Titɨ 3:2 - Gabri Maja

² Ji hɨn kuduroyge gɨ kan naa yagɨde ungo naŋ bɨ, wɔrɨn̰dɨdɛ dan̰ kalaŋ naŋ bɨ, ɗe kan na bɨlɨn̰ge ka-kuduroy-ɗarwa bɨ, gɨlɨn̰ge gɨye-lɔɔdɨge gɨ dan̰ kaledɨge ga jal tumoy kalaŋ nɔm.

Titɨ 3:2 ပူးပေါင်းရင်းမြစ်များ

Matɨyo 11:29

Ayagɨŋ jugɨ hɨnge dɨbgɨŋ kordɨgɨŋ bɨlɨn̰gɨŋ ka-aye-cay-tɨbanɨ. Kɨya wa ɨŋ na ungo gɨ kalenɨ jal bɨ, ɨŋ gɨl gusɨnɨ naŋ bɨ. Na nee ma magɨŋ kɨya wɔɔ dɔrɛ gɨlale le.

Gɨye-lɔɔ 23:5

Pol dɨbɨge cay nee hɨn̰: «Karmɨnɨ, ɨŋ sɨla gɨ ban na mangɨl gɨ da ka-cay ka-bɔgɛ kɨbar naŋ. Kɨya wa kan walge duroy magtubu gasɨn̰-kɔl gɨ da Moyis dɨŋ yege hɨn̰: “Ji na gɨ yagɨde ba-dɔɔ cay kalaŋ kan̰ naŋ.”»

1 Korɛ̰t 6:10

ka-hase bɨ, ka-orɨn̰ dan̰ tabɨlaŋdi wɔɔ hɨnga bɨ, ka-kɔydɛ cɛrɛ bɨ, ka-pɔyɛ kɔl bɨ, ka-bɔɗɨdɛ hɨnga bɨ, kɨya dɨbege tɨbayge a boy dɔɔ-ƴaa gɨ da Kumu gɨŋ naŋ.

1 Korɛ̰t 9:19

Na cɨndi ɨŋ na ungo gɨ ɨŋ som canɨ kalɨn̰, lee gɨ ɨŋ na guyɔŋ da ungo pɨna naŋ. Ama ɨŋ bɨləŋ guyɔŋ gɨ da kalaŋ nɔm ɗe aŋ na wan̰ dɨmdɨrdi kalaŋ hal a te gɨyəŋ gɨ da Kɨris gɨŋ.

2 Korɛ̰t 10:1

Ɨŋ-bandi Pol gɨ kalaŋ yege kol canɨ gɨ kɨɗɨn̰ ga ɨŋ na wɨya duroygɨŋ na ɨŋ na dobɨ canɨ dugo, ama kɔl hɨnge na osu kɨɗɨn̰ ga ɨŋ na wɨya hen̰ danagɨŋ. Ɨŋ olgɨŋ dan̰ guson̰ Kɨris gɨ ba lɔɔ ɗarwa bɨ, gɨ kaledi jal yɔd bɨ:

2 Korɛ̰t 12:20

Haw kɛ na ɨŋ hɨndar gɨ kɨɗɨn̰ ga ɨŋ na bugoŋ gusɨgɨŋ na, kɨŋ da wɔyɛ hɨn̰ gɨ ɨŋ gey wo̰ naŋ bɨ, ɨŋ-bandi kalɨn̰ ma ɨŋ da wɔyɛ hɨn̰ gɨ kɨŋ gey wo̰ naŋ bɨ. Gajanaŋ ɨŋ da wɔɔ duroygɨŋ bɔjɨn̰ɛ bɨ, cɨn̰-pɨɗɨma bɨ, kuduroy-hɔmɛ bɨ, jangɨ bɨ, yɔdɔ kɔl gɨ ɨsɨni kardi ungo bɨ, yɨle kɨɗɨn̰ bɨ, dɔgɛ-jɔrgɔ bɨ, lɔɔdɔ hɨnga ga dan̰ gɨyəŋdɨge naŋ bɨ.

Galad 5:22

Sɨlagɨŋ hɨnga ga Turnɔ di da Kumu lee a kuduroy ungo, hɨn̰ wɔɔdi hɨya gɨ wɔɔ le ba kɛ: Na geye bɨ, gusi-mɔwa bɨ, gusi-dɔbɛ bɨ, dɨbe-ɗugɔ bɨ, kuduroy-bɛrɛ bɨ, kuduroy-ɗarwa bɨ, aye kudurɔ bɨ,

Galad 6:1

Karmɨnɨ ga ban̰aŋ dan̰ ga kandɨ, hɨn̰ gɨ kɨŋ na ƴɨma ungo a cay lɔɔ hɨnga ga dan̰ gɨyəŋdɨge naŋ gaŋ na, kɨŋ ga Turnɔ di da Kumu woy kuduroygɨŋ le, kɨŋ jɨgen̰ danayi dan̰ kaledɨgɨŋ ga jali ɗe ban jɨga a te gɨyəŋ gɨ dan̰ durɔ ɗɨngar gɨŋ. Ji gama gusɨn̰ kuɗa naŋ na, ji kalɨn̰ ma ji da bɔɔ boy hɨnga ga ni gɨybe gaŋ bɨ.

