Magtubu di Pol wal bɨn̰ kalaŋ ga Rɔm 8:29 - Gabri Maja

²⁹ Kɨya wa kalaŋ ga Kumu torge tumɔ ɓɨrag hage ɨni le, ban ojɨ tumɔ ɓɨrag hayi gɨ ni lɔɔ ɗe gɨ kan na gɨlɨn̰ dan̰ Kurondi Jesu wo̰, hɨn̰ wo̰ na Kurondi kɨya bɨle wɔyɛ gɨ esi dan̰ karmii ga ban̰aŋ dan̰ ga kandɨ ga dan̰ kondiige danayi.

Magtubu di Pol wal bɨn̰ kalaŋ ga Rɔm 8:29 ပူးပေါင်းရင်းမြစ်များ

Matɨyo 12:50

Kɨya wa waŋ waŋ gɨ na laa kuduroy-geye gɨ da Banɨ gɨ a daa nii na, ban gɨ nee le ma na kurɨnɨ bɨ, tɨmnɨ bɨ, ƴonɨ bɨ.»

Matɨyo 25:40

Ɨni na, kɨlma kɨya dɨbɨge cay nee yoge hɨn̰: “Aŋ yəgɨŋ daa waŋ na cɨndi: Dan̰ wɔlɛ nɔm gɨ kɨŋ lee hɨnga ga nee le, dan̰ ungo pɨna gɨ a duroy karmɨnɨ ga n̰ən̰əŋ ga woyge kɛ le na, kɨŋ lee na danaŋ ɨŋ-bandi gusɨnɨ.”

Matɨyo 28:10

Ɨni na, Jesu yege hɨn̰: «Hundɔrɔgɨŋ naŋ. Ɨragɨŋ yon̰ karmɨnɨ gɨ kan na ɨra a cay gɨsəŋ ga Galile gaŋ: Na a nee ma kan kɨya sɔlɔŋge.»

Matɨyo 7:23

Ɨni na, ɨŋ kɨya yoge daa waŋ hɨn̰: «“Ɨŋ sɨlagɨŋ naŋ bɨrɨŋ, ɨragɨŋ walaŋ sɛdɨ kɨbɨnɨ coŋ, kɨŋ ga ka-lɔɔ ɨsɨna!”

Kɔl-gɨ-Ɗari gɨ Ja̰ wal 17:16

Kan na kalaŋ ga a cay gɨsəŋ gaŋ naŋ, hɨn̰ gɨ ɨŋ-bandi kalɨn̰ ma, ɨŋ na ungo koge gɨ a cay gɨsəŋ gaŋ naŋ bɨ.

Kɔl-gɨ-Ɗari gɨ Ja̰ wal 17:19

Ɨŋ ay gusɨnɨ hɨnge ɨŋ-bandi si dan̰ cɨndi kɔl cayge, ɗe gɨ kan kalɨn̰ ma na wɨyage dan̰ cɨndɨge dan̰ gɨyəŋ gɨ da kɔl gɨ cɨndi bɨ.»

Kɔl-gɨ-Ɗari gɨ Ja̰ wal 17:26

Ɨŋ lee gɨ kan solɨn̰ge bɨ, ɨŋ kɨya jɔgɛ lɔɔ ɗe kan solɨn̰ge gɨɗaŋ nee coŋ. Ɗe gɨ geye gɨ ji ba geyəŋ le, kan kalɨn̰ ma na geyge kamdɨge hɨn̰ wo̰ bɨ, ɗe gɨ aŋ woy kuduroyge bɨ.

Kɔl-gɨ-Ɗari gɨ Ja̰ wal 20:17

Jesu jɨga yoo hɨn̰: «Ɨsɨbəŋ naŋ, kɨya wa ɨŋ ɨra a gusi Banɨ naŋ ƴee. Kɛɛ me-hɨndi na, ɨra wayan̰ karmɨnɨ bɨ, yage gɨ ɨŋ or na gusi Banɨ gɨ na Baygɨŋ bɨ, gusi Kumu hɨnge gɨ na Kumu kogɨŋ bɨ le.»

