Magtubu di Pol wal bɨn̰ kalaŋ ga Rɔm 8:37 - Gabri Maja

³⁷ Ama ban gɨ ba geyna le, lee gɨ na ay banga di ɗɨn̰ kɨɗɨn̰ a duroy hɨnga ga nee gaŋ le nɔm.

Magtubu di Pol wal bɨn̰ kalaŋ ga Rɔm 8:37 ပူးပေါင်းရင်းမြစ်များ

Kɔl-gɨ-Ɗari gɨ Ja̰ wal 16:33

Ɨŋ yəgɨŋ hɨnga nɔm ga nee le, na ɗe gɨ agɨŋ na wan̰ gusi-dɔbɛ gusɨnɨ. Leen̰ cɨndi na, dɔsɛ-ɗugɔ kɨya woogɨŋ a cay gɨsəŋ gaŋ kɛ. Ama ƴɨmagɨŋ kuduroygɨŋ usa. Kɨya wa ɨŋ ay banga a cay dɔnɔ di da cay gɨsəŋ ɨni.»

Magtubu di Pol wal bɨn̰ kalaŋ ga Rɔm 8:35

Kɛ geye gɨ Jesu-Kɨris ba geyna le, na wa ba kɨya poyina dugo danayi ga? Kɛ na hɨnga ga ni dɔsɛ-ɗugɔ wala, hɨnga ga osɨdəŋ osɨdəŋ wala, gɨle gɨ gɨlnage-cɨn̰ wala, kurɔŋ wala, ɔrɛ toyina kalɨn̰ wala, hɨnga ga dɨmbɨrdəŋ wala, pəlɨm ba kɨya poyina dugo danayi ga? Hɨnga pɨna wo̰ ga ba kɨya poyina dugo danayi unɔ.

1 Korɛ̰t 15:54

Kɨɗɨn̰ ga kuyoŋdi-gusɨna gɨ ba kɨya ɔsɨn̰ɛ na dɨba ban gɨ ba kɨya ɔsɨn̰ɛ naŋ bɨ, ban gɨ ba kɨya mare na dɨba ban gɨ ba kɨya mare naŋ bɨ ɨni na, na kɨɗɨn̰ ga nee le ma kɔl gɨ walge a duroy Magtubu di da Kumu dɨŋ kɨya ɔrɛ kɨɗɨn̰dɨge gaŋ: «Banga ƴom kɨbɨ tɨma yɔd coŋ ɨni.»

1 Korɛ̰t 15:57

Ɗa gɨ na laan̰ Kumu gɨ ba bɨna banga dan̰ gɨyəŋ gɨ da Ba-gulondɨna Jesu-Kɨris le ho’o.

2 Korɛ̰t 12:19

Gajanaŋ kɨŋ da yɔ a kuduroygɨŋ gɨ ɨŋ ni na ye kɔl gɨ nee le nɔm na kɨya ƴon̰ naa cayni toni gaŋ a tumoygɨŋ. Naŋ, na hɨn̰ wo̰ naŋ. Ni yəgɨŋ kɔl na te bugoŋ pɨna dan̰ Kɨris tumoy Kumu. Ay karmɨni ga ni lee-toygɨŋ, hɨnga nɔm ga ni ba lee le, na kol caygɨŋ ƴɔbɨ ɗe agɨŋ na malgɨn̰ te aye kudurɔ gɨŋ.

2 Korɛ̰t 12:9

Ama Ba-gulɔŋ yəŋ hɨn̰: «Ɗarwa tɨnge ɓalɨn̰. Dɔnɔ tɨnge kɨya gɨle guso ɗəndəŋ gusi ungo gɨ ɨran̰ dan̰ dɔnɔ naŋ.» Na toy di hɨn̰ wo̰ ma ɨŋ kɨya gɨle gusɨnɨ dan̰ gusi-mɔwa gɨɗaŋ cay dɔnɔ di ɨŋ ɨran̰ naŋ, ɗe dɔnɔ di da Kɨris gɨl guso doŋ kol canɨ.

2 Korɛ̰t 2:14

Kumu gɨ ba lɔɔ gɨ na ay banga dan̰ tɨwa nɔm kol bugoŋ gɨ na bugoŋ pɨna dan̰ Kɨris le, ɨŋ leeyi ho’o. Kumu lee gɨ ni or tɔgɛ bɛrnɛ di da Kɔl-gɨ-Ɗari a kɨɗɨn̰ gaŋ nɔm bɨn̰ kalaŋ ɗe solɨn̰ge te sarnay Kɨris. Te sarnay Kɨris gɨ kalaŋ sol le, woy gɨlɨn̰ na hɨn̰ sɔŋ ɨdɨr gɨ tɨnadi ɗɔ̰ kuɗa ƴee kɨɗɨn̰ nɔm wo̰.

Galad 2:20

Ɨŋ som dan̰ cɨnɨ haŋge ama na ɨŋ-bandi naŋ, na Kɨris ba-sɔmɛ dan̰ cɨndi a kuduronɨ. Kɨya wa sɔmɛ hɨnge hɨn̰ ungo gɨ ɨndi haw kɛ na, ɨŋ som na kɨya aye gɨ ɨŋ ay kuduronɨ bɨn̰ Kurɨn̰-Kumu. Ban geyəŋ kɨya wa ban ɗe gusi bɨn̰ tɨma ban̰nɨ.

Epɛs 5:2

Sɨmagɨŋ duroy geye gɨŋ, hɨn̰ gɨ Kɨris ba geynagɨŋ bɨ ayɨn̰ gusi bɨn̰ Kumu kol cay nagɨŋ hɨn̰ hɨnga ga ni bee bɨ, hɨnga ga ni bogɨn̰ kɨbar bɨ, ga gasɨmdɨge mon̰ Kumu le.

