Magtubu di Pol wal bɨn̰ kalaŋ ga Rɔm 9:5 - Gabri Maja

⁵ Na kan ɗaŋ coŋ ma na kongɨn̰i mon̰ina Abɨraham. Kɨɗɨn̰ ga Kɨris bɨləŋ ungo gɨ ɨndi le, kan wooyge na a te wɨn̰je koge kan gaŋ. Ban som a cay hɨnga nɔm bɨ, ban na Kumu gɨ kalaŋ nɔm kɨya hɨramiige dan̰ tumoyge bɨ. Ɗa-ɗe-woy-hɨn̰-wo̰!

Magtubu di Pol wal bɨn̰ kalaŋ ga Rɔm 9:5 ပူးပေါင်းရင်းမြစ်များ

Matɨyo 28:20

Kɨŋ gɨlge hɨnga nɔm ga ɨŋ gɨlgɨŋ gɨ kɨŋ na laa le. Bɨ sɨlagɨŋ gɨ ɨŋ-bandi ɨŋ na baa danagɨŋ dan̰ wɔlɛ pɨna pɨna bɨrɨŋ gɨsɨn̰ gɨ cay gɨsəŋ toyge kɨya ayaŋ.»

Matɨyo 6:13

Ji ɗɔɔ ba ɗoni ɔrɛ kɨbɨ hɨnga ga ni gɨybe gaŋ naŋ, Ama dɨrani kɨbɨ hɨnga ga ɨsɨni ga sayga gusi Haban̰. [Kɨya wa dɔɔ-ƴaa bɨ, dɔnɔ bɨ, gusoŋ-tɔgɛ bɨ, na hɨnga kan̰ ɨlge dan̰ ɨlge. Ɗa-ɗe-woy-hɨn̰-wo̰!]

Kɔl-gɨ-Ɗari gɨ Lug wal 20:44

Kɨlma Dabid kalɨn̰ ma, te Kɨris ban gɨ Kumu dori le “Ba-gulonɨ.” Ma kɛ, na mɨna ma Kɨris le, gɨ bɨle kungay kɨlma Dabid coŋ ga?»

Kɔl-gɨ-Ɗari gɨ Ja̰ wal 10:30

Ɨŋ-bandi dan̰ Banɨ le, ni na pɨna hani.»

Gɨye-lɔɔ 20:28

Sɨgɨŋ muɗɔlɛ cay gusɨgɨŋ gɨŋ bɨ, a cay kalaŋ ga Turnɔ ɗe-kuduroy-bɛrɛ ba beege kobɨgɨŋ hɨn̰ gamge wo̰ bɨ le. Aban̰gɨŋ Ka-Daye ga da Kumu ga ban kɨlge dan̰ kɨbardi gusi koyi hɨn̰ ba sɔlɛ kardi gamge wo̰ le.

Gɨye-lɔɔ 3:13

Kumu gɨ da mon̰inagɨŋ le, na Kumu gɨ da Abɨraham bɨ, Isag bɨ, Jagob bɨ, ban dɨbɨ gusoŋ-tɔgɛ cay marɨna ba-gɨye koyi Jesu, ban gɨ kɨŋ ba dobii kobɨ Piladɨ bɨ, kɨŋ kan̰ii tumoy Piladɨ kɨɗɨn̰ ga Piladɨ ba gey ɗoyi daa le.

Magtubu di Pol wal bɨn̰ kalaŋ ga Rɔm 1:25

Kan kɨlangɨge kɔl gɨ da Kumu gɨ cɨndi dan̰ kɔl poy. Kan n̰ɨrge kandɨ se ga da Kumu bɨ leege gɨye bɨge bɨ. Kumu gɨ ba se hɨnga nɔm le kan n̰ɨriige naŋ, ama ojɨ gɨ na ban ma kan ni kɨya hɨramiige dan̰ tumoyge bɨ. Ɗa-ɗe-woy-hɨn̰-wo̰.

Magtubu di Pol wal bɨn̰ kalaŋ ga Rɔm 1:3

Kɔl-gɨ-Ɗari gɨ nee le kan walge ojɨn̰ na cay Ba-gulondɨna Jesu-Kɨris Kurɨn̰-Kumu. Kɨɗɨn̰ ga ban lee gusi leen̰ ungo gɨ ɨndi na, kan wooyge na a te wɨn̰je gɨ da kɨlma Dabid gɨŋ.

Magtubu di Pol wal bɨn̰ kalaŋ ga Rɔm 10:12

Lee gɨ hɨnga ga ba kɨya dɔrɛ cɨn̰ kalaŋ ga toyge na Jubɨ ba kɛ naŋ le, kalaŋ ga toyge na Jubɨ naŋ ba kɛ le unɔ. Kan nɔm le, Ba-gulondɨge na pɨna hayi. Waŋ waŋ gɨ na tɨga gusondi na, ban kɨya wɔɔ ɗarwa danayi gɨɗaŋ bɨ.

Magtubu di Pol wal bɨn̰ kalaŋ ga Rɔm 11:28

Gɨ ojɨ cay Kɔl-gɨ-ɗari na, te wɨn̰je gɨ da Ɨsɨrayɛl woyge na ka-baa ga da Kumu kol cay ɗarwa togɨŋ kɨŋ-gandi ga na Jubɨ naŋ. Ama ojɨn̰ cay dɔrɛ gɨ Kumu dorgɨŋ na, Kumu lee-toyige kol cay mon̰iige.

