Titɨ 1:2 - Gabri Maja

² ɗe kan na been̰ ɨrɨmedɨge a cay sɔmɛ-bɨra gɨ dan̰ tumoyi. Kumu gɨ ya poy naŋ le, ye gɨ ɗi na kɨya bɨge sɔmɛ-bɨra gɨ dan̰ tumoyi gɨ nee le naa tumɔ ɓɨragɨ.

Titɨ 1:2 ပူးပေါင်းရင်းမြစ်များ

Matɨyo 25:34

Ɨni na, kɨlma kɨya yon̰ kan ga a cay kobi gɨ bara gɨŋ le yoge hɨn̰: “Kɨŋ ga Banɨ tor-kɨbi caygɨŋ le, ɨregɨŋ, ƴagɨŋ dɔɔ-ƴaa di ƴomge cay tɨbaa kol caygɨŋ ayɨn̰ te ɗɔɔ gɨ ɗege gɨɗɨgɨ-Kumu dan̰ cay gɨsəŋ.

Matɨyo 25:46

Ɨni na, kalaŋ le kɨya ɔrɛge gɨ ni won̰ tabɨ di tɔɔ kɨya ayaŋ naŋ kɨya cay ɨsɨna koge bɨ, kalaŋ ga dan̰ durɔ ɗɨngar kɨya ɔrɛge kɨɗɨn̰ ga kalaŋ kɨya somɨn̰-bɨra dan̰ cɨndɨge nee bɨ.»

Marg 10:17

Jesu de say kɨya bɔɔ gɨyəŋ gɨŋ ɔrɛ ɨni na, gɨlmi gɨ pɨna wo̰ gɨrgɨ ɨrga poy gɨbayi dugo tumoyi bɨ ɨngɨrii hɨn̰: «Ba-gɨlɨn̰ kalaŋ hɨnga gɨ ba lɔɔ hɨnga ga kuɗa, kɛ ɨŋ gɨ lɔɔ na mɨna ma maŋ gɨ wan̰ sɔmɛ-bɨra gɨ dan̰ cɨnɨ le ga?»

Marg 10:30

ungo gɨ nee le kɨya wɔɔ ƴaan̰əŋ bɨ, karmii ga ban̰aŋ dan̰ ga kandɨ bɨ, dan̰ ƴon̰ii bɨ, dan̰ karɨn̰aŋ bɨ, dan̰ kɨɗɨn̰ yagen̰əŋ ɗɨn̰ ga tumɔ coŋ tɨba aru, dan̰ hɨnga ga ni gɨle-cɨn̰ haw kɛ, boy wɔlɛ gɨ na ba somɨn̰ nee bɨ, kɨya sɔmɛ-bɨra gɨ dan̰ cɨndi cay gɨsəŋ ga hɨrɨwa gaŋ ga a wɔlɛdi gɨ nee gɨŋ le bɨ.

Kɔl-gɨ-Ɗari gɨ Ja̰ wal 10:28

Ɨŋ-bandi, ɨŋ bɨge habe gɨ ni somɨn̰-bɨra dan̰ cɨndɨge, lee gɨ kan kɨya mundoŋge naŋ bɨrɨŋ. Ungo gɨ ba kɨya ɓale dorge kɔbɔŋ unɔ.

Kɔl-gɨ-Ɗari gɨ Ja̰ wal 17:2

Ji bɨn̰ dan̰ kurondɨn̰ dɔnɔ a cay kalaŋ nɔm ga cay gɨsəŋ gaŋ. Ji bii dɔnɔ di nee le, na ɗe gɨ ban na bɨn̰ kalaŋ nɔm ga ji ba bii le sɔmɛ-bɨra gɨ dan̰ cɨndi.

Kɔl-gɨ-Ɗari gɨ Ja̰ wal 17:24

Banɨ, ɨŋ gey gɨ kɨɗɨn̰ ga ɨŋ ba somɨn̰ nee le, kan ga ji ba bəŋ danage le kalɨn̰ ma na sɨmage danaŋ nee bɨ. Ɗe kan solge gusoŋ-tɔgɛ gɨ ji bəŋ le dan̰ cɨndɨge. Kɨya wa ji geyəŋ tumɔ pa dɨm ma mɨn̰ ɗen̰ te cay gɨsəŋ ƴee.

Kɔl-gɨ-Ɗari gɨ Ja̰ wal 5:39

Kɨŋ madɨlde te kɔl duroy Magtubu di da Kumu di kan walge jɨne dɨŋ, kɨya wa kɨŋ ɨrɨm gɨ kɨŋ na kɨya sɔmɛ-bɨra dan̰ cɨndɨgɨŋ naa kol caa. Na magtubu di nee ba lɔɔ tɨmon̰ kol canɨ.

