Magtubu di Pol wal bɨn̰ kalaŋ ga Rɔm 8:27 - Gabri Maja

²⁷ Ama Kumu gɨ ba kɔbɛ te hɨnga ga woy a kuduroy kalaŋ le, ban ba sɔlɛ-hɨnga ga Turnɔ di da Kumu gey. Kɨya wa hɨnga ga Turnɔ di da Kumu ɨngɨr kɨya cay kalaŋ ga woyge dan̰ cɨndɨge le, hɨndi kɨya ɨngɨre na hɨn̰ gɨ kuduroy Kumu ba gey wo̰.

Magtubu di Pol wal bɨn̰ kalaŋ ga Rɔm 8:27 ပူးပေါင်းရင်းမြစ်များ

Matɨyo 6:8

Naa hɨn̰ wo̰ na, gɨlɨn̰agɨŋ danage naŋ, kɨya gɨ hɨnga ga kɨŋ or n̰agedɨge le, Baygɨŋ sol tumɔ pa hayi dɨm ma magɨŋ olii ƴee.

Kɔl-gɨ-Ɗari gɨ Lug wal 16:15

Jesu yege hɨn̰: «Kɨŋ-gandi le, kɨŋ lee gusɨgɨŋ leen̰ kalaŋ ga ka-ɔrɛ dan̰ durɔ ɗɨngar tumoy kalaŋ. Ama kɨŋ kɨya ɓale nare Kumu naŋ, ban sol dan̰ kuduroygɨŋ. Hɨnga ga kalaŋ sol leen̰ hɨnga ga kuɗa tɔgɨ le, Kumu sol leen̰ na hɨnga ga ni bɨrane a tɨdi.

Kɔl-gɨ-Ɗari gɨ Ja̰ wal 14:13

Hɨnga nɔm ga kɨŋ ba kɨya ɨngɨre dan̰ gusoŋnɨ le, ɨŋ kɨya lɔɔ ɗe gɨ Kuroŋ Bayi wan̰ gusoŋ-tɔgɛ gusi kurondi.

Kɔl-gɨ-Ɗari gɨ Ja̰ wal 21:17

Jesu yey gɨ ni tɨba sɨbɨdi yeyi hɨn̰: «Simo kurɨn̰ Ja̰, kɛ ji geyəŋ ga?» Pɨyɛr gusi moyi naŋ, kɨya ɨngɨre gɨ Jesu ɨngɨri gɨ ni tɨba sɨbɨdi gɨŋ yeyi hɨn̰: «Kɛ ji geyəŋ ga le?» Bɨ ban jɨga dɨbi cay nee yeyi hɨn̰: «Ba-gulɔŋ, ji sol hɨnga nɔm, ji sol kuɗa gɨ ɨŋ geyɨn̰.» Ɨni na, Jesu yeyi hɨn̰: «Hɨn̰ wo̰ na, ji gama gamge kange.

Gɨye-lɔɔ 1:24

Kardi nee kan nɔm olge Kumu yege hɨn̰: «Ba-gulɔŋ Kumu, ji gɨ ba sɔlɛ ɗugoy kalaŋ nɔm le, gɨlni ungo gɨ ji ba dorii a duroy ban̰aŋ ga sɔɔ kɛ le,

Gɨye-lɔɔ 15:8

Ɨni na, Kumu gɨ ba sɔlɛ kuduroy kalaŋ le, lee tɨmon̰ kol cayge. Na toy di hɨn̰ wo̰ ma ban bɨge Turnɔ ɗe-kuduroy-bɛrɛ, hɨn̰ gɨ ban ba bɨna na-gandi wo̰ bɨ.

Magtubu di Pol wal bɨn̰ kalaŋ ga Rɔm 8:34

Kɛ na waŋ ba kɨya ɓale bɔyɛ kɔl sige cayge ga? Ungo wo̰ unɔ! Jesu-Kɨris gusi ba mare kol cayna. Ɗɨn̰ gɨ nee le na, ban boy lɨbɨ bɨ som a kɨway Kumu a cay kobi gɨ bara gɨŋ bɨ, woy te ɔlɛ Kumu kol cayna.

Magtubu di Pol wal bɨn̰ kalaŋ ga Rɔm 8:6

Ɗɔɔ ɨrɨme a cay hɨnga ga da kuyoŋdi-gusu le, kɨya wɔɔ na tɨma, ama ɗɔɔ ɨrɨme a cay hɨnga ga da Turnɔ di da Kumu le, kɨya wɔɔ na sɔmɛ-bɨra bɨ gusi-dɔbɛ bɨ.

Epɛs 2:18

Kɨya cay hɨnga ga Kɨris lee le, na-gandi ga toyna na Jubɨ bɨ, ga toyna na Jubɨ naŋ bɨ, na orɨn̰gɨŋ dan̰ gɨyəŋ gɨ ni ɨrga mɨnde gusi Bayna Kumu, dan̰ gɨyəŋ gɨ da Turnoyi.

1 Tesalonigɨ 2:4

ama Kumu gɨwasɨni pa dɨm ma bɨni gɨye tɔgɛ bɛrnɛ Kɔl-gɨ-Ɗari le ƴee. Lee gɨ ni ya kɔl na ɗe gɨ na mon̰ kalaŋ ga ɨndəŋ naŋ, ama na ɗe gɨ na mon̰ Kumu gɨ gɨwasɨ kuduroyni le.

Əbɨro 4:13

Hɨnga nɔm ga Kumu si le, pɨna wo̰ ga wosɨ gusɨge cɨndi wo̰ unɔ. Hɨnga nɔm woy cɨn̰-tɨwa dɨŋ ɗen̰ ɗen̰ cɨndi bɨ, tɨla gusɨge cɨndi naŋ bɨ. Na ban ma ojɨ gɨ na kɨya dɔrɛ kardi gɨye-lɔɔdɨna bii bɨ.

Magtubu di Jag wal 5:16

Tɨragɨŋ te ɨsɨna kogɨŋ bɨn̰ gusɨgɨŋ bɨ, ulagɨŋ Kumu kɨya cay gusɨgɨŋ ɗe gɨ hɔmɨn̰ɛ duroŋ gusɨgɨŋ coŋ bɨ. Ɔlɛ Kumu gɨ ye man̰ gɨ da ungo gɨ dan̰ durɔ ɗɨngar le, orɨn̰ dan̰ dɔnɔ tɔgɨ.

Wasɨn̰a 2:23

Ɨŋ kɨya ɗɔɔ tɨma dɨɗe karɨndo. Na hɨn̰ wo̰ ma, Ka-Daye nɔm kɨya sɔlɛge gɨ ɨŋ naa ba kɔbɛ te ɨrɨme bɨ, tabɨlaŋdi hɨnga ga woy a kuduroy kalaŋ bɨ, kɨya sɔlɛge gɨ ɨŋ na bɨn̰ ungo gɨ ani ani naa hɨnga ga ojɨ cayi ɓalɨn̰ dan̰ gɨye-lɔɔdi.