Magtubu di Pol wal bɨn̰ kalaŋ ga Rɔm 8:38 - Gabri Maja

³⁸ Ho’o, ɨŋ sol kuɗa gɨ na tɨma naŋ bɨ, sɔmɛ-bɨra naŋ bɨ, ka-ƴɔbɛ ga daa nii naŋ bɨ, gɨmdəŋ ga da turnɔ ga ɨsɨndəŋ naŋ bɨ, hɨnga ga a jaman di haw kɛ dɨŋ naŋ bɨ, a jaman di ba kɨya ɨrga dɨŋ naŋ bɨ, dɔnɔn̰əŋ ga a cay gɨsəŋ gaŋ kɛ naŋ bɨ,

Magtubu di Pol wal bɨn̰ kalaŋ ga Rɔm 8:38 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 10:28

Ɨŋ-bandi, ɨŋ bɨge habe gɨ ni somɨn̰-bɨra dan̰ cɨndɨge, lee gɨ kan kɨya mundoŋge naŋ bɨrɨŋ. Ungo gɨ ba kɨya ɓale dorge kɔbɔŋ unɔ.

Magtubu di Pol wal bɨn̰ kalaŋ ga Rɔm 14:7

Na cɨndi, ungo pɨna wo̰ duroyna gɨ ba-sɔmɛ-bɨra kɨya cay gusi koyi ƴɔbɨ wala, mare kɨya cay gusi koyi ƴɔbɨ le, unɔ bɨrɨŋ.

Magtubu di Pol wal bɨn̰ kalaŋ ga Rɔm 14:8

Hɨn̰ gɨ na na sɨmagɨŋ-bɨra kalɨn̰ ma, na somgɨŋ-bɨra na kɨya cay Ba-gulɔŋ bɨ. Hɨn̰ gɨ na na mara naa mare kalɨn̰ ma, na magɨŋ na kɨya cay Ba-gulɔŋ bɨ. Na toy di hɨn̰ wo̰ ma, hɨn̰ gɨ na na sɨmagɨŋ-bɨra wala maragɨŋ kalɨn̰ ma, na na ga da Ba-gulɔŋ.

Magtubu di Pol wal bɨn̰ kalaŋ ga Rɔm 4:21

Ban sol kuɗa gɨ hɨnga ga Kumu ye gɨ ɗi na kɨya lɔɔ bii le, ban na orɨn̰ dan̰ dɔnɔ di ni leen̰ bɨ.

Magtubu di Pol wal bɨn̰ kalaŋ ga Rɔm 6:23

Kɨya wa hɨnga ga ni cay kɔbɔ da ɨsɨna le na tɨma, ama hɨnga ga ni bee-kalɨn̰ ga da Kumu le, na sɔmɛ-bɨra gɨ dan̰ tumoyi te bugoŋ pɨna dan̰ Jesu-Kɨris Ba-gulondɨna.

1 Korɛ̰t 15:24

Gɨ nee le ma na kagadi wɔlɛ kɨɗɨn̰ ga Kɨris kɨya mɔndɛ dɔɔ-ƴaan̰əŋ nɔm bɨ, ka-dɔɔ-ƴaan̰əŋ nɔm bɨ, kɨya mɔndɛ dɔnɔ di da turnɔn̰əŋ ga ɨsɨndəŋ nɔm bɨ, jogɨn̰ dan̰ dɔɔ-ƴaa gɨ ni dɔbɛ kobɨ bayi Kumu le.

2 Korɛ̰t 11:14

Gɨ nee le, na kɔl gɨ kɨya kaye ungo sɛl sɛl naŋ, kɨya wa Sidan guso kɔɔ kalɨn̰ ma lee guso gɨlɨn̰ hɨn̰ ba-ƴɔbɛ gɨ daa nii gɨ asɨn̰ wo̰.

2 Korɛ̰t 4:13

Walge duroy Magtubu di da Kumu dɨŋ yege hɨn̰: «Ɨŋ bee kuduronɨ cay nee, na toy di hɨn̰ wo̰ ma maŋ yen̰ kɔl.» Ni-gandi kalɨn̰ ma ni orɨn̰ dan̰ aye kudurɔ gɨ gɨlɨn̰ hɨn̰ aye kudurɔ gɨ nee le bɨ. Ni-gandi ni bee kuduroyni cay nee, na toy di hɨn̰ wo̰ mani yen̰ kɔl.