Galad 6:10

Na toy di hɨn̰ wo̰ ma, kɨɗɨn̰ ga na na waagɨŋ gɨyəŋ na, kuɗa gɨ na laagɨŋ ɗarwa dan̰ kalaŋ nɔm. Ama dan̰ karmɨna ga ka-aye kudurɔ na, laanagɨŋ danage ɗɨn̰.

Epɛs 4:2

Wɔyɛgɨŋ hɨn̰ kalaŋ ga ka-dɔgɛ jorgiige wo̰ naŋ bɨ, laagɨŋ hɨnga dan̰ kaledɨgɨŋ ga jali bɨ, a boy hɨnga gaŋ nɔm. Wɨyagɨŋ ka-dɨbe ɗugɔ jɨn̰ tumɔ tumɔ bɨ. Ƴɨmagɨŋ kuduroygɨŋ duroygɨŋ, dan̰ gɨyəŋ gɨ da wandɨ.

Epɛs 4:31

Kuɗa gɨ kuduroy-ɗan̰ɨwa bɨ, bɔyɛ-asɨn̰e bɨ, kuduroy-hɔmɛ bɨ, adɨlde toygɨŋ bɨ, yagɨde kɨɗɨn̰ bɨ, kuduroy-ɨndɨwa di tɔɔ kan̰do kan̰do bɨ, unɔ duroygɨŋ.

Pilib 4:5

Kuɗa gɨ kalaŋ nɔm sɨlage kaledɨgɨŋ ga jali. Ba-gulɔŋ baa mɨnde.

1 Tesalonigɨ 2:7

Ni na ka-gɨre-gɨye ga da Kɨris, ni orɨn̰ dan̰ dɔnɔ di ni ɨngɨrgɨŋ hɨnga dan̰ kondiige, ama ni aya hɨnga gusɨgɨŋ naŋ. Kɨɗɨn̰ ga ni ban̰ duroy gɨŋ le, kaledɨni jal hɨn̰ karɨn̰aŋ ƴoyge di sol kardi karɨndo kuɗa wo̰.

1 Timote 3:11

Gɨ da kandɨ kalɨn̰ ma koge na hɨn̰ wo̰ bɨ. Kuɗa gɨ kan woyge hɨn̰ kandɨ ga kalaŋ hɨndar turnoyge bɨ, ka-yɨle kɨɗɨn̰ naŋ bɨ, ka-ƴɔmɛ gusɨge cay hɨnga bɨ, lee gɨ kalaŋ bee kuduroyge cayge kɨya cay hɨnga nɔm.

1 Timote 3:3

Na guyɔŋ gɨ da cɛrɛ naŋ bɨ, ba-wɔrn̰ɛ dan̰ kalaŋ naŋ bɨ, ama na ungo gɨ kaledi jal bɨ, ba-bɔjɨn̰ɛ dan̰ kalaŋ naŋ bɨ, gɨ tabɨlaŋ di gursu ƴɨmayi naŋ bɨ.

Magtubu di Jag wal 3:17

Ama ungo gɨ orɨn̰ dan̰ cɨn̰-muɗɔlɛ gɨ sayga a daa nii le, na ba dɔrɛ gusi mɨra bɨ, na ba gusi-dɔbɛ bɨ. Na ungo gɨ kaledi jal jɔm bɨ, gey bugoŋ-dugo dan̰ kamdi haw bɨ. Sol cɨn̰-n̰age da kalaŋ tɔgɨ bɨ, wɔɔdi hɨnga ga ɗari wanɨn̰ kuduroy daa jɨŋ jɨŋ bɨ. Ban dɨra ti ungo naŋ bɨ, ya kɔl kɨbi sɔɔ sɔɔ naŋ bɨ.

