Titɨ 2:2 - Gabri Maja

² Yan̰ ban̰aŋ ga əsɨdəŋ gɨ kan naa ka-ƴɔmɛ gusɨge kɨbɨ hɨnga gaŋ bɨ, kalaŋ ga ɓalge gɨ kalaŋ bɨgage kɔl cayge bɨ, ka-sɔlɛ hɨnga ga ɗari dɨm ma kɨya lɔɔge bɨ. Yage gɨ kan na ƴɨma usa a te aye kudurɔ gɨŋ bɨ, te geye bɨ, te dɨbe-ɗugɔ dɨŋ bɨ.

Titɨ 2:2 ပူးပေါင်းရင်းမြစ်များ

Marg 5:15

Kɨɗɨn̰ ga kan ɨrgage bugoŋge gusi Jesu ɨni na, kan solge ungo gɨ tumɔ turnɔn̰əŋ ga ɨsɨndəŋ woy kuduroy dan̰ kondiige le, som dugo bɨ dobɨ badɨge gusi bɨ cɨndi ɨre ɗɛrɛrɛ nee bɨ. Lee gɨ hundɔrɔ leege.

Kɔl-gɨ-Ɗari gɨ Lug wal 8:35

Kalaŋ andaŋge kɨya sɔlɛ-hɨnga ga ba pɨde le. Kan ɨrgage bugoŋge gusi Jesu bɨ, wayge ungo gɨ turnɔ ga ɨsɨndəŋ ba andaŋ gusi le som dugo tumoyi. Ban dobɨ badɨge bɨ cɨndi ɨre ɗɛrɛrɛ nee bɨ, ɨni na hundɔrɔ leege.

Gɨye-lɔɔ 24:25

Ama kɨɗɨn̰ ga Pol dor kɔl gɨ ojɨ cay gɨye-lɔɔ gɨ dan̰ durɔ ɗɨngar bɨ, ƴɔmɛ-gusɨn̰ cay hɨnga nɔm bɨ, cay bɔyɛ kɔl gɨ ba kɨya ɨrga bɨ na, hundɔrɔ le Peligɨs lee gɨ ban yey hɨn̰: «Haw kɛ na, dɨra gusɨn̰ gusɨnɨ coŋ. Hɨn̰ gɨ ɨŋ na waa gɨyəŋ na, ɨŋ kɨya togɨn̰ ƴee.»

Magtubu di Pol wal bɨn̰ kalaŋ ga Rɔm 12:3

Dan̰ gɨyəŋ gɨ da ɗarwa di Kumu bəŋ, ɨŋ yən̰ kalaŋ ga woyge duroygɨŋ pɨna pɨna nɔm, ɗɔɔ gɨ kan orɨn̰ge dan̰ ɨrɨme gɨ ɗɨn̰ cayge naŋ, ama kuɗa gɨ kan ɨran̰ dan̰ ɨrɨme gɨ dan̰ gɨyəŋdi gɨ ɓal togɨyge gɨ or pɨna dan̰ aye kudurɔ koge gɨ Kumu bɨge.

1 Korɛ̰t 15:34

Jɨgegɨŋ a te gɨyəŋ gɨ ɗari gɨŋ gɨ kɨŋ ɗe coŋ bɨ, kɨŋ ɗɔɔ ba lɔɔ ɨsɨna bɨ. Ɨŋ yəgɨŋ kɔl gɨ nee le kɨya gɨ kalaŋ ga pɨna duroygɨŋ sɨlage Kumu naŋ, gɨ nee le na dasi kol caygɨŋ.

1 Korɛ̰t 9:25

Ka-bɔgɛ sɨwa ga ani ani kalɨn̰ ma kɨɗɨn̰ ga kan ɨre pol gusɨge ƴee le, dan̰ gusɨge koge dobɨge cayge te gasaŋ ga osɨdəŋ osɨdəŋ. Kan leege hɨnga ga nee le na kɨya wan̰ gɔyɛ di kɨya mundoŋ haw wo̰ coŋ. Ama na-gandi na, na bee sɨwa na kɨya wan̰ jagɨwa-tɨrɨmbala di kɨya mundoŋ naŋ bɨrɨŋ.

2 Korɛ̰t 5:13

Hɨn gɨ kalaŋ na ya gɨ cayni na laa gɨye naŋ na, na kɨya cay Kumu ama kan sɨlage naŋ. Ama na wɨya hɨn̰ gɨ cayni na laa gɨye na, na kɨya caygɨŋ kɨŋ-gandi.

Galad 5:23

kaledi ungo gɨ jal bɨ, dɔnɔ di ni ƴomɨn̰-gusɨn̰ cay hɨnga bɨ. Hɨnga ga nee le nɔm, gasɨn̰-kɔl kan̰age naŋ.

