Magtubu di Pol wal bɨn̰ kalaŋ ga Rɔm 8:16 - Gabri Maja

¹⁶ Turnɔ di da Kumu dan̰ guso kalɨn̰ ma lee tɨmon̰ a ɗugoyna gɨ na naa karɨn̰ Kumu.

Magtubu di Pol wal bɨn̰ kalaŋ ga Rɔm 8:16 ပူးပေါင်းရင်းမြစ်များ

Matɨyo 5:9

Tumoy wolwa woy caygɨŋ, kɨŋ ga ka-ɨrgan̰ dan̰ gusi-dɔbɛ, Kɨya wa kan kɨya togɨgɨŋ karɨn̰ Kumu!

Kɔl-gɨ-Ɗari gɨ Lug wal 20:36

Kan kɨya ɓale mare naŋ ɨni, kɨya wa kan woyge na hɨn̰ ka-ƴɔbɛ ga daa nii wo̰. Kan na karɨn̰ Kumu, kɨya wa kan na karɨn̰aŋ ga boyge lɨbɨ a duroy kalaŋ ga madɨrdaŋ.

Kɔl-gɨ-Ɗari gɨ Ja̰ wal 1:12

Ama kalaŋ nɔm ga ba ƴomiige gusɨge bɨ, beege kuduroyge cay gusondi gɨŋ bɨ le, ban haŋgɨ gɨyəŋ bɨge ɗe gɨ kan na bɨləŋge karɨn̰ Kumu.

Gɨye-lɔɔ 5:32

Na-gandi bɨ, Turnɔ ɗe-kuduroy-bɛrɛ di Kumu bɨn̰ kan ga ka-jɔɔ kɔl koyi bɨ le, nana tɨmon̰ ga da hɨnga ga lee gusɨge le.

Magtubu di Pol wal bɨn̰ kalaŋ ga Rɔm 8:14

Kalaŋ nɔm ga Turnɔ di da Kumu ba dor tumoyge le, kan na karɨn̰ Kumu.

Magtubu di Pol wal bɨn̰ kalaŋ ga Rɔm 8:19

Wɔlɛ pɨna, Kumu kɨya wasɨn̰e cay gusoŋ-tɔgɛ di da karɨndi. Hɨnga se ga da Kumu nɔm woyge te game wɔlɛ gɨ nee le jɨngaa.

Magtubu di Pol wal bɨn̰ kalaŋ ga Rɔm 8:23

Ama na hɨnga se ga da Kumu ba gɨle-cɨn̰ kan̰dɨge naŋ. Na-gandi ga na orɨn̰ dan̰ Turnɔ di da Kumu di woy gɨlɨn̰ hɨn̰ hɨnga ga ni bɨn̰ Kumu ga cay wase cɨg cɨg ga Kumu bɨna le. Na-gandi kalɨn̰ ma, na ɨle gusɨna a kuyoŋdi-gusɨna gɨŋ ƴen̰, gamɨn̰ gɨ Kumu na dɨɗɨn̰ kɨbɨ gɨye koyi cayna bɨ, bɨlna laan̰ karɨndi kɨɗɨn̰ ga ban kɨya pɔɗɛ kuyoŋdi-gusɨna bɨ.

Magtubu di Pol wal bɨn̰ kalaŋ ga Rɔm 8:26

Na toy di hɨn̰ wo̰ ma, Turnɔ di da Kumu dan̰ guso kalɨn̰ ma kɨya jɨbe toyna nee kɨya wa na-gandi tɔgɨyna wɨye. Na sɨlagɨŋ gɨyəŋ gɨ ojɨ gɨ ni olɨn̰ Kumu naŋ, ama Turnɔ di da Kumu kɨya ɔlɛ Kumu kɨya cayna dan̰ dɔrɛ ule gɨ ungo ɓala yɔ koldi naŋ.

