Titɨ 3:7 - Gabri Maja

⁷ Na hɨn̰ wo̰ ma, na bɨlegɨŋ kalaŋ ga dan̰ durɔ ɗɨngar dan̰ gɨyəŋ gɨ da ɗarwa toyi bɨ, na beegɨŋ ɨrɨmedɨnagɨŋ na cay Ba-gulondɨnagɨŋ gɨ na na kɨya wɔɔ hɨnga ga ni ban̰di-gulɔŋ gɨ na sɔmɛ-bɨra gɨ dan̰ tumoyi.

Titɨ 3:7 ပူးပေါင်းရင်းမြစ်များ

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Marg 10:17

Jesu de say kɨya bɔɔ gɨyəŋ gɨŋ ɔrɛ ɨni na, gɨlmi gɨ pɨna wo̰ gɨrgɨ ɨrga poy gɨbayi dugo tumoyi bɨ ɨngɨrii hɨn̰: «Ba-gɨlɨn̰ kalaŋ hɨnga gɨ ba lɔɔ hɨnga ga kuɗa, kɛ ɨŋ gɨ lɔɔ na mɨna ma maŋ gɨ wan̰ sɔmɛ-bɨra gɨ dan̰ cɨnɨ le ga?»

Magtubu di Pol wal bɨn̰ kalaŋ ga Rɔm 11:6

Ama hɨn̰ gɨ hɨnga ga nee le na laa gusɨge naa dan̰ gɨyəŋ gɨ da ɗarwa na, laa gusɨge na dan̰ gɨyəŋ gɨ da gɨye-lɔɔdɨge naŋ. Hɨn̰ gɨ Kumu na tɨrage naa dan̰ gɨyəŋ gɨ da gɨye-lɔɔdɨge na, ɗarwa kɨya bɨle na ɗarwa naŋ ɨni.

Magtubu di Pol wal bɨn̰ kalaŋ ga Rɔm 3:24

Ama Kumu dan̰ gɨyəŋ gɨ da ɗarwa toyi bɨle kalaŋ leen̰ ga dan̰ durɔ ɗɨngar a cɨndi kalɨn̰, na dan̰ gɨyəŋ gɨ da bugoŋ pɨna dan̰ Jesu-Kɨris gɨ ba dorge a te ɨsɨna koge gɨŋ dɨbɨge daa.

Magtubu di Pol wal bɨn̰ kalaŋ ga Rɔm 3:28

Ho’o ni sol kuɗa gɨ ungo kɨya bɨle ungo gɨ dan̰ durɔ ɗɨngar a cɨn̰ Kumu na dan̰ gɨyəŋ gɨ da aye kudurɔ koyi ƴɔbɨ, ama na dan̰ lɔɔ gɨ ban lee te gasɨn̰-kɔl gɨ da Moyis naŋ.

Magtubu di Pol wal bɨn̰ kalaŋ ga Rɔm 4:16

Na toy di hɨn̰ wo̰ ma, hɨnga ga Kumu ye gɨ ɗi na kɨya bɨn̰ Abɨraham le, ban kɨya wɔɔ na dan̰ gɨyəŋ gɨ da aye kudurɔ ɗe na won̰ hɨnga ga ni ɗarwa ga da Kumu. Hɨnga ga Kumu ye gɨ ɗi na kɨya bii ga nee le, woy a ban̰dɨge gaŋ ojɨn̰ na cay kongɨn̰i Abɨraham nɔm. Hɨnga ga nee le wɨya uja na cay kan ga beege kɔl a cay gasɨn̰-kɔl gaŋ kan̰dɨge ƴɔbɨ naŋ. Ama woy ojɨ na cay kalaŋ nɔm ga ayge kuduroyge hɨn̰ aye kudurɔ gɨ da Abɨraham, gɨ na bayna na-gandi nɔm wo̰ bɨ.

Magtubu di Pol wal bɨn̰ kalaŋ ga Rɔm 4:4

Ɨrɨmgɨŋ a cay kɔl gɨ kɛ le: Hɨn̰ gɨ ungo na laa gɨye na, ban kɨya wɔɔ cay kobi, cay kobi gɨ nee le na hɨnga ga biige kalɨn̰ naŋ. Na hɨnga ga ojɨ gɨ kan kɨya bii.

