Magtubu di Pol wal bɨn̰ kalaŋ ga Rɔm 8:28 - Gabri Maja

²⁸ Na sol kuɗa, gɨ kan ga geyge Kumu ga na kan ga Kumu teege dan̰ gɨyəŋ gɨ da ɔjɛ gɨ ban ba gɨse tumɔ hayi le, hɨnga nɔm ga ba leege le, Kumu kɨya lɔɔ gɨ na bɨl wɨya hɨnga ga ɗari kol cayge.

Magtubu di Pol wal bɨn̰ kalaŋ ga Rɔm 8:28 ပူးပေါင်းရင်းမြစ်များ

Marg 12:30

Ba-gulondɨn̰ Kumu le, ji kɨya ɗoyi jam cɨndɨn̰ gaŋ dan̰ ɗugon̰ pɨna bɨ, Dan̰ kuyoŋdi-gusɨn̰ nɔm bɨ, dan̰ ɨrɨmedɨn̰ nɔm bɨ, Dan̰ togɨn̰ nɔm nee bɨ.”

Gɨye-lɔɔ 13:48

Kɨɗɨn̰ ga kalaŋ ga toyge na Jubɨ naŋ ba jege kɔl gɨ nee le na, kan say leege gusi-mɔwa bɨ, hɨramge kɔl gɨ da Ba-gulɔŋ Kumu bɨ. Kan nɔm ga Kumu torge ɗe gɨ kan na waa sɔmɛ-bɨra gɨ dan̰ cɨndi le, ayge kuduroyge.

Magtubu di Pol wal bɨn̰ kalaŋ ga Rɔm 11:29

Hɨn̰ gɨ Kumu na bɨn̰ ungo hɨnga ga ni bee-kalɨn̰ na, ban jɨga ƴa kobi daa naŋ bɨ. Hɨn̰ gɨ ban na tɨga ungo na, ban jɨga tayayi naŋ bɨ.

Magtubu di Pol wal bɨn̰ kalaŋ ga Rɔm 8:30

Kalaŋ ga Kumu ojɨ ɗe na gɨlɨn̰ge dan̰ Kurondi wo̰ le, ban teege bɨ. Kalaŋ ga ban teege le, ban bɨlge leen̰ ga dan̰ durɔ ɗɨngar bɨ. Kalaŋ ga ban bɨlge leen̰ ga dan̰ durɔ ɗɨngar le, ban bɨge gusoŋ-tɔgɛ koyi bɨ.

Magtubu di Pol wal bɨn̰ kalaŋ ga Rɔm 9:11

Ama tumɔ pa dɨm ma gɨ kan kɨya woon̰ mɔgɨnɛ bɨ, tumɔ pa dɨm ma gɨ kan kɨya lɔɔ hɨnga ga ɗari naŋ le ga ɨsɨni na, Kumu ojɨ gɨ ni dɔrɛ a duroyge ungo pɨna ɗe kuduroy geye gɨ da Kumu na dɨɗɨ kɨbi dan̰ gɨyəŋ gɨ da dɔrɛ gɨ da ungo le.

1 Korɛ̰t 1:2

Ni wal magtubu di kɛ le gɨyɨn̰ bɨn̰ na Ka-Daye ga da Kumu ga somge a cay ƴaa di Korɛ̰t bɨ, bɨn̰ kan ga woyge dan̰ cɨndɨge dan̰ bugoŋ pɨna dan̰ Jesu-Kɨris bɨ, bɨn̰ kalaŋ nɔm ga Kumu teege te gɨyəŋ koyi gɨŋ ɗe na bɨləŋge kalaŋ ga woyge dan̰ cɨndɨge dan̰ kalaŋ nɔm ga olge Kumu a kɨɗɨn̰ gaŋ nɔm dan̰ guson̰ Ba-gulɔŋ Jesu-Kɨris, ban gɨ na Ba-gulondɨge bɨ, Ba-gulondɨna bɨ le.