Pilib 4:8

Kardi nee nɔm na, karmɨnɨ ga ban̰aŋ dan̰ ga kandɨ, kuɗa gɨ hɨnga ga leen̰ cɨndi bɨ, hɨnga ga kalaŋ hɨram bɨ, hɨnga ga dan̰ durɔ ɗɨngar bɨ, hɨnga ga duroŋ mɨra bɨ, hɨnga ga won̰ gɨ ni geye bɨ, hɨnga ga ƴee cɨn̰ kalaŋ bɨ, hɨnga ga gusondɨge ye bɨ, hɨnga ga kalaŋ jɨndalge bɨ, ba ƴɨma kuduroygɨŋ.

1 Tesalonigɨ 5:6

Hɨn̰ wo̰ na, wɔyɛnagɨŋ kuŋ hɨn̰ kalaŋ ga ɗaŋ wo̰ naŋ. Ama sɨmanagɨŋ cay tɨbaynagɨŋ dɨŋ bɨ, sɨnagɨŋ muɗɔlɛ cay hɨnga ga na leegɨŋ bɨ.

1 Tesalonigɨ 5:8

Ama na-gandi ga na kalaŋ ga da kɨɗɨn̰ ga woli le, kuɗa gɨ na ƴɨma gusɨna a cay hɨnga nɔm. Dɨbanagɨŋ badɨge ga ni kɨmbɨl ga na nare gɨ na aye kudurɔ bɨ, geye bɨ le a gusɨnagɨŋ, bɨ jagɨwa ga ni kɨmbɨl gɨ na bɔgɛ ɨrɨmedɨna cay pɔɗɛ gɨŋ le, cayna gɨŋ bɨ.

1 Timote 1:10

ka-lɔɔ gɨye yɔyɛ gɨ toy kan̰di kan̰di bɨ, ka-wɔyɛ dan̰ kamdɨge ban̰aŋ bɨ, ka-dɔnɛ-gɔyɔŋ leen̰ gɨyaw bɨ, ka-poy bɨ, ka-dɔrɛ gusɨge kalɨn̰ wo̰ bɨ, ka-lɔɔ hɨnga ga ɗaŋ nɔm ga bugoŋ pɨna dan̰ hɨnga ga ni gɨle ga cɨndi naŋ bɨ.

1 Timote 1:14

Ama Ba-gulondɨna lee ɗarwa danaŋ tɔgɨ. Ban lee gɨ ɨŋ ay kuduronɨ bɨ, ɨŋ ƴom wandɨ danayi bɨ, kɨya cay bugoŋ gɨ ɨŋ bugoŋ pɨna dan̰ Jesu-Kɨris.

1 Timote 1:2

Ba gɨyɨn̰ dan̰ magtubu di kɛ le bɨn̰ ji-bandi Timote. Ji na kuronɨ gɨ cɨndi, kɨya wa na ɨŋ-bandi ba lɔɔ gɨ ji ayɨn̰ kuduron̰. Kuɗa gɨ Bayna Kumu dan̰ Ba-gulondɨna Jesu-Kɨris leege ɗarwa danan̰ bɨ, sɨlage cɨn̰-n̰age ton̰ bɨ, bɨn̰ge gusi-dɔbɛ bɨ.

1 Timote 1:5

Ɨŋ bɨn̰ te tumɔ di nee le, na gɨ ɗe kalaŋ na ƴomɨn̰ge wandɨ dan̰ gusɨge. Dan̰ kuduroyge ga bɛrɛ kən̰jəŋ bɨ, dan̰ kuduroyge ga ɨrɨm kɔl gɨ ɨsɨni naŋ bɨ, dan̰ aye kudurɔ gɨ leen̰ cɨndi bɨ.

1 Timote 3:11

Gɨ da kandɨ kalɨn̰ ma koge na hɨn̰ wo̰ bɨ. Kuɗa gɨ kan woyge hɨn̰ kandɨ ga kalaŋ hɨndar turnoyge bɨ, ka-yɨle kɨɗɨn̰ naŋ bɨ, ka-ƴɔmɛ gusɨge cay hɨnga bɨ, lee gɨ kalaŋ bee kuduroyge cayge kɨya cay hɨnga nɔm.

1 Timote 3:2

Ɨni na, kuɗa gɨ ban wɨya na ungo gɨ masadi unɔ bɨ, tamdi na pɨnaa bɨ, ban na ungo gɨ ba ƴɔmɛ gusi osɨwa cay hɨnga bɨ, ba sɔlɛ-hɨnga ga ɗari dɨm ma kɨya lɔɔ bɨ, na ungo gɨ gɨye-lɔɔdi ƴee cɨn̰ kalaŋ bɨ, na ungo gɨ ba ƴɔmɛ kɨrge gusi kuɗa bɨ, gɨ sol gɨlɨn̰ kalaŋ hɨnga bɨ.

1 Timote 3:4

Sol dɔrɛ tumoyi kalaŋ ga duroy ƴaadi dɨŋ kuɗa bɨ, sol lɔɔ ɗe karɨndi beeyige kɔl nee kuɗa bɨ, dan̰ hurɔmɔ bɨ.

