Titɨ 2:10 - Gabri Maja

¹⁰ Ɗɔɔ ba gɨ kan hasege hɨnga wo̰ naŋ bɨ, ama ɗe gɨ dan̰ wɔlɛ pɨna pɨna kan gɨlɨn̰ge ka-gulondɨge gɨ ke na ɨre a cay tɨbayge dɨŋ kuɗa bɨ. Hɨn̰ gɨ gɔyɔŋ na laage hɨn̰ wo̰ na, kan kɨya dɨbe gusoŋ-tɔgɛ a cay hɨnga ga ni gɨle ga da Kumu Ba-pɔɗɨna gaŋ.

Titɨ 2:10 ပူးပေါင်းရင်းမြစ်များ

Matɨyo 24:45

«Na waŋ duroygɨŋ ma na guyɔŋ gɨ ɨre cay tɨbayi bɨ, gɨ cɨndi-muɗol gɨ ba-ƴaadi ayi si cay kalaŋ ga duroy ƴaa toyi dɨŋ, kɨya gosɨnɨn̰ dɔɔ dan̰ tɨwadi ga?

Matɨyo 5:16

Ɗagɨŋ gɨ asɨn̰a kogɨŋ ɗe asɨn̰ cɨn̰ kalaŋ hɨn̰ wo̰ bɨ, ɗe gɨ kan solɨn̰ge gɨye-lɔɔdɨgɨŋ gɨ kuɗa bɨ, ɗe kan hɨramɨn̰ge Baygɨŋ gɨ som a daa nii bɨ.

Kɔl-gɨ-Ɗari gɨ Lug wal 1:47

Turnonɨ lee gɨ gusɨnɨ mɔŋ tɔgɨ Kɨya cay Ba-gulonɨ Kumu ba-pɔɗɔŋ,

Kɔl-gɨ-Ɗari gɨ Lug wal 1:80

Kɨye le malgɨ jɨn̰ tumɔ tumɔ bɨ, gusi osɨ kəŋ kəŋ nee bɨ. Ban or sɔmɛ a duroy dal dɨŋ bɨrɨŋ gɨsɨn̰ wɔlɛ gɨ ban gɨlɨn̰ gusi tumoy te wɨn̰je gɨ da te kalaŋ ga Ɨsɨrayɛl.

Kɔl-gɨ-Ɗari gɨ Lug wal 16:10

Hɨn̰ gɨ ungo na cɨbɨ cɨndi a cay hɨnga ga dḛ ga kan beeyige kobi na, ban kɨya cɨbe cɨndi a cay hɨnga ga kondi ga kan beeyige kobi bɨ. Waŋ waŋ gɨ gɨye-lɔɔdi na ɨra dan̰ durɔ ɗɨngar a cay hɨnga ga dḛ gaŋ naŋ na, gɨye-lɔɔdi kɨya ɔrɛ dan̰ durɔ ɗɨngar a cay hɨnga ga kondi gaŋ naŋ bɨ.

Kɔl-gɨ-Ɗari gɨ Ja̰ wal 12:6

Ban ye kɔl gɨ nee le, na kɨya geye gɨ ban gey kan ga wɔɔdɨge unɔ naŋ. Ama na kɨya gɨ ban na ba hase. Ban na ba game magɨladi gursu, lee gɨ ban hasɨde gursu di woy boy nee.

1 Korɛ̰t 4:2

Hɨnga ga kalaŋ mal a gusi ka-sɔlɛ kardi hɨnga le, na gɨ kan na wɨya naa kalaŋ ga ɨre a cay tɨbayge dɨŋ.

Epɛs 4:1

Kɨya cay kɔl gɨ cɨndi gɨ nee le nɔm, ɨŋ-bandi Pol gɨ na ba-dangay kɨya cay bugoŋ gɨ ɨŋ bugoŋ pɨna dan̰ Ba-gulɔŋ le, ɨŋ lee n̰age toygɨŋ ɗe gɨye-lɔɔdɨgɨŋ bugoŋ pɨna dan̰ tɔgɛ gɨ Kumu teegɨŋ le.

Pilib 1:27

Ama kuɗa gɨ kɨŋ sɨma dan̰ hal gɨ bugoŋ pɨna dan̰ Kɔl-gɨ-Ɗari gɨ da Kɨris. Hɨn̰ wo̰ na, gɨ ɨŋ na ɨra solgɨŋ wala hɨn̰ gɨ ɨŋ na wɨya naa hen̰ danagɨŋ kalɨn̰ ma, ɨŋ gey jɔɔ gɨ kɨŋ na ɨre osu dan̰ ɨrɨme gɨ pɨna bɨ, kɨŋ na ɨre worɨn̰ pɨna kɨya cay aye kudurɔ gɨ kɨŋ orɨn̰ a te Kɔl-gɨ-Ɗari gɨŋ bɨ.

