Titɨ 1:9 - Gabri Maja

⁹ Ban na ba ƴɔmɛ kɔl gɨ ojɨ gɨ ni bɔgɛ kudurɔ cay nee osɨwa gɨ na kɔl gɨ or pɨna dan̰ hɨnga ga ni gɨle bɨ. Hɨn̰ wo̰ na ban kɨya ɓale bɔgɛ kɔl gɨ ɗari kuduroy kalaŋ dan̰ hɨnga ga ni gɨle ga cɨndi bɨ, ban kɨya ɓale gɨle a cɨn̰ tɨwa dɨŋ gɨ kɔl gɨ da ka-man̰e-kɔl gɨ da Kumu naa cɨndi naŋ bɨ.

Titɨ 1:9 ပူးပေါင်းရင်းမြစ်များ

Gɨye-lɔɔ 18:28

Kɨya wa ban ƴom kɨbɨ Jubɨn̰əŋ dan̰ kɔl nɔm a kɨɗɨn̰ ga woli gaŋ cɨn̰ dɨmdɨrdi kalaŋ: Ban gɨlge dan̰ gɨyəŋ gɨ da Magtubu di da Kumu di kan walge gɨ Jesu na Kɨris ban gɨ Kumu dorii le.

1 Korɛ̰t 14:24

Ama hɨn̰ gɨ ka-aye kudurɔ nɔm na yage naa kɔl-gɨ-Kumu-ba-yɔɔ, ma ungo ba-aye-kudurɔ naŋ, naŋ le ungo gɨ sɨla hɨnga naŋ na andaŋ toygɨŋ na, kɔl gɨ ban je le kɨya lɔɔ gɨ ban kɨya sɔlɛ ɨsɨna toyi. Kɔl nɔm gɨ ban je le kɨya bɔyɛ kɔl danayi bɨ,

1 Tesalonigɨ 5:21

ama kɨŋ kɨba te hɨnga nɔm dɨran̰gɨŋ cɨndɨge: Hɨnga ga kuɗa na kɨŋ ƴɨma usa.

2 Tesalonigɨ 2:15

Hɨn̰ wo̰ na, karmɨnɨ ga ban̰aŋ dan̰ ga kandɨ, ƴɨmagɨŋ gusɨgɨŋ usa bɨ, hada di ni loon̰ hɨnga ga ni ba gɨlgɨŋ dan̰ kɨbɨni naŋ le, ga ni ba wal bɨgɨŋ le, ƴɨmagɨŋ kardi usa bɨ.

1 Timote 1:10

ka-lɔɔ gɨye yɔyɛ gɨ toy kan̰di kan̰di bɨ, ka-wɔyɛ dan̰ kamdɨge ban̰aŋ bɨ, ka-dɔnɛ-gɔyɔŋ leen̰ gɨyaw bɨ, ka-poy bɨ, ka-dɔrɛ gusɨge kalɨn̰ wo̰ bɨ, ka-lɔɔ hɨnga ga ɗaŋ nɔm ga bugoŋ pɨna dan̰ hɨnga ga ni gɨle ga cɨndi naŋ bɨ.

1 Timote 1:15

Kɔl gɨ kɛ le, na kɔl gɨ cɨndi gɨ ojɨ gɨ ungo na bɨga kuduroy cay nee bɨ, na kɔl gɨ ɓal gɨ kalaŋ nɔm na ƴage mɨlaŋ bɨ: Jesu-Kɨris ɨrga a cay gɨsəŋ gaŋ na kɨya pɔɗɛ ka-lɔɔ ɨsɨna. Ama ɨsɨna hɨnge ɗɨn̰ ɨsɨna gɨ da ka-lɔɔ ɨsɨna nɔm.

1 Timote 1:19

Ji gama aye kudurɔ bɨ, ɗɔɔ gɨ ɗugon̰ alɨn̰ naŋ bɨ. Kalaŋ ga pɨna kan̰ge jɔɔ kɔl gɨ da ɗugoyge di alge coŋ. Na hɨn̰ wo̰ ma kan leen̰ge hɨnga, ɗe gɨ aye kudurɔ koge baan̰ coŋ.

1 Timote 4:9

Kɔl gɨ nee le, na kɔl gɨ cɨndi gɨ ojɨ gɨ kalaŋ nɔm ƴage dan̰ kuduroyge ga pɨna.