Epɛs 1:21

Ban si a cay Ka-dɔɔ cay ƴaa gaŋ bɨ, cay kalaŋ ga gusondɨge ye bɨ, cay Dɔnɔn̰əŋ bɨ, cay hɨnga nɔm ga orɨn̰ dan̰ dɔnɔ naŋ le tɨrɨmbala bɨ, cay gusoŋ nɔm bɨ, na a cay gɨsəŋ gaŋ kɛ ƴɔbɨ naŋ, ama a cay gɨsəŋ ga hɨrɨwa ga kɨya ɨrga nee bɨ.

Kɔlɔs 1:16

Leen̰ cɨndi na, Kumu ɗe hɨnga nɔm Ga gɨɗɨgɨ-Kumu gaŋ bɨ, ga a cay gɨsəŋ gaŋ bɨ. Ban lee hɨnga ga kalaŋ ɓalge sɔlɛ dan̰ tɨdɨge bɨ, hɨnga ga kalaŋ ɓalage sɔlɛ dan̰ tɨdɨge naŋ bɨ, na dan̰ gɨyəŋ gɨ da Kurondi. Ga na kali-tɨrɨmbalan̰əŋ bɨ, Hɨnga nɔm ga orɨn̰ dan̰ dɔnɔ dan̰ tɨrɨmbala bɨ, Dɔnɔ ga ka-dɔɔ cay ƴaan̰əŋ bɨ, Kalaŋ ga gusondɨge ye bɨ. Kumu ɗege nɔm na dan̰ gɨyəŋ gɨ da Kurondi bɨ, Na kol cayi ban bɨ.

Kɔlɔs 2:15

Na hɨn̰ wo̰ ma Kumu mondɨn̰ dɔnɔ ga ɨsɨndəŋ ga ka-dɔɔ cay ƴaa bɨ, ga na ka-gulɔŋ hɨnga nɔm bɨ. Ban dɨbɨ dasi cayge cɨn̰ kalaŋ nɔm. Ban ay banga cayge a cay sɨya-gɨ-dagɨli gɨŋ bɨ, leege hɨn̰ ka-dangayn̰əŋ ga da kɨmbɨl gɨ kan gorɨn̰ danage a te gɨyəŋ gɨŋ wo̰.

2 Timote 1:12

Na toy di hɨn̰ wo̰ ma, hɨnga ga ni tabɨ ga nee le ləŋ, ama dasi daŋ koldɨge naŋ. Kɨya wa ɨŋ sol ungo gɨ ɨŋ ay kuduronɨ bii bɨ, ɨŋ sol kuɗa gɨ ban ɓal ame hɨnga ga ban day bəŋ kɔbɔŋ le, bɨrɨŋ gɨsɨn̰ wɔlɛdi gɨ ni bon̰ kɔl gɨŋ.

Əbɨro 11:13

Kalaŋ ga jɨne ga nee le nɔm mage na dan̰ aye kudurɔ koge. Dɨle wɔɔge hɨnga ga Kumu ye gɨ ɗi na kɨya bɨge le, ama kan solge mandɨge na hen̰ te ɨrga bɨ leen̰ge gusi-mɔwa koldɨge bɨ. Lee gɨ kan yege leen̰ cɨndi gɨ ke naa kɨrge bɨ ka-sɔmɛ cay tɨbayge dɨŋ bɨ.

1 Pɨyɛr 3:22

Jesu le say or a gɨɗɨgɨ-Kumu gɨŋ bɨ, som haw kɛ durdi Kumu a cay kobi gɨ bara gɨŋ bɨ. Ban som nee din̰-ƴaa a cay ka-ƴɔbɛ ga daa nii bɨ, cay ka-dɔɔ cay ƴaa ga ɗaŋ ga a gɨɗɨgɨ-Kumu gaŋ bɨ, cay ka-dɔnɔn̰əŋ ga gɨɗɨgɨ-Kumu gaŋ bɨ.