmon̰ di da hɨnga nɔm ga ban sol dan̰ cɨndi le naa Kɔl gɨ da Kumu bɨ, na tɨmon̰ di Jesu-Kɨris lee bɨ.

Wasɨn̰a 1:2 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 1:32

Kardi nee na Ja̰ lee tɨmon̰ ɗaŋ coŋ ƴee hɨn̰: «Ɨŋ sol Turnɔ di da Kumu sayga daa hɨn̰ guu di bɛrɛ kən̰jəŋ wo̰, ɨrga som cayi.»

Kɔl-gɨ-Ɗari gɨ Ja̰ wal 12:17

Dɨmdɨrdi kalaŋ ga ɨrege dan̰ Jesu kɨɗɨn̰ ga ban te Lajar ɗe na andɨgaŋ doŋ duroy umboŋ garma gɨ habɨlge gɨŋ bɨ, boyi lɨbii duroy kan ga madɨrdaŋ gaŋ le, leege tɨmon̰ di da hɨnga ga kan solge.

Kɔl-gɨ-Ɗari gɨ Ja̰ wal 19:35

Ungo gɨ ba dor kardi hɨnga ga nee le, sol hɨnga ga nee le dan̰ cɨndi, lee gɨ tɨmon̰ toy or pɨna dan̰ kɔl gɨ cɨndi: Ungo gɨ nee le sol gɨ ɗi na ye na kɔl gɨ cɨndi ɗe gɨ kɨŋ-gandi kalɨn̰ ma kɨŋ na bɨgan̰ kuduroygɨŋ cay kɔl gɨ cɨndi gɨ da ba-lɔɔ tɨmon̰ le.

Kɔl-gɨ-Ɗari gɨ Ja̰ wal 21:24

Na ba-aye-cay-tɨbayi gɨ nee le ba lɔɔ tɨmon̰ di da hɨnga ga nee le bɨ, wale dugo duroy magtubu dɨŋ bɨ, ni sol gɨ tɨmon̰ di ban lee le, or pɨna dan̰ kɔl gɨ cɨndi.

Kɔl-gɨ-Ɗari gɨ Ja̰ wal 3:11

Ja, ɨŋ yen̰ na kɔl gɨ cɨndi, ni dor na kol hɨnga ga ni sol bɨ, ni lee na tɨmon̰ da hɨnga ga ni solge dan̰ tɨdɨni bɨ. Ama kɨŋ gey ƴɔɔ kol hɨnga ga ni ba lee tɨmon̰dɨge le naŋ.

Gɨye-lɔɔ 22:15

Kɨya wa ojɨ gɨ ji kɨya bɨləŋ tɨmon̰ toyi tumoy kalaŋ nɔm bɨ, yoge kol hɨnga nɔm ga ji ba je bɨ, sol bɨ.

Gɨye-lɔɔ 26:16

Haw kɛ na, sa ɨr dan̰ tɨban̰ daa bɨ ɨŋ kɨya yon̰ na kɨya wa ma maŋ gɨl gusɨnɨ bɨn̰ le. Ɨŋ dorɨn̰ ɗe gɨ ji na bɨl ba-gɨye hɨnge bɨ, tɨmon̰ hɨnge bɨ. Ji kɨya yon̰ kalaŋ kol hɨnga ga ɨŋ ba haŋgɨ cayge bɨn̰ haw kɛ bɨ, kol hɨnga nɔm ga ɨŋ kɨya haŋge cayge bɨn̰ kardi nee bɨ.

Gɨye-lɔɔ 4:20

Ni-gandi na, hɨnga ga ni ba sol dan̰ cɨndɨni bɨ, ni ba je dan̰ sɨmayni bɨ le, ni gɨ ɓale sɔgɨyɛ koldɨge dugo naŋ.»

1 Korɛ̰t 1:6

Na toy di hɨn̰ wo̰ ma, tɨmon̰ di leege a cay Kɨris le, dobɨ sarna gag gag a kuduroygɨŋ.

1 Korɛ̰t 2:1

Ɨŋ-bandi kalɨn̰ ma, karmɨnɨ ga ban̰aŋ dan̰ ga kandɨ, kɨɗɨn̰ ga ɨŋ-bandi ɨŋ baga gusɨgɨŋ le, ɨŋ gɨlgɨŋ hɨnga ga woy kɨɗɨn̰ wɔsɛdɨge gaŋ gɨ da Kumu na dan̰ kɔl gɨ kɨɗɨn̰ ga ni sɔlɛ duroy osu tɔgɨ wala, na dan̰ cɨn̰-muɗɔlɛ naŋ.