2 Tesalonigɨ 2:16

Bayna Kumu geyna bɨ, ban bɨna hɨnga ga ka-dɔbɛ bandɨ kuduroyna ga ka-wɔyɛ dan̰ tumoyge kalɨn̰ bɨ, hɨnga ga ni bogɨn̰ ɨrɨmedɨna cay nee ga osu bɨ. Ni ɨngɨrɨn̰ Kumu bɨ Ba-gulondɨna Jesu-Kɨris dan̰ gusi koyi bɨ,

1 Ja̰ 4:10

Gɨyəŋ gɨ da geye gɨ da Kumu le ba kɛ: Na na-gandi ba geye Kumu tumɔ naŋ, ama na ban ba geyna tumɔ ma gɨyɨn̰ dan̰ Kurondi ɗe ɨrga. Kurondi le, ɗe gusi bɨn̰ tɨma leen̰ hɨnga ga ni bogɨn̰ kɨbar, kol cay nagɨŋ na toy di hɨn̰ wo̰ ma Kumu ɗen̰ kuduroyi jal a cay ɨsɨna konagɨŋ.

1 Ja̰ 4:19

Na-gandi na, na geygɨŋ Kumu bɨ kamdɨnagɨŋ bɨ, kɨya gɨ na ban ba geynagɨŋ cay wase.

1 Ja̰ 4:4

Ay, karɨnɨ kange, kɨŋ na ga da Kumu, kɨŋ boy-kɨmbɨl a cay ka-yɔɔ-kɔl-gɨ-Kumu-ba-yɔɔ ga cɨndi naŋ le ɨni, kɨya gɨ ban gɨ som a kuduroygɨŋ le, gumu ɗɨn̰ ban gɨ som a cay gɨsəŋ gaŋ.

Magtubu di Jud wal 1:24

Na cɨndi Kumu na ba tɔgɨ bɨ, ban ɓal gamgɨŋ ɗe agɨŋ cangɨn̰ daa te gɨyəŋ gɨŋ coŋ naŋ bɨ. Ban ba kɨya orɨn̰ danagɨŋ a kɨɗɨn̰ ga masadɨge unɔ ga ban ɨre nee gaŋ ga orɨn̰ dan̰ gusoŋ-tɔgɛ cɨrab, dan̰ gusi-mɔwa di gumu tɔgɨ.

Wasɨn̰a 1:5

Kuɗa gɨ Jesu-Kɨris ba lɔɔ tɨmon̰ gɨ ɨre a cay tɨbayi dɨŋ le, bɨgɨŋ ɗarwa bɨ, gusi-dɔbɛ bɨ. Jesu-Kɨris le, na ban pɨna hayi ma na ungo gɨ cay wase cɨg cɨg gɨ boy lɨbɨ duroy kalaŋ ga madɨrdaŋ gaŋ. Ban na kɨlma gɨ ba-dɔɔ cay kɛrɨmbɛlɛŋ ga a cay gɨsəŋ gaŋ kɛ. Ban geynagɨŋ bɨ, dornagɨŋ a kobɨ guyɔŋdu di da ɨsɨna konagɨŋ gɨŋ bɨ, dan̰ gɨyəŋ gɨ ni kɨbardi bɨ.

Wasɨn̰a 12:11

Ama karmiinagɨŋ, Ga ban̰aŋ dan̰ ga kandɨ le, Boyge kɨmbɨl na dan̰ gɨyəŋ, Gɨ da kɨbardi kurɨn̰-dɨmangɨ bɨ Na dan̰ gɨyəŋ gɨ da kɔl, Gɨ kan leen̰ge tɨmon̰ bɨ. Kan geyge Ba-gulondɨge tɔgɨ, Ɗɨn̰ kuyoŋdi-gusɨge Lee gɨ hɨndaran̰ge tɨma naŋ bɨrɨŋ.

Wasɨn̰a 17:14

Kan kɨya dɨbe kɨmbɨl dan̰ Kurɨn̰-dɨmangɨ le, ama Kurɨn̰-dɨmangɨ kɨya bɔyɛ kɨmbɨl cayge kɨya wa ban ƴɔbɨ ma na Ba-gulɔŋ gɨ a cay ba-gulɔŋn̰əŋ bɨ, kɨlma gɨ a cay kɛrɨmbɛlɛŋ bɨ. Kan ga ban teege bɨ, kan ga ban torge bɨ, kan ga ɨrege cay tɨbayge dɨŋ bɨ le, kɨya bɔyɛge-kɨmbɨl danayi bɨ.»

Wasɨn̰a 21:7

Waŋ waŋ gɨ na aya banga na, tɔrɛ-kɨbɨ gɨ nee le nɔm na hɨnga kayi ga ni ban̰di-gulɔŋ. Ɨŋ kɨya bɨle Kumu koyi bɨ, ban kɨya bɨle kuronɨ bɨ.

Wasɨn̰a 3:9

Sɨlagɨŋ, kan ga yege gɨ ke naa Jubɨn̰əŋ ama kan na Jubɨn̰əŋ naŋ le, kan olge Kumu duroy ƴaa-daye-di-da-Jubɨn̰əŋ hage ama leen̰ cɨndi na, kan na ka-poy, kan na ƴaa-daye di da Sidan. Kan ga nee le na, ɨŋ kɨya lɔɔ gɨ kan kɨya ɨrga gusɨgɨŋ bɨ, pɔyɛ gɨbayge dugo tumoygɨŋ bɨ ɗe kan solɨn̰ge hɨn̰ gɨ ɨŋ na geygɨŋ wo̰ bɨ.