Pilib 4:8

Kardi nee nɔm na, karmɨnɨ ga ban̰aŋ dan̰ ga kandɨ, kuɗa gɨ hɨnga ga leen̰ cɨndi bɨ, hɨnga ga kalaŋ hɨram bɨ, hɨnga ga dan̰ durɔ ɗɨngar bɨ, hɨnga ga duroŋ mɨra bɨ, hɨnga ga won̰ gɨ ni geye bɨ, hɨnga ga ƴee cɨn̰ kalaŋ bɨ, hɨnga ga gusondɨge ye bɨ, hɨnga ga kalaŋ jɨndalge bɨ, ba ƴɨma kuduroygɨŋ.

1 Timote 1:1

Na ɨŋ-bandi Pol, ba-gɨre-gɨye gɨ da Jesu-Kɨris dan̰ kuduroy geye gɨ da Kumu gɨ Ba-poɗɨna bɨ, dan̰ kuduroy geye gɨ da Jesu-Kɨris gɨ na bee ɨrɨmedɨna cayi bɨ le.

1 Timote 5:17

Kan ga muɗoldoŋ ga dorge tumoy Daye kuɗa le, ɗa gɨ kalaŋ bɨge hɨnga ga ni cay kobɨge kɨɗɨn̰ sɔɔ. Ama gɨ kondi tɔgɨ na, na kan ga ɗege gusɨge kɨbɨ gɨye gɨ nɨye-tɔgɨ, gɨ na gɨye-tɔgɛ bɛrnɛ bɨ, gɨlɨn̰ kalaŋ kɔl gɨ da Kumu le bɨ.

1 Timote 6:1

Kuɗa gɨ ka-aye kudurɔ nɔm ga na gɔyɔŋ le, sɨlage ka-gulondɨge hɨn̰ kalaŋ ga kan ɓalge dɨbɨge hurɔmɔ nɔm a cayge, ɗe ungo yagɨdɨn̰ guson̰ Kumu naŋ bɨ, ungo yon̰ kɔl gɨ ɨsɨni cay kɔl gɨ ni gɨle gɨŋ naŋ bɨ.

1 Timote 6:3

Hɨn̰ gɨ ungo na gɨlɨn̰ kalaŋ hɨnga tɨrabe ga ɗaŋ na, ban ɗe na kɔl gɨ cɨndi gɨ da Ba-gulondɨna Jesu-Kɨris coŋ bɨ, ɗe na gɨle hɨnga ga or pɨna dan̰ aye kudurɔ kona coŋ bɨ,

Titɨ 1:3

Kɨɗɨn̰ ga tɨwa di Kumu gɨsɨ ɓal ɨni na, Kumu ba-pɔɗɨna wasɨn̰ cay kɔl koyi. Kɔl gɨ nee le, ban bəŋ kɔbɔŋ bɨ, ay noy bəŋ gɨ ɨŋ na tɨga bɛrnɛdi bɨ.

Titɨ 3:4

Ama kɨɗɨn̰ ga ɗarwa di da Kumu ba-poɗɨnagɨŋ bɨ, geye koyi gɨ ojɨn̰ cay kalaŋ bɨ gɨl gusi doŋ ɨni na,

1 Pɨyɛr 2:12

Ɗagɨŋ gɨ gɨye-lɔɔdɨgɨŋ gɨ a duroy kalaŋ ga sɨlage Kumu gɨ cɨndi naŋ le ɗe woy kuɗa. Hɨn̰ wo̰ na hɨn̰ gɨ kan na pɨya kɔl si caygɨŋ yan̰ gɨ kɨŋ naa ka-lɔɔ ɨsɨna kalɨn̰ ma, kan kɨya sɔlɛge gɨye-lɔɔdɨgɨŋ gɨ kuɗa gɨ kɨŋ lee bɨ, kan kɨya hɨramege Kumu a wɔlɛ gɨ ban kɨya cagan̰ gɨŋ bɨ.

1 Pɨyɛr 3:16

Ama gɨlgegɨŋ kardɨge dan̰ kaledɨgɨŋ ga jali bɨ, hurɔmɔ bɨ. Laagɨŋ hɨnga nɔm dan̰ ɨrɨmedɨgɨŋ gɨ arɨn̰ cərərə. Hɨn̰ wo̰ na, dasi kɨya dɔɔ kalaŋ ga ka-pɔyɛ kɔl se caygɨŋ bɨ, ga ka-yagɨdɨgɨŋ kɨya gɨye-lɔɔdɨgɨŋ gɨ ɗari gɨ kɨŋ way te bugoŋ pɨna dan̰ Kɨris le.

2 Ja̰ 1:9

Waŋ waŋ gɨ na ɨr usa a te hɨnga ga ni gɨle ga da Kɨris gaŋ naŋ, ama na dɨbɨ kɔl gɨ hɨrɨwa a cay hɨnga ga ni gɨle ga da Kɨris gaŋ na, Kumu unɔ danayi. Ungo gɨ na ɨr usa a te hɨnga ga ni gɨle gaŋ na, ban ma na ungo gɨ bugoŋ pɨna dan̰ Baynagɨŋ Kumu bɨ dan̰ Kurondi bɨ.