1 Korɛ̰t 1:24

Ama ojɨn̰ cay kan ga Kumu teege le, kan naa Jubɨn̰əŋ wala, kan naa Gɨrɛgn̰əŋ kalɨn̰ ma, Kɨris le na dɔnɔ di da Kumu bɨ cɨn̰-muɗɔlɛ da Kumu bɨ.

1 Korɛ̰t 1:9

Kumu gɨ ba togɨgɨŋ ɗe agɨŋ na bugoŋ pɨna dan̰ Kurondi Jesu-Kɨris gɨ na Ba-gulondɨna le, na Kumu gɨ ba ɨre a cay gasɨndi gaŋ.

1 Korɛ̰t 2:9

Ama walge a duroy Magtubu di da Kumu dɨŋ yege hɨn̰: «Na hɨnga ga cɨn̰ ungo sɨla naŋ bɨ, Sɨman̰ ungo ja naŋ bɨ, Ungo ɨrɨm cay nee naŋ bɨ, Ma Kumu ƴom cay tɨbayge kol kan ga geyige.»

2 Korɛ̰t 5:1

Kuyoŋdi-gusɨna na ƴaa tona di a cay gɨsəŋ gaŋ kɛ di woy gɨlɨn̰ hɨn̰ dabaŋ wo̰. Ama na solgɨŋ kuɗa hɨn̰ gɨ ƴaa di nee le na mundoŋ coŋ na, na orɨn̰ dan̰ hɨndi di kɨya sɔmɛ dan̰ tumɔɔ a gɨɗɨgɨ-Kumu gɨŋ. Ƴaa di nee le, na ƴaa di ungo gɨ ɨndi ba lɔɔ dan̰ kobi naŋ, ama na Kumu ba lɔɔ kol cayna.

Galad 1:15

Ama Kumu dan̰ ɗarwa toyi, ban dɔrɔŋ kɨɗɨn̰ ga ɨŋ ban̰ kuduroy ƴonɨ gaŋ ƴee bɨ, təŋ gɨ ɨŋ na laa gɨye bii.

Galad 1:6

Kɔl kayaŋ sɛl sɛl kɨya wa kɨŋ bɨle kardɨgɨŋ dan̰ gɨre gɨ daa wo̰ bɨn̰ Kumu, ban gɨ ba togɨgɨŋ dan̰ gɨyəŋ gɨ da ɗarwa di sayga gusi Jesu-Kɨris le, kɨya kɔbɛ kardi tɔgɛ bɛrnɛ Kɔl-gɨ-Ɗari gɨ ɗaŋ.

Galad 5:8

Ɨrɨme gɨ ni mondɨn̰ kɨɗɨn̰ ga hɨn̰ wo̰ le, se na gusi Kumu gɨ ba togɨgɨŋ naŋ.

Epɛs 3:11

Hɨnga ga Kumu lee haw kɛ dan̰ gɨyəŋ gɨ da Ba-gulondɨna Jesu-Kɨris le, ban gɨsɨ na jɨne hayi tumoy hɨnga nɔm.

Epɛs 4:1

Kɨya cay kɔl gɨ cɨndi gɨ nee le nɔm, ɨŋ-bandi Pol gɨ na ba-dangay kɨya cay bugoŋ gɨ ɨŋ bugoŋ pɨna dan̰ Ba-gulɔŋ le, ɨŋ lee n̰age toygɨŋ ɗe gɨye-lɔɔdɨgɨŋ bugoŋ pɨna dan̰ tɔgɛ gɨ Kumu teegɨŋ le.

Pilib 3:14

Ɨŋ gɨre cɨnɨ jɨn̰ gusi hɨnga ga woy tumonɨ ɗe aŋ na wan̰ hɨnga ga ni cay-kɔbɔ ga Kumu tena koldɨge te bugoŋ pɨna dan̰ Jesu-Kɨris ɗe ana na orgɨŋ wɔɔ a gɨɗɨgɨ-Kumu gɨŋ le.