Kɔl-gɨ-Ɗari gɨ Ja̰ wal 6:54

Ungo gɨ na da kuyoŋnɨ bɨ, sa kɨbarnɨ bɨ na, orɨn̰ dan̰ sɔmɛ-bɨra gɨ dan̰ cɨndi, ɨŋ kɨya boyi lɨbii a boy wɔlɛ kagadi gɨŋ.

Kɔl-gɨ-Ɗari gɨ Ja̰ wal 6:68

Simo Pɨyɛr dibii cay nee yeyi hɨn̰: «Ba-gulɔŋ, kɛ ni gɨ ɔrɛ na gusi waŋ gɨ ɗaŋ coŋ ga? Ji ba orɨn̰ dan̰ kɔl gɨ bɨn̰ ungo sɔmɛ-bɨra gɨ dan̰ cɨndi.

Gɨye-lɔɔ 15:18

Sɨlagɨŋ kɔl gɨ Ba-gulɔŋ ba ye le ba kɔ. Hɨnga ga ban ba lee haw kɛ le, Na hɨnga ga ban ƴom cay tɨbayge na jɨne hage.”»

Magtubu di Pol wal bɨn̰ kalaŋ ga Rɔm 1:2

Kɔl-gɨ-Ɗari gɨ nee le, naa Kumu ye koldi na jɨne hayi, dan̰ gɨyəŋ gɨ da ka-yɔɔ-kɔl-gɨ-Kumu-ba-yɔɔ gɨ walge a duroy Magtubu di da Kumu dɨŋ.

Magtubu di Pol wal bɨn̰ kalaŋ ga Rɔm 16:25

Gusoŋ-tɔgɛ na gɨ da Kumu! Kɨya wa Kumu ɓal lɔɔ gɨ kɨŋ na ɨrɨn̰ usa a te aye kudurɔ gɨŋ hɨn̰ gɨ Kɔl-gɨ-Ɗari gɨ da Jesu-Kɨris gɨ ɨŋ ba tee bɛrnɛdi ba ye wo̰. Hɨnga ga ungo sɨla naŋ ga woy kɨɗɨn̰ wɔsɛdɨge gaŋ na jɨne ɓɨrag hage le, Kumu wasɨn̰ cayge lee gɨ kalaŋ solge dan̰ gɨyəŋ gɨ da Kɔl-gɨ-Ɗari gɨ kɛ le.

Magtubu di Pol wal bɨn̰ kalaŋ ga Rɔm 2:7

Kalaŋ ga ƴomge osu te gɨye-lɔɔ gɨ ɗari gɨŋ bɨ, woyge te male gɨ Kumu na bɨge gusoŋ-tɔgɛ bɨ, aya cayge daa bɨ, sɔmɛ-bɨra gɨ dan̰ tumoyi bɨ le, Kumu kɨya bɨge sɔmɛ-bɨra gɨ dan̰ tumoyi gɨ nee le.

Magtubu di Pol wal bɨn̰ kalaŋ ga Rɔm 5:2

Na kol cayi ma mana wan̰ gɨyəŋ gɨ ni andɨn̰ a ɗarwa di da Kumu dɨŋ di nee le dan̰ gɨyəŋ gɨ da aye kudurɔ. A duroy ɗarwa di nee dɨŋ le na ɨre cay nee osu bɨ. Na lee gusi-mɔwa a cay gusoŋ-tɔgɛ gɨ da Kumu gɨŋ bɨ. Kɨya wa na sol gɨ wɔlɛ pɨna na kɨya andaŋ a boy gusoŋ-tɔgɛ gɨ nee gɨŋ le. Na hɨnga ga nee le ma, mana bee ɨrɨmedɨna cay nee.

Magtubu di Pol wal bɨn̰ kalaŋ ga Rɔm 5:21

Na toy di hɨn̰ wo̰ ma, hɨn̰ gɨ tɨma ba din̰-ƴaa cay kalaŋ kɨya cay ɨsɨna le, ɗarwa di da Kumu kalɨn̰ ma, kɨya dɔɔ-ƴaa cay kalaŋ na hɨn̰ wo̰ bɨ, bɨlge leen̰ kalaŋ ga dan̰ durɔ ɗɨngar bɨ, orɨn̰ danage a boy sɔmɛ-bɨra gɨ dan̰ tumoyi gɨŋ bɨ, dan̰ gɨyəŋ gɨ da Ba-gulondɨna Jesu-Kɨris.

Magtubu di Pol wal bɨn̰ kalaŋ ga Rɔm 5:4

Ɨni na, dɨbe-ɗugɔ kɨya dɔbɛ bandɨ kuduroyna. Hɨn̰ gɨ kuduroyna na waa bandɨ na, na kɨya ɨre osɨwa a cay ɨrɨmedɨna gɨŋ gɨ na bee a cay Kumu.

