Wasɨn̰a 1:1 - Gabri Maja

¹ Magtubu di kɛ le, na hɨnga ga woy kɨɗɨn̰ wɔsɛdɨge gaŋ ga Jesu-Kɨris wasɨn̰ cayge. Na Kumu ba bii ɗe na gɨlɨn̰ marɨne ka-gɨye kayi, ɗe na solɨn̰ge hɨnga ga ba kɨya ɨrga mɨnde. Na toy di hɨn̰ wo̰ ma, Jesu gɨy ba-ƴɔbɛ koyi gɨ daa nii ɗe na or wasɨn̰e cayge bɨn̰ marɨna ba-gɨye koyi Ja̰ ɗe na sol.

Wasɨn̰a 1:1 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 12:49

Kɨya wa ɨŋ ya kɔl na dan̰ canɨ naŋ. Ama na Banɨ gɨ gɨyigəŋ le ba aye noy bəŋ ojɨn̰ cay hɨnga nɔm ga ɨŋ na ya koldɨge bɨ, hɨnga ga ɨŋ kɨya gɨlɨn̰ kalaŋ bɨ.

Kɔl-gɨ-Ɗari gɨ Ja̰ wal 15:15

Ɨŋ kɨya togɨgɨŋ marɨne ka-gɨye naŋ bɨrɨŋ ɨni. Kɨya wa marɨna ba gɨye le, sɨla gɨye-lɔɔ gɨ da ba-gulondi naŋ. Ama ɨŋ tegɨŋ na ka-pogɨn̰ɨnɨ, kɨya gɨ hɨnga nɔm ga ɨŋ je koldɨge gusi Banɨ le, ɨŋ wɨsa cayge dugo danagɨŋ naŋ.

Kɔl-gɨ-Ɗari gɨ Ja̰ wal 17:8

Kɨya wa ɨŋ-bandi, ɨŋ bɨge kɔl nɔm gɨ ji ba bəŋ le, kan ƴeege bɨ, solge leen̰ cɨndi gɨ ɨŋ na sayga naa gusɨn̰ bɨ. Kan beege kuduroyge cay kɔl gɨ nee le, gɨ ji na ba gɨyigəŋ.

Kɔl-gɨ-Ɗari gɨ Ja̰ wal 3:32

Ungo gɨ sayga gɨɗɨgɨ-Kumu gɨŋ gɨsɨngɨ dugo le, lee na tɨmon̰ di da hɨnga ga ban sol bɨ, je bɨ, ama ungo pɨna wo̰ ƴa kɔl-tɨmon̰ toyi di ban lee le naŋ.

Kɔl-gɨ-Ɗari gɨ Ja̰ wal 8:26

Gɨ ojɨ caygɨŋ kɨŋ-gandi na, ɨŋ orɨn̰ dan̰ kɔl kondɨ gɨ ni yɔ bɨ, bɔyɛ nee bɨ. Ama ban gɨ ba gɨyigəŋ le, na ba yɔ kɔl gɨ cɨndi bɨ, na hɨnga ga ɨŋ ba je koldɨge a gusii le ma maŋ yen̰ kalaŋ ga a cay gɨsəŋ gaŋ.

Magtubu di Pol wal bɨn̰ kalaŋ ga Rɔm 16:25

Gusoŋ-tɔgɛ na gɨ da Kumu! Kɨya wa Kumu ɓal lɔɔ gɨ kɨŋ na ɨrɨn̰ usa a te aye kudurɔ gɨŋ hɨn̰ gɨ Kɔl-gɨ-Ɗari gɨ da Jesu-Kɨris gɨ ɨŋ ba tee bɛrnɛdi ba ye wo̰. Hɨnga ga ungo sɨla naŋ ga woy kɨɗɨn̰ wɔsɛdɨge gaŋ na jɨne ɓɨrag hage le, Kumu wasɨn̰ cayge lee gɨ kalaŋ solge dan̰ gɨyəŋ gɨ da Kɔl-gɨ-Ɗari gɨ kɛ le.

Galad 1:12

Kɨya wa ɨŋ ƴa na kobɨ ungo naŋ bɨ, ungo ba gɨləŋ naŋ bɨ. Ama na Kumu ba wasɨn̰e cay Jesu-Kɨris bəŋ.

Epɛs 3:3

Kumu haŋgɨ cɨnɨ cay hɨnga ga ban gey lɔɔ ga woy kɨɗɨn̰ wɔsɛdɨge gaŋ. Ɨŋ wal kɔl gɨ ojɨ cay hɨnga ga nee le dḛ tumɔ bɨgɨŋ.