1 Tesalonigɨ 5:9

Kɨya wa Kumu ɗena na ɗe gɨ ana na wan̰ pɔɗɛ dan̰ gɨyəŋ gɨ da Ba-gulɔŋ Jesu-Kɨris gɨ ma kol caynagɨŋ le, ama na ɗe gɨ kuduroy-hɔmɛ toyi na gɨ bɔɔ caynagɨŋ naŋ.

2 Timote 1:9

Na Kumu ba pɔɗɨna bɨ, tɔgɨna gɨ na na bɨləŋ kalaŋ kayi bɨ. Bɨ hɨn̰ gɨ Ban na laa na, ban laa na kɨya cay gɨye-lɔɔdɨna gɨ dan̰ durɔ naŋ. Ama na kɨya gɨ ban ojɨ hɨn̰ wo̰ dan̰ kuduroy geye koyi, kɨya cay ɗarwa toyi. Ɗarwa di nee le, ban bɨna na tumɔ ɓɨragɨ pa dɨm ma ban ɗen̰ hɨnga nɔm ƴee, dan̰ bugoŋ gɨ na bugoŋgɨŋ pɨna dan̰ Jesu-Kɨris.

2 Timote 2:19

Ama te ƴaa di Kumu ɗe som osɨ le, woy dan̰ gɨyəŋdo. Walge kɔl nɔm gɨ kɛ le boy nee yen̰ge hɨn̰: «Ba-gulɔŋ sol kalaŋ ga na kayi bɨ.» Ye ɗaŋ coŋ hɨn̰: «Waŋ waŋ gɨ na tɨga guson̰ Ba-gulɔŋ na, Ɗe hɨnga ga dan̰ gɨyəŋdɨge naŋ coŋ bɨ.»

Əbɨro 9:15

Na toy di hɨn̰ wo̰ ma, Kɨris bɨle ba ɨre duroyna duroy saɗe kɨbɨ pɨna ɓɨse gusu gɨ hɨrɨwa le. Ban ma na kɨya boyɨn̰ cay kan ga hangɨɗɨge cay gasɨn̰-kɔl a te saɗe kɨbɨ pɨna ɓɨse gusu gɨ cay wase gɨŋ le. Na toy di hɨn̰ wo̰ ma, kalaŋ ga Kumu teege le, kɨya ɓalege wɔɔ hɨnga ga ni wɔɔ ga woy dan̰ tumoyge, ga Kumu ye gɨ ɗi na kɨya bɨn̰ karɨndi le.

Magtubu di Jag wal 1:12

Tumoy wolwa woy cay ungo gɨ ƴom kuduroy osu duroy hɨnga ga ni gɨwase gaŋ. Kɨya wa kɨɗɨn̰ ga hɨnga ga ni gɨwase le na gɨwasagɨŋ ɨni na, kɨŋ kɨya wɔɔ na jagɨwa ga ni ayɨn̰ banga. Jagɨwa ga nee le, na sɔmɛ-bɨra gɨ Kumu ye gɨ ɗi na kɨya lɔɔ bɨn̰ naa kalaŋ ga ɗi na geyge.

Magtubu di Jag wal 2:5

Jagɨŋ, karmɨnɨ ga ban̰aŋ dan̰ ga kandɨ ga ɨŋ lee-toygɨŋ! Kumu bɨnde kalaŋ ga kalaŋ solgege leen̰ ka-n̰age a cay gɨsəŋ gaŋ, ɗe na bɨlege ka-wɔɔ, boy hɨnga ga ojɨ cay aye kudurɔ gaŋ bɨ, ɗe na wan̰ge dɔɔ-ƴaa di da Kumu gɨ ban ye gɨ ɗi na kɨya bɨn̰ kalaŋ ga leege wandɨ danayi bɨ.