Magtubu di Pol wal bɨn̰ kalaŋ ga Rɔm 6:23

Kɨya wa hɨnga ga ni cay kɔbɔ da ɨsɨna le na tɨma, ama hɨnga ga ni bee-kalɨn̰ ga da Kumu le, na sɔmɛ-bɨra gɨ dan̰ tumoyi te bugoŋ pɨna dan̰ Jesu-Kɨris Ba-gulondɨna.

Kɔlɔs 1:27

Kumu haŋgɨ cɨn̰ kalaŋ ga woy dan̰ cɨndɨge a cay gusoŋ-tɔgɛ bɨ, a cay marɨna gɨ da hɨnga ga tumɔ wosɨ gusɨge duroy kalaŋ ga toyge na Jubɨ naŋ bɨ. Hɨnga ga da Kumu ga woy a kɨɗɨn̰ wɔsɛdɨge gaŋ le, na Kɨris gusi gɨ som a kuduroygɨŋ. Ban kɨya bɨgɨŋ hɨnga ga kɨŋ kɨya bogɨn̰ ɨrɨmedɨgɨŋ cay nee ga kɨya orɨn̰ danagɨŋ a gusoŋ-tɔgɛ koyi gɨŋ bɨ.

1 Tesalonigɨ 2:15

Jubɨn̰əŋ ga nee le, kan naa ba dɨɗege Ba-gulɔŋ Jesu bɨ, ka-yɔɔ-kɔl-gɨ-Kumu-ba-yɔɔ ga tumoyi bɨ, gɨlnige ni-gandi kalɨn̰ ma cɨn̰ tɔgɨ bɨ. Mondɨge kuduroy Kumu bɨ, bɨlege ka-baa ga da kalaŋ nɔm bɨ.

1 Tesalonigɨ 5:8

Ama na-gandi ga na kalaŋ ga da kɨɗɨn̰ ga woli le, kuɗa gɨ na ƴɨma gusɨna a cay hɨnga nɔm. Dɨbanagɨŋ badɨge ga ni kɨmbɨl ga na nare gɨ na aye kudurɔ bɨ, geye bɨ le a gusɨnagɨŋ, bɨ jagɨwa ga ni kɨmbɨl gɨ na bɔgɛ ɨrɨmedɨna cay pɔɗɛ gɨŋ le, cayna gɨŋ bɨ.

1 Timote 6:12

Wɨrɨn̰a wɔrɨn̰ɛ gɨ kuɗa gɨ da aye kudurɔ bɨ, ƴɨma sɔmɛ-bɨra gɨ dan̰ cɨndi gɨ Kumu ba teen̰ koldi le bɨ. Hɨn̰ gɨ ji ba yen̰ kɔl aye kudurɔ kon̰ kuɗa tumoy tɨmon̰ ga kondi gaŋ le.

1 Timote 6:19

Na hɨn̰ wo̰ ma kan kɨya dayɨn̰ge cay hɨnga wɔɔ ga kuɗa bɨ, ga cɨndi bɨ pɨna kɨya cay wɔlɛ gɨ wan̰do bɨ ɗe kan wan̰ge sɔmɛ-bɨra gɨ dan̰ cɨndi.

2 Timote 1:1

Na ɨŋ-bandi Pol, ba-gɨre-gɨye gɨ da Jesu-Kɨris gɨ dan̰ gɨyəŋ da kuduroy geye gɨ da Kumu. Beege gɨye gɨ ni tɔgɛ bɛrnɛ gɨ ojɨ cay sɔmɛ-bɨra gɨ dan̰ cɨndi gɨ Kumu ye gɨ ɗi na kɨya bɨni le kɔbɔŋ. Ni way sɔmɛ-bɨra gɨ cɨndi gɨ nee le, na kɨya cay bugoŋ pɨna dan̰ Jesu-Kɨris.

2 Timote 1:9

Na Kumu ba pɔɗɨna bɨ, tɔgɨna gɨ na na bɨləŋ kalaŋ kayi bɨ. Bɨ hɨn̰ gɨ Ban na laa na, ban laa na kɨya cay gɨye-lɔɔdɨna gɨ dan̰ durɔ naŋ. Ama na kɨya gɨ ban ojɨ hɨn̰ wo̰ dan̰ kuduroy geye koyi, kɨya cay ɗarwa toyi. Ɗarwa di nee le, ban bɨna na tumɔ ɓɨragɨ pa dɨm ma ban ɗen̰ hɨnga nɔm ƴee, dan̰ bugoŋ gɨ na bugoŋgɨŋ pɨna dan̰ Jesu-Kɨris.