Magtubu di Pol wal bɨn̰ kalaŋ ga Rɔm 8:17

Hɨn̰ gɨ na naa karɨn̰ Kumu na, na-gandi kalɨn̰ ma na woy na hɨn̰ ka-ƴɔ hɨnga ga ni ban̰di-gulɔŋ wo̰ bɨ. Na na ka-ƴɔ hɨnga ga ni ban̰di-gulɔŋ ga da Kumu bɨ, ka-ƴɔ hɨnga ga ni ban̰di-gulɔŋ pɨna dan̰ Kɨris bɨ. Na hɨn̰ wo̰ ma, hɨn̰ gɨ na na gɨl-cɨn̰ pɨna dan̰ Kɨris na, na kɨya andaŋ danayi pɨna a boy gusoŋ-tɔgɛ koyi gɨŋ bɨ.

1 Korɛ̰t 6:11

Ama kalaŋ ga pɨna duroygɨŋ, tumɔ na kalaŋ ga hɨn̰ wo̰. Ama kɨŋ le pɨlge ɨsɨna togɨŋ coŋ bɨ, kɨŋ le dorgɨŋge sɨgɨŋ dan̰ cɨndɨgɨŋ bɨ, kɨŋ le ləgɨŋge gɨ kɨŋ bɨle kalaŋ ga dan̰ durɔ ɗɨngar na dan̰ guson̰ Ba-gulɔŋ Jesu-Kɨris bɨ, na dan̰ gɨyəŋ gɨ da Turnoy Kumu kona bɨ.

Galad 2:16

Naa hɨn̰ wo̰ kalɨn̰ ma, ni sol gɨ Kumu sɨla ungo laan̰ ungo gɨ dan̰ durɔ ɗɨngar, kɨya kɔbɛ gɨ ban kobɨ gɨye-lɔɔ gɨ da gasɨn̰-kɔl naŋ. Ama Kumu sol ungo leen̰ ungo gɨ dan̰ durɔ ɗɨngar, na kɨɗɨn̰ ga ban na bɨga kuduroy a cay Jesu. Na hɨn̰ wo̰ ma, ni-gandi, ni ay kuduroyni bɨn̰ Jesu-Kɨris, ɗe gɨ Kumu na solni leen̰ kalaŋ ga dan̰ durɔ ɗɨngar, dan̰ gɨyəŋ gɨ da kuduroyni gɨ ni ay bɨn̰ Jesu, wala na kɨya kɔbɛ gɨ ni kobɨ gɨye-lɔɔ gɨ da gasɨn̰-kɔl naŋ. Kɨya wa ungo pɨna wo̰ gɨ kɨya bɨle ungo gɨ dan̰ durɔ ɗɨngar tumoy Kumu dan̰ kɔbɛ gɨ ban kobɨ gasɨn̰-kɔl le, unɔ bɨrɨŋ.

Galad 3:29

Ma hɨn̰ gɨ kɨŋ naa kalaŋ ga da Kɨris ɨni na, kɨŋ na kongɨn̰ii Abɨraham bɨ, kɨŋ na ka-wɔɔ hɨnga ga ni ban̰di-gulɔŋ ga Kumu ye gɨ ɗi na kɨya lɔɔ bɨn̰ Abɨraham le bɨ.

Galad 4:7

Lee gɨ haw kɛ na ji na guyɔŋ naŋ ɨni, ama ji na kurɨn̰ Kumu. Hɨn̰ gɨ ji na kurondi ɨni na, ji na ba-wɔɔ hɨnga ga ni ban̰di gulɔŋ ga Kumu gam ojɨ cay karɨndi.