1 Timote 3:8

Ka-lɔɔ gɨye game hɨnga le, koge kalɨn̰ ma, na hɨn̰ wo̰ bɨ. Kuɗa gɨ kan wɨyage na kalaŋ ga kalaŋ beege kɔl cayge bɨ, kalaŋ ga kɨbɨge sɔɔ sɔɔ naŋ bɨ, ka-ɗɔɔ gusɨge bɨn̰ cɛrɛ di suru naŋ bɨ, ka-male wɔɔ gɨ dan̰ gɨyəŋdi naŋ, naŋ bɨ.

1 Timote 5:1

Ji ɗɔɔ ba ale ungo gɨ esi dan̰ togɨn̰ naŋ, ama bɨgay kɔl gɨ ɗari kuduroy hɨn̰ ban̰ wo̰. Yan̰ marɨne kɔl hɨn̰ gɨ kan na karmɨn̰ wo̰ bɨ,

Titɨ 1:13

Na kɔl gɨ cɨndi ma mani ye. Na toy di hɨn̰ wo̰ ma sayan̰ danage ɗe aye kudurɔ koge woy dan̰ durɔ ɗɨngar,

Titɨ 1:8

Ama kuɗa gɨ ban wɨya na ungo gɨ ba ƴɔmɛ kɨrge gusi bɨ, na ungo gɨ hɨnga ga ɗari moyi lɔɔ bɨ. Ban kɨya sɔlɛ na hɨnga ga ɗari dɨm ma kɨya lɔɔ bɨ, na ungo gɨ ba lɔɔ hɨnga ga dan̰ durɔ ɗɨngar bɨ, hɨnga ga woy dan̰ cɨndɨge bɨ, ungo gɨ ba ƴɔmɛ gusi osɨwa cay hɨnga gaŋ bɨ.

Titɨ 2:7

Ji Titɨ, kalɨn̰ ma ji laa hɨnga ga ɗari ɗe kan ƴolɨn̰ge bɨ. Kuɗa gɨ hɨnga ga ni gɨle kan̰ wɨya na hɨnga ga ni gɨle ga duroŋ mɨra bɨ, ga koldɨge homɨn̰ bɨ.

Pilemo 1:9

Ama na-gandi na gey gusɨna, na toy di hɨn̰ wo̰ ma ɔlɛ hɨnge gɨ ɨŋ gey ɗɔɔ tumon̰ le, ɨŋ gey gɨ ji na laa naa dan̰ guson̰ wandɨ. Əw ɨŋ-bandi Pol gɨ esi bɨ, gɨ ɨŋ woy dangay dɨŋ kol cay Jesu-Kɨris ban̰ nee haw kɛ bɨ le,

1 Pɨyɛr 1:13

Kol cay hɨnga ga nɔm ga Kumu ba lee bɨgɨŋ le, sɨmagɨŋ a cay tɨbaygɨŋ dɨŋ kɨya lɔɔ gɨye bii bɨ. Ƴɨmagɨŋ gusɨgɨŋ usa duroy hɨnga nɔm. Ɗagɨŋ ɨrɨmedɨgɨŋ nɔm a cay ɗarwa di Kumu ba kɨya bɨgɨŋ, kɨɗɨn̰ ga Jesu-Kɨris ba kɨya cagan̰ le.

1 Pɨyɛr 4:7

Wɔlɛ gɨ te hɨnga nɔm kɨya ayaŋ le woy mɨnde. Na toy di hɨn̰ wo̰ ma sɨmagɨŋ dan̰ cɨn̰-muɗɔlɛ bɨ, ƴɨmagɨŋ gusɨgɨŋ usa a cay hɨnga nɔm bɨ, ɗe gɨ agɨŋ ɓal olɨn̰ Kumu dan̰ tɨwa nɔm.

1 Pɨyɛr 5:8

Ƴɨmagɨŋ gusɨgɨŋ usa cay hɨnga nɔm bɨ, sɨmagɨŋ dan̰ toygɨŋ daa bɨ! Kɨya wa Ba-Baadɨgɨŋ haban̰ gor nɨwɨrde caygɨŋ hɨn̰ gusgo gɨ dor noyi ɨlɨn̰ malɨn̰ gɨyəŋ gɨ ni dɨn̰ ungo wo̰.

2 Pɨyɛr 1:6

sɨgɨŋ a cay hɨnga ga ni sɔlɛ gaŋ, dɔnɔ di ni ƴomɨn̰ gusu osɨwa a cay hɨnga bɨ, sɨgɨŋ dɔnɔ di ni ƴomɨn̰ gusu osɨwa cay haye-kudurɔ gɨŋ bɨ, sɨgɨŋ a cay haye-kudurɔ gɨŋ gɨye-lɔɔ gɨ bəgɨŋ pɨna dan̰ Kumu bɨ,