Magtubu di Pol wal bɨn̰ kalaŋ ga Rɔm 8:15 - Gabri Maja

¹⁵ Kumu gɨsɨn Turnoyi caygɨŋ na kɨya loogɨŋ gɔyɔŋ ga ka-gɔrɛ dan̰ hundɔrɔ ɗaŋ coŋ naŋ ɨni. Ɨŋ’ɨ̰, Turnɔ di ban gɨsɨnoo caygɨŋ le, hɨndi na Turnɔ di ɗe bɨlgɨŋ karɨn̰ Kumu. Kɨya cay Turnɔ di nee le na, na-gandi nɔm na teeyi gɨŋ wɨlalɨn̰ hɨn̰: «Aba, Banɨ.»

Magtubu di Pol wal bɨn̰ kalaŋ ga Rɔm 8:15 ပူးပေါင်းရင်းမြစ်များ

Matɨyo 25:25

Ɨŋ hɨndarɨn̰ na wo̰ maŋ or paye umboŋ wosɨn̰ gursu di ni lɔr di ji ba bəŋ le dugo. Gursu ton̰ le guso ba kɛ: Ji ƴa.”

Marg 14:36

Ban ye hɨn̰: «Aba! Banɨ, ji ɓal lɔɔ hɨnga nɔm, aya kobo gɨ ni son̰ hɨnga ga ni n̰age ga kɛ le canɨ coŋ. Ama ɗa ɗe woy na hɨn̰ gɨ ji-bandi ji gey wala, na hɨn̰ gɨ ɨŋ-bandi ɨŋ gey wo̰ naŋ.»

Kɔl-gɨ-Ɗari gɨ Lug wal 11:2

Jesu jɨga dɨbi cay nee yeyi hɨn̰: «Kɨɗɨn̰ ga kɨŋ na kɨya ɔlɛ Kumu na, yagɨŋ hɨn̰: “Bayni, laa gɨ ɗe gusondɨn̰ wɨya dan̰ cɨndi bɨ, Laa gɨ ɗe dɔɔ-ƴaa ton̰ ɨrga a cay gɨsəŋ gaŋ bɨ.

Kɔl-gɨ-Ɗari gɨ Lug wal 22:42

«Banɨ, hɨn̰ gɨ kuduron̰ na gey na, jɨbɨ kobo gɨ ni soon̰ hɨnga ga ni cɨn̰-n̰age ga kɛ le sɛdɨ walaŋ coŋ. Hɨn̰ gɨ ɨrɨme hɨnge na wɨya hɨn̰ wo̰ kalɨn̰ ma, lɔɔ kuduroy geye hɨnge naŋ, ama laa na kuduroy geye kon̰.»

Kɔl-gɨ-Ɗari gɨ Lug wal 8:28

Kɨɗɨn̰ ga ban sol Jesu hug bɨ na, ban gay gɔsɛ bɨ ba bib tumoyi bɨ ye dan̰ tumoyi di daa pəŋ ye hɨn̰: «Jesu, Kurɨn̰-Kumu gɨ ɗɨn̰ cay hɨnga nɔm na wa ma mɨn̰ gey gusɨnɨ ga? Ɨŋ olɨn̰ gɨləŋ mɨrɨn̰tɨn̰i naŋ.»

Kɔl-gɨ-Ɗari gɨ Lug wal 8:37

Ɨni na, kalaŋ nɔm ga a cay gɨsəŋ ga Gerasa gaŋ hundɔrɔ gɨ gumu baa toyge bɨ, olge Jesu gɨ ban na saa ɗa cay gɨsəŋ kage coŋ. Jesu nay duroy koburo gɨ gumu taa taa gɨŋ kɨya jɔgɛ.

Kɔl-gɨ-Ɗari gɨ Ja̰ wal 16:8

Kɨɗɨn̰ ga ban na bugoŋ ɨni na, ban kɨya lɔɔ gɨ cɨn̰ kalaŋ ga cay gɨsəŋ gaŋ kɨya hangaŋ cay ɨsɨna gɨŋ bɨ, cay gɨye-lɔɔ gɨ dan̰ durɔ ɗɨngar bɨ, cay bɔyɛ kɔl gɨ da Kumu bɨ.