2 Timote 2:10

Na toy di hɨn̰ wo̰ ma, maŋ ƴom kuduronɨ osu duroy tabɨ dɨŋ, kɨya cay kan ga Kumu torge le, ɗe gɨ kan na poɗɨn̰ge te bugoŋ pɨna dan̰ Jesu-Kɨris bɨ, wan̰ hɨnga nɔm ga na gusoŋ-tɔgɛ gɨ dan̰ cɨndi bɨ.

2 Timote 2:13

Hɨn̰ gɨ nana ɨr a cay te tumoynagɨŋ dɨŋ naŋ na, Ban na ɨre a cay te tumoyi dɨŋ, Kɨya wa ban ɓala lɔɔ hɨnga ga ɗaŋ, Ban̰di hɨnga ga andaŋ kɨbi le naŋ.

2 Timote 2:15

Ƴɨma kuduron̰ usa laan̰ gɨye an̰ ɨrɨn̰ tumoy Kumu, hɨn̰ ungo gɨ hɨnga ga ni same samii bɨ, ba-lɔɔ gɨye gɨ dasi daayi cay gɨye-lɔɔdi naŋ bɨ, hɨn̰ ungo gɨ ba-dɔrɛ kɔl gɨ cɨndi dan̰ gɨyəŋdi bɨ.

Titɨ 2:13

Naa wa wa kalɨn̰ ma, ojɨ gɨ na gama tumoy wolwa di na ba bee ɨrɨmedɨna cay nee di nee le hɨn̰ wo̰. Wɔlɛ gɨ nee gɨŋ le, gusoŋ-tɔgɛ gɨ da Kumu konagɨŋ gɨ gumu bɨ gɨ ba-poɗɨnagɨŋ bɨ, gɨ na Jesu-Kɨris le kɨya gɨle gusi doŋ.

Titɨ 2:7

Ji Titɨ, kalɨn̰ ma ji laa hɨnga ga ɗari ɗe kan ƴolɨn̰ge bɨ. Kuɗa gɨ hɨnga ga ni gɨle kan̰ wɨya na hɨnga ga ni gɨle ga duroŋ mɨra bɨ, ga koldɨge homɨn̰ bɨ.

Titɨ 3:7

Na hɨn̰ wo̰ ma, na bɨlegɨŋ kalaŋ ga dan̰ durɔ ɗɨngar dan̰ gɨyəŋ gɨ da ɗarwa toyi bɨ, na beegɨŋ ɨrɨmedɨnagɨŋ na cay Ba-gulondɨnagɨŋ gɨ na na kɨya wɔɔ hɨnga ga ni ban̰di-gulɔŋ gɨ na sɔmɛ-bɨra gɨ dan̰ tumoyi.

1 Ja̰ 2:25

Hɨnga ga Kumu ye gɨ ɗi na kɨya lɔɔ bɨna le ba kɛ: Na sɔmɛ-bɨra gɨ dan̰ tumoyi.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

Magtubu di Jud wal 1:21

Kɨŋ-gandi gusɨgɨŋ amagɨŋ gusɨgɨŋ ɨrɨn̰gɨŋ a cay geye gɨ Kumu geygɨŋ gɨŋ le, gaman̰ sɔmɛ-bɨra gɨ dan̰ tumoyi gɨ Ba-gulondɨna Jesu-Kɨris kɨya bɨna dan̰ gɨyəŋ gɨ da sɔlɛ cɨn̰-n̰age toyi le.

Wasɨn̰a 13:8

Kalaŋ nɔm ga a cay gɨsəŋ ga n̰ɨrege kɨmana le, kan ga n̰ɨrege kɨmana le, na kalaŋ ga tumɔ ɓɨrag a te ɗɔɔ gɨ da cay gɨsəŋ gaŋ kalɨn̰ ma, kan wala gusondɨge a duroy magtubu sɔmɛ-bɨra da kurɨn̰-dɨmangɨ gɨ kan walge tumoyi le naŋ.

Wasɨn̰a 17:8

Kɨmana gɨ ji ba sɨlgayi le, tumɔ ban woy nee. Ama haw kɛ ban unɔ. Ban kɨya sɔ a te umboŋ gɨ ɗɨgi mɨrɨg gɨ kagadi unɔ gɨŋ andɨgaŋ doŋ bɨ, ɔrɛ kɨɗɨn̰ mundoŋ gaŋ. Kalaŋ ga gusondɨge unɔ a duroy magtubu sɔmɛ-bɨra gɨŋ, ayɨn̰ toy gɨ ɗen̰ge cay gɨsəŋ le, kan kɨya sɔlɛ kɨmana le bɨ, kɔl kɨya kayge gɨɗaŋ kɨya wa a boy wɔlɛ gɨ tumɔ gɨŋ ban woy nee bɨ haw kɛ ban unɔ, ama ban kɨya jɨga.