Magtubu di Pol wal bɨn̰ kalaŋ ga Rɔm 11:2

Kumu ɗa te kalaŋ kayi ga ban torge tumɔ ɓɨrag hayi le coŋ naŋ. Kɛ kɔl gɨ walge a duroy Magtubu di da Kumu dɨŋ ojɨn̰ cay ba-yɔɔ-kɔl-gɨ-Kumu-ba-yɔɔ Eli le, kɨŋ hal gɨybəŋ cay nee ga? A kɨɗɨn̰di ga pɨna gaŋ na, ban yen̰ kɔl Kumu bɨ, ɨlɨn̰ gusi a cay te wɨn̰je gɨ da Ɨsɨrayɛl tumoy Kumu. Eli ɨle gusi ye hɨn̰:

Magtubu di Pol wal bɨn̰ kalaŋ ga Rɔm 13:14

A ban̰di ɨsɨnan̰əŋ ga nee le na, saɗagɨŋ wɨrdɨgɨŋ daa bɨ, ɗagɨŋ a ɨrɨmedɨgɨŋ gɨŋ gɨ kɨŋ naa marɨne ka-gɨye ga da Ba-gulondɨna Jesu-Kɨris bɨ. Kan̰agɨŋ lɔɔ gɨye dan̰ gɨyəŋ gɨ da tabɨlaŋ di kuyoŋdi-gusɨgɨŋ.

Magtubu di Pol wal bɨn̰ kalaŋ ga Rɔm 9:23

Kumu gey gɨle kandi-wɔɔ ga da gusoŋ-tɔgɛ koyi gɨ lee hundɔrɔ a gusi kan ga ban sol cɨn̰-n̰age toge, ga ban ƴom cay tɨbayige na jɨne hayi ɗe kan na andɨn̰ge a boy gusoŋ-tɔgɛ koyi gɨŋ le.

1 Korɛ̰t 15:49

Hɨn̰ gɨ na ba ay gɨlɨn̰a gɨ da ungo gɨ a cay gɨsəŋ gaŋ kɛ le, na kɨya aye gɨlɨn̰a gɨ da ungo gɨ a gɨɗɨgɨ-Kumu gɨŋ hɨn̰ wo̰ bɨ.

1 Korɛ̰t 2:7

Ni gɨlɨn̰ kalaŋ na cɨn̰-muɗɔlɛ da Kumu di woy a kɨɗɨn̰ ga ungo wasɨn̰a cayge naŋ ga wosi, gɨ Kumu a boy ɨlge ga tumɔ gaŋ, ƴom cay tɨbayge tumɔ hayi kɨya gusoŋ-tɔgɛ tona.

1 Korɛ̰t 8:3

Ama hɨn̰ gɨ ungo na gey Kumu na, ungo gɨ nee le Kumu solii ɨni.

2 Korɛ̰t 3:18

Na-gandi nɔm ga ayge kɨbɨ badɨge ga tool cɨndɨna a cɨndɨna coŋ le, na gɨl asɨn̰a gɨ da Ba-gulɔŋ doŋ. Na hɨn̰ wo̰ ma bɨlnage ɗe ana na woy gɨlɨn̰ hɨn̰ Ba-gulɔŋ wo̰ bɨ, san̰ a boy asɨn̰a di pɨnaa dɨŋ orɨn̰ boy asɨn̰a di ɗaŋ di gumu ɗɨn̰ di tumɔ bɨ le. Na hɨnga ga nee le ma na, gɨye-lɔɔ gɨ da Turnoy Ba-gulɔŋ gɨ lee kol cayna.

Epɛs 1:11

Na way hɨnga kana ga ni ban̰di-gulɔŋ ga ojɨ cayna na dan̰ gɨyəŋ gɨ da bugoŋ gɨ na bugoŋ pɨna te Kɨris. Kɨya wa Kumu torna tumɔ na dan̰ gɨyəŋ gɨ da gɨse koyi gɨ ban gɨsɨ le. Ban lee hɨnga nɔm hɨn̰ gɨ ban ojɨ bɨ, kuduroy gey wo̰ bɨ.

Epɛs 4:24

Laagɨŋ gɨye-lɔɔ gɨ da ungo gɨ hɨrɨwa gɨ Kumu ɗey ɗe na andaŋ le hɨn̰ badɨge ga hɨrɨwa ga kɨŋ dobɨ gusɨgɨŋ wo̰: Na ungo gɨ dan̰ durɔ bɨ, gɨ woy dan̰ cɨndi bɨ, dan̰ gɨyəŋ gɨ da kɔl gɨ cɨndi bɨ.

