Titɨ 2:14 - Gabri Maja

¹⁴ Ban ɗe gusi bɨn̰ kalaŋ ƴomiige dɨɗiige ƴen̰ ban̰dɨnagɨŋ, kɨya bon̰ cayna kol ɨsɨna gɨ na ba leegɨŋ bɨ, kɨya leen̰ ɗe gɨ na na wɨyan̰ te kalaŋ kayi ga duroŋge mɨra bɨ, gɨ na na wɨyan̰ te kalaŋ ga gusɨge-hɨmbalge te gɨye-lɔɔ gɨ ɗari gɨŋ bɨ.

Titɨ 2:14 ပူးပေါင်းရင်းမြစ်များ

Matɨyo 1:21

Hɨndi kɨya wɔɔ kɨye gɨ bara, ji kɨya se gusondi na Jesu, kɨya wa na ban ba kɨya pɔɗɛ te kalaŋ kayi kɨbɨ ɨsɨna koge gɨŋ.»

Matɨyo 20:28

Gɨ da Kurɨn̰-ungo kalɨn̰ ma woy na hɨn̰ wo̰ bɨ, ban caga na ɗe gɨ kalaŋ na leeyige gɨye koyi naŋ, ama na ɗe gɨ ban na lee gɨye kol cayge bɨ, ayɨn̰ gusi bee kɨya bon̰ cay kalaŋ dan̰ kondige bɨ.»

Matɨyo 3:12

Ungo gɨ nee le orɨn̰ dan̰ kee koyi kobi bɨ, ban kɨya pɨye mɨsɨɗɨm coŋ ɗon̰ cɨn̰ gasa. Cɨn̰-gasa le ban kɨya bɔgɛ te tugulu toyii dɨŋ. Ama ban kɨya ule mɨsɨɗɨm le na a duroy tɨwa di kɨya bayaŋ naŋ bɨrɨŋ dɨŋ.»

Kɔl-gɨ-Ɗari gɨ Ja̰ wal 10:15

Hɨn̰ gɨ Banɨ ba sɔlɔŋ bɨ, ɨŋ-bandi, ɨŋ ba solii bɨ le, lee gɨ ɨŋ ay gusɨnɨ dɨbɨ coŋ kɨya gamge kange.

Kɔl-gɨ-Ɗari gɨ Ja̰ wal 6:51

Ɨŋ na mapa gɨ som-bɨra gɨ sayga a daa gɨsɨngɨ cay gɨsəŋ gaŋ. Hɨn̰ gɨ ungo na daa mapa gɨ nee le na, kɨya sɔmɛ-bɨra dan̰ cɨndi. Bɨ mapa gɨ ɨŋ ba ye koldi le, na kuyoŋdi-gusɨnɨ. Ɨŋ bee na ɗe gɨ kalaŋ ga cay gɨsəŋ gaŋ na somɨn̰ge dan̰ cɨndɨge.»

Gɨye-lɔɔ 15:14

Simo ba yeni gaŋ kɛ ayɨn̰ a toy dɨŋ le, Kumu ojɨ tɔrɛ duroy kalaŋ ga toyge na Jubɨ naŋ ɗe gɨ kan na bɨləŋge kalaŋ kayi.

Gɨye-lɔɔ 15:9

Duroyge kan bɨ, ni-gandi bɨ le Kumu dɨra cɨn̰ ungo naŋ. Kɨya wa na dan̰ gɨyəŋ gɨ da aye kudurɔ ma kan pɨl kuduroyge ɗe duroŋ mɨra.

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Gɨye-lɔɔ 9:36

Ɗe-aye-cay-tɨbay Jesu di pɨna wo̰ som a cay ƴaa di Jope dɨŋ, gusɔndɔ na Tabita. Gusɔndɔ le dan̰ kɨbɨ Gɨrɛg na Dorkas duroy na paya. Tama di nee le lee gɨye gɨ ɗari tɔgɨ bɨ, bɨn̰ ka-n̰age hɨnga tɔgɨ bɨ.