1 Korɛ̰t 14:16

Hɨn̰ gɨ ji na laan̰ Kumu ho’o naa dan̰ kɨbɨ gɨ toy kan̰di ƴɔbɨ na, ungo gɨ kalɨn̰ gɨ som duroy Ka-Daye ma sɨla duroy naŋ na kɨya dɨbɨn̰ cay nee yon̰ hɨn̰: «Ɗa-ɗe-woy-hɨn̰-wo̰» na mɨna ga?

2 Korɛ̰t 11:31

Ba-gulɔŋ Jesu Bayi, Kumu, ban gɨ ojɨ gɨ kalaŋ nɔm na hɨramayige dan̰ tumoyge le, sol gɨ kɔl hɨnge naa poy naŋ.

1 Timote 3:16

Na cɨndi, gɨye-lɔɔ gɨ bugoŋ pɨna dan̰ Kumu gɨ woy kɨɗɨn̰ wɔsɛdi gɨŋ le, gumu tɔgɨ. Kɨris bɨləŋ ungo, gɨl gusi ɗe kalaŋ soliige, Turnɔ di da Kumu haŋgɨ cɨn̰ kalaŋ cay nee, Gɨ ban naa ungo gɨ dan̰ durɔ bɨ, Ka-ƴɔbɛ ga daa nii soliige bɨ, Kalaŋ teege bɛrnɛdi duroy te wɔɔ gɨ da kalaŋ bɨ, Kalaŋ beege kuduroyge cayi a cay gɨsəŋ gaŋ kɛ bɨ, Kumu ayi orɨn̰ danayi daa nii duroy gusoŋ-tɔgɛ gɨŋ bɨ.

1 Timote 6:15

Ban kɨya gɨle gusi doŋ na duroy tɨwa di Kumu ba ojɨ ɨni. Na Ban pɨna hayi ma na Ba-cay hɨnga bɨ, Kumu gɨ orɨn̰ dan̰ tumoy wolwa bɨ, Kɨlma cay kɛrɨmbɛlɛŋ bɨ, Ba-gulɔŋ cay ba-gulɔŋn̰əŋ bɨ.

2 Timote 2:8

Kuɗa gɨ ji hɨn cay Jesu-Kɨris ban na a te wɨn̰je gɨ da Dabid gɨ boy lɨbɨ duroy kalaŋ ga madɨrdaŋ gaŋ, hɨn̰ gɨ Kɔl-gɨ-Ɗari gɨ ɨŋ ba tee bɛrnɛ di le ba gɨlna.

Əbɨro 7:24

Ama gɨye-lɔɔ bɔgɛ kɨbar gɨ da Jesu le, ungo kɨya ƴɔɔ ban̰di nee naŋ bɨrɨŋ. Kɨya wa ban som-bɨra dan̰ tumoyi.

1 Ja̰ 5:20

Na solgɨŋ gɨ Kurɨn̰-Kumu caga bɨ, ban ɗe cay nagɨŋ woy bɨra, ɗe ana na solɨn̰gɨŋ Kumu gɨ hɨnde bɨ. Na bugoŋgɨŋ pɨna dan̰ Kumu gɨ hɨnde na dan̰ gɨyəŋ gɨ da Kurondi Jesu-Kɨris. Ban na Kumu gɨ hɨnde bɨ, na sɔmɛ-bɨra gɨ dan̰ tumoyi bɨ.

Wasɨn̰a 1:18

Ɨŋ-bandi le, ɨŋ na ba-sɔmɛ-bɨra. Tumɔ ɨŋ ma, ama haw kɛ na ɨŋ som-bɨra, ɨŋ kɨya mare naŋ bɨrɨŋ ɨni. Ɨŋ orɨn̰ dan̰ dɔnɔ a cay tɨma dɨŋ bɨ, a cay dɔɔ-ƴaado dɨŋ bɨ.

Wasɨn̰a 22:16

Ɨŋ-bandi Jesu, ɨŋ gɨy dan̰ ba-ƴɔbɛ hɨnge gɨ daa nii kol caygɨŋ kɨŋ-gandi Ka-Daye ɗe agɨŋ na jen̰ tɨmon̰ di da hɨnga nɔm ga woy a duroy magtubu di kɛ dɨŋ le. Ɨŋ na kungay Dabid bɨ kɨlma gɨ a te wɨn̰je koyi gɨŋ bɨ. Ɨŋ na turɨmbɔlɔ di asɨn̰ dan̰ tɔgɔɔ bɨ.

Wasɨn̰a 22:20

Jesu ba lɔɔ tɨmon̰ di da kɔl nɔm gɨ da hɨnga ga kɛ le ye hɨn̰: «Ho’o, ɨŋ tɨlga mɨnde nee.» Ɗa-ɗe-woy-hɨn̰-wo̰! Marana ta, Ba-gulɔŋ Jesu, ɨre.

Wasɨn̰a 5:14

Kandi-se ga gɨɗɨgɨ-Kumu gaŋ ga poɗɨn̰ le, dɨbɨge cay nee yen̰ge hɨn̰: «Ɗa-ɗe-woy-hɨn̰-wo̰!» Kɨɗɨn̰di ga nee gaŋ le bɨ ka-muɗɔlɛ le poyge gɨbayge dugo n̰ɨriige.