Magtubu di Pol wal bɨn̰ kalaŋ ga Rɔm 8:19 - Gabri Maja

¹⁹ Wɔlɛ pɨna, Kumu kɨya wasɨn̰e cay gusoŋ-tɔgɛ di da karɨndi. Hɨnga se ga da Kumu nɔm woyge te game wɔlɛ gɨ nee le jɨngaa.

Magtubu di Pol wal bɨn̰ kalaŋ ga Rɔm 8:19 ပူးပေါင်းရင်းမြစ်များ

Matɨyo 5:9

Tumoy wolwa woy caygɨŋ, kɨŋ ga ka-ɨrgan̰ dan̰ gusi-dɔbɛ, Kɨya wa kan kɨya togɨgɨŋ karɨn̰ Kumu!

Kɔl-gɨ-Ɗari gɨ Ja̰ wal 1:12

Ama kalaŋ nɔm ga ba ƴomiige gusɨge bɨ, beege kuduroyge cay gusondi gɨŋ bɨ le, ban haŋgɨ gɨyəŋ bɨge ɗe gɨ kan na bɨləŋge karɨn̰ Kumu.

Gɨye-lɔɔ 3:21

Pa dɨm ma ɗe wɔlɛ gɨ nee le na ɨrga ƴee na, naa wa wa kalɨn̰ ma Jesu kɨya sɔmɛ a daa nii bɨrɨŋ gɨsɨn̰ wɔlɛ gɨ Kumu kɨya bɨlɨn̰ hɨnga nɔm leen̰ ga hɨrɨwa, hɨn̰ gɨ ban ba ye jɨne hayi dan̰ te tumɔ di da ka-yɔɔ-kɔl-gɨ-Kumu-ba-yɔɔ ga woyge dan̰ cɨndɨge le.

Magtubu di Pol wal bɨn̰ kalaŋ ga Rɔm 8:14

Kalaŋ nɔm ga Turnɔ di da Kumu ba dor tumoyge le, kan na karɨn̰ Kumu.

Magtubu di Pol wal bɨn̰ kalaŋ ga Rɔm 8:16

Turnɔ di da Kumu dan̰ guso kalɨn̰ ma lee tɨmon̰ a ɗugoyna gɨ na naa karɨn̰ Kumu.

Magtubu di Pol wal bɨn̰ kalaŋ ga Rɔm 8:18

Kɨɗɨn̰ ga ɨŋ ba ɨrɨm a cay gusoŋ-tɔgɛ gɨ Kumu ba kɨya wasɨn̰e cay bɨna kardi nee le, hɨnga ga ni gɨle-cɨn̰ ga a tɨwa di haw kɛ dɨŋ le, ɨŋ ɗongɨsɨge na dḛ wo̰ ƴɔbɨ gɨsɨn̰ danaa.

Magtubu di Pol wal bɨn̰ kalaŋ ga Rɔm 8:23

Ama na hɨnga se ga da Kumu ba gɨle-cɨn̰ kan̰dɨge naŋ. Na-gandi ga na orɨn̰ dan̰ Turnɔ di da Kumu di woy gɨlɨn̰ hɨn̰ hɨnga ga ni bɨn̰ Kumu ga cay wase cɨg cɨg ga Kumu bɨna le. Na-gandi kalɨn̰ ma, na ɨle gusɨna a kuyoŋdi-gusɨna gɨŋ ƴen̰, gamɨn̰ gɨ Kumu na dɨɗɨn̰ kɨbɨ gɨye koyi cayna bɨ, bɨlna laan̰ karɨndi kɨɗɨn̰ ga ban kɨya pɔɗɛ kuyoŋdi-gusɨna bɨ.

Magtubu di Pol wal bɨn̰ kalaŋ ga Rɔm 9:26

«Ɨni na, a kɨɗɨn̰ ga kan yege nee ye hɨn̰: “Kɨŋ naa te kalaŋ kange naŋ le” Na kɨɗɨn̰ ga nee gaŋ le gaŋ ma, Kan kɨya togɨgɨŋ nee yon̰ hɨn̰: “Kɨŋ naa karɨn̰ Kumu gɨ som-bɨra.”»

1 Korɛ̰t 1:7

Lee gɨ hɨnga ga ni ɗarwa di da Kumu ga ban bee le, pɨna wo̰ ga wɨygɨŋ unɔ, kɨŋ ga kɨŋ ba som gam tɨwa di Ba-gulondɨna Jesu-Kɨris kɨya andɨn̰ dus le.