Galad 1:4

Jesu-Kɨris, na ban gɨ ba ɗɔɔ gusi dan̰ kuduroy geye gɨ da Bayna Kumu, kɨya cay ɨsɨna konagɨŋ, ay na dornagɨŋ a duroy hɨnga ga ɨsɨni gaŋ ga cay gɨsəŋ gaŋ kɛ coŋ.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Galad 3:13

Kɨris bɨləŋ ungo gɨ ɓɨse woy cayi na kol cayna na, ban dorna coŋ a te ɓɨse gɨ da gasɨn̰-kɔl gɨŋ. Kɨya wa kan walge yege hɨn̰: «Waŋ waŋ gɨ gagɨliige a cay sɨya gɨŋ na, ɓɨse woy cayi.»

Epɛs 1:11

Na way hɨnga kana ga ni ban̰di-gulɔŋ ga ojɨ cayna na dan̰ gɨyəŋ gɨ da bugoŋ gɨ na bugoŋ pɨna te Kɨris. Kɨya wa Kumu torna tumɔ na dan̰ gɨyəŋ gɨ da gɨse koyi gɨ ban gɨsɨ le. Ban lee hɨnga nɔm hɨn̰ gɨ ban ojɨ bɨ, kuduroy gey wo̰ bɨ.

Epɛs 2:10

Na bɨləŋ gɨŋ woy na hɨn̰ hɨnga ga hɨrɨwa ga Kumu lee wo̰. Ban lee na hɨnga ga ni se ga hɨrɨwa dan̰ te bugoŋ pɨna dan̰ Jesu-Kɨris, ɗe ana na leen̰gɨŋ gɨye-lɔɔ gɨ ɗari, gɨ ban ƴom cay tɨbayi tumɔ hayi kol cayna ɗe ana na leegɨŋ le.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

1 Timote 1:15

Kɔl gɨ kɛ le, na kɔl gɨ cɨndi gɨ ojɨ gɨ ungo na bɨga kuduroy cay nee bɨ, na kɔl gɨ ɓal gɨ kalaŋ nɔm na ƴage mɨlaŋ bɨ: Jesu-Kɨris ɨrga a cay gɨsəŋ gaŋ na kɨya pɔɗɛ ka-lɔɔ ɨsɨna. Ama ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm.

1 Timote 2:10

Ama kuɗa gɨ kan gɨl kambɨladɨge dan̰ gɨye-lɔɔ gɨ kuɗa, hɨn̰ kandɨ ga gɨye-lɔɔdɨge bugoŋ pɨna dan̰ Kumu wo̰.

1 Timote 2:6

Ban ay gusi bee kɨya bon̰ cay kalaŋ nɔm. Kɨɗɨn̰ ga tɨwadi ɓal na, Ban lee tɨmon̰ toyi di nee le. Gɨlɨn̰ gɨ Kumu na gey pɔɗɛ gɨ da kalaŋ nɔm.

1 Timote 6:18

Yage ɗe kan lee kuɗa dan̰ kalaŋ bɨ, ɗe kan lee gɨye gɨ kuɗa tɔgɨ bɨ, ɗe kan bɨn̰ kalaŋ hɨnga tɔgɨ bɨ, ɗe kan gosɨn hɨnga kage bɨn̰ kamdɨge bɨ.

Titɨ 2:7

Ji Titɨ, kalɨn̰ ma ji laa hɨnga ga ɗari ɗe kan ƴolɨn̰ge bɨ. Kuɗa gɨ hɨnga ga ni gɨle kan̰ wɨya na hɨnga ga ni gɨle ga duroŋ mɨra bɨ, ga koldɨge homɨn̰ bɨ.