1 Pɨyɛr 2:9

Ama kogɨŋ kɨŋ-gandi na, kɨŋ na te wɨn̰je ga Kumu torgɨŋ bɨ, kɨŋ na ka-bɔgɛ kɨbar ga da kɨlma bɨ, te kalaŋ ga torgege ɗege dan̰ cɨndɨge bɨ. Kɨŋ na te kalaŋ ga Kumu torge ɗe agɨŋ na teen̰ bɛrnɛ di da hɨnga ga ɗadɨrdaŋ ga ban lee. Kumu təgɨŋ ɗe agɨŋ na andɨn̰ duroy dɨlɨm dɨŋ coŋ bɨ, ɗe gɨ agɨŋ na ɨrgan̰ duroy asɨn̰a toyi di kuɗa tɔgɨ dɨŋ bɨ.

1 Pɨyɛr 3:9

Hɨn̰ gɨ kan na laagɨŋ hɨnga ga ɨsɨni na, kɨŋ ɗɔɔ ba jogɨn̰ dan̰ ɨsɨna ban̰di nee naŋ bɨ, hɨn̰ gɨ kan na yagɨdagɨŋ na, kɨŋ ɗɔɔ ba jogɨn̰ dan̰ yagɨde ban̰di nee naŋ bɨ. Ama kɨŋ tɨra na kɨbɨgɨŋ cayge. Kɨya wa Kumu təgɨŋ na a te gɨyəŋ gɨ ni torɨn̰-kɨbɨgɨŋ cay kalaŋ bɨ, agɨŋ na wan̰ tɔrɛ-kɨbɨ gɨ na hɨnga wɔɔ ga ni ban̰di-gulɔŋ ga Kumu kɨya bɨgɨŋ bɨ.

1 Pɨyɛr 5:10

Kumu ba-gulɔŋ ɗarwa nɔm gɨ təgɨŋ ɗe agɨŋ na bugoŋ pɨna dan̰ Kɨris bɨ, andɨn̰ a boy gusoŋ-tɔgɛ gɨ woy dan̰ cɨndi gɨŋ bɨ le, ban kɨya bɨlgɨŋ ɗaŋ a te gɨye-lɔɔdɨgɨŋ gɨŋ nɔm. Kardi cɨn̰-gɨle-cɨn̰ di ba kɨya lɔɔgɨŋ lam wo̰ le, Kumu gusi kɨya dɨɗe kɨbɨ gɨye-lɔɔ koyi kol caygɨŋ bɨ. Ban kɨya jɨbe toygɨŋ ɗe agɨŋ na ɨrɨn̰ osɨ bɨ, kɨya bɨgɨŋ tɔgɨ bɨ, hɨnga pɨna kɨya yɨbagdɨgɨŋ naŋ bɨ.

1 Ja̰ 4:10

Gɨyəŋ gɨ da geye gɨ da Kumu le ba kɛ: Na na-gandi ba geye Kumu tumɔ naŋ, ama na ban ba geyna tumɔ ma gɨyɨn̰ dan̰ Kurondi ɗe ɨrga. Kurondi le, ɗe gusi bɨn̰ tɨma leen̰ hɨnga ga ni bogɨn̰ kɨbar, kol cay nagɨŋ na toy di hɨn̰ wo̰ ma Kumu ɗen̰ kuduroyi jal a cay ɨsɨna konagɨŋ.

1 Ja̰ 4:19

Na-gandi na, na geygɨŋ Kumu bɨ kamdɨnagɨŋ bɨ, kɨya gɨ na ban ba geynagɨŋ cay wase.

Wasɨn̰a 3:19

Ɨŋ-bandi na kalaŋ nɔm ga ɨŋ geyge le, ɨŋ halge bɨ ɨŋ ɗalge bɨ. Na toy di hɨn̰ wo̰ ma, laagɨŋ gusi-hɨmbalwa a te kɔl hɨnge gɨŋ bɨ, bɨlgɨŋ haldɨgɨŋ bɨ.