1 Timote 6:3

Hɨn̰ gɨ ungo na gɨlɨn̰ kalaŋ hɨnga tɨrabe ga ɗaŋ na, ban ɗe na kɔl gɨ cɨndi gɨ da Ba-gulondɨna Jesu-Kɨris coŋ bɨ, ɗe na gɨle hɨnga ga or pɨna dan̰ aye kudurɔ kona coŋ bɨ,

2 Timote 1:13

Ji je kɔl gɨ cɨndi danaŋ: Aya laan̰ hɨnga ga ni dɔrɛ an̰ leen̰ gɨye, dan̰ aye kudurɔ bɨ, geye bɨ, gɨ ni ba orɨn̰ dan̰ gɨyəŋ gɨ da bugoŋ pɨna dan̰ Jesu-Kɨris le.

2 Timote 2:2

Hɨnga ga naa ji ba tɨrabɨ gusɨnɨ cɨn̰ tɨmon̰ ga kondi le, bɨga kobɨ kalaŋ ga kuduroyge pɨna ga ɓalge gɨlɨn̰ kalaŋ ga ɗaŋ jɨn̰ tumɔ bɨ.

2 Timote 2:25

Ban kɨya hale ka-jɨbe kɔl kɨbi coŋ le, dan̰ kaledi ga jal jɔm. Gajanaŋ Kumu da lɔɔ gɨ kan da bɨle gɨye-lɔɔdɨge bɨ, sɔlɛ kɔl gɨ cɨndi bɨ.

2 Timote 3:14

Ama ji-bandi na, ji ɨr jaŋ cay hɨnga ga kan gɨlɨn̰ge bɨ, ga naa ji ba bee kuduron̰ cay nee kuɗa le bɨ. Kɨya wa ji sol kalaŋ ga ka-gɨlɨn̰ge hɨnga ga nee le kuɗa.

2 Timote 4:3

Kɨya wa wɔlɛ tɨlga nee gɨ kalaŋ kɨya geyege gɨle hɨnga ga cɨndi naŋ, ama kɨya lɔɔge na hɨnga ga kuduroyge gey. Lee gɨ kan kɨya daye kalaŋ ga ka-gɨlge hɨnga nɔm dan̰ kondɨwayge ga ka-gɨlge hɨnga ga kɨya mooge.

Titɨ 1:11

Kuɗa gɨ kɨŋ lɨgɨ kɨbɨge daa. Kɨya wa kan na ka-tɔbɛ kalaŋ ga a duroy wandɨ di pɨna dɨŋ nɔm duroy nee, dan̰ hɨnga gɨledɨge. Kan som gɨlɨn̰ kalaŋ hɨnga ga uja naŋ ɗe age na wan̰ gursu di kan ƴɨmage kɨjan̰e kɔldɔ naŋ.

Titɨ 2:1

Ama ji-bandi na, kon̰ na gɨlɨn̰ kalaŋ hɨnga ga bugoŋ pɨna dan̰ hɨnga gɨle ga kuɗa.

Magtubu di Jud wal 1:3

Ay karmɨnɨ ga ɨŋ lee-toygɨŋ, kɔl gɨ ojɨ cay pɔɗɛ gɨ da kalaŋ gɨ na kɔl gɨ ojɨ cay nagɨŋ nɔm bɨ le, ɨŋ gey wale magtubudi wo̰ wo̰ bɨgɨŋ. Ɨŋ sol gɨ kuɗa gɨ ni wale dobɨn̰ bandɨ kuduroygɨŋ, ɗe agɨŋ worɨn̰ɨn̰ kɨya cay aye kudurɔ gɨ Kumu bɨn̰ kalaŋ kayi ga woyge dan̰ cɨndɨge cay pɨna ɗɔ ƴɔbɨ le.

Wasɨn̰a 2:25

Ama hɨnga ga kɨŋ ba orɨn̰ le, ƴɨmagɨŋ usa bɨrɨŋ gɨsɨn̰ gɨ ɨŋ kɨya cagan̰.

Wasɨn̰a 3:11

Ɨŋ tɨlga nee mɨnde. Ƴɨmagɨŋ aye kudurɔ kogɨŋ gɨ kɨŋ orɨn̰ le usa, ɗe ungo wo̰ bɔɗɛ jagɨwa bɔyɛ kɨmbɨl kogɨŋ naŋ.

Wasɨn̰a 3:3

Hɨngɨŋ a cay kɔl gɨ tumɔ kɨŋ ba je bɨ a cay gɨyəŋ gɨ kɨŋ ba ƴen̰ kɔl gɨ nee le bɨ. Gamagɨŋ kɔl gɨ nee le bɨ, bɨlgɨŋ haldɨgɨŋ bɨ. Hɨn̰ gɨ kɨŋ na sɨma-bɨra naŋ na, ɨŋ kɨya andaŋ caygɨŋ dus hɨn̰ ba hase wo̰ dan̰ tɨwa di kɨŋ kɨya sɔlɛ caa naŋ.