1 Korɛ̰t 1:8

Na ban ba kɨya lɔɔ ɗe toygɨŋ osu bɨrɨŋ dɨɗɨn̰ kɨbi, ɗe gɨ a wɔlɛ caga gɨ da Ba-gulondɨna Jesu-Kɨris gɨŋ na, kɨŋ na wɨyan̰ kalaŋ ga ungo ɓala dɨbe kɔl cayge naŋ.

2 Korɛ̰t 6:18

«Ɨŋ kɨya bɨle baygɨŋ bɨ, kɨŋ-gandi kalɨn̰ ma kɨŋ kɨya bɨle karɨnɨ ga ban̰aŋ dan̰ kandɨ bɨ. Ba-gulɔŋ gɨ dɔnɔdi ɗɨn̰ dɔnɔ nɔm ba yɔ hɨn̰ wo̰.»

Galad 3:26

Leen̰ cɨndi na, kɨŋ-gandi nɔm kɨŋ na karɨn̰ Kumu dan̰ gɨyəŋ gɨ da aye kudurɔ gɨ beegɨŋ pɨna dan̰ Jesu-Kɨris.

Pilib 1:20

Kɨya wa hɨnga ga ɨŋ som gam jɨnga bɨ ga ɨŋ bee ɨrɨmenɨ cay nee bɨ le, na gɨ a wɔlɛdi gɨŋ na, hɨnga pɨna wo̰ na kɨya dɨbəŋ dasi canɨ naŋ. Ama haw kɛ na, ɨŋ sɨla hɨnga pɨna naŋ dan̰ wɔlɛ nɔm hɨn̰ gɨ tumɔ, ɗe gɨ naa sɔmɛ-bɨra wala tɨma kalɨn̰ ma, aŋ gɨlɨn̰ gɨmɨn̰aw di da Kɨris ɗe kalaŋ sol a kuyonɨ.

Kɔlɔs 3:4

Kɨɗɨn̰ ga Kɨris gɨ na sɔmɛ-bɨra kona na andaŋ na, kɨŋ-gandi kalɨn̰ ma kɨŋ kɨya andaŋ danayi pɨna duroy gusoŋ-tɔgɛ koyi gɨŋ bɨ.

Əbɨro 12:27

Ama kɨɗɨn̰ ga ban ye hɨn̰ cay pɨna ƴee coŋ le, gɨl na gɨ hɨnga ga Kumu ba si le na kɨya yɨbagdaŋ bɨ, kaɗɨn̰e bɨ. Hɨn̰ wo̰ na kan ga ba kɨya yɨbabdaŋ naŋ ƴɔbɨ ba kɨya bɔɔ.

1 Pɨyɛr 1:13

Kol cay hɨnga ga nɔm ga Kumu ba lee bɨgɨŋ le, sɨmagɨŋ a cay tɨbaygɨŋ dɨŋ kɨya lɔɔ gɨye bii bɨ. Ƴɨmagɨŋ gusɨgɨŋ usa duroy hɨnga nɔm. Ɗagɨŋ ɨrɨmedɨgɨŋ nɔm a cay ɗarwa di Kumu ba kɨya bɨgɨŋ, kɨɗɨn̰ ga Jesu-Kɨris ba kɨya cagan̰ le.

1 Pɨyɛr 1:7

Na solgɨŋ gɨ lɔr di lam wo̰ kɨya unɔ le, kan gɨwasooge na dan̰ tɨwa. Na hɨn̰ wo̰ ma, aye kudurɔ kogɨŋ gɨ kɨledi ɗɨn̰ lɔr kalɨn̰ ma, kɨya gɨwasiige ɗe age na solɨn̰ togii. Na hɨn̰ wo̰ ma kɨɗɨn̰ ga Jesu-Kɨris kɨya caga le, Kumu kɨya hɨramgɨŋ bɨ, dɨbe gusoŋ-tɔgɛ caygɨŋ bɨ, aye caygɨŋ daa bɨ.

1 Ja̰ 3:1

Sɨlagɨŋ, kɛ na geye gɨ mɨna ma Baynagɨŋ gɨlnagɨŋ hɨn̰ wo̰ ga? Geye gɨ da Kumu kol cay nagɨŋ gumu tɔgɨ bɨrɨŋ gɨ ban teenagɨŋ «karɨndi». Na bɨlegɨŋ karɨn̰ Kumu leen̰ cɨndi. Kalaŋ ga a cay gɨsəŋ gaŋ sɨlanagɨŋge naŋ kɨya gɨ kan sɨla Kumu naŋ bɨ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

Wasɨn̰a 21:7

Waŋ waŋ gɨ na aya banga na, tɔrɛ-kɨbɨ gɨ nee le nɔm na hɨnga kayi ga ni ban̰di-gulɔŋ. Ɨŋ kɨya bɨle Kumu koyi bɨ, ban kɨya bɨle kuronɨ bɨ.