Titɨ 1:3 - Gabri Maja

³ Kɨɗɨn̰ ga tɨwa di Kumu gɨsɨ ɓal ɨni na, Kumu ba-pɔɗɨna wasɨn̰ cay kɔl koyi. Kɔl gɨ nee le, ban bəŋ kɔbɔŋ bɨ, ay noy bəŋ gɨ ɨŋ na tɨga bɛrnɛdi bɨ.

Titɨ 1:3 ပူးပေါင်းရင်းမြစ်များ

Marg 1:15

«Wɔlɛ gɨ ojɨ ɓal ɨni, lee gɨ dɔɔ-ƴaa di da Kumu bugoŋ mɨnde. Bɨlgɨŋ gɨye-lɔɔdɨgɨŋ bɨ, bɨgagɨŋ kuduroygɨŋ a cay Kɔl-gɨ-Ɗari gɨŋ bɨ.»

Marg 13:10

Naa wa wa kalɨn̰ ma kɨŋ kɨya tɔgɛ bɛrnɛ di da Kɔl-gɨ-Ɗari bɨn̰ te wɔɔ gɨ da kalaŋ nɔm pa dɨm.

Marg 16:15

Kardi nee ban yege hɨn̰: «Ɨragɨŋ a cay gɨsəŋ gaŋ nɔm, tɨgagɨŋ bɛrnɛ di da Kɔl-gɨ-Ɗari bɨn̰gɨŋ kalaŋ a kɨɗɨn̰ gaŋ nɔm.

Kɔl-gɨ-Ɗari gɨ Lug wal 1:47

Turnonɨ lee gɨ gusɨnɨ mɔŋ tɔgɨ Kɨya cay Ba-gulonɨ Kumu ba-pɔɗɔŋ,

Gɨye-lɔɔ 10:36

Kumu gɨygɨn̰ dan̰ kɔl koyi bɨn̰ na te wɨn̰je gɨ da Ɨsɨrayɛl: Kɔl gɨ nee le na Kɔl-gɨ-Ɗari gɨ ojɨ cay gusi-dɔbɛ dan̰ gɨyəŋ gɨ da Jesu-Kɨris, gɨ na Ba-gulɔŋ kalaŋ nɔm le.

Gɨye-lɔɔ 17:26

«Na dan̰ gɨyəŋ gɨ da ungo gɨ pɨna hayi kəɗ kəɗ ma ban ɗen̰ te wɔɔ gɨ da kalaŋ nɔm ga somge a cay gɨsəŋ gaŋ bɨ. Ban ojɨ wɔlɛ gɨ hɨnga nɔm kɨya loon̰ gusɨge bɨ, gɨsɨ cay kɨɗɛlɛ gɨ kan kɨya somɨn̰ nee bɨ.

Magtubu di Pol wal bɨn̰ kalaŋ ga Rɔm 15:19

dan̰ gɨyəŋ gɨ da dɔnɔ di da hɨnga ga ɗɨn̰ cɨn̰-kɨɗɨn̰ bɨ, dɔnɔ di da belin̰əŋ bɨ, dɔnɔ di da Turnɔ ɗe-kuduroy-bɛrɛ bɨ. Na dan̰ gɨyəŋ gɨ nee le ma, maŋ teen̰ bɛrnɛ di da Kɔl-gɨ-Ɗari gɨ da Kɨris ƴen̰ cay kɨɗɨn̰ kɨɗɨn̰ an̰ toy a cay ƴaa-di-gumu di Jerusalɛm dɨŋ bɨrɨŋ andɨn̰ a cay gɨsəŋ ga Iliri gaŋ.

Magtubu di Pol wal bɨn̰ kalaŋ ga Rɔm 16:25

Gusoŋ-tɔgɛ na gɨ da Kumu! Kɨya wa Kumu ɓal lɔɔ gɨ kɨŋ na ɨrɨn̰ usa a te aye kudurɔ gɨŋ hɨn̰ gɨ Kɔl-gɨ-Ɗari gɨ da Jesu-Kɨris gɨ ɨŋ ba tee bɛrnɛdi ba ye wo̰. Hɨnga ga ungo sɨla naŋ ga woy kɨɗɨn̰ wɔsɛdɨge gaŋ na jɨne ɓɨrag hage le, Kumu wasɨn̰ cayge lee gɨ kalaŋ solge dan̰ gɨyəŋ gɨ da Kɔl-gɨ-Ɗari gɨ kɛ le.