2 Tesalonigɨ 2:16

Bayna Kumu geyna bɨ, ban bɨna hɨnga ga ka-dɔbɛ bandɨ kuduroyna ga ka-wɔyɛ dan̰ tumoyge kalɨn̰ bɨ, hɨnga ga ni bogɨn̰ ɨrɨmedɨna cay nee ga osu bɨ. Ni ɨngɨrɨn̰ Kumu bɨ Ba-gulondɨna Jesu-Kɨris dan̰ gusi koyi bɨ,

Titɨ 1:2

ɗe kan na been̰ ɨrɨmedɨge a cay sɔmɛ-bɨra gɨ dan̰ tumoyi. Kumu gɨ ya poy naŋ le, ye gɨ ɗi na kɨya bɨge sɔmɛ-bɨra gɨ dan̰ tumoyi gɨ nee le naa tumɔ ɓɨragɨ.

Titɨ 2:11

Na cɨndi, Kumu gɨl ɗarwa toyi, di dan̰ gɨyəŋdo di ban ɓal poɗɨn̰ kalaŋ nɔm.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

Əbɨro 1:14

Ka-ƴɔbɛ ga daa nii nɔm na turnɔn̰əŋ ƴɔbɨ ga ka-lɔɔ gɨye gɨ da Kumu bɨ, Kumu gɨygɨge ɗe kan na laa gɨye kol cay kalaŋ ga ka-wɔɔ pɔɗɛ bɨ.

Əbɨro 11:7

Na dan̰ gɨyəŋ gɨ da aye kudurɔ ma, Nɨwe je kɔl gɨ Kumu yeyi tumɔ ojɨn̰ cay hɨnga ga kɨya lɔɔ gusɨge. Ama ungo baa sɔlɛ dan̰ cɨndi ƴee. Ban aya kɔl gɨ andaŋ kɨbɨ Kumu laan̰ sɔrɛ naŋ. Lee gɨ ban gaɗɨ koburo gɨ gumu taa taa hɨn̰ ƴaa wo̰ kɨya poɗɨn̰ ka-ƴaadi bɨ, kuyoŋdi-gusi koyi bɨ. Na dan̰ gɨyəŋ gɨ nee le ma, Nɨwe lee gɨ kɔl ƴom cay kalaŋ ga a cay gɨsəŋ gaŋ. Kɨya cay kuduroyi ga ban bee a cay Kumu le, Kumu solii leen̰ ungo gɨ dan̰ durɔ ɗɨngar a cɨndi.

Əbɨro 11:9

Na dan̰ gɨyəŋ gɨ da aye kudurɔ ma, ban or sɔmɛ a cay gɨsəŋ ga Kumu ye gɨ ɗi na kɨya bii le, hɨn̰ kɨrga wo̰. Ban som a duroy ƴaa-ɓala gɨŋ. Kurondi Isag bɨ dan̰ kungay Jagob kalɨn̰ ma somge na ƴaa-ɓala gɨŋ bɨ. Kan kalɨn̰ ma Kumu ye gɨ hɨnga ga ɗi na kɨya lɔɔ bɨge ga nee le na woy ojɨ cayge bɨ.

Əbɨro 6:17

Na toy di hɨn̰ wo̰ ma, Kumu gey gɨ ka-wɔɔ hɨnga ga Kumu ye gɨ ɗi na kɨya bee le, na sɨlage duroy arɨn̰a gɨɗaŋ gɨ cay gasɨndi ga ban ay le, ɗi na kɨya bɨle naŋ. Na kɨya cay kɔl gɨ nee le ma, ban dɨɗɨ kɨbɨ hɨnga ga ban ye gɨ ɗi na kɨya bee le dan̰ ɓɨse gusi.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.

1 Pɨyɛr 3:7

Kogɨŋ kɨŋ-gandi kandɨ kodɨn̰ige ba kɛ: Kɨɗɨn̰ ga kɨŋ na sɨma dan̰ kandɨn̰igɨŋ na, kuɗa gɨ kɨŋ sɨla gɨ kan na kalaŋ ga usa tɔgɨ naŋ. Kɨŋ bɨge hurɔmɔ kɨya wa naa wa wa kalɨn̰ ma, kan kɨya wɔɔ sɔmɛ-bɨra gɨ Kumu be kalɨn̰ le danagɨŋ bɨ. Kɨŋ laa hɨn̰ wo̰ ɗe hɨnga pɨna lɨgɨ gɨyəŋ ɔlɛ Kumu kogɨŋ naŋ.