Magtubu di Pol wal bɨn̰ kalaŋ ga Rɔm 9:6 - Gabri Maja

⁶ Kɨŋ ɗɔɔ ba se a ɨrɨmedɨgɨŋ gɨŋ gɨ hɨnga ga Kumu ba ye gɨ ɗi na kɨya lɔɔ bɨn̰ Ɨsɨrayɛl le, na bɨle naa hɨnga ga kalɨn̰ wo̰ dugo. Kɨya wa leen̰ cɨndi na, kalaŋ ga a te wɨn̰je gɨ da Ɨsɨrayɛl nɔm ma na Ɨsɨrayɛl ga leen̰ cɨndi naŋ.

Magtubu di Pol wal bɨn̰ kalaŋ ga Rɔm 9:6 ပူးပေါင်းရင်းမြစ်များ

Matɨyo 24:35

Gɨɗɨgɨ-Kumu dan̰ cay gɨsəŋ kɨya pɨdege, ama kɔl hɨnge na, kɨya pɨde naŋ bɨrɨŋ.

Kɔl-gɨ-Ɗari gɨ Ja̰ wal 1:47

Jesu sol Natanɨyɛl ɨrga jɨn̰ gusi ɨni na, ban ye koldi ye hɨn̰: «Kɨye gɨ Ɨsɨrayɛl gɨ leen̰ cɨndi ba kɛ, ban na ba-nare-cɨn̰ ungo naŋ.»

Kɔl-gɨ-Ɗari gɨ Ja̰ wal 10:35

Gasɨn̰-kɔl na tɨga kan ga yegege kɔl gɨ da Kumu “kumun̰əŋ” na, na solgɨŋ gɨ hɨnga ga woy duroy Magtubu di da Kumu dɨŋ le, pɨna wo̰ kalɨn̰ ma na kɨya mundoŋ naŋ.»

Magtubu di Pol wal bɨn̰ kalaŋ ga Rɔm 3:3

Ama hɨn̰ gɨ kan ga pɨna na bɨlge kardɨge bɨn̰ Kumu na, kɛ na kɨya yɔ na mɨna coŋ ga? Kɛ bɨle kardɨge gɨ kan bɨle bɨn̰ Kumu le, kɨya nare Kumu ɨre a cay tɨbayi dɨŋ ga?

Magtubu di Pol wal bɨn̰ kalaŋ ga Rɔm 9:4

Kan na te wɨn̰je gɨ da Ɨsɨrayɛl. Na kan ma na te wɔɔ gɨ Kumu torge ɗe na bɨlege karɨn̰ Kumu bɨ, na kan ma ban gɨlge gusoŋ-tɔgɛ koyi bɨ, na kan ma ban saɗɨ kɨbi pɨna danage bɨ, na kan ma ban bɨge gasɨn̰-kɔl kayi bɨ, na kan ma ban gɨlge gɨyəŋ gɨ ni n̰ɨrii bɨ, na kan ma ban yege kɔl hɨnga ga ɗi na kɨya bɨge bɨ.

Galad 6:16

Kuɗa gɨ gusi-dɔbɛ bɨ, sɔlɛ cɨn̰-n̰age da Kumu bɨ, baa dan̰ kalaŋ nɔm ga gɨye-lɔɔdɨge woy hɨn̰ ban gɨ ɨŋ ba gɨlge wo̰ bɨ, baa dan̰ Ɨsɨrayɛl di hɨrɨwa di ban ɗe bɨ.

Pilib 3:3

Kan yege gɨ ke naa ka-wale ban̰a, ama na ni-gandi ma na ka-wale ban̰a ga leen̰ cɨndi. Kɨya wa ni-gandi ni lee gɨye bɨn̰ Kumu na dan̰ gɨyəŋ gɨ da Turnɔ ɗe-kuduroy-bɛrɛ bɨ, ni de jorgɨyni na te bugoŋ pɨna dan̰ Jesu-Kɨris bɨ, ni bɨga kuduroyni na a cay hɨnga ga uja cay kuyoŋdi-gusɨni gɨŋ naŋ bɨ.

2 Timote 2:13

Hɨn̰ gɨ nana ɨr a cay te tumoynagɨŋ dɨŋ naŋ na, Ban na ɨre a cay te tumoyi dɨŋ, Kɨya wa ban ɓala lɔɔ hɨnga ga ɗaŋ, Ban̰di hɨnga ga andaŋ kɨbi le naŋ.