Magtubu di Pol wal bɨn̰ kalaŋ ga Rɔm 16:26

Ama haw kɛ na, Kɔl-gɨ-Ɗari le woy a cɨn̰-tɨwa dɨŋ waŋ. Na toy di hɨn̰ wo̰ ma, kalaŋ nɔm ga toyge na Jubɨ naŋ le, solɨn̰ge Kɔl-gɨ-Ɗari gɨ da Kɨris dan̰ gɨyəŋ gɨ da Kɔl gɨ walge a duroy Magtubun̰əŋ di da ka-yɔɔ-kɔl-gɨ-Kumu-ba-yɔɔ gaŋ. Kumu gɨ ba-sɔmɛ dan̰ tumoyi ay te tumɔ di kɛ le hɨn̰ wo̰, ɗe kalaŋ nɔm na ayan̰ge kuduroyge bɨ, jan̰ge kɔl kɨbi bɨ.

Magtubu di Pol wal bɨn̰ kalaŋ ga Rɔm 5:6

Ho’o, kɨya wa a boy wɔlɛ gɨ Kumu ojɨ gɨŋ, kɨɗɨn̰ ga na-gandi na ɨran̰ dan̰ dɔnɔ di ni poɗɨn̰ gusɨna naŋ ƴee le, Kɨris ma kol cayna na-gandi ka-lɔɔ ɨsɨna.

1 Korɛ̰t 9:17

Hɨn̰ gɨ ɨŋ na laa gɨye gɨ nee le kɨya gɨ naa kuduroy geye hɨnge ƴɔbɨ na, ɨŋ orɨn̰ dan̰ gɨyəŋ gɨ ni wɔɔ hɨnga ga ni cay kɔbɔŋ. Ama na gɨye gɨ bəŋge kɔbɔŋ bɨ, na nɨywa gɨ canɨ bɨ.

Galad 4:4

Ama kɨɗɨn̰ ga wɔlɛdi ɓal ɨni na, Kumu gɨygɨ kurondi. Tama ba wooyi. Kan wooyge na kɨɗɨn̰ ga gasɨn̰-kɔl na Ba-gulondi hɨnga ga da kalaŋ ga na Jubɨ le,

Epɛs 1:10

Kɨɗɨn̰ ga wɔlɛ gɨ Kumu dor kɨya bugoŋ na, kɨɗɨn̰ ga nee le, ban kɨya dɔbɛ hɨnga nɔm ga gɨɗɨgɨ-Kumu gaŋ bɨ, ga cay gɨsəŋ gaŋ bɨ, te tɨrɨmbala di da ungo pɨna nɛŋ dɨŋ, Kɨris.

Epɛs 2:17

Kɨris ɨrga tee bɛrnɛ Kɔl-gɨ-Ɗari gɨ da gusi-dɔbɛ bɨgɨŋ kɨŋ-gandi ga toygɨŋ na Jubɨ naŋ ga tumɔ kɨŋ som hən̰ dan̰ Kumu bɨ, tee bɛrnɛ Kɔl-gɨ-Ɗari gɨ da gusi-dɔbɛ bɨna na-gandi ga ni Jubɨ ga na woy mɨnde dan̰ Kumu bɨ.

Pilib 1:13

Na toy di hɨn̰ wo̰ ma, asɨgarn̰əŋ nɔm ga ka-game ƴaa tɨrɨmbala di da ba kɨbɨ kɨlma gɨ gumu bɨ, te kalaŋ ga ɗaŋ ga baage nɔm bɨ, solɨn̰ge gɨ naa kol cay Kɨris ma maŋ na won̰ dangay dɨŋ le.

Kɔlɔs 1:23

Ama kuɗa gɨ kɨŋ ɨr a cay tɨbaygɨŋ dɨŋ bɨ, tɨbagɨŋ sarnaygɨŋ gag gag dugo bɨ, ɨrɨn̰gɨŋ usa cay nee a te aye kudurɔ gɨŋ. Dɨle gɨ hɨnga wo̰ gɨ dorgɨŋ orɨn̰ danagɨŋ hen̰ dan̰ hɨnga ga kɨŋ bee ɨrɨmedɨgɨŋ cay nee gɨ Kɔl-gɨ-Ɗari ba bɨgɨŋ le. Kɔl-gɨ-Ɗari gɨ nee le, teege bɛrnɛdi bɨn̰ kalaŋ nɔm ga a cay gɨsəŋ gaŋ. Na ban ma ɨŋ-bandi Pol bɨle ba lɔɔ gɨyedi.