Titɨ 1:1

Ɨŋ-bandi Pol, ɨŋ na marɨna ba-gɨye gɨ da Kumu bɨ, ba-gɨre-gɨye gɨ da Jesu-Kɨris bɨ. Na nɨn̰wa gɨ sɨge canɨ gɨ ɨŋ na gɨlɨn̰ kalaŋ ga Kumu torge le kɔl, ɗe kan na ayɨn̰ kuduroyge bɨ gɨ ɨŋ na laa ɗe kan na sɨlan̰ kɔl gɨ cɨndi gɨ bugoŋ pɨna dan̰ gɨye-lɔɔ gɨ bugoŋ pɨna dan̰ Kumu bɨ,

Wasɨn̰a 1:19

Hɨnga ga ji ba sol dan̰ cɨndɨn̰ ga ba kɨya lɔɔ gusɨge haw kɛ bɨ, ga ba kɨya lɔɔ gusɨge kardi nee bɨ le, walage dugo duroy magtubu dɨŋ.

Wasɨn̰a 1:9

Ɨŋ-bandi Ja̰ kurɨndɨgɨŋ, ɨŋ bugoŋ danagɨŋ pɨna boy hɨnga ga ni gɨwase gaŋ bɨ, boy dɔɔ-ƴaa di da Kumu dɨŋ bɨ, boy haye-kudurɔ kardi Jesu hɨn̰ kɨŋ-gandi wo̰ bɨ. Ƴɔmɔŋge na kɨya bɛrnɛ di kɔl gɨ da Kumu gɨ ɨŋ tee bɨn̰ kalaŋ bɨ, kɨya cay tɨmon̰ di ɨŋ lee kɨya cay Jesu bɨ. Haw kɛ na dɨbəŋge dangay cay hɔgɨwa gɨ teeyige Patmos gɨ woy a duroy kaŋ gaŋ.

Wasɨn̰a 17:1

Kɨɗɨn̰di ga nee gaŋ le na, ba-ƴɔbɛ gɨ daa nii pɨna duroy ga jurgum ga ƴomge dan̰ kobo jurgum kobɨge le ɨrga gusɨnɨ yəŋ hɨn̰: «Ɨre aŋ yen̰ kɔl gɨ kan ba kɨya bɔyɛ a cay tama ɗe-lɔɔ ajɨba tɔgɨ di kan sɔlɔɔ gɨ hɨndi som na a duroy kuray nɔm ga dan̰ kondiige le.

Wasɨn̰a 19:10

Kɔl gɨ kɨbɨna kɛ bɨ, ɨŋ poy gɨbanɨ dugo a tɨbayi kɨya n̰ɨrii, ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba lɔɔ gɨye hɨn̰ ji-bandi wo̰ bɨ, hɨn̰ karmɨn̰ ga ka-bɔgɛge kɔl a cay tɨmon̰ di Jesu lee wo̰ bɨ. Kɨya gɨ tɨmon̰ di Jesu lee le, na kɔl gɨ Turnɔ ɗe-kuduroy-bɛrɛ ɗe a kɨbɨ ka-yɔɔ-kɔl-gɨ-Kumu-ba-yɔɔ.»

Wasɨn̰a 19:9

Ɨni na, ba-ƴɔbɛ gɨ daa nii gɨ pɨna wo̰ yəŋ hɨn̰: «Wala dugo: Tumoy wolwa woy a cay kalaŋ ga molgege a kɨɗɨn̰ gɔrɛ gɨ da Kurɨn̰-dɨmangɨ gɨŋ le.» Ban jɨga yəŋ ɗaŋ hɨn̰: «Ho’o, kɔl nɔm gɨ ba kɛ le, na kɔl gɨ da Kumu leen̰ cɨndi hage.»

Wasɨn̰a 21:2

Ɨni na, ɨŋ sol cay ƴaa-di-gumu di woy dan̰ cɨndo di na Jerusalɛm di hɨrɨwa le, sayga gɨɗɨgɨ-Kumu a gusi Kumu gɨsɨngɨ dugo. Hɨndi lee marna tɔgɨ hɨn̰ tɨmbali di n̰an guso kɨya gorɨn̰ ƴaa dan̰ kudurɔɔ wo̰.