Titɨ 3:8

Kɔl gɨ nee le na kɔl gɨ cɨndi. Lee gɨ ɨŋ gey gɨ ji na ɨr cay nee gɨɗaŋ, ɗe kalaŋ ga ayge kuduroyge bɨn̰ Kumu le sɨn̰ge cɨndɨge kardi hɨnga ga ɗari gaŋ leen̰ge gɨye gɨ ɗari. Hɨnga ga nee le, na hɨnga ga ɗari bɨ, kɨya lɔɔ ɗarwa dan̰ kalaŋ nɔm bɨ.

Əbɨro 1:3

Na gusi Kurɨn̰-Kumu gɨ nee le ma gusoŋ-tɔgɛ gɨ da Kumu jɨran̰de jə̰ jə̰ bɨ, ban gɨlɨn̰ dan̰ Bayi Kumu hɔlɔlɔ bɨ, ban gam cay gɨsəŋ ɗe som osu daa na dan̰ gɨyəŋ gɨ da dɔnɔ di da kɔl koyi bɨ. Kɨɗɨn̰ ga ban dorɨn̰ kalaŋ mɨra te ɨsɨna koge gɨŋ coŋ ɨni na, ban say or daa sɔmɛ gɨɗɨgɨ-Kumu gɨŋ a cay kɔbɔ gɨ bara gɨ da ban gɨ orɨn̰ dan̰ dɔnɔ di ɗɨn̰ hɨnga nɔm.

Əbɨro 10:24

Ɗe gɨ na na sɨla kardi gusɨnagɨŋ ɗe ana jɨbɨn̰gɨŋ te gusɨnagɨŋ daa a te lɔɔ wandɨ bɨ, lɔɔ gɨye ga da hɨnga ga ɗari gaŋ bɨ.

Əbɨro 9:14

Ama hɨn̰ gɨ kɨbardi nare na ɓala lɔɔ hɨn̰ wo̰ na, kɨbardi Kɨris kɨya lɔɔ ɗɨn̰ ɗɨn̰ coŋ. Kɨya wa kɨbardi ɗɨn̰ gɨ da nare coŋ. Ban ay gusi bɨn̰ Kumu dan̰ tumoyi hɨn̰ hɨnga ga ni bogɨn̰ kɨbar ga masadɨge unɔ, dan̰ dɔnɔ di da Turnɔ di som dan̰ tumɔɔ. Na kɨbardi gɨ nee le ba mɔndɛ ɨrɨme gɨ da gɨye-lɔɔ gɨ ɨsɨni gɨ woy kuduroynagɨŋ nɔm coŋ, lee gɨ na duroŋ mɨra, ɗe ana na leen̰ gɨye gɨ da Kumu gɨ som-bɨra dan̰ tumoyi.

Magtubu di Jag wal 4:8

Sɨygɨŋ mɨnde gusi Kumu bɨ, ban kalɨn̰ ma kɨya sɨygɨ mɨnde gusɨgɨŋ bɨ. Kɨŋ ka-lɔɔ ɨsɨna le, ɨsɨbegɨŋ ɨsɨna naŋ ɨni. Kɨŋ ga kuduroygɨŋ sɔɔ sɔɔ le, pɨlgɨŋ cay ɗugoygɨŋ ɗe arɨn̰ cərərə.

1 Pɨyɛr 1:18

Sɨlagɨŋ, hɨnga ga Kumu bee kɨya bon̰ caygɨŋ duroy gɨye-lɔɔ gɨ ɨsɨni gɨ ban̰an̰gɨŋ ɗege bɨgɨŋ, hɨn̰ hɨnga ga ni ban̰di-gulɔŋ wo̰ le, ban dɨragɨŋ na dan̰ hɨnga ga lam wo̰ ga kardi nee kɨya mundoŋ hɨn̰ nare gɨ ni arja̰ bɨ, lɔr bɨ wo̰ naŋ.