Magtubu di Pol wal bɨn̰ kalaŋ ga Rɔm 9:26

«Ɨni na, a kɨɗɨn̰ ga kan yege nee ye hɨn̰: “Kɨŋ naa te kalaŋ kange naŋ le” Na kɨɗɨn̰ ga nee gaŋ le gaŋ ma, Kan kɨya togɨgɨŋ nee yon̰ hɨn̰: “Kɨŋ naa karɨn̰ Kumu gɨ som-bɨra.”»

Magtubu di Pol wal bɨn̰ kalaŋ ga Rɔm 9:8

An̰ toy a cay kɔl gɨ nee le na, kalaŋ nɔm ga saygage a kuduroy Abɨraham le, kan ɗɨngɨsage nɔm karɨn̰ Kumu naŋ. Na kalaŋ ga kan wɔɔge dan̰ gɨyəŋ gɨ da kɔl gɨ Kumu ye gɨ ɗi na kɨya bii ƴɔbɨ ma kan ɗoŋsɨgege leen̰ kongɨn̰ii.

2 Korɛ̰t 1:12

Cayni ayaŋ daa kɨya cay ɨrɨme gɨ woy a kuduroyni. Ni sol kuduroyni gɨ haldɨni na ƴee cɨn̰ kalaŋ ga a cay gɨsəŋ gaŋ kɛ. Kɨŋ-gandi kalɨn̰ ma kɨŋ sol hɨn̰ gɨ haldɨni naa hal gɨ woy dan̰ najidi dɨle orɨn̰ dan̰ ɨrɨme gɨ ɗaŋ a kuduroyni. Na ɗarwa di da Kumu ba-dɔrɛ tumoyni ma lee gɨ ni leen̰ hɨnga dan̰ najidɨge, ama na cɨn̰-muɗɔlɛ di da kalaŋ ga ɨndəŋ naŋ.

2 Korɛ̰t 1:22

Kumu ɗe kambe kayi a gusɨna bɨ, bɨna dan̰ Turnoyi a ɗugoyna di bɨle woy hɨn̰ hɨnga ga gɨlna gɨ Kumu na kɨya bɨna hɨnga ga ɗari ga ban ƴom cay tɨbayge kol cay kalaŋ kayi.

2 Korɛ̰t 5:5

Kumu kalɨn̰ ma ƴom cay tɨbayna kɨya cay sɔmɛ-bɨra gɨ nee le, ban bɨna dan̰ Turnoyi ɗe na bɨle hɨnga ga gɨl gɨ ban na bɨna hɨnga ga ɗari ga ban ƴom cay tɨbayge kol cay na le.

2 Korɛ̰t 6:18

«Ɨŋ kɨya bɨle baygɨŋ bɨ, kɨŋ-gandi kalɨn̰ ma kɨŋ kɨya bɨle karɨnɨ ga ban̰aŋ dan̰ kandɨ bɨ. Ba-gulɔŋ gɨ dɔnɔdi ɗɨn̰ dɔnɔ nɔm ba yɔ hɨn̰ wo̰.»

Galad 3:26

Leen̰ cɨndi na, kɨŋ-gandi nɔm kɨŋ na karɨn̰ Kumu dan̰ gɨyəŋ gɨ da aye kudurɔ gɨ beegɨŋ pɨna dan̰ Jesu-Kɨris.

Galad 4:6

Na sol gɨ na na karɨn̰ Kumu, kɨya wa Kumu ɗe Turnoy Kurondi kuduroyna bɨ, Turnɔ le lee gɨ na yen̰gɨŋ Kumu hɨn̰: «Ay, Aba Banɨ.»

Epɛs 1:13

Kɨŋ kalɨn̰ ma kɨɗɨn̰ ga kɨŋ ba je kɔl gɨ cɨndi, gɨ na Kɔl-gɨ-Ɗari gɨ kɨŋ wan̰ pɔɗɛ le, kɨŋ bee kuduroygɨŋ cay Kɨris. Ɨni na dan̰ gɨyəŋ gɨ da bugoŋ gɨ kɨŋ bugoŋ pɨna danayi le, Kumu ɗe kambe kayi gusɨgɨŋ. Kambe ga nee le na Turnɔ ɗe-kuduroy-bɛrɛ di ban ye gɨ ɗi na kɨya bɨn̰ kalaŋ kayi le.