Kɔl-gɨ-Ɗari gɨ Ja̰ wal 20:17

Jesu jɨga yoo hɨn̰: «Ɨsɨbəŋ naŋ, kɨya wa ɨŋ ɨra a gusi Banɨ naŋ ƴee. Kɛɛ me-hɨndi na, ɨra wayan̰ karmɨnɨ bɨ, yage gɨ ɨŋ or na gusi Banɨ gɨ na Baygɨŋ bɨ, gusi Kumu hɨnge gɨ na Kumu kogɨŋ bɨ le.»

Gɨye-lɔɔ 16:29

Ɨni na, ba-game ka-dangay le, ɨngɨr tɨwa bɨ, say gɨrɨn̰ daa andɨn̰ pɨla boy ƴaa dangay dɨŋ bɨ, ban̰ tumoyi Pol dan̰ Sɨlas. Hundɔrɔ leeyi gɨ ban saydɨde paɗɨ paɗɨ.

Gɨye-lɔɔ 2:37

Kɨɗɨn̰ ga kalaŋ le jege kɔl gɨ nee le na, ɗugoyge adɨldɨge been̰ been̰. Lee gɨ kan ɨngɨr Pɨyɛr bɨ, ka-gɨre-gɨye ga ɗaŋ bɨ yege hɨn̰: «Karmɨni, kɛ ni gɨ lɔɔ na mɨna ga?»

Magtubu di Pol wal bɨn̰ kalaŋ ga Rɔm 8:16

Turnɔ di da Kumu dan̰ guso kalɨn̰ ma lee tɨmon̰ a ɗugoyna gɨ na naa karɨn̰ Kumu.

Magtubu di Pol wal bɨn̰ kalaŋ ga Rɔm 8:23

Ama na hɨnga se ga da Kumu ba gɨle-cɨn̰ kan̰dɨge naŋ. Na-gandi ga na orɨn̰ dan̰ Turnɔ di da Kumu di woy gɨlɨn̰ hɨn̰ hɨnga ga ni bɨn̰ Kumu ga cay wase cɨg cɨg ga Kumu bɨna le. Na-gandi kalɨn̰ ma, na ɨle gusɨna a kuyoŋdi-gusɨna gɨŋ ƴen̰, gamɨn̰ gɨ Kumu na dɨɗɨn̰ kɨbɨ gɨye koyi cayna bɨ, bɨlna laan̰ karɨndi kɨɗɨn̰ ga ban kɨya pɔɗɛ kuyoŋdi-gusɨna bɨ.

Magtubu di Pol wal bɨn̰ kalaŋ ga Rɔm 8:26

Na toy di hɨn̰ wo̰ ma, Turnɔ di da Kumu dan̰ guso kalɨn̰ ma kɨya jɨbe toyna nee kɨya wa na-gandi tɔgɨyna wɨye. Na sɨlagɨŋ gɨyəŋ gɨ ojɨ gɨ ni olɨn̰ Kumu naŋ, ama Turnɔ di da Kumu kɨya ɔlɛ Kumu kɨya cayna dan̰ dɔrɛ ule gɨ ungo ɓala yɔ koldi naŋ.

Magtubu di Pol wal bɨn̰ kalaŋ ga Rɔm 9:4

Kan na te wɨn̰je gɨ da Ɨsɨrayɛl. Na kan ma na te wɔɔ gɨ Kumu torge ɗe na bɨlege karɨn̰ Kumu bɨ, na kan ma ban gɨlge gusoŋ-tɔgɛ koyi bɨ, na kan ma ban saɗɨ kɨbi pɨna danage bɨ, na kan ma ban bɨge gasɨn̰-kɔl kayi bɨ, na kan ma ban gɨlge gɨyəŋ gɨ ni n̰ɨrii bɨ, na kan ma ban yege kɔl hɨnga ga ɗi na kɨya bɨge bɨ.

1 Korɛ̰t 2:12

Ama na-gandi na, na waa na turnɔ da kalaŋ ga a cay gɨsəŋ gaŋ kɛ naŋ, ama na Turnɔ di sayga gusi Kumu ɗe ana na solɨn̰ hɨngan̰əŋ ga Kumu bɨna dan̰ ɗarwa toy.