Magtubu di Jag wal 4:11

Karmɨnɨ ga ban̰aŋ dan̰ ga kandɨ, ɗagɨŋ ba-yɔɔ kɔl gɨ ɨsɨni bɨn̰ gusɨgɨŋ. Ungo gɨ na ya kɔl gɨ ɨsɨni kɨya cay kurɨndi bɨ, tɨmdi bɨ na, ban lee gusi leen̰ na ungo gɨ gumu gɨ ba-bɔyɛ kɔl bɨ, ye na kɔl gɨ ɨsɨni kɨya cay gasɨn̰-kɔl gɨ da Kumu bɨ. Lee gusi leen̰ na ungo gɨ gumu gɨ ba-bɔyɛ kɔl a cay gasɨn̰-kɔl bɨ. Ma hɨn̰ gɨ ji na bɨya kɔl a cay gasɨn̰-kɔl gaŋ na, ji na ba-lɔɔ cay gasɨn̰-kɔl naŋ ɨni. Ama ji na ba-bɔyɛ kɔl a cay gasɨn̰-kɔl gaŋ.

1 Pɨyɛr 2:1

Hɨn̰ wo̰ na, ɗagɨŋ kuduroy-ɨndɨwa bɨ, lɔɔ hɨnga dan̰ jɨba bɨ, yɔɔ-kɔl-kɨbɨn̰-sɔɔ-sɔɔ bɨ, lɔɔ ɗəngi bɨ, yɔɔ kɔl gɨ ɨsɨni kardi ungo bɨ coŋ.

1 Pɨyɛr 3:10

Kɨya wa walge duroy magtubu Kɨbe-Kɨra dɨŋ yege hɨn̰: «Ungo gɨ na gey sɔmɛ-bɨra gɨ kuɗa bɨ, Gey sɔlɛ wɔlɛn̰əŋ ga ni gusi-mɔwa bɨ na, Kuɗa gɨ ban ƴɨma kɨbi a cay kɔl gɨ ɨsɨni bɨ, A cay kɔl gɨ ni narɨn̰ kɨɗɨn̰ bɨ.

1 Pɨyɛr 3:8

Gɨ ni dɨɗɨn̰ kɨbi na, kɨŋ-gandi nɔm le, kuɗa gɨ kuduroygɨŋ bugoŋ pɨna bɨ, kuɗa ɨrɨmedɨgɨŋ gɨ ƴen̰ kuduroygɨŋ ɨra pɨna bɨ, geygɨŋ gusɨgɨŋ hɨn̰ ka-karme ga geyge gusɨge wo̰ bɨ, sɨlagɨŋ cɨn̰-n̰age di da kamdɨgɨŋ bɨ, tɨbagɨŋ caygɨŋ dugo bɨn̰ gusɨgɨŋ bɨ.

1 Pɨyɛr 4:4

Na toy di hɨn̰ wo̰ ma haw kɛ na, kɔl kay kalaŋ ga sɨlage Kumu gɨ cɨndi naŋ sɛl sɛl. Kɨya wa kɨŋ laa gɨye lɔɔ gɨ ni dasi gɨ hɨn̰ wo̰ le danage naŋ, lee gɨ kan yagɨdɨgɨŋge.

2 Pɨyɛr 2:10

Naa wo̰ na leen̰ cɨndi, kalaŋ ga ka-kɔbɛ tabɨlaŋdi hɨnga ga mɨdagi ga leege bɨ, ka hagɨre dɔnɔ di da Ba-gulɔŋ bɨ le, ban kɨya lɔɔge hɨnga ga homi. Ka-gɨlɨn̰ kalaŋ hɨnga ga cɨndi naŋ ga nee le, kan na kalaŋ ga hɨndarage hɨnga naŋ bɨ, ka-dɔrɛ n̰ərə bɨ. Ka-ƴɔbɛ ga daa nii ga ojɨ gɨ ni dɨbe gusoŋ-tɔgɛ cayge le kalɨn̰ ma, kan hɨndarage kardɨge naŋ, ama yagɨdɨgege.

Magtubu di Jud wal 1:10

Ama kalaŋ ga nee le, yagɨdege hɨnga nɔm ga kan sɨla toyge naŋ. Gɨrɨn̰ cayge laa gɨye naŋ hɨn̰ kɨmɛnɛ nɔm wo̰. Kan kobɨge na te hɨnga nɔm ga ɨrga boy ɨrɨmedɨge gɨŋ, na toy di hɨn̰ wo̰ ma kan kɨya mundoŋge le.

Magtubu di Jud wal 1:8

Naa hɨn̰ wo̰ kalɨn̰ ma, kalaŋ ga andaŋge duroygɨŋ le, leege hɨnga na hɨn̰ kage wo̰ bɨ. Kan kobɨ na kardi sɔndɛ koge bɨ, leege gɨ kuyoŋdi-gusɨge koge gaŋ lee kɨni bɨ, kan hagɨrge dɔnɔ di da Kumu bɨ, yagɨdɨn̰ge kalaŋ ga orɨn̰ dan̰ gusoŋ-tɔgɛ gɨ a gɨɗɨgɨ-Kumu gɨŋ bɨ.