1 Ja̰ 1:1

Ni wal magtubu bɨgɨŋ ojɨn̰ na cay ban gɨ ba-bee sɔmɛ-bɨra le. Ban som nee tumɔ ɓɨrag, pa dɨm ma Kumu ɗen̰ hɨnga nɔm ƴee. Ni-gandi, ni je kɔl gɨ ban ye bɨ, ni solii dan̰ cɨndɨni bɨ, ni ɗe cɨndɨni cayi kuɗa bɨ, ni ɨsɨbii dan̰ kobɨni bɨ.

1 Ja̰ 4:14

Kumu Baynagɨŋ, naa gɨygɨ Kurondi Jesu-Kɨris kɨya pɔɗɛ kalaŋ ga a cay gɨsəŋ gaŋ. Ni solii dan̰ tɨdɨni bɨ, ni lee tɨmon̰ da hɨnga ga nee le bɨ.

3 Ja̰ 1:12

Kol cay Demetrɨyus na, kalaŋ nɔm leege tɨmon̰ di ɗari kol cayi. Bɨ kɔl gɨ cɨndi kalɨn̰ ma, lee tɨmon̰ di ɗari kol cayi bɨ. Ama ni-gandi kalɨn̰ ma, ni lee tɨmon̰ di ɗari kol cayi bɨ. Ji Gayus, ji sol gɨ tɨmon̰ di ni ba lee le naa cɨndi.

Wasɨn̰a 1:11

Noy ungo le ye hɨn̰: «Hɨnga ga ji ba naa sɨlga dan̰ cɨndɨn̰ le, wala dugo duroy magtubu dɨŋ gɨyɨn̰ bɨn̰ Ka-Daye ga kɨɗɨn̰ jurgum ga a cay gɨsəŋ ga Aji gaŋ: A Epɛs bɨ, Simirnɨ bɨ, Pɛrgam bɨ, Tɨyatir bɨ, Sardɨ bɨ, Piladelpi bɨ, Lawdise bɨ.»

Wasɨn̰a 1:19

Hɨnga ga ji ba sol dan̰ cɨndɨn̰ ga ba kɨya lɔɔ gusɨge haw kɛ bɨ, ga ba kɨya lɔɔ gusɨge kardi nee bɨ le, walage dugo duroy magtubu dɨŋ.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.

Wasɨn̰a 12:11

Ama karmiinagɨŋ, Ga ban̰aŋ dan̰ ga kandɨ le, Boyge kɨmbɨl na dan̰ gɨyəŋ, Gɨ da kɨbardi kurɨn̰-dɨmangɨ bɨ Na dan̰ gɨyəŋ gɨ da kɔl, Gɨ kan leen̰ge tɨmon̰ bɨ. Kan geyge Ba-gulondɨge tɔgɨ, Ɗɨn̰ kuyoŋdi-gusɨge Lee gɨ hɨndaran̰ge tɨma naŋ bɨrɨŋ.

Wasɨn̰a 12:17

A kɨɗɨn̰di ga nee gaŋ le, kɨmana gɨ ni dɨrago̰ le lee kuduroy-hɔmɛ gɨɗaŋ a cay tama le, lee gɨ say or wɔrɨn̰ɛ dan̰ te wɨn̰je kaa ga baage le. Kan na ka-game te tumɔ da Kumu bɨ, ka-game kɔl gɨ da Jesu bɨ.

Wasɨn̰a 20:4

Kardi nee, ɨŋ sol kali-tɨrɨmbalan̰əŋ. Kalaŋ ga somge cay nee le, kan bɨgege gɨyəŋ gɨ kan na bɨyan̰ kɔl. Ɨni na, ɨŋ sol turnoy kalaŋ ga sɨdɨrdege cayge coŋ dan̰ tuguyu kol tɨmon̰ di kan lee kɨya cay Jesu bɨ, kol bɛrnɛ di da kɔl gɨ da Kumu bɨ. Kalaŋ ga nee le na kalaŋ ga n̰ɨrge kɨmana le naŋ bɨ, turnoyi naŋ bɨ, tɨnda hɨnga wɨya a jɨndɨge naŋ bɨ, kobɨge naŋ bɨ. Kan jɨgage som-bɨra bɨ, diige cay ƴaa pɨna dan̰ Kɨris ɓal ɨlge dubu-pɨna.

Wasɨn̰a 22:21

Kuɗa gɨ Ba-gulɔŋ Jesu laa ɗarwa danagɨŋ nɔm.

Wasɨn̰a 6:9

Kɨɗɨn̰ ga Kurɨn̰-dɨmangɨ le haŋgɨ tambo di ni baydo na, a te kɨɗɨn̰ ga kan gaɗɨge kɨya bogɨn̰ kɨbar nee le ɨŋ sol turnoy kalaŋ ga kan wadɨlde tumoyge kol cay Kɔl gɨ da Kumu bɨ kol cay tɨmon̰ di kan lee a cay Kumu bɨ.