2 Korɛ̰t 11:4

Hɨn̰ gɨ ungo na ɨra gusɨgɨŋ bɨ, tɨgagɨŋ bɛrnɛ di da Jesu di ɗaŋ dan̰ di ni ba təgɨŋ bɛrnɛdo le, kɨŋ je noyi. Kɨŋ ƴom cay tɨbaygɨŋ kɨya jon̰ noy turnɔ di ɗaŋ dan̰ Turnɔ ɗe-kuduroy-bɛrɛ di tumɔ kɨŋ ba je nɔɔ le. Hɨn̰ gɨ ungo na tɨgagɨŋ bɛrnɛ di da Kɔl-gɨ-Ɗari gɨ ɗaŋ dan̰ di tumɔ na, kɨŋ je noyi bɨ kɨŋ kobɨ kardi haw wo̰ bɨ. Kɨŋ ƴom kuduroygɨŋ osu kɨya ungo gɨ hɨn̰ wo̰ bɨ.

Galad 2:4

Ni ye kɔl gɨ ojɨn̰ cay wale ban̰a na kɨya gɨ karmɨni ga pɨna wo̰, ga na ka-aye kudurɔ gɨ cɨndi naŋ ga andɨgaŋge duroyni. Kan ɨrgage na wɔsɛ gɨŋ, kɨya n̰ɨlange ɔrɛ gɨ ni orɨn̰ cayni kalɨn̰ a te gɨyəŋ gɨ da bugoŋ pɨna koni gɨŋ dan̰ Jesu-Kɨris le sɔlɛ. Kɨya wa kan geyge ɗɔɔ hada di da kalaŋ ga na Jubɨ cayni, bɨrɨŋ gɨ ni na bɨləŋ gɔyɔŋ.

Galad 5:1

Kɨris bɨlnagɨŋ leen̰ kalaŋ ga somge cayge kalɨn̰, ɗe gɨ ana na orɨn̰gɨŋ cay nagɨŋ kalɨn̰. Ɨrgɨŋ usa cay nee bɨ, kan̰agɨŋ bɨle gɔyɔŋ coŋ ɗaŋ coŋ.

Epɛs 1:5

Kumu tumɔ ojɨ gɨ ɗi na kɨya lɔɔ gɨ na na bɨləŋ karɨndi kol cay hɨnga ga Jesu-Kɨris ba lee. Na hɨnga ga ban gey gɨ na wɨya hɨn̰ wo̰ kɨya cay ɗarwa toyi.

2 Timote 1:7

Kɨya wa Kumu bɨnagɨŋ na Turnɔ di ni hɨndarɨn̰ cɨn̰ ungo naŋ. Ama dan̰ gɨyəŋ gɨ da Turnɔ ɗe-kuduroy-bɛrɛ le, ban bɨnagɨŋ tɔgɨ bɨ, geye bɨ, ƴɔmɛ gusɨna osɨwa cay hɨnga gaŋ bɨ.

Əbɨro 2:15

Ama Jesu ma hɨn̰ wo̰ na kɨya dorɨn̰ kalaŋ nɔm ga sɔmɛ-bɨra koge nɔm na a te guyɔŋdu da hundɔrɔ tɨma dɨŋ bogɨge daa.

Magtubu di Jag wal 2:19

Kumu na pɨna hayi kəɗ kəɗ kɛ ji gey cay nee han̰ ga? Kuɗa na ase naŋ. Turnɔ ga ɨsɨndəŋ kalɨn̰ ma, beege kuduroyge cayi na hɨn̰ wo̰ bɨ, ama juɗudonge-bɛrɛ dan̰ hundɔrɔ jag jag.

1 Ja̰ 4:18

Hɨn̰ gɨ nana sɨlagɨŋ geye gɨ da Kumu na, na kɨya hundɔrɔgɨŋ naŋ. Geye gɨ duroŋ cɨrɛɗ le tay hundɔrɔ gusoo coŋ. Hundɔrɔ sayga na gusi ɨrɨme gɨ da hale gɨ ji kɨya wɔɔ. Ungo gɨ ba hundɔrɔ le duroŋ cɨrɛɗ a te geye gɨŋ naŋ ƴee.