Titɨ 2:8 - Gabri Maja

⁸ Kuɗa gɨ kɔl yɔdɨn̰ wɨya na kɔl gɨ ɗari bɨ, kɔl gɨ ungo gɨ ɓale ƴɔɔ daa dɔgɛ coŋ naŋ bɨ, ɗe ka-baadɨn̰ dasi diige kol cay kɔl gɨ ɨsɨni gɨ kan kɨya wɔɔ gɨ ni yɔ kol cayna naŋ.

Titɨ 2:8 ပူးပေါင်းရင်းမြစ်များ

Marg 12:17

Ɨni na, Jesu yege hɨn̰: «Naa hɨn̰ wo̰ na, bɨn̰gɨŋ Sejar hɨnga ga ojɨ cay Sejar bɨ, bɨn̰gɨŋ Kumu hɨnga ga ojɨ cay Kumu bɨ.» Lee gɨ kɔl kayge yɔd cay kɔl gɨ ban ba dɨbɨge cay nee le.

Marg 12:28

Ba-gɨlɨn̰ kalaŋ gasɨn̰-kɔl gɨ da Moyis gɨ pɨna wo̰ je kɔl gɨ kalaŋ ga ni Sadusɨn̰ɛ bɨ, Jesu bɨ, ba man̰ge cay nee le. Kɨɗɨn̰ ga ban sol gɨ Jesu dɨbɨge nee dan̰ gɨyəŋdi na, ban sɨygɨ gusi bɨ ɨngɨrii hɨn̰: «A duroy te tumɔ nɔm le, di ani ma na di cay wase ga?»

Marg 12:32

Ba-gɨlɨn̰ kalaŋ gasɨn̰-kɔl le yeyi hɨn̰: «Kɔl kon̰ kuɗa ba-gɨlɨn̰ kalaŋ hɨnga. Kɔl kon̰ na cɨndi, kɨya wa Kumu na pɨna hayi kəɗ kəɗ gɨ ɗaŋ unɔ, na ban ƴɔbɨ.

Marg 12:34

Bɨ kɨɗɨn̰ ga Jesu sol gɨ gɨlmi le dibii cay nee dan̰ cɨn̰-muɗɔlɛ ɨni na, ban yeyi hɨn̰: «Ji hen̰ dan̰ dɔɔ-ƴaa di da Kumu naŋ.» Kardi kɔl gɨ nee le na, ungo mala gɨ ni ɨngɨrɨn̰ Jesu kɔl naŋ bɨrɨŋ ɨni.

Kɔl-gɨ-Ɗari gɨ Lug wal 13:17

Kɔl gɨ Jesu ba ye le, dɨbɨ dasi cay ka-baadi nɔm, ama dɨmdɨrdi kalaŋ nɔm ga baa le leege gusi-mɔwa kɨya cay hɨnga ga ɗari ga ɗɨn̰ cɨn̰-kɨɗɨn̰ ga ban lee nɔm le.

2 Tesalonigɨ 3:14

Hɨn̰ gɨ ungo na kan̰a bɔgɛ kɔl a cay kɔl gɨ ni ba ye a duroy magtubu di kɛ dɨŋ le na, kɨŋ laa gɨ ɗe kalaŋ solii bɨ, ayagɨŋ gusɨgɨŋ sɛdɨ gusii coŋ, ɗe dasi dii.

1 Timote 5:14

Kuɗa gɨ kandɨ ga kodɨn̰ige ma ga baage kambɨle ƴee le, ɨŋ gey gɨ kan ƴage ban̰aŋ bɨ, wɔɔge karɨn̰aŋ bɨ, ɗage cɨndɨge kardi kalaŋ ga a duroy ƴaadɨge gɨŋ kuɗa bɨ. Na hɨn̰ wo̰ ma kɨya bɨn̰ ka-baadɨnagɨŋ gɨyəŋ yon̰ kɔl gɨ ɨsɨni caynagɨŋ naŋ.

1 Timote 6:3

Hɨn̰ gɨ ungo na gɨlɨn̰ kalaŋ hɨnga tɨrabe ga ɗaŋ na, ban ɗe na kɔl gɨ cɨndi gɨ da Ba-gulondɨna Jesu-Kɨris coŋ bɨ, ɗe na gɨle hɨnga ga or pɨna dan̰ aye kudurɔ kona coŋ bɨ,

Titɨ 3:14

Kuɗa gɨ kalaŋ kana siige cɨndɨge kardi hɨnga ga ɗari gaŋ leen̰ge gɨye gɨ ɗari jɨbɨn̰ge te kalaŋ ga orɨn̰ge dan̰ n̰agedi hɨnga leen̰ cɨndi. Hɨn̰ gɨ kan na laa hɨn̰ wo̰ na, kan kɨya wɔyɛ na kalaŋ ga bɨlege hɨnga.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

1 Pɨyɛr 2:15

Kɨya wa hɨnga ga Kumu gey le, na gɨ kɨŋ na laa hɨnga ga ɗari agɨŋ na ƴɔmɨn̰ kɨbɨ kalaŋ ka-sɔlɛ hɨnga naŋ bɨ, ga dɨngaldaŋ bɨ.

1 Pɨyɛr 3:16

Ama gɨlgegɨŋ kardɨge dan̰ kaledɨgɨŋ ga jali bɨ, hurɔmɔ bɨ. Laagɨŋ hɨnga nɔm dan̰ ɨrɨmedɨgɨŋ gɨ arɨn̰ cərərə. Hɨn̰ wo̰ na, dasi kɨya dɔɔ kalaŋ ga ka-pɔyɛ kɔl se caygɨŋ bɨ, ga ka-yagɨdɨgɨŋ kɨya gɨye-lɔɔdɨgɨŋ gɨ ɗari gɨ kɨŋ way te bugoŋ pɨna dan̰ Kɨris le.