Epɛs 4:30

Yɔɔgɨŋ kɔl gɨ ɨsɨni naŋ, kɨya wa kɔl gɨ ɨsɨni le leen̰ dan̰ Turnɔ ɗe-kuduroy-bɛrɛ di Kumu ɗo gusɨnagɨŋ le, cɨn̰-n̰age. Hɨndi na hɨnga ga Kumu jɨbɨ gusɨgɨŋ gɨlɨn̰ gɨ kɨŋ naa kayi bɨ, gɨlɨn̰ gɨ wɔlɛ gɨ ɗaŋ gɨŋ na, Kumu na kɨya ɨrga pɔɗɨnagɨŋ yɔd bɨ.

1 Ja̰ 3:1

Sɨlagɨŋ, kɛ na geye gɨ mɨna ma Baynagɨŋ gɨlnagɨŋ hɨn̰ wo̰ ga? Geye gɨ da Kumu kol cay nagɨŋ gumu tɔgɨ bɨrɨŋ gɨ ban teenagɨŋ «karɨndi». Na bɨlegɨŋ karɨn̰ Kumu leen̰ cɨndi. Kalaŋ ga a cay gɨsəŋ gaŋ sɨlanagɨŋge naŋ kɨya gɨ kan sɨla Kumu naŋ bɨ.

1 Ja̰ 3:10

Na kɨya sɔlɛ ga ani mana karɨn̰ Kumu bɨ, ga ani mana karɨn̰ Haban̰ bɨ, na dan̰ gɨyəŋ gɨ da gɨye lɔɔdɨge. Ungo gɨ na laa hɨnga ga dan̰ durɔ ɗɨngar naŋ le, ban na gɨ da Kumu naŋ bɨ. Ungo gɨ na gey kurɨndi naŋ le, ban na gɨ da Kumu naŋ bɨ.

1 Ja̰ 3:2

Ay, kɨŋ ga ɨŋ lee-toygɨŋ, gɨ na ba somɨn̰gɨŋ haw kɛ na, na-gandi na karɨn̰ Kumu ɨni. Na kɨya wɔyɛgɨŋ gɨlɨn̰a na mɨna ga kardi nee kalɨn̰ ma, Kumu wasɨn̰a cay bɨnagɨŋ naŋ ƴee. Ama na solgɨŋ gɨ kɨɗɨn̰ ga Kurɨn̰ Kumu kɨya jɨga na, na kɨya soliigɨŋ dan̰ cɨndɨnagɨŋ gərɨn̰ gərɨn̰ bɨ, na kɨya wɔyɛ gɨlɨn̰a danayi ca ca bɨ.

1 Ja̰ 4:13

Kumu bɨna Turnɔ toyi. Na hɨn̰ wo̰ ma na solgɨŋ gɨ nana bugoŋgɨŋ pɨna danayi bɨ, ban na bugoŋ pɨna dananagɨŋ bɨ.

1 Ja̰ 5:10

Waŋ waŋ gɨ na bɨga kuduroy a cay Kurɨn̰-Kumu na, ƴom dan̰ tɨmon̰ di nee le a ɗugoyi. Ama waŋ waŋ gɨ na bɨga kuduroy cay Kumu naŋ na, lee Kumu leen̰ na ba-poy, kɨya wa ban kan̰ bɔgɛ kuduroyi a cay tɨmon̰ di Kumu lee a cay Kurondi le.

Wasɨn̰a 21:7

Waŋ waŋ gɨ na aya banga na, tɔrɛ-kɨbɨ gɨ nee le nɔm na hɨnga kayi ga ni ban̰di-gulɔŋ. Ɨŋ kɨya bɨle Kumu koyi bɨ, ban kɨya bɨle kuronɨ bɨ.