Kɔlɔs 1:6

Kɔl-gɨ-Ɗari gɨ nee le or bɨrɨŋ andaŋ gusɨgɨŋ. Ban ƴee cay gɨsəŋ nɔm bɨ, wɔɔ karɨndi bɨ, or dan̰ cɨndi jɨn̰ tumɔ tumɔ hɨn̰ gɨ ba won̰ duroy gɨŋ wo̰ bɨ. Ayɨn̰ toy a boy wɔlɛ gɨ kɨŋ ba jen̰ kɔl bɨ, solɨn̰ ɗarwa di da Kumu leen̰ cɨndi bɨ.

1 Tesalonigɨ 2:4

ama Kumu gɨwasɨni pa dɨm ma bɨni gɨye tɔgɛ bɛrnɛ Kɔl-gɨ-Ɗari le ƴee. Lee gɨ ni ya kɔl na ɗe gɨ na mon̰ kalaŋ ga ɨndəŋ naŋ, ama na ɗe gɨ na mon̰ Kumu gɨ gɨwasɨ kuduroyni le.

1 Timote 1:1

Na ɨŋ-bandi Pol, ba-gɨre-gɨye gɨ da Jesu-Kɨris dan̰ kuduroy geye gɨ da Kumu gɨ Ba-poɗɨna bɨ, dan̰ kuduroy geye gɨ da Jesu-Kɨris gɨ na bee ɨrɨmedɨna cayi bɨ le.

1 Timote 1:11

Kɔl gɨ ni gɨle gɨ nee le, bugoŋ pɨna dan̰ Kɔl-gɨ-Ɗari gɨ bəŋge kɔbɔŋ bɨ gɨl gusoŋ-tɔgɛ gɨ da Kumu gɨ orɨn̰ dan̰ tumoy wolwa bɨ.

1 Timote 2:3

Ɔlɛ Kumu gɨ hɨn̰ wo̰ le ba kuɗa bɨ, ba-ƴɔ cɨn̰ Kumu Ba-poɗɨnagɨŋ bɨ.

1 Timote 4:10

Əw, hɨn̰ gɨ na na laa gɨye kunda bɨ, wɨrɨn̰a bɨ na, na kɨya ɗɔɔ gɨ na ɗe ɨrɨmedɨna a cay Kumu gɨ som-bɨra dan̰ cɨndi le. Ban na ba-pɔɗɛ kalaŋ ga ɨndəŋ nɔm bɨ, kondɨwayge na, ban poɗɨ na ka-aye kudurɔ.

2 Timote 4:17

Ama Ba-gulɔŋ ɨre karɨnɨ. Ban bəŋ tɔgɨ, lee gɨ ɨŋ teen̰ bɛrnɛ Kɔl-gɨ-Ɗari ɗəndəŋ bɨn̰ kalaŋ ga toyge na Jubɨ naŋ, ɗe jege kɔldɔ pɨraŋ daa bɨ. Ban bɔɗɔŋ a kɨbɨ gusugon̰əŋ gaŋ coŋ bɨ.

Titɨ 2:10

Ɗɔɔ ba gɨ kan hasege hɨnga wo̰ naŋ bɨ, ama ɗe gɨ dan̰ wɔlɛ pɨna pɨna kan gɨlɨn̰ge ka-gulondɨge gɨ ke na ɨre a cay tɨbayge dɨŋ kuɗa bɨ. Hɨn̰ gɨ gɔyɔŋ na laage hɨn̰ wo̰ na, kan kɨya dɨbe gusoŋ-tɔgɛ a cay hɨnga ga ni gɨle ga da Kumu Ba-pɔɗɨna gaŋ.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

Wasɨn̰a 14:16

Ɨni na, ban gɨ som a cay gɨrɨmbale gaŋ le, ay marɨm koyi walɨn̰ gasa ga a cay gɨsəŋ gaŋ.