Wasɨn̰a 21:9

Kardi nee, ba-ƴɔbɛ gɨ daa nii pɨna, gɨ a duroy kan ga jurgum ga tumɔ ƴomge kobo ga jurgum ga hɨnga ga ɨsɨni ga ka-mɔndɛ kɨɗɨn̰ ga ni kagadɨge le, ɨrga gusɨnɨ yəŋ ye hɨn̰: «Ɨre aŋ gɨlɨn̰ ɗe kujɔ di kɨya bɨle tam Kurɨn̰-dɨmangɨ le.»

Wasɨn̰a 22:1

Kardi nee, ba-ƴɔbɛ gɨ daa nii le gɨləŋ kaŋdi kuray gɨ ungo na saa na kɨya sɔmɛ-bɨra. Kaŋdi kuray gɨ kaŋdi ɨre arɨn̰ cərərə bɨrɨŋ gɨ toyge ga dugo kalɨn̰ ma ungo ɓal sɔlɛ, andaŋ na a te kali-tɨrɨmbala di da Kumu dɨŋ bɨ, da Kurɨn̰-dɨmangɨ dɨŋ bɨ.

Wasɨn̰a 22:16

Ɨŋ-bandi Jesu, ɨŋ gɨy dan̰ ba-ƴɔbɛ hɨnge gɨ daa nii kol caygɨŋ kɨŋ-gandi Ka-Daye ɗe agɨŋ na jen̰ tɨmon̰ di da hɨnga nɔm ga woy a duroy magtubu di kɛ dɨŋ le. Ɨŋ na kungay Dabid bɨ kɨlma gɨ a te wɨn̰je koyi gɨŋ bɨ. Ɨŋ na turɨmbɔlɔ di asɨn̰ dan̰ tɔgɔɔ bɨ.

Wasɨn̰a 22:6

Kardi nee, ba-ƴɔbɛ gɨ daa nii le yəŋ hɨn̰: «Kɔl nɔm gɨ kɛ le na hɨnde bɨ ban kɨya lɔɔ gusi leen̰ cɨndi bɨ. Ba-gulɔŋ Kumu gɨ gɨyɨn̰ dan̰ kɔl koyi a cay ka-yɔɔ-kɔl-gɨ-Kumu-ba-yɔɔ dan̰ gɨyəŋ gɨ da Turnɔ di da Kumu le, ban gɨy dan̰ ba-ƴɔbɛ koyi gɨ daa nii kɨya gɨlɨn̰ marɨne kayi ka-gɨye hɨnga ga naa wa wa kalɨn̰ ma kɨya ɨrga mɨnde.»

Wasɨn̰a 22:8

Ungo gɨ je kɔl gɨ nee le bɨ, sol hɨnga ga nee le bɨ le, na ɨŋ-bandi Ja̰. Kɨɗɨn̰ ga ɨŋ je bɨ, sol bɨ ɨni na, ɨŋ poy gɨbanɨ dugo tumoy ba-ƴɔbɛ gɨ daa nii gɨ ba gɨləŋ hɨnga ga nee le kɨya n̰ɨrii.

Wasɨn̰a 22:9

Ama ban yəŋ hɨn̰: «Ɨŋ’ɨ̰, pɔyɛ gɨban̰ dugo tumonɨ naŋ. N̰ɨr na Kumu. Ɨŋ na marɨna ba-gɨye hɨn̰ ji-bandi wo̰ bɨ, hɨn̰ karmɨn̰ ka-yɔɔ-kɔl-gɨ-Kumu-ba-yɔɔ wo̰ bɨ, hɨn̰ kalaŋ nɔm ga ka-game kɔl gɨ da magtubu di kɛ le wo̰ bɨ.»

Wasɨn̰a 4:1

Kardi hɨnga ga nee le na, ɨŋ sol hɨnga ga ɗaŋ coŋ. Ɨŋ sol kɨbɨ-ƴaa di gɨɗɨgɨ-Kumu dɨŋ hangaŋ. Ɨŋ je noy ungo gɨ naa tumɔ ba ye kɔl danaŋ le ye hɨn̰ burun̰ji wo̰. Ungo gɨ nee le, ye hɨn̰: «Naya jɨn̰ gusɨnɨ kɛ aŋ gɨlɨn̰ hɨnga ga naa wa wa kalɨn̰ ma kɨya caga kardi nee le.»

Wasɨn̰a 5:7

Kurɨn̰-dɨmangɨ le ɨrga gusi ban gɨ som a cay kali-tɨrɨmbala dɨŋ le ƴen̰ magtubu di a kobi gɨ bara gɨŋ.