1 Pɨyɛr 1:22

Kɨŋ bee kɔl a cay kɔl gɨ cɨndi gɨŋ, dorɨn̰ gusɨgɨŋ mɨra na gɨ agɨŋ na geyɨn̰ karmɨgɨŋ ga ban̰aŋ dan̰ ga kandɨ ga ka-aye kudurɔ dan̰ geye gɨ nara cɨn̰ ungo naŋ. Hɨn̰ wo̰ na, kɨŋ gey gusɨgɨŋ dɨle gɨlalɨn̰ bɨ, dan̰ kuduroygɨŋ ga pɨna bɨ.

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

1 Pɨyɛr 2:9

Ama kogɨŋ kɨŋ-gandi na, kɨŋ na te wɨn̰je ga Kumu torgɨŋ bɨ, kɨŋ na ka-bɔgɛ kɨbar ga da kɨlma bɨ, te kalaŋ ga torgege ɗege dan̰ cɨndɨge bɨ. Kɨŋ na te kalaŋ ga Kumu torge ɗe agɨŋ na teen̰ bɛrnɛ di da hɨnga ga ɗadɨrdaŋ ga ban lee. Kumu təgɨŋ ɗe agɨŋ na andɨn̰ duroy dɨlɨm dɨŋ coŋ bɨ, ɗe gɨ agɨŋ na ɨrgan̰ duroy asɨn̰a toyi di kuɗa tɔgɨ dɨŋ bɨ.

1 Pɨyɛr 3:18

Kɨya wa Kɨris gusi koyi ma na kol cay ɨsɨna gɨ kalaŋ leege. Ban kɨya mare tɨma di ɗaŋ naŋ ɨni. Ban gɨ na ungo gɨ dan̰ durɔ ɗɨngar le, ma kɨya cay kalaŋ ga dan̰ durɔ ɗɨngar naŋ, kɨya orɨn̰ danana gusi Kumu. Dɨɗɨge kuyoŋdi-gusi, ama Turnɔ di da Kumu boyi lɨbi.

1 Ja̰ 1:7

Ama hɨn̰ gɨ na na guragɨŋ a duroy asɨn̰a dɨŋ hɨn̰ gɨ ban kalɨn̰ ma na asɨn̰a wo̰ bɨ na, na sol leen̰ cɨndi gɨ na na bugoŋgɨŋ pɨna duroyna dan̰ gusɨnagɨŋ bɨ, kɨbardi Kurondi Jesu dornagɨŋ mɨra te ɨsɨna konagɨŋ gɨŋ nɔm bɨ.

1 Ja̰ 1:9

Kumu na ungo gɨ ɨre a cay gasɨndi gaŋ bɨ, na ungo gɨ dan̰ durɔ ɗɨngar bɨ. Hɨn̰ gɨ na na yagɨŋ te ɨsɨna konagɨŋ daa pɨraŋ na, ban kɨya ɗɔɔ kuduroy jalɨwa cay ɨsɨna konagɨŋ gɨŋ bɨ, kɨya dornagɨŋ mɨra te ɨsɨna konagɨŋ gɨŋ nɔm bɨ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 5:9

Kɨmɛnɛ ga poɗɨn̰ dan̰ ka-muɗɔlɛ ga toyge-sɔɔ cayge poɗɨn̰ le kɨbɨge kɨra gɨ hɨrɨwa yen̰ge hɨn̰: «Ji ɓal ƴɔɔ magtubu le bɨ, Haŋge tambo di ɓagɨmɨn̰ge kubo le bɨ, Kɨya wa tumɔ walge tumon̰ Lee gɨ ji boy cay kalaŋ, Dan̰ gɨyəŋ gɨ da kɨbardɨn̰ bɨn̰ Kumu. Kan na kalaŋ ga a te wɨn̰je gɨ ani ani bɨ, Te kɨbɨ wɔɔ gɨ ani ani bɨ, Te labar gɨ ani ani bɨ, Te kalaŋ ga ani ani bɨ,