Pilib 3:21

Jesu kɨya bɨle kuyoŋdi-gusɨna gɨ togi unɔ gɨ kɨya mare le, ɗe bɨle woy hɨn̰ kuyoŋ-gusu gɨ orɨn̰ dan̰ gusoŋ-tɔgɛ wo̰. Ban kɨya lɔɔ hɨnga ga nee le, na dan̰ dɔnɔ di ban orɨn̰ kɨya dobɨn̰ hɨnga nɔm a te dɔnɔ toyi dɨŋ.

Kɔlɔs 3:10

Ama kɨŋ dobɨ hal gɨ da ungo gɨ hɨrɨwa gusɨgɨŋ hɨn̰ badɨge wo̰ bɨ, Kumu ɨre bɨlgɨŋ ga hɨrɨwa jɨn̰ tumɔ tumɔ bɨ, bɨgɨŋ hɨnga sɔlɛ cay mɨgayge gaŋ ɗe agɨŋ na gɨlɨn̰ dan̰ Kumu gɨ ba sɨgɨŋ ca ca bɨ, solii leen̰ cɨndi bɨ.

2 Timote 1:9

Na Kumu ba pɔɗɨna bɨ, tɔgɨna gɨ na na bɨləŋ kalaŋ kayi bɨ. Bɨ hɨn̰ gɨ Ban na laa na, ban laa na kɨya cay gɨye-lɔɔdɨna gɨ dan̰ durɔ naŋ. Ama na kɨya gɨ ban ojɨ hɨn̰ wo̰ dan̰ kuduroy geye koyi, kɨya cay ɗarwa toyi. Ɗarwa di nee le, ban bɨna na tumɔ ɓɨragɨ pa dɨm ma ban ɗen̰ hɨnga nɔm ƴee, dan̰ bugoŋ gɨ na bugoŋgɨŋ pɨna dan̰ Jesu-Kɨris.

2 Timote 2:19

Ama te ƴaa di Kumu ɗe som osɨ le, woy dan̰ gɨyəŋdo. Walge kɔl nɔm gɨ kɛ le boy nee yen̰ge hɨn̰: «Ba-gulɔŋ sol kalaŋ ga na kayi bɨ.» Ye ɗaŋ coŋ hɨn̰: «Waŋ waŋ gɨ na tɨga guson̰ Ba-gulɔŋ na, Ɗe hɨnga ga dan̰ gɨyəŋdɨge naŋ coŋ bɨ.»

1 Pɨyɛr 1:2

Bayna Kumu tornagɨŋ dan̰ gɨyəŋ gɨ da gɨse gɨ ban gɨsɨ tumɔ hayi. Lee gɨ kɨŋ na kalaŋ kayi dan̰ gɨyəŋ gɨ da Turnɔ toyi ɗe agɨŋ na jen̰ kɔl kɨbɨ Jesu-Kɨris bɨ, ɗe kɨbardi gɨ bugoŋ dugo le na dorgɨŋ mɨra bɨ. Kuɗa gɨ ɗarwa di da Kumu bɨ, gusi-dɔbɛ toyi bɨ, baa danagɨŋ gɨɗaŋ.

1 Pɨyɛr 1:20

Tumɔ pa dɨm ma Kumu kɨya ɗon̰ gɨɗɨgɨ-Kumu bɨ, cay gɨsəŋ bɨ ƴee na, Kumu dor Kɨris ɗe bɨləŋ hɨnga ga ni bogɨn̰ kɨbar. Lee gɨ haw kɛ a kagadi wɔlɛ gɨŋ gɨ Kumu wasɨn̰ cayi doŋ waŋ ɗe ban na poɗɨgɨŋ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

Wasɨn̰a 13:8

Kalaŋ nɔm ga a cay gɨsəŋ ga n̰ɨrege kɨmana le, kan ga n̰ɨrege kɨmana le, na kalaŋ ga tumɔ ɓɨrag a te ɗɔɔ gɨ da cay gɨsəŋ gaŋ kalɨn̰ ma, kan wala gusondɨge a duroy magtubu sɔmɛ-bɨra da kurɨn̰-dɨmangɨ gɨ kan